Veshja e thjeshtë, linjat e përmirësuara ishin padyshim në risi që mund të shihnim nga kjo deputete. Kujtojmë se në sesionin e shkuar parlamentar, deputetja kishte një tjetër siluetë, me disa kilogramë më shumë.

Por këtë herë do të donim të flisnim për Oltën dhe faktin që pranë tashmë prej kohësh, nuk ka më afër mikeshat e saj nga radhët e Partisë Socialiste.

Ndonëse më parë, ishministrja shfaqej kudo me koleget e saj, u bë disa kohë që tashmë Oltën e shoqëron vetëm telefoni i saj. Ndoshta këto miqësi janë lëkundur, apo ndoshta fotot janë shkrepur në një moment kur ka qenë vetëm, por ajo që dimë me siguri është fakti se Xhaçka prej kohësh nuk është parë në shoqëri të mikeshave të PS.

The post FOTO/ Ish-ministrja Olta Xhaçka pa mikeshat e PS në Kuvend, deputeten e shoqëron vetëm… appeared first on Albeu.com.

Xhaçka ka dalë nga SPAK, ndërsa ka refuzuar të flasë për gazetarët, duke mos dhënë asnjë koment mbi arsyet përse është paraqitur në institucionin e drejtësisë.

Ndërkohë sipas raportimeve, thuhet se Xhaçka është thirrur në SPAK për hetimet mbi Portin e Limionit.

Hetimi nisi pas kallëzimit në SPAK nga ish-zëvendëskomandanti i Forcës Detare, Artur Meçollari në vitin 2021 kundër vendimit të Këshillit të Ministrave, që më 1 korrik 2020 vendosi që Baza Detare Limion me një sipërfaqe të përgjithshme mbi 265 mijë metra katrorë, t’i jepej me qira për 20 vjet me tarifën simbolike 1 euro bashkimit të 2 shoqërive.

Baza detare e Sarandës, do të qëndrojë e sekuestruar derisa Prokuroria e Posaçme të dalë me një vendim për hetimin e nisur lidhur me procedurat e ndjekura, për dhënien me qira te privati të pronës së ushtrisë.

Kujtojmë gjithashtu se ndaj ish-ministres Olta Xhaçka dhe bashkëshortit të saj Artan Agaçi, janë ngritur edhe akuza lidhur me privatizimin e tokave në Himarë ku do ndërtohej resort turistik, dhe mbi të cilën morën statusin e investitorit strategjik nga Edi Rama.

The post Pas 2 orësh, deputetja e PS Olta Xhaçka largohet nga SPAK appeared first on Albeu.com.

Nuk dihen ende arsyet e paraqitjes së Xhaçkës në SPAK.

Ndërsa e pyetur nga gazetarët, ajo nuk dha asnjë koment.

The post Olta Xhaçka paraqitet në Prokurorinë e Posaçme appeared first on Albeu.com.

Berisha ka theksuar se Rama ka pasur një interes të veçantë për të mbrojtur deputeten Olta Xhaçka, duke theksuar se ky është një shembull i ndërhyrjeve të pandershme në procesin zgjedhor.

Sipas Berishës, këto veprime janë një dëshmi e një sistemi të manipuluar dhe të kontrolluar, ku askush nuk mund të kërkojë rinumërim të votave pa u ndëshkuar.

“Tani, në një garë të ngushtë, ta zëmë, apo në një garë ku garojnë shumë kandidatë për një numër të pakët vendesh, kandidatët krijojnë dyshime se numërimi nuk u bë si duhet.

Për këtë Edi Rama lëshoi një udhëzim dhe i kërcënoi që ata të mos kërkojnë rinumërimin sepse i dalin lakrat në shesh.

Del se Olta, dihen ato lidhjet e tyre me Oltën, dihen ato, del jashtë parlamentit.

Kaq, por Olta nuk mund të dalë jashtë parlamentit se ata janë një familje në aksione dhe shumë gjëra.

Kështu që ky është urdhër.

Unë nuk e bëj kurrë një gjë të tillë.

Cilido që ka dyshimin më të vogël, të shkojë dhe të kërkojë.

Kjo është e drejtë.

Nuk mund të më shkojë mendja mua që të kërkoj që mos bëj këtë ose bëj këtë.

Në qoftë se ka numërim të gabuar, të dalë që është i gabuar.

Nëse është i drejtë, del se është i drejtë.

Por ai kishte hallin e Oltës.

Me Oltën, jo Gjylametit, por ai është i aftë t’i vërë flakën gjysmës së grupit parlamentar.

Cherchez la femme!”,– tha Berisha.

The post Sali Berisha: Për Oltën Rama i vë flakën jo Gjylametit, por gjysmës së grupit parlamentar appeared first on Albeu.com.

Konkretisht, Olta Xhaçka, ka marrë 5806 vota, ndërsa Blerina Gjylameti, numëron 5804 vota.

Ndërkohë kandidati më i votuar në listën e hapur të Tiranës për Partinë Socialiste është Blendi Gonxhe, me 22398 vota, i ndjekur nga Erion Braçe me 21364 vota, më pas ministri i Brendshëm, Ervin Hoxha me 19113 vota.

Ndërsa Fatmir Xhafaj, ka marrë 12677 vota dhe Ornaldo Rakipi 9683 vota, më pas Anila Denaj me 8783 vota.

Jashtë Parlamentit kanë mbetur disa prej figurave të njohura të PS-së, të cilët cilësohen edhe si “veteranë” të saj.

Pandeli Majko, Mimi Kodheli, Xhemal Qefalia, Toni Gogu, Ermonela Felaj, Etilda Gjonaj, Klotilda Bushka dhe Plarent Ndreca nuk kanë arritur të sigurojnë mandate.

Në zgjedhjet e 11 majit, Partia Socialiste fitoi mandatin e katërt qeverisës me 83 deputetë. Partia Demokratike siguroi 50 mandate, Partia Socialdemokrate 3, ndërsa subjektet e reja si “Mundësia” e Agron Shehajt mori 2 mandate. “Nisma Shqipëria Bëhet” dhe “Lëvizja Bashkë” siguruan nga një deputet secila.

The post Mbyllet numërimi i votave për qarkun e Tiranës, Olta Xhaçka apo Blerina Gjylameti, ja cila fitoi mandatin appeared first on Albeu.com.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 14.05.2025, shpalli vendimin mbi çështjen penale nr. 90 akti, datë 08.04.2025 regjistrimi, regjistruar mbi ankimin e Prokurorisë së Posaçme kundër Korrupsionit dhe Krimit të Organizuar, kundër vendimit nr. 58, datë 28.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar që ka vendosur:

“1. Pranimin e ankimit të bërë nga ankuesi Dh.A.B.

2. Detyrimin e Prokurorisë së Posaçme kundër Korrupsionit dhe Krimit të Organizuar për regjistrimin e procedimit penal dhe për vazhdimin e hetimeve për veprën penale “Shpërdorimi i detyrës”, “Falsifikimi i dokumenteve” dhe “Pastrimi i produkteve të veprës penale”, kryer në bashkëpunim, parashikuar nga nenet 248 186 287 të Kodit Penal, mbi parashtrimin e kallëzimit penal nr. 181, datë 04.09.2023, sipas pikës 42 të këtij vendimi.

3. Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 10 (dhjetë) ditëve duke filluar ky afat nga e nesërmja e njoftimit të këtij vendimi.”

Në përfundim, Gjykata e Posaçme e Apelit për Korrupsionin dhe Krimin e Organizuar vendosi:

Shfuqizimin e vendimit nr. 58, datë 28.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar.

Rrëzimin e ankimit të ankuesit Dh.A.B., me objekt “Shfuqizimin e vendimit/shkresës nr. 22920/1 Prot., datë 27.12.2024 të Prokurorisë së Posaçme kundër Korrupsionit dhe Krimit të Organizuar. Urdhërimin e regjistrimit të procedimit penal për veprën penale të kallëzuar dhe kryerjen e veprimeve hetimore përkatëse”, thuhet në vendimin e Apelit.

The post Olta Xhaçka dhe bashkëshorti i saj nuk do të hetohen, Apeli i Posaçëm shfuqizon vendimin e Shkallës së Parë appeared first on Albeu.com.

Një prej tyre ishte edhe Olta Xhaçka, ku fjalimi i saj ishte i mbushur me servilizma ndaj shefit të saj Edi Ramës, i cili i shpëtoi edhe mandatin sesionin e kaluar parlamentar, duke refuzuar Gjykatën Kushtetuese dhe Komisionin e Venecias.

Gjatë fjalimit të Xhaçkës, Erion Braçe ka bërë mimika të çuditshme, që duket se as vetë socialistët nuk i besojnë fjalët e saj.

Mimikat e Braçes gjatë fjalimit të Olta Xhaçkës janë bërë virale në rrjet.

The post VIDEO/ Olta Xhaçka “ia heq trurin” Erion Braçes me fjalimin “brilant”! Mimikat e socialistit thyejnë rrjet appeared first on Albeu.com.

Berisha theksoi gjithashtu, se nuk mund të rrijë në sallë “me një hajdute që ka marrë tokën publike”.

Më tej ai iu drejtohet socialistëve duke iu thënë: “Nuk mund të shkelmoni ju Kushtetutën sipas qejfit tuaj”.

Berisha: Ju ndjeheni mirë, se ju jeni si zogj të klloçkës, por asaj klloçkës do i vijë fundi dhe do dilni pa pupla.

Çfarë diskutojmë këtu?

Që këtu merr fund. Mazhoranca Xhaçka, Kushtetuta Xhaçka.

Edhe ju keni dosjet e krimit palë-palë. Nuk them secili prej jush, por shumë e shumë prej jush.

Ku është ky? Ja, kujt t’ia vesh dorën.

Po kjo Velistja që fliste në TV mbrëmë gjysmë ore mbrëmë për të se si i devijonte fondet.

Zonjë, është e shkruar në muret e parlamentit amendamenti yt direkt për 500 milionë lekë për djegësin e Tiranës. Ku janë ato na thuaj pak? Dhe kryeson një komision ti. Po ti je për komision tjetër. Po, po!

Po shëndetësia?

Po në qoftë se ka një sektor ku kryhen krime kundër njerëzimit është sektori i shëndetësisë.

Avoketërit e tyre nëpër studio thonë fjalët më të rënda për të sëmurët. Fjalë që nuk i thotë kush kurrë për të sëmurët. As në minutat e fundit të jetës së tyre nuk i thotë.

Sepse ata nuk vdesin nga sëmundja, vdesin nga ilaçet që nuk marrin se u vidhni fondet.

Po kanceri i gjirit ka një dekurs absolutisht ndër më pozitivët nëse kapet herët, është plotësisht i mjekueshëm. Çfarë u thua ti zonja që dole këtu dhe recitove. Po kur stepesh para gjakut të një fëmije, ti je grua e rrezikshme.

Ti nuk mund të flisje kurrë po të kishte parasysh se je thirrur në interpelancë për një 14-vjeçar që u ther në gjirin e shkollës.

Po ato 600 gra që nuk morën brankoterapinë për tre vite, çfarë u thua ti atyre? Rroftë Edi Rama se vjedhim së bashku?

Është krim kundër njerëzimit.

8.2 miliardë euro buxheti, 16 milionë për 800 mijë pensionistë. Rrogat tuaja lart e më lart.

Pretendoni se keni rritur rrogat, nuk keni rritur as shkallën e indeksimit.

Spekuloni me euron.

Po, tuajat i keni rritur. I keni rritur shumë.

Ne kërkojmë të respektoni Kushtetutën, përndryshe mosbindja civile do vijë edhe në sallë.

Po, do vijë në sallë.

Nuk mund të shkelmoni ju Kushtetutën sipas qejfit tuaj.

A mund të rrihet në parlament me një hajdute që ka marrë tokën publike si ministre?

The post “Xhaçka”/ Berisha: Respektoni Kushtetutën ose do sjellim mosbindjen civile në sallë appeared first on Albeu.com.

Një prej anëtarëve të këtij komisioni është edhe ish-ministrja Olta Xhaçka, për të cilën opozita akuzon socialistët se me urdhër të Edi Ramës janë kthyer në një mburojë për të në Kuvend, për t’ia çuar mandatin e deputetit deri në fund.

Me bashkëshortin Artan Gaçi të shpallur “investitor strategjik” dhe në disa afera të përfshira për të cilat SPAK po heton, Olta Xhaçka do na tregojë se sa hapa para ka bërë Shqipëria për t’u integruar në BE.

Deputetët socialistë, kanë votuar dy herë kundër vendimit të Gjykatës Kushtetuese për të shqyrtuar mandatin e Olta Xhaçkës, teksa herën e fundit abstenuan dhe i kërkuan opinion Komisionit të Venecias për ta zvarritur çështjen.

Xhaçka akuzohet nga opozita se është në konflikt interesi, duke përfituar të mira publike, për shpalljen e bashkëshortit të saj, Artan Gaçi investitor strategjik nga Qeveria në kohën kur ajo ishte ministre e Jashtme.

Rasti është kthjellësisht i pastër dhe për precedentë të tillë Kushtetuesja i ka hequr më parë mandatin e deputetit, Ilir Beqjas dhe Koço Kokëdhimës.

Pas aktit të socialistëve, delegacioni i Bashkimit Europian në Tiranë reagoi i shqetësuar, duke e konsideruar si një hap në drejtimin e duhur dhe se sipas perëndimorëve, Kuvendi duhet të zbatojë vendimet e Gjykatës Kushtetuese.

Ndërkohë, vetëm disa ditë më parë ambasadori i BE-së Silvio Gonzato, hodhi akuza për korrupsion në lidhje me ligjin për investimet strategjike dhe i bëri thirrje Qeverisë që ta rishikojë.

“Kuadri ligjor i investimeve në Shqipëri duhet të përafrohet me standardet e BE -së, duhet të jetë i drejtë dhe i barabartë, gjithashtu edhe për investitorët e huaj. I ashtuquajturi “ligj i investimeve strategjike” i jep status preferencial atyre që konsiderohen investitorë strategjikë, të cilët më pas përfitojnë tokë në kushte shumë preferenciale ose ndonjëherë edhe me çmim shumë të ulët, nën çmimin e tregut. I gjithë procesi që çon në përzgjedhjen e investitorëve strategjikë është disi jotransparent, veçanërisht në jug të vendit”, – tha Gonzato.

The post Olta Xhaçka duke na “integruar” në Bashkimin Europian appeared first on Albeu.com.

Kërkesës së opozitës për seancë të jashtëzakonshme, kryeparlamentarja Elisa Spiropali iu përgjigj me mbledhjen e Këshillit në datën 27 gusht.

Aty do të vendosë dhe se si do vijojnë procedurat, ndërsa seanca e parë e Kuvendit parashikohet ajo e 2 shtatorit.

Puna duket se do të nisë edhe për qeverinë. Kryeministri Edi Rama ka njoftuar mbledhjen retreat, ku ministra, kryebashkiakë dhe drejtorë të institucioneve do të bëjnë analizën vjetore ashtu siç tashmë është kthyer në një traditë të përvitshme.

Për këtë mbledhje janë njoftuar data 28 dhe 29 gusht ku në fokus do të jetë puna e ministrive, turizmi dhe çështje të tjera të cilat do të diskutohen nga kabineti Rama.

Deri më tani janë dhënë dy mundësi për takimin një në Himarë por edhe në Tiranë.

Nga ana tjetër, edhe opozita ka paralajmëruar tone të larta me rikthimin e seancave, qoftë me komisione hetimore, dosje në prokurori, por edhe me kërkesa për heqjen e mandateve të deputetëve që sipas tyre janë në konflikt të interesit.

The post Nga e hëna Kuvendi rikthehet në punë. Puna e parë që do bëjnë, është vendimi i fatit të Olta Xhaçkës appeared first on Albeu.com.