Sipas tij, Rama është ndër të angazhuarit më fanatik të projektit të ndarjes së Kosovës.

“Edi Rama është ndër të angazhuarit më fanatik të projektit të ndarjes së Kosovës.

Edi Rama është ndër themeluesit në Nish të projektit të “Ballkanit të Hapur”.

Edi Rama është autori i hedhjes në gjyq, për herë të parë dhe besoj të fundit në historinë e shtetit tonë dhe të shtetit të Kosovës, të kryeministrit të Kosovës, z.Ramush Hajradinaj.

Edi Rama është autori i deklaratës skandaloze, që tronditi dhe mediat britanike, se veriu i Kosovës, është tokë e askujt.

Edi Rama është autori i deklaratës skandaloze, që së afërmi Shqipëria dhe Kosova, do të kishin një President.

Është Edi Rama, ai që u vonua më shumë nga të gjithë, përsa i takon sulmit terrorist në Banjskë.

Është Edi Rama, ai që kur u rrëmbyen policët e Kosovës në territorin e tyre nga ushtria serbe, nuk e dënoi këtë akt.

Është Edi Rama, i cili provokon vazhdimisht Kosovën, pavarësinë e saj, shtetin e saj dhe njëkohësisht i mban ison Serbisë.

Kosova është një shtet i pavarur. Këtë vullnet e ka njohur dhe e ka legjitimuar Gjykata Ndërkombëtare e Drejtësisë, që Edi Rama, asnjëherë nuk e ka përmendur në 11 vite në pushtet”, u shpreh Meta.

The post Meta: Rama, armik i Kosovës dhe kombit! Është ndër themeluesit e projektit të “Ballkanit të Hapur” appeared first on Albeu.com.

A shtoi se pas ngjarjeve në Kosovë të 24 shtatorit, Serbia duhet të bëjë përpjekje që të dëshmojë se nuk është e përfshirë në atë ngjarje.

“Sepse nëse ka ndonjë ndërhyrje të shtetit, realisht na e bën të pamundur pjesëmarrjen shteteve tjera në rajon, sepse ideja e “Ballkanit të Hapur”, mbi të gjitha ishte pajtimi. Dhe ajo që ndodhi në veri të Kosovës, shpresoj të dëshmohet se nuk ka asnjë përfshirje shtetërore, por nëse vërtetohet, vërtet mendoj se duhet ta rishqyrtojmë pjesëmarrjen tonë”, theksoi Osmani.

The post Osmani: Nëse vërtetohet se Serbia ka gisht në ngjarjet në veri të Kosovës, do ta rishqyrtojmë pjesëmarrjen në “Open Balkan” appeared first on Albeu.com.

Berisha tha se Rama e mori këtë vendim pasi “i nxorën kartonin e kuq”.

“Ballkanin e Hapur e mbështeste vetëm Soros dhe Lavrov. Bllokuan rezolutën kundër gjenocidit serb në Kosovë

Së dyti, rezoluta e genocidit ciklik serb në Kosovë. Edi Rama e bllokon këtë rezolutë prej një viti, dhe në mënyrë antiligjore, antikushtetuese ajo nuk vjen në parlament.

Rezolutën e genocidit ciklik serb, Edi Rama e bllokoi si një argat i Vuçiçit, i cili në një akt armiqësor ndaj Kosovës, dhe ndaj kombit shqiptar e bllokoi këtë rezolutë në kuadër të Ballkanit të Hapur, apo mini Shengenit të Novisadit.

Ju jeni dëshmitarë, sesi nga tetori i vitit 2019, katër vite me radhë, Edi Rama u bë zelltar kryesor i projektit antishqiptar dhe antieuropian të Aleksandër Vuçiç, projektit të vendosjes së hegjemonisë serbe në rajon, të krijimit, siç do të thoshte vet Vuçiç, të Jugosllavisë së re plus Shqipërinë.

Në këtë kontekst filloi dhe të shëtisë si fantazmë përçarëse në Ballkan, një aleancë e re Beograd-Tiranë-Shkup. Aleksandër Vuçiç me dy vasalët e tij, aleancë që krijoi përçarje të madhe në rajon, aleancë që kishte si qëllim kryesor gllabërimin e Kosovës, ndaj edhe në hartën e parë që prodhuan ata fshinë si Kosovën si shtet të pavarur dhe e paraqitën si një territor tërësisht të inegruar tërësisht në territorin e Serbisë.

Edi Rama kalonte nga samiti në samit, duke iu dhënë mend europianëve se kjo është nismë shumë më e vlefshme se, sesa procesi i Berlinit pothuaj gjysmë gjallë, gjysmë i vdekur. Dhe liderve të BE u thoshte se: ju nuk arrini të kuptoni. I paraqiste moskuptues, etj.

Dy persona mbështesnin fuqishëm këtë projekt. Ky ishte Sergej Lavrov, i cili nismën e Berlinit e quante Ballkani i Mbyllur i Brukselit, edhe pse përfshinte të gjashtë shtetet, bazohej në Ballkanin e shtetevë sovrane dhe të barabarta, dhe jo nga Ballkani i domunuar nga hegjenomizmi serb dhe rus.

I dyti ishte, Alexis Soros, kumbari i këtij projekti i cili u emërtua me titullin e një artikulli që kishte shkruar i ati në vitin 1991. Ballkani i Hapur bllokoi rezolutën e genocidit serb për Kosovën.”, tha Berisha.

The post Rama e shpalli të mbyllur Ballkanin e Hapur, Berisha: I nxorrën kartonin e kuq appeared first on Albeu.com.

Takimi do të zhvillohet në kuadër të iniciaticë të “Open Balkan”.

Kryeministrat pritet të diskutojnë përmbushjen e asaj çfarë është dakordësuar në takimet e shkuara të “Open Ballkan”.Sigurisht situata në rajon e posaçërisht zhvillimet në Veri të Kosovës do të jenë pjesë e diskutimeve.

Vendi i zgjedhur për këtë takim është një prej hoteleve hapur kohët e fundit në qendër të Tiranës./albeu.com/ 

The post Kryeministrat e Ballkanit Perëndimor takohen në Tiranë appeared first on Albeu.com.

Rama kujtoi takimin me kryeminitrin e Kosovës një javë më parë dhe u shpreh se e ka parë Albin Kurtin më të hapur e më konstruktiv se më parë, për lënien pas të së shkuarës dhe normalizimin e marrdhënieve e Serbinë.

“Nëse do të vazhdonim të mos i flisnim njëri-tjetrit e të qëndronim në barrikadat e së shkuarës, sot mund të kishim qenë në një pozicion shumë të keq me të gjitha krizat që janë shpalosur vetëm në kufijtë e Evropës. Natyrisht kemi një mosmarrëveshje të madhe apo një distancë mjaft e madhe kur bëhet fjalë për atë që ju e quani Kosova e Metohia dhe unë e quaj Kosova. Kjo është arsye për të folur më shumë.

Edhe procesi i normalizimit është në një tjetër pozitë sot. Besoj fort se edhe pse të gjithë mund të marrin merita, mendoj që u shkojnë qytetarëve të këtij rajoni dhe nevojës për të mos i çuar njerëzit në buzën e një humnere tjetër. Jam takuar me Kurtin para pak ditësh dhe është më i hapur e konstruktiv se më parë.

I thashë dhe e përsëris se duhet të nxisim e të sigurohemi se si Asociacioni dhe aspekti fetar i dialogut garantohen 100% për qytetarët serb në Kosovë që janë pakicë dhe duhen parë si urë e së ardhmes, jo problem mes të gjithëve ne në të ardhmen. Këto nuk janë më tabu dhe i thashë që ka mbështetjen tonë të plotë për të ecur përpara e për të lënë pas krahëve të shkuarën. Jemi këtu për prodhuesit tanë që është shumë më tepër se një produkt, është emri i një vendi. Jemi me ta për t’iu hapur dyert e një prej panaireve më të mëdha.

Duam të bëjmë më shumë me panairin e bukës dhe verërave, fëmijët, artin e kulturën dhe të gjithë të përfshihen. Panairi i Verërave është për të gjithë prodhuesit dhe nëse prodhues nga Franca, Italia apo Australia, atëherë pse prodhuesit nga Kosova, Mali i Zi dhe Bosnja jo? Duhet të ecim në këtë drejtim dhe më besoni që me të gjitha problemet e patriotët me të cilët na është dashur të merremi dhe nuk janë patriot se për të dashur vendin e vet s’duhet të urresh e të djegësh dikë tjetër, jemi në pozicionin më të mirë ku duhet të jemi. Jam shumë i lumtur të kemi SHBA e BE që japin merita për procesin e Berlinit”, tha Rama.

The post “Kurti, më i hapur dhe konstruktiv”, Rama: Mosmarrëveshjet e mëdha me Serbinë i kemi për Kosovën appeared first on Albeu.com.

Rama tha se kjo është një mundësi e shkëlqyer që prodhuesit shqiptarët, serbë e maqedonas të njihen me kampionët e prodhimit të verërave dhe u ndal te Open Balkan duke përmendur shifra në lidhje me bashkëpunimin. G

jithashtu Rama përmendi dhe BE, ku tha se do të bëjnë detyrat dhe theksoi se nuk duan përjshpejtim artificial.

“Falemiderti kryetarit të bashkisë për mikëpritjen dhe që na lejoi të ndihemi për një orë tërësisht si në shtëpi për të zhvilluar gjithashtu këtë komunikim. Jemi të tre këtu sepse ia kemi dalë të jemi pjesë në një nga manifestimet më të madha të prodhimit verës në Europë, në Itali. Prodhuesit tanë po përfshihen në nivelin e ligë së kampione. Do të jetë një mundësi e shkëlqyer për të folur për bujqësinë tonë, prodhimin e verërave sfidave dhe pengesave. Do të jetë  mundësi e mirë dhe për prodhurit të vihen në kontakt me më të mirët.

Nga ana tjetër ishte një mundësi për të ndarë pikëpamje dhe për të paraprirë panairin e verës në maj, panairin e bukës në vjeshtë. Kemi nisur të organizojmë kupën e parë verore të fëmijëvë të fillores dhe të mesme. Duke përjetuar këtë përvojë, fëmijët do të mësojnë nga njëri tjetrit. Me kohën do të ruajmë këto përvoja si thesarë.

Pika tjetër që është shumë e rëndësishme është se po punojë për një pikëpamje strategjike për të forcuar bashkëpunimin me BE, por dhe për të siguaruar një dialog shumë të qartë për kë bën çfarë. Ne nuk duam të na bëhen dhurata e të bëhen përjshpejtime artificiale, por do të bëjmë detyrat tona. Jemi të shqetësuar për vrullin e ri në Europë në kërkim të forcës së punës. Është e drejta e tyre, por duhet të diskutojmë në mënyrë të thelluar në maj. Doja të përmendoja shifra për vëllimin tregtar mes vendeve të Ballkanit, që është rritur me 1/4. Jemi sh të lumtur të shohin se dhe në procesin e Berlinit përparim. Nuk janë nisma kundërshtuese, por përplotësuese”, tha Rama.

Edhe presidenti Vuçiç bëri disa komente në lidhje me panairin dhe rezultatet e bashkëpunimit Open Balkan.

“Besojmë se do të përgatisim gjithçka para nisjes së sezonit veror. Diskutuam për çështje konkretet dhe për ato që lidhen me sigurinë ushqimore. Bashkë me RMV do t’u japin kartën elektronike. Diskutiam për pranimin dhe njohje e kartave të reja të ID, që do të ndihojnë shqiptarët.

Bëmë thuajse gjithçka lidhur me procesin e lëshimit të lejeve të punës. Diçka shumë se rëndësishme është se kemi rritur nivelin e tregtisë. Pegesa jonë më e madhe është kur ke një kamion që transporton dicka shpenzon 70% të kohës në kufi. Ka shumë gjëra për tu tejkaluar. Rama do të zhvillojë panairin e bukës, verës, festivalin e filmit etj. Faleminderit dhe njëherë miqtë e mi.”, tha Vuçiç./albeu.com

The post Stenda “Open Balkan” në panairin e verës në Verona, Rama: Prodhuesit tanë po përfshihen në nivelin e ligës së kampionëve appeared first on Albeu.com.

Në tryezë të diskutimeve kishin një propozim të BE-së për normalizimin e marrëdhënieve, që u titullua “Marrëveshje drejt normalizimit Kosovë-Serbi”.

Shefi i politikës së jashtme të BE-së, Josep Borrell, i cili ndërmjetësoi takimin, tha se palët u dakorduan për të vazhduar me zbatimin e kësaj marrëveshjeje.

Sot, kreu i Partisë së Lirisë Ilir Meta, ka komentuar takimin ku u shoreh se ishte një mundësi e mirë për të hedhur një hap të qëndrueshëm e pozitiv drejt njohjes së ndërsjelltë, paqes dhe integrimit europian të Kosovës dhe Serbisë.

Meta përgëzoi Kurtin duke thënë se ishte i përgatitur dhe kontruktiv, ndërs ashtoi se e ardhmja e rajonit tonë nuk është te skemat dhe taktikat si puna e “Ballkanit të Hapur”, as te “tërheqjet e veshëve” por te marrëveshjet e drejta, transparente, që konkretizojnë integrimin europian.

Postimi i Metës:

Mbrëmë në Bruksel ishte një mundësi e mirë për të hedhur një hap të qëndrueshëm e pozitiv drejt njohjes së ndërsjelltë, paqes dhe integrimit europian të Kosovës dhe Serbisë.

Teksti zyrtar i marrëveshjes pati elemente që meritojnë vlerësim pozitiv, përderisa palët zotohen që të udhëhiqen nga synimet e parimet e përcaktuara në Kartën e Kombeve të Bashkuara, sidomos ato për barazinë sovrane të Shteteve, respektimin e Pavarësisë, autonomisë dhe integritetit territorial të tyre, si dhe të Drejtën për Vetëvendosje.

E përgëzoj kryeministrin e Kosovës, z. Kurti, që kishte shkuar i përgatitur dhe konstruktiv.
Shpresoj që edhe Presidenti i Serbisë ta gjejë guximin e të nënshkruajë sa më shpejt, sepse koha kurrë nuk mund të kthehet pas.

E ardhmja e rajonit tonë nuk është te skemat dhe taktikat si puna e “Ballkanit të Hapur”, as te “tërheqjet e veshëve” por te marrëveshjet e drejta, transparente, që konkretizojnë integrimin europian dhe i hapin rrugën fqinjësisë së mirë, ku asnjë fqinj nuk e dominon tjetrin./albeu.com

The post Takimi Kurti-Vuçiç në Bruksel, Meta: Përgëzoj kryeministrin e Kosovës, e ardhmja e rajonit nuk është te skemat si “Ballkani Hapur” appeared first on Albeu.com.

Kovaçevski dhe Vuçiç theksuan se integrimi evropian i vendeve të Ballkanit Perëndimor është interes politik, i sigurisë dhe ekonomik i BE-së, përcjell Klan Macedonia.

Në takim, siç thonë nga qeveria, kryeministri i Maqedonisë së Veriut dhe presidenti i Serbisë shkëmbyen mendime për marrëdhëniet dypalëshe ndërmjet dy vendeve, si dhe vazhdimin e bashkëpunimit rajonal dhe nismat aktuale rajonale.

“Të dy bashkëbiseduesit përshëndetën ratifikimin e Marrëveshjeve të dala nga Ballkani i Hapur, me të cilat më në fund bëhet realitet që qytetarët e Maqedonisë së Veriut, Serbisë dhe Shqipërisë mund të punojnë në cilindo nga tre vendet pa marrë leje pune, pa asnjë pengesë, pa aplikimet dhe pritjet, pa kosto administrative”, njoftojnë nga Qeveria./KlanMacedonia

The post Kovaçevksi takon Vuçiç në Mynih, zbardhet biseda e tyre për Open Balkan appeared first on Albeu.com.

Vuçiç shkruan: “Me mikun tim, Edi Rama. I fola për nismën Ballkani i Hapur dhe për çështjet tona të përbashkëta”.

 

View this post on Instagram

 

A post shared by Aleksandar Vučić (@buducnostsrbijeav)

Kujtojmë se Vuçiç ishte shprehur kundër pjesëmarrjes në samit, por më vonë ndërroi mendje./albeu.com

The post Vuçiç ndan foton me Ramën në Tiranë: Me mikun tim, po flasim për Ballkanin e Hapur appeared first on Albeu.com.

“Duhet patjetër të ketë lidhje të sistemeve. Tani fizikisht janë ngjitur kabina me kabinë por nuk do të thotë se kontrollin e bëjnë bashkë. Esenca e zbatimit të kontrollit të përbashkët nënkupton kur të shkëmbejnë të dhënat me një sistem të ndërlidhur. Kur vjen kamioni, nëse njëra palë është e informuar për çfarë lloji të mallit bëhet fjalë, nëse në hyrje nga pala maqedonase apo në dalje nga pala serbe, procesi aty duhet të përfundoj”, tha Biljana Peeva-Gjuriq, Oda Ekonomike.

Shoferët e kamionëve nëse i zë ora 16 në kolonën e terminalit doganor të Tabanocës, duhet të presin deri të nesërmen në 7 të mëngjesit. Kjo ndodh pasi që inspektorët e Drejtorisë fito sanitare dhe të Agjencisë së ushqimit dhe veterinarisë nuk pranon dokumente edhe pse punon deri ora 19. Vozitësit e transportit të mallrave thonë se edhe kjo nuk mjafton, andaj kërkojnë që të gjitha shërbimet të punojnë në tre turne dhe të hapen më shumë korsi të tipit një sportel për hyrje dalje me Serbinë dhe Shqipërinë.

“Shpedicionet dhe kompanitë ankohen se janë të mbingarkuar me kërkesa të dokumenteve edhe për procedurat që nuk duhet të jenë në letër por në formë elektronike. Drejtoria fito sanitare në Ministrinë e Bujqësisë, kërkojnë dëshmi në letër pasi që nuk kanë pajisjet e duhura elektronike për ti kontrolluar”, tha Aneta Dimovska, Oda Ekonomike.

Për muajin korrik-gusht rreth 60 mijë kamionë kanë hyrë dhe dalë përmes procedurës doganore, pa llogaritur ata të cilët vetëm kanë transituar nëpër Maqedoninë e Veriut. Sipas tyre, çdo ditë kolonat bëhen deri në 2 km nga 30-40 kamionë, të cilët thuhet se presin nga 2-3 orë. Nga Oda i bëjnë thirrje Drejtorisë së Doganave dhe MPB-së të ndërmarrin sa më shpejtë hapa për lehtësimin e qarkullimit të mallrave./Alsat.mk

The post “Open Balkan” nuk funksionin në doganën Tabanoc, krijohet 2 km radhë, ankohen shoferët appeared first on Albeu.com.