Rreziku i valëve të të nxehtit në Lojërat Olimpike të Parisit i ka lënë organizatorët të djersiten për sigurinë e atletëve. Spanja është duke u përgatitur për një tjetër verë të nxehtë, duke publikuar një hartë të re për të ndihmuar me parashikimet më të sakta të valëve të të nxehtit. Qytetet në të gjithë kontinentin po përgatiten me përshtatje për nxehtësinë ekstreme.

Duket se muajt qershor, korrik dhe gusht janë të gjitha në trend mbi mesataren për sa i përket temperaturës.

Deri më tani kemi pasur 11 muaj rekord të nxehtësisë me radhë dhe temperaturat e sipërfaqes së detit në Atlantikun e Veriut janë rritur në nivelin më të lartë në të paktën 40 vjet.

A do të jetë kjo verë jashtëzakonisht e nxehtë në Evropë?

“Është tepër e vështirë të parashikosh me saktësi se si moti do të jetë muaj përpara, e lëre më edhe javë e ndonjëherë ditë”, thotë Tamsin Green, një meteorolog nga shërbimi i parashikimit Weather & Radar.

Kjo për shkak se moti në të gjithë Evropën është jashtëzakonisht i ndryshueshëm me faktorë të panumërt të ndryshëm ndikues.

Megjithatë, meteorologët mund të shikojnë modelet e motit dhe të dhënat për tendencat e përgjithshme – duke përfshirë mesataret mujore të temperaturës. Aktualisht, duket se qershori, korriku dhe gushti janë të gjitha në trend mbi mesataren për sa i përket temperaturës, sipas Green.

Moti në të gjithë kontinentin ndryshon shumë duke e bërë të vështirë parashikimin se ku mund të godasë një ‘verë e nxehtë’. Green thotë se ka të ngjarë të ketë pika të nxehta në Evropën Jugore dhe Lindore

Evropa Perëndimore mund të shohë reshje mesatare në qershor, më pas reshje mbi mesataren për Evropën Jugore në korrik, por kushte më të thata në lindje. Gushti, shton ajo, ka të ngjarë të jetë më i thatë dhe më i vendosur për pjesën më të madhe të kontinentit.

Megjithatë, Green na kujton se këto janë vetëm mesatare. Kjo do të thotë se mund të ketë luhatje të mëdha ose ekstreme që ndodhin brenda këtyre kushteve.

The post Vera më ekstreme ndonjëherë? Ekspertët zbulojnë se çfarë do të ndodhë me motin në muajt e ardhshëm appeared first on Albeu.com.

Sipas raportimeve, 30 prej tyre kanë qenë staf i organizimit të votimeve, pasi vendi ka përmbyllur të shtunën fazën e 7 dhe të fundit të procesit zgjedhor, ku kryeministri aktual Narendra Modi është para në garë por rezultatet shpallen zyrtarisht të martën.

Temperaturat përvëluese kanë kaluar 50 gradë Celsius dhe shumë qytete janë në gatishmëri të lartë, përfshirë edhe Delhi-n.

Pavarësisht paralajmërimeve të autoriteteve për të mos dalë nga banesat, njerëzit u panë në radhë të gjata duke shtuar rastet e problemeve shëndetësore që lidhen me dehidratimin dhe goditjet në zemër.

India nuk është e panjohur për temperaturat e nxehta të verës.

Prilli, maji dhe qershori shënojnë gjithmonë rekorde të larta, përpara se shirat e musonit të sjellin temperatura më të ftohta.

Por vite të tëra kërkimesh shkencore kanë zbuluar se ndryshimi i klimës po bën që valët e të nxehtit të bëhen më të gjata, më të shpeshta dhe më intensive.

Dhjetëra miliona prej 1.4 miliardë banorëve të Indisë nuk kanë ujë të rrjedhshëm, teksa vendi shpall alarm për nxehtësinë sa herë temperaturat kalojnë 45 gradë Celsius.

The post Nxehtësia ekstreme në Indi, 50 të vdekur në 24 orë appeared first on Albeu.com.

Studiues nga Kina, Holanda dhe Britania paralajmërojnë se nxehtësia ekstreme do ta bëjë jetën të padurueshme në pjesën jugore të globit.

Sipas raportit “Kostoja Njerëzore e Ngrohjes Globale”, të publikuar në revistën “Nature Sustainability”, disa zona në Indi, Nigeri dhe Indonezi do të bëhen pothuajse të pabanueshme për shkak të nxehtësisë ekstreme.

India tashmë po përballet me valë të nxehtësisë ekstreme, duke lëshuar këtë vit paralajmërime për pasojat e rënda nga temperaturat e larta në shtatë shtete qendrore dhe jugore të vendit.

Tim Lenton, profesor në Universitetin Exeter dhe një nga autorët e raportit, thotë se edhe vendet e Evropës do të bëhen më të thata nga rritja e temperaturave. Ai i përshkruan zonat që do t’i mbijetojnë mirë nxehtësisë si të favorizuara.

“Temperatura dhe reshjet së bashku ndërtojnë një strukturë interesante që krijon kushtet për një jetë të mirë për njërëzit në zonat më të ftohta. Zonat me temperatura të larta nuk janë të mira për jetën, ndërsa ato që ndikohen nga shirat monsune, i nxehti dhe lagështia ofrojnë kushte më të mira për jetën. Dhe situata është e rëndë në zonat me temperatura shumë më të larta”, thotë zoti Lenton.

Sipas vlerësimeve më konservatore të studimit, në vitin 2100 temperatura do të arrijë 2.7 Celsius mbi nivelet që ishte në periudhën para zhivillimit industrial.

Studimi thotë se dy miliardë njerëz do të jetonin në kushte klimatike kërcënuese për jetën. Profesor Lenton thotë se më pak se një për qind e njerëzimit aktualisht jeton në vende me nivel të rrezikshëm të nxehtësisë, por studimi tregon se ndryshimi i klimës tashmë e ka nxjerrë nëntë për qind të popullsisë së botës, ose më shumë se 600 milionë njerëz, jashtë zonës së favorizuar.

Ai thotë se njerëzimi duhet të përqendrohet në përpjekjet kundër ngrohjes globale tani për të shpëtuar miliarda jetë në të ardhmen.

“Kufizimi i rritjes së ngrohjes globale me një gradë Celsius do të kishte një rëndësi shumë të madhe sepse do të shpëtonte 140 milionë njërëz nga nxehtësia e padurueshme. Pra, është një sasi spektakolare për t’u fituar përmes veprimeve më vendimtare klimatike që mund të merren tani.”

Dr. Friederike Otto, shkencëtare klimatike nga Instituti Grantham për Ndryshimet Klimatike dhe Mjedisin në Kolegjin Imperial të Londrës, e cila nuk është anëtare e ekipit që përpiloi raportin, thotë se shumë njerëz tashmë po vdesin nga nxehtësia ekstreme.

“Ajo që thekson ky raport është se me rritjen e nxehtësisë ekstreme, do të rritet edhe numri i njerëzve që do të jetojnë në kushte të rrezikshme dhe i atyre që do të vdesin nga nxehtësia ekstreme.”

Zonja Otto thotë se ka një arsye të mirë pse valët e të nxehtit ekstrem quhen vrasës të heshtur.

“Shpesh nuk i vërejmë këto vdekje sepse njerëzit nuk vdesin në mes të rrugës. Por, zakonisht të varfërit dhe ata që jetojnë në banesa me kushte jo të mira vdesin në shtëpitë e tyre dhe më vonë bëhën pjesë e statstikave mbi pasojat e ngrohjes globale”, thotë ajo./VOA

The post Studimi: Një e pesta e popullsisë së botës do të kërcënohet nga nxehtësia ekstreme appeared first on Albeu.com.

Policia shkoi në vendin e ngjarjes rreth orës 16:20 të së hënës, pas një raporti për një fëmijë që nuk reagonte.

Foshnja  u dërgua me urgjencë në Qendrën Mjekësore të Shën Katerinës së Sienës, ku vdiq.

Një hetim ka përcaktuar se gjyshja e foshnjës, një grua 54-vjeçare nga Greenlawn, duhej ta çonte mbesën e saj në një çerdhe të hënën në mëngjes.

Në vend të kësaj, gruaja u drejtua drejt e në punë, “duke e lënë fëmijën në një sedilje makine në ndenjësen e pasme”, tha Departamenti i Policisë së Qarkut Suffolk në një njoftim për shtyp.

Rreth 8 orë më vonë, gjyshja shkoi të merrte fëmijën në çerdhe në Redwood Lane, dhe aty kuptoi se e kishte lënë brenda makinës.

Gjyshja, emri i së cilës nuk bëhet i ditur, nuk u akuzua për vdekjen e foshnjës por hetimet po vazhdojnë./Albeu.com/

The post Gjyshja harron foshnjën 14-muajshe në makinë, humb jetën nga nxehtësia appeared first on Albeu.com.

Megjithatë, për shkak se nuk mund të punojnë gjatë gjithë ditës dhe për shkak se funksionojnë më mirë kur temperatura në shtëpi nuk është shumë e lartë, ka zgjidhje të tjera për ta mbajtur shtëpinë sa më të freskët në ditët e nxehta.

Përdorni perdet dhe blindat me mençuri: Duke e mbajtur diellin jashtë shtëpisë, mund të zvogëloni sasinë e nxehtësisë që hyn brenda. Përdorni perde, blinda ose mbulesa në dritaret që janë të ekspozuara ndaj diellit gjatë orëve të pikut.

Rregulloni përdorimin e pajisjeve elektrike: Pajisjet elektrike gjenerojnë nxehtësi që mund të rrisë temperaturën e shtëpisë. Mundohuni të përdorni pajisje elektrike si furrat dhe hekurat gjatë orëve më të freskëta.

Një zgjidhje tjetër e mirë është vendosja e bimëve të larta jashtë dritares, madje edhe më mirë bimët ngjitëse si dredhka apo ndonjë pemë që prodhon gjeth të fortë. Do të ulë pak temperaturën edhe nëse nuk e prisni.

The post Si ta mbani shtëpinë të freskët në ditët e nxehta appeared first on Albeu.com.

Shërbimi Kombëtar i Motit tha se një valë “e rrezikshme” e të nxehtit e kaploi verilindjen dhe qendrën e Atlantikut më 27 korrik dhe do të vazhdojë deri në fundjavë. Stuhi të forta dhe përmbytje të shpejta parashikohet se mund t’i godasin zonat në verilindje dhe jug.

Shkencëtarët kanë paralajmëruar prej kohësh se ndryshimi i klimës, i nxitur nga djegia e lëndëve djegëse fosile, do të çojë në periudha të zgjatura dhe më të shpeshta të motit ekstrem.

Parashikimi për vapën e vazhdueshme vjen një ditë pasi Organizata Botërore Meteorologjike dhe Shërbimi i Ndryshimeve Klimatike të Bashkimit Evropian Copernicus shpallën korrikun e vitit 2023 muajin më të nxehtë të regjistruar ndonjëherë.

Të enjten, nxehtësia dhe lagështia në qytetet e mëdha përgjatë Bregut Lindor, përfshirë Uashingtonin, Filadelfian dhe Nju Jorkun, bënë që temperaturat të ishin ndjeshëm mbi 38 gradë Celsius.

Për shkak të nxehtësisë ekstreme, dy nga rrjetet më të mëdha të energjisë në vend janë nën stres, gjë që mund t’ua limitojë amerikanëve mundësinë për t’u freskuar.

Rrjeti më i madh energjetik i vendit, PJM Interconnection, shpalli alarmin e emergjencës energjetike të nivelit të parë për rrjetin e tij në 13 shtete më 26 korrik, që do të thotë se kompania është e shqetësuar për aftësinë e saj për të siguruar energji elektrike të mjaftueshme.

“PJM-ja aktualisht ka gjenerim të mjaftueshëm për ta përmbushur kërkesën e parashikuar, por operatorët vazhdojnë të monitorojnë kushtet e rrjetit për çdo ndryshim”, tha Jeffrey Shields, një zëdhënës i kompanisë.

PJM-ja nuk është i vetmi rrjet elektrik që ka lëshuar një alarm të tillë. Operatori i Pavarur i Sistemit Midcontinent, i cili mbulon kryesisht shtetet në Rrafshnaltën e Mesme dhe Veriore, lëshoi një alarm të ngjashëm më 27 korrik.

Operatori i Pavarur i Sistemit të Kalifornisë lëshoi gjithashtu një alarm emergjence energjie për mbrëmjen e 26 korrikut, pjesërisht për shkak të nxehtësisë së tepërt në Kaliforninë Jugore, por alarmi u shua në po të njëjtën ditë.

Një zëdhënës i Këshillit të Besueshmërisë Elektrike të Teksasit tha se ata presin që rrjeti i tyre të funksionojë si zakonisht, përkundër valës së fundit të motit ekstrem në të gjithë vendin.

The post Ndryshimet klimatike, 200 milionë amerikanë po përballen me nxehësi ekstreme dhe përmbytje appeared first on Albeu.com.

“Qasja në ujin e pijshëm duhet të jetë sa më e thjeshtë të jetë e mundur”, thotë ministrja e Mjedisit, Steffi Lemke. “Çezmat me ujë të pijshëm janë një element bazë për kujdesin në raste nxehtësie”, thotë politikanja e gjelbër që i referohet ekstremeve të motit dhe periudhave të thatësirës.

Në hap të parë do duhet të shtohen 1000 çezma tek 1300 çezmat e tjera. Sipsa ligjit çezma të tilla në të ardhmen do të jenë pjesë standarde e furnizimit publik me ujë./DW

The post Gjermania shton çezmat publike si masë kundër nxehtësisë appeared first on Albeu.com.

Mbretëria e Bashkuar, Greqia, Spanja, Franca dhe SHBA, janë vetëm disa nga vendet në mbarë botën që po luftojnë me zjarret në ditët dhe javët e fundit.

Zjarrëfikësit janë përballuar me flakët që mund të marrin jetë dhe të shkatërrojnë gjithçka cfarë u dalin përpara.

Mijëra njerëz po përpiqen të evakuohen dhe të arrijnë në një vend më të sigurtë.

Me kalimin e viteve zjarret janë bërë më të shpeshta, të përhapura dhe intensive dhe viti 2022 ka parë disa vende përfshirë edhe Britaninë e Madhe të shënojnë temperaturat e tyre më të larta në dekada.

Ekspertët besojnë se kjo është për shkak të ndikimi afatgjatë të ndryshimeve klimatike.

Si fillojnë zjarret?

Një zjarr ka nevojë për tre gjëra: Lëndë djegëse, aksigjen dhe nxehtësi. Zjarrëfikësit shpesh flasin për trekëndëshin e zjarrin kur përpiqen ta shuajnë një vatër.

Në një ditë të nxehtë vere, kur kushtet e thatësirës arrijnë kulmin, diçka e vogël sa një shkëndijë nga një rrotë treni mund të ndezë një zjarr të furishëm. Ndonjëherë, zjarret ndodhin natyrshëm, të ndezura nga nxehtësia e diellit ose një goditje rrufeje.

Megjithatë, shumica e zjarreve shkaktohen nga pakujdesia njerëzore. Shpesh fajësohen zjarrvëniet, zjarret, hedhja e cigareve të ndezura, mos djegia e mbeturinave siç duhet dhe loja me shkrepse apo fishekzjarre.

Si ta ndalim zjarrin?

Gjithçka ka të bëjë me heqjen e lëndëve djegëse  sepse nuk mund ta kontrolloni motin.

Ekspertët e zjarrit përdorin mjete për parashikimin e zjarreve, të cilat shikojnë shpejtësinë e erës, shpatet, drejtimin e zjarrit dhe karburantin për të gjetur se si të shuhet zjarri.

“Ju shkoni orë ose ditë përpara zjarrit dhe hiqni çdo gjë që mund ta nxisë atë duke përdorur buldozerë, korrës pemësh, vegla dore”, thotë Rob.

“Më pas krijoni një ndarje të lëndës djegëse [në thelb një llogore të madhe] rreth të gjithë zjarrit. Atëherë mund të fitoni dhe ta shtypni atë në mënyrë vërtet efektive.”/albeu.com

The post ZJARRET/ Pse fillojnë dhe si mund të ndalen appeared first on Albeu.com.

Organi tregtar Solar Energy UK thotë se ditët e fundit është parë se rreth 10% e energjisë elektrike në Britanivjen nga dielli.

Por shefi ekzekutiv i saj Chris Heët thotë: “Vetë nxehtësia ul pak efikasitetin e paneleve diallore, pra mos prisni të shihni rekorde.”

Pra për prodhimin e energjisë diellore, sasia e diellit, e referuar si rrezatim është më e rëndësishme se sasia e nxehtësisë./albeu.com

The post Pse nxehtësia rekord nuk përkthehet në rekord të energjisë diellore? appeared first on Albeu.com.

“Temperaturat variojnë nga 45 gradë Celsius në 46 gradë. Është shumë nxehtë”, thotë Emilio Rodriguez, banor i qytetit Feniks.

Një vit më parë qyteti krijoi një njësi të posaçme për të trajtuar situatën e krijuar nga temperaturat e larta, e cila drejtohet nga shkencëtari dhe eksperti i klimës David Hondula.

“Temperaturat gjatë natës po rriten më shpejt se temperaturat gjatë ditës. Sezoni i verës është zgjatur. Jemi me fat sepse nuk kemi arritur temperaturën rekord të shënuar në vitin 1990”.

Atë vit temperatura arriti në 50 gradë Celsius. I nxehti përvëlues mund të jetë vdekjeprurës për më shumë se 5 mijë të pastrehët e atij qyteti.

Disa strehohen në makina. Të tjerë ngrenë tenda në parqe ose në trotuare, nga ku duhet të largohen tre herë në javë gjatë pastrimeve të komunales.

Punonjësit e qytetit, si Mia Sanford, ofrojnë ndihmë për të gjetur strehim.

“Ata mund të më telefonojnë, të dërgojnë email, apo mesazhe që që t’i ndihmoj”, thotë për Zërin e Amerikës Mia Stanford, punonjëse e sherbimeve sociale të qytetit.

Por qiraja po rritet po aq shpejt sa temperatura dhe nuk ka banesa të mjaftueshme për shtresën e varfër.

Libraritë, bizneset dhe ambjentet sportive po përdoren si qendra të përkohshme ku njerëzit mund të rrinë në ajër të kondicionuar dhe të marrin pije freskuese falas.

Në disa rrugë është vënë një shtresë mbrojtëse pasi asfalti është shkrirë nga i nxehti. Qyteti ka mbjellë mijëra pemë, jo aq sa duhet, për të bllokuar rrezet e forta të diellit.

David Hondula, i cili drejton përpjekjet e qytetit për të luftuar ndryshimet klimatike, thotë për Zërin e Amerikës se në qendër të vëmendjes janë shtesat e rrezikuara me të ardhura të ulta.

“Po përpiqemi të tërheqim vëmendjen tek nevojat për banesa për të varfërit dhe strehimore, sepse këto investime do të ndihmonin shtresat e varfëra të shmangin sëmundjet e lidhura me temperaturat e larta”.

Majami, Athina, Freetown në Sierra Leone dhe qyteti Los Angelos janë mes qyteteve të tjera që kanë ngritur njësi të posaçme për trajtimin e situatës së krijuar nga temperaturat e larta.

Një sfidë tejet e vështirë për shumë qytete në mbarë botën për të ndihmuar shtresat në nevojë. /VOA

The post Nxehtësi vdekjeprurëse, ja kush është qyteti ku temperaturat shënojnë rekord appeared first on Albeu.com.