Vendimi i Qeverisë kosovare, vjen pasi Serbia vendosi t’i lejoi automjetet me targa RKS – Republika e Kosovës – të lëvizin lirshëm në territorin e saj nga fillimi i kësaj jave.

Qeveria e kryeministrit Albin Kurti, tha se heqja e regjimit të letrës ngjitëse nga ana e saj “është akt i fqinjësisë së mirë dhe vjen pas njohjes së plotë të targave të Republikës së Kosovës nga Serbia”.

Vendimi i saj do të hyjë në fuqi ditën e publikimit në Gazetën Zyrtare.

Për çështjen e lëvizjes së Lirë, Kosova dhe Serbia kishin arritur marrëveshje së pari më 2011, gjatë dialogut të ndërmjetësuar nga Bashkimi Evropian për normalizimin e marrëdhënieve.

Pas tensioneve që shkaktoi çështja e targave, në shtator 2021 u arrit marrëveshja e përkohshme për targat.

Ajo marrëveshje, që kishte për qëllim të ishte në fuqi për gjashtë muaj derisa grupet punuese të Kosovës dhe Serbisë të gjenin një zgjidhje afatgjate, bëri që shoferët me targa të Kosovës dhe me ato të Serbisë, të vendosnin letra ngjitëse në simbolet shtetërore në targa, sa herë që kalonin kufirin e këtyre dy shteteve.

Për disa qytetarët serbë në veri të Kosovës, vendimi i Qeverisë së Serbisë për targa RKS ka qenë i “mirë” e për disa të tjerë “tradhti”.

Presidenti i Serbisë, Aleksandar Vuçiҫ, tha më 31 dhjetor se vendimin për ta lejuar lëvizjen e lirë të automjeteve me targa RKS nëpër Serbinë qendrore, qeveria e tij ka shmangur “grackat dhe rreziqet e mëdha” për vendin.

“Interesi ynë është Ballkani i Hapur dhe liria e lëvizjes, e cila vlen edhe për automjetet. Mendoj se nga ky vendim do të përfitojnë populli serb dhe Serbia në tërësi. Me këtë dhe disa gjëra të tjera kemi shmangur grackat dhe rreziqet e mëdha për Serbisë”, tha Vuçiҫ.

Vendimi i Beogradit u mirëprit nga Bashkimi Evropian, i cili e cilësoi atë si hap pozitiv drejt normalizimit të raporteve mes Kosovës dhe Serbisë.

Për zëvendëskryeministrin e Kosovës, Besnik Bislimi, vendimi i Qeverisë serbe për targat RKS ishte tregues se “të gjitha destabilizimet” që i ka bërë Serbia në lidhje me to ndër vite kanë qenë “të palogjikshme dhe të panevojshme”.

The post Qeveria e Kosovës e heq regjimin e letrës ngjitëse për automjetet me targa serbe appeared first on Albeu.com.

The post Hapja e gojës është “ngjitëse” dhe ekspertët kanë një shpjegim për këtë appeared first on Albeu.com.

Sipas Qendrave për Kontrollin dhe Parandalimin e Sëmundjeve (CDC), sëmundjet e zemrës janë shkaku kryesor i vdekjes së njerëzve në SHBA. Gjenetika, por edhe një numër zgjedhjesh të stilit të jetesës, si një dietë ushqimore jo e shëndetshme, pirja e duhanit dhe e alkoolit, ndikojnë në rrezikun e zhvillimit të sëmundjes së zemrës.

Por tani, studiuesit në Qendrën e Kërkimit të Shëndetit të Zemrës në Pekin të Kinës, thonë se zgjedhjet e një personi mund të ndikojnë edhe në shëndetin e partnerit të tyre. Sidomos burrat përballen me një rrezik më të lartë të zhvillimit të sëmundjes së zemrës, nëse gruaja e tyre pi duhan dhe ka një histori të goditjes në tru apo zemër, thonë studiuesit.

“Ne zbuluam se rreziku i sëmundjes kardiovaskulare të një individi, lidhet shumë me statusin shëndetësor dhe me mënyrën e jetesës të gruas apo burrit të tij/saj”- thotë autori kryesor i studimit dr.Shi Uang.

“Përveç ndarjes së faktorëve të jetesës dhe mjedisit socio-ekonomik, studimi ynë sugjeron se stresi i kujdesit për një bashkëshort/e me sëmundje kardiovaskulare, mund të kontribuojë në rritjen e rrezikut kardiovaskular për partnerin tjetër”-thekson ai.

Studiuesit anketuan në shumë se 5.000 çifte heteroseksuale mbi moshën 45 vjeç, që jetonin në 7 rajone të Kinës midis viteve 2014-2016. Pjesëmarrësve iu kërkua që të jepnin detaje rreth shëndetit të tyre personal dhe të bashkëshortit të tyre, përfshirë indeksin e masës trupore (BMI) dhe tensionin e gjakut, dy parametra këto që dihet se e rrisin rrezikun e sëmundjeve të zemrës.

Gjithashtu, ata iu përgjigjën pyetjeve në lidhje me stilet tyre të jetesës, si për shembull sa aktivitet fizik kishin në ditë dhe nëse kishin pirë ose konsumuar alkool. Studiuesit zbuluan se shanset e njerëzve për të vuajtur nga sëmundje të zemrës, ishin të lidhura me shëndetin dhe zgjedhjet e stilit të jetës së bashkëshortit të tyre, veçanërisht midis burrave.

Në përgjithësi, 28 për qind e burrave, gratë e të cilëve ishin prekur nga sëmundje të zemrës, vuanin gjithashtu nga kjo gjendje. Kjo është krahasuar me vetëm 12.8 për qind të atyre që nuk kishin bashkëshortë. Në mënyrë të ngjashme, ata, partnerët e të cilëve kishte pësuar më parë një goditje në tru, ishin obezë apo pinin duhan, kishin më shumë të ngjarë të përfundonin me një sëmundje të zemrës.

“Kujdesi shëndetësor në familje, luan një rol të rëndësishëm në kujdesin shëndetësor kronik në të gjithë botën. Gjetjet e studimit tonë, tregojnë se shëndeti i kujdestarëve duhet të monitorohet vazhdimisht, ashtu si i bashkëshortëve të tyre së sëmurë”- thekson ai.

Dallimi midis gjinive, mund të shpjegohet me faktin se gratë luajnë një rol më të rëndësishëm në përcaktimin e dietës së një familjeje, thonë studiuesit. Ndër gratë, burrat e të cilave ishin prekur nga sëmundje të zemrës, 21 për qind vuanin nga një gjendje e ngjashme, krahasuar me vetëm 9 për qind të atyre që kishin partnerë të shëndetshëm.

Gjasat e një gruaje për sëmundje kardiovaskulare ishin gjithashtu më të larta nëse burri i saj kishte një histori goditjeje në tru. “Statusi shëndetësor dhe faktorët e rrezikut tek gratë, të cilat janë diktueses e mënyrës së jetesës tek shumica e familjeve me prejardhje të ndryshme kulturore, duket se ndikon tek burrat e tyre në një masë më të madhe sesa faktorët e rrezikut të burrave tek gratë”-thekson Uang.

Ndërkohë studiuesit vërejtën se mos kishte tendencë të ngjashme tek njerëzit, partnerët e të cilëve ishin me diabet, por nuk gjetën ndonjë lidhje konkrete. “Ky zbulim mund të tregojë se faktorët gjenetikë dhe historia familjare e diabetit, janë faktori mbizotërues për rrezikun e diabetit”- përfundon Uang.

The post A janë ngjitëse sëmundjet e zemrës? Studimi nxjerr detajet befasuese appeared first on Albeu.com.