Tashmë, Gashi mund të vazhdojë punën si mjek në klinikat private.

Dhe kështu ka ndodhur, ku pas vvendimit të togave të zeza, klinika private “Megis” në pronësi të mjekut Edmond Gashi, ka njoftuar se ky i fundit është rikthyer në klinikë.

“Me kënaqësi ju informojmë se Dr. Edmond Gashi është rikthyer në klinikën tonë dhe është gati t’ju mirëpresë me kujdesin dhe përkushtimin që e karakterizon. Pas një periudhe sfiduese, Dr. Gashi është plotësisht i përkushtuar të vazhdojë të ofrojë shërbimin e tij profesional për të gjithë ju.

Ju ftojmë të rezervoni takimin tuaj për një përkujdesje shëndetësore të përkushtuar dhe të plotë. Dr. Gashi ju mirëpret“, thuhet në njoftimin e shpërndarë nga klinika private, e cila ishte gjithashtu pjesë e kontrolleve të SPAK, kur u zbardh skandali i mjekëve që merrnin para nga pacientët me kancer.

Edmond Gashi, ndodhej në masën e sigurisë “Arrest në shtëpi”, por vazhdimisht ka kërkuar heqjen e saj, sepse thoshte se kishte shumë pacientë që e prisnin për trajtim.

Kërkesa e tij është pranuar dje nga Gjykata e Posaçme e Apelit dhe Edmond Gashi, do të jetë i lirë me garanci pasurore 20 milionë lekë.

The post Garanci me 20 milionë lekë për lirinë/ Edmond Gashi fton pacientët të caktojnë vizitat: Jam gati t’ju mirëpres me kujdesin që më karakterizon appeared first on Albeu.com.

Njoftohet se të sëmurët u transportuan në Sauk me autoambulanca.

Zjarri ka rënë në një prej bodrumeve dhe ka shkaktuar shumë tym çka rrezikonte të shkaktonte asfiksi te pacientët.

Mësohet se është bërë evakuimi i pjesës më të madhe të pacientëve. Krahas pacientëve të dërguar me urgjencë në Sauk, disa u sistemuan në pavione te tjera të QSUT-së.

Ndërkaq, në vendngjarje kanë mbërritur menjëherë zjarrfikëset e Tiranës, dhe pas ndërhyrjes zjarri është vënë nën kontroll ashtu siç sqaron edhe QSUTja në reagimin e saj për media.

Reagim për Media nga QSUNT:

Në orët e para të mëngjesit të ditës së sotme në katin -1 të godinës së QSUT është raportuar tym.

Menjëherë janë marrë masat për sigurimin e pacientëve të shtruar dhe situata u vu nën kontroll në një kohë rekord dhe shkaqet e tymit po hetohen.

Situata është në monitorim të vazhdueshëm dhe pacientët janë të gjithë jashtë rrezikut për jetën, falë anagazhimit të personelit mjekesor dhe atij zjarrefikës.

Çdo gjë është nën kontroll dhe gjendja paraqitet e qetë.

The post Zjarr në urgjencën e re të QSUT! Evakuohen pacientët, dërgohen në Sauk me autoambulanca appeared first on Albeu.com.

E dashur dhe e kujtuar nga të gjithë në klinikën ”Steere House” për të moshuarit me sëmundje degjenerative në Providence, SHBA, ajo mbetet ende një mister i pazgjidhur.

Macja Oscar në spitalin ”Steere House” ka tërhequr vëmendjen për aftësinë e saj të supozuar për të parashikuar vdekjen e afërt të pacientëve.

Macet kanë një aftësi të jashtëzakonshme intuitive dhe prania e saj pranë shtretërve të pacientëve është shoqëruar me vdekje të menjëhershme në rreth 100 raste të dokumentuara.

Historia e saj ngjalli interesim të madh, si te personeli mjekësor ashtu edhe tek publiku, pasi sjellja e saj në dukje parashikuese u përshkrua në media të ndryshme dhe madje edhe në revista mjekësore si ”New England Journal of Medicine”.

Disa ekspertë kanë sugjeruar që Oscar mund të ndjejë ndryshime biokimike ose ndryshime të tjera në trupin e pacientëve, duke treguar fundin e afërt të jetës së tyre.

Megjithatë, duhet theksuar se kjo temë ngre disa pikëpyetje dhe dyshime për fuqinë e saj reale për të parashikuar vdekjen.

Për më tepër, disa zëra në botën mjekësore sugjerojnë se sjellja e Oscar mund të jetë rezultat i rastësisë, me pak të dhëna shkencore për të vërtetuar besueshmërinë e saj.

Pavarësisht se fatkeqësisht ajo ngordhi në vitin 2022, aftësia e saj është ende objekt spekulimesh dhe studimesh, pa asnjë shpjegim përfundimtar për sjelljen e saj të jashtëzakonshme.

The post “Baba Vanga” e maceve, kafsha që parashikonte pacientët që do të vdisnin appeared first on Albeu.com.

Dr. James Heaps, 66 vjeç, i cili u dënua vitin e kaluar për tre akuza për mashtrim seksual dhe dy akuza për penetrim seksual të dy pacientëve, u urdhërua të mërkurën të vuante 11 vjet burg.

Pas lirimit të tij, Heaps do t’i kërkohet gjithashtu të regjistrohet si shkelës seksual, tha media.

Dikur një nga punonjësit më të paguar të UCLA Health , Heaps u arrestua në vitin 2019 bazuar në pretendimet e disa pacientëve se ai i përqafoi, bëri komente të turpshme dhe kreu ekzaminime invazive të panevojshme.

Më pas u zbulua se ankesat për sjelljen e Heaps më parë nuk adresoheshin deri në fund të vitit 2017, kur një hetim zyrtar u nis nga zyra e Titullit IX të universitetit, raportoi gazeta.

Heaps, i cili pa më shumë se 6,000 pacientë gjatë gjithë karrierës së tij, u lejua të vazhdonte praktikën deri në qershor 2018, kur UCLA nuk pranoi të rinovonte kontratën e tij dhe i solli akuzat në polici.

The post Abuzoi seksualisht me pacientet, dënohet me 11 vite burg gjinekologu appeared first on Albeu.com.

Ky test ndihmon në hartimin e dietave të detajuara, kryesisht për personat mbi peshë, por jo vetëm. Ekzaminime të tilla bëhen vetëm nga klinika apo laboratorë të specializuar. Por sa të specializuara janë klinikat që ofrojnë këtë shërbim në Kosovë.

Ekipi i “Pranjave” vizituan një nga katër klinikat private në Prishtinë që bëjnë testin e intolerancës ushqimore dhe zbuluan se ky shërbim ishte një skemë mashtrimi. Nga investigimi i “Piranjave” rezultoi se nuk ka laborator të certifikuar që kryen analizën e intolerancës ushqimorë në Kosovë, Shqipëri dhe Maqedoni të Veriut.

“Piranjat” zbuluan gjithashtu se stafi mjekësor që pretendonte se kryente këto teste në klinikën private në Prishtinë nuk kishte kompetencat për të bërë analizën e intolerancës ushqimore, me mjekë pa diploma dhe të paspecializuar që merrnin përsipër të hartonin dietat e qytetarëve duke i vënë në rrezik jetën. Ndër të tjera klinika private e vendosur në qendër të Prishtinës u merrte pacientëve 150 euro për testin e supozuar të intolerancës ushqimore, për të cilin klinikat nuk prisnin as kuponë tatimor.

Emisioni investigativo-statrik “Piranjat” u rikthye në ekranin e ABC-së, mbrëmjen e sotme në orën 21:01. Sërish “Pirnjat” premtojnë tema delikate të cilave do u shkohet deri në fund, shpesh të trajtuara me doza ironie e komiciteti.

Emisioni i konceptuar si një show investigativ, që është eksploruar për herë të parë në ekranin e ABC-së, do të moderohet nga Florjan Binaj dhe Arilena Ara. Në 2 orë e 30 minuta Emisioni “Piranjat” do të trajtojë tema delikate, investigime dhe denoncime.

Por gjithashtu do të ketë kamera të fshehta, reportazhe me histori njerëzore nga e gjithë Shqipëria.

Nuk do të mungojnë as këtë sezon kronikat humoristike, të përgatitura me shumë kujdes nga piranjat e emisionit./abcnews.al/

The post 150 euro për analizën e “intolerancës ushqimore”, demaskohet klinika private në Prishtinë, si i zhvaste pacientët (VIDEO) appeared first on Albeu.com.

Këto janë probleme që përkeqësohen ndjeshëm në periudhën e verës dhe shpesh pacientët thonë se kur vjen vera është më e keqja për ta.

Si të shmangni përkeqësimin?

Mjekët kanë zbuluar se si të shmangni përkeqësimin e venave të zgjeruara në vapë.

Rekomandohet që të lëvizni më shumë, të jeni më aktiv fizikisht dhe ekspertët rekomandojnë not, çiklizëm dhe ecje në natyrë.

Është gjithashtu e rëndësishme të pini më shumë lëngje, të mos qëndroni shumë në diell, si dhe të bëni dush (sidomos këmbët) me ujë të nxehtë dhe të ftohtë të alternuar./albeu.com

The post Venat e zgjeruara përkeqësohen në verë, si të parandaloni dhimbjet e forta appeared first on Albeu.com.