Sipas informacioneve policore, në kërkim janë shpallur 4 persona si të përfshirë.

Gjithashtu, në pranga është vënë edhe njëri prej të plagosurve, pasi iu gjet një armë.

Njoftimi i Policisë Sarandë:

Zbardhet dhe dokumentohet ngjarja e ndodhur ditën e djeshme, në Sarandë, ku dy shtetas mbetën të plagosur me armë zjarri.

Shpallen në kërkim 4 shtetas të përfshirë në këtë ngjarje, njëri prej të cilëve tentoi të vriste me armë zjarri dy shtetasit.

Vihet në pranga edhe një prej të plagosurve, pasi gjatë kontrollit iu gjet dhe iu sekuestrua një armë zjarri pistoletë.

Në vijim të hetimeve për zbardhjen dhe dokumentimin e ngjarjes së ndodhur më datë 17.07.2025, rreth orës 15:00, në një lokal, në lagjen nr. 3, Sarandë, specialistët për Hetimin e Krimeve të Rënda në DVP Vlorë, në bashkëpunim me specialistët për Hetimin e Krimeve në Komisariatin e Policisë Sarandë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, kryen të gjitha veprimet hetimore dhe procedurale të nevojshme për dokumentimin e plotë ligjor të ngjarjes, ku si rezultat u shpallën në kërkim katër shtetas:

Erjon Canaj, Artan Murtaj, Klaus Jaçaj dhe Ramadan Zoto. 

Ramadan Zoto., 43-vjeç, banues në Sarandë, për veprën penale “Vrasja në rrethana të tjera cilësuese”, e mbetur në tentativë.

Eejon Canaj., 36-vjeç, Artan Murtaj., 43-vjeç, dhe Klaus Jaçaj., 31-vjeç, të tre banues në Sarandë, për veprën penale “Përkrahja e autorit të krimit”.

Nga veprimet hetimore ka rezultuar se për motive të dobëta, këta shtetas janë konfliktuar fizikisht me shtetasit G. H., 33-vjeç, dhe E. L., 25-vjeç, të dy banues në Tiranë dhe gjatë këtij konfliktit, shtetasi R. Z. dyshohet se ka qëlluar drejt tyre me armë zjarri, duke i plagosur rëndë të dy. Shtetasit G. H, dhe E. L, ndodhen në Spitalin e Traumës, Tiranë, nën kujdesin e mjekëve.

Gjatë hetimeve dhe kontrolleve të ushtruara në kuadër të zbardhjes së kësaj ngjarjeje, shtetasit G. H. iu gjet dhe iu sekuestrua një armë zjarri pistoletë. Në vijim të veprimeve u bë arrestimi në flagrancë i tij, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Në vendngjarje u sekuestruan, në cilësinë e provës materiale, 4 gëzhoja arme zjarri, një armë zjarri pistoletë tip “Beretta” dhe një krehër me 9 fishekë.

Vijon puna për kapjen e personave të shpallur në kërkim dhe vënien e tyre përpara përgjegjësisë ligjore.

Materialet procedurale iu referuan Prokurorisë për veprime të mëtejshme.

The post Të shtënat me armë zjarri në Sarandë/ Policia zbardh ngjarjen, shpallen në kërkim 4 persona (EMRAT) appeared first on Albeu.com.

Më konkretisht, bëhet fjalë për drejtorin e Policisë Rrugore të Tiranës, Roven Zeka, shefin e aksidenteve Sokol Novaku dhe oficerin e Policisë Gjyqësore, Edison Tabaku.

Ata dyshohet se kanë marrë ryshfet në lidhje me një aksident të regjistruar më 16 Prill në Tiranë, ku automjeti që drejtohej nga shtetasja Anisa Vrioni, është përplasur me një automjet tjetër ku udhëtonin 5 persona, të cilët kanë mbetur të plagosur dhe janë transportuar në spital.

SPAK sqaron se shoferja Anisa Vrioni, e cila ka shkaktuar aksidentit është bashkëshortja e shtetasit Ergest Vrioni, i cili është nën hetim nga drejtësia për korrupsion.

Sipas burimeve të mediave, ky i fundit është biznesmen dhe ka qenë në përgjim nga Prokuroria e Posaçme.

Organi i akuzës bën me dije se; nga hetimet ka rezultuar se punonjës të Policisë Rrugore i kanë kërkuar familjarëve të shoferes Anisa Vrioni, pagesën prej 2 mijë eurosh, për mosarrestimin e saj.

SPAK raporton se shuma e parave, është kërkuar të dorëzohej brenda një kohe të shkurtër dhe është siguruar nga biznemsni Ergest Vrioni, me ndihmën e personave të tjerë dhe i është dorëzuar njërit prej efektivëve të Rrugores.

“Në datën 16 prill 2025, në qytetin e Tiranës ka ndodhur një aksident rrugor, ku dy automjete janë përplasur me njëri tjetrin. Si pasojë e aksidentit, pesë personat që udhëtonin në njërin nga automjetet janë dërguar në spital për të marrë ndihmë mjekësore. Ndërsa në automjetin tjetër ndodhej vetëm drejtuesja A.V, bashkëshortja e shtetasit E.V, i dyshuar për kryerjen e veprës penale të “Korrupsionit aktiv të personave që ushtrojnë funksione publike”, (parashikuar nga neni 244 i Kodit Penal.)

Pas të dhënave dhe informacionit të siguruar nga oficerët e Byrosë Kombëtare të Hetimit (BKH), ka rezultuar se punonjës të policisë rrugore i kanë kërkuar familjarëve të drejtueses së automjetit, shtetases A.V, pagesën prej 2 mijë eurosh, për mosarrestimin e saj. Shuma e parave është kërkuar të dorëzohej brenda një kohe të shkurtër dhe është siguruar nga personi nën hetim E.V, me ndihmën e personave të tjerë.  Këtë shumë ai ia kanë dorëzuar njërit prej punonjësve të policisë rrugore – fakt i provuar gjatë hetimit.” – thuhet në komunikatën e Prokurorisë së Posaçme.

Organi i akuzës bën me dije se urdhri i ndalimit të shtetasve: Edison Tabaku, Sokol Novaku dhe Roven Zeka është ekzekutuar nga BKH, në bashkëpunimin me Agjencinë e Mbikëqyrjes Policore.

Gjatë kontrolleve të kryera për llogari të këtij procedimi penal, raportohet se janë sekuestruar në cilësinë e provës materiale shumat prej; 2.500.000 lekë dhe 26 mijë euro.

Prej kohësh Struktura e Posaçme Antikorrupsion, ka vënë nën përgjim një numër të lartë personash për llogari të hetimeve të ndryshme në duart e prokurorëve.

Nuk kanë munguar rastet si ky i fundit që nga bisedat të përgjuarit, kanë rënë në pranga për çështje të ndryshme.

The post Arrestimi i shefit të Rrugores Roven Zeka/ SPAK zbardh ngjarjen: Një biznesmen i dha 2 mijë euro që të mos i arrestojë gruan (EMRAT) appeared first on Albeu.com.

Në një lidhje telefonike në studio, ajo ka zbuluar më shumë detaje në lidhje me ngjarjen.

Ajo ka deklaruar se aktualisht është shumë e tronditur për gjithçka që kishte ndodhur. Sipas saj, ditën e ngjarjes ka qenë duke qëndruar në oborr kur kunati është afruar dhe ka filluar të ofendojë dhe më pas e ka goditur atë në qafë dhe e ka kapur nga fyti.

Djali i saj së bashku me nusen, e kanë ndihmuar dhe e kanë dërguar në spital.

Ajo shtoi se policia e Roskovecit, e ka akuzuar djalin për dhunën duke e marrë si të pandehur.

”Jam shumë e tronditur. Ditën e ngjarjes po qëndroja në oborr kur ai erdhi më ofendoi dhe më goditi në pjesën e qafës. Pasi u rrëzova nusja dhe djali erdhën të më ndihmonin. Djali erdhi më shoqëroi në spital dhe në komisariat, por u mor si i pandehur nga policia e Roskovecit”, u shpreh ajo.

Gjithashtu, ka reaguar edhe bashkëshorti i saj, dhe vëllai i autorit.

Sipas tij së bashku me vëllanë, ata kishin rreth 1 vit që ishin në konflikt, për arsye të kanalit të ujit që ishte në oborr .

Ai shtoi se autori ishte ishte një njeri problematik, dhe se djali i tij ndodhet në paraburgim pa të drejtë sepse ai ditën e ngjarjes vetëm e ka shoqëruar nënën e tij.

“Kemi 1 vit që jemi në një konflikt. Ai mbulonte kanalin e ujit afër oborrit, dhe sipas tij është në pronësi të tij. Vëllai im është një njeri problematik. Djali ndodhet në paraburgim pa të drejtë, sepse ai ditën e ngjarjes vetëm e ka shoqëruar nënën e tij, nuk e ka dhunuar”, tregoi ai

The post U dhunua brutalisht nga kunati/ Gruaja rrëfen ngjarjen tronditëse: Më kapi nga fyti, më gjuajti në qafë dhe… appeared first on Albeu.com.

Efektivët informojnë se gjatë ditës së djeshme, më 28 janar, avokati ka humbur ndjenjat gjatë seancës gjyqësore në Apel dhe më pas është dërguar në spital. Pavarësisht ndërhyrjes së mjekëve, 59-vjeçari nuk ka mbijetuar dhe ka ndërruar jetë.

Sipas policisë, nga veprimet e para hetimore dyshohet se vdekja ka ardhur nga arresti kardio-respirator.

“Më datë 28.01.2025, në ambientet e Gjykatës së Apelit, Tiranë, gjatë një seance gjyqësore, ka humbur ndjenjat shtetasi Gj. U., 59 vjeç, avokati, i cili është dërguar në spital, por pavarërisht ndërhyrjes së mjekëve, ka humbur jetën. Nga veprimet e para hetimore dyshohet se vdekja është shkaktuar nga arresti kardio-respirator”, informon policia.

Avokati Gjovalin Ulndreaj, deri në vitin 2003 ka ushtruar detyrën e oficerit të Policisë, ndërsa prej rreth 22 vitesh i shërbeu dhe sistemit të avokaturës i licensuar pranë Dhomës së Avokatisë Shkodër.

Më 2020, Gjovalin Ulndreaj, kandidoi për të drejtuar Byronë Kombëtare të Hetimit, përkrah Ibrahim Dishës, Artan Shkëmbit, Adriatik Agos dhe Sabri Hoxhës.

The post Policia zbardh ngjarjen e rëndë: Ja çfarë i ndodhi avokatit Gjovalin Ulndreaj në sallën e gjyqit appeared first on Albeu.com.

Nga hetimet e deritanishme, ka rezultuar se 24-vjeçari, për shkak të një konflikti të vjetër, për motive të dobëta, mëngjesin e sotëm, ka vënë lëndë eksplozive në automjetin e shtetasit Renato Çepa.
Lënda eksplozive ka shpërthyer gjatë vënies dhe si pasojë 24-vjeçari ka humbur jetën, në spital.

Një grup i posaçëm hetimor, i përbërë nga strukturat hetimore të DVP Elbasan dhe të Komisariatit të Policisë Elbasan, si dhe nga ekspertë të Departamentit të Policisë Kriminale në DPPSH, në drejtimin e Prokurorisë, vijon punën pët të zbardhur të gjitha rrethanat e këtij rasti.

The post Shkak një konflikt i vjetër/ Atentati me eksploziv në Elbasan që i mori jetën 24-vjeçarit, policia zbardh ngjarjen appeared first on Albeu.com.

Ai është gjetur pranë hotelit të tij me dëmtim të rëndë në kokë dhe është dërguar drejt spitalit të Vlorës.

Lidhur me ngjarjen ka reaguar edhe policia, e cila ka dhënë dhe informacion për rrethanat e plagosjes së shtetasit Nikollaq Bollano.

Himarë/Informacion paraprak
Më datë 02.06.2024, rreth orës 23:00, në lagjen “Spille”, Himarë, shtetasi N. B., 51 vjeç, dyshohet se në efektin e alkoolit, ka rënë aksidentalisht nga kati i dytë i banesës së tij. 51-vjeçari aktualisht ndodhet në spitalin e Traumës, në kujdesin e mjekëve.
Grupi hetimor vijon punën për zbardhjen e plotë të rrethanave të ngjarjes.

The post Biznesmeni në Himarë gjendet i plagosur rëndë në rrugë, policia zbardh ngjarjen appeared first on Albeu.com.

Mëson se gjatë sherrit është qëlluar nga të dyja palët me armë, si nga autori i ngjarjes, Arbër Hoxha, ashtu edhe nga Domi.

Hetuesit e Sektorit të Krimeve të Rënda në Durrës, i kanë gjetur në shtëpi pistoletën, e cila është sekuestruar dhe për pasojë në pranga ra Albano Domi.

Mësohet së në vendngjarje kanë mbërritur 2 persona, Arbër Hoxha me një tjetër, të shpallur tashmë në kërkim, dhe fillimisht debati ka nisur me fjalë dhe janë kapur me duar, por të dyja palët kanë nxjerr pistoletat dhe kanë qëlluar, duke u plagosur Enidor Dedja.

Konflikti e ka zanafillën më herët dhe shkak është bërë një vajzë, me të cilën ka qenë e lidhur për 4 vjet Albano Domi, por që ishte ndarë rreth një muaj më parë.

Megjithatë, Domi nuk kishte hequr dorë kollaj dhe rreth një javë më parë ka shkuar ta takojë sërish në Tiranë duke e ngacmuar.

Vajza, takimin me të dhe ngacmimet që i ka bërë ia ka rrëfyer të motrës, e cila më pas ia ka treguar të fejuarit të saj.

Ky i fundit, një ditë para plagosjes bashkë me Arbër Hoxhën, janë rrahur në Durrës me Albano Domin dhe i kanë kërkuar që të mos vijonte më ta ngacmonte vajzën.

Domi nuk u ka treguar policisë për dhunën, ndërsa ka pretenduar se ka rënë nga shkallët. Të nesërmen Arbër Hoxha dhe djali tjetër (i fejuari i motrës së vajzës),kanë shkuar me pretendimin për t’u sqaruar te lokali, por gjithçka ka dalë nga kontrolli.
Aktualisht në kërkim janë autori Arbër Hoxha dhe një tjetër (i fejuari i motrës së vajzës).

The post Përplasje me armë për një vajzë në Shijak, policia zbardh ngjarjen appeared first on Albeu.com.

Sakaq, policia bën me dije se autori, Admir Shqypi dhe dy persona të tjerë, janë shpallur në kërkim.

Njoftimi:

“Kurbin/Informacion paraprak
Në Malbardhë në një lokal dyshohet se si pasojë e një konflikti të nisur më parë shtetasi A. Sh, ka qëlluar një herë me armë zjarri pistoletë duke plagosur shtetasin F. L, me të cilin kishte konflikt. Shtetasi F. L, është transportuar menjëherë në spital për ndihmë mjekësore, i cili paraprakisht ndodhet jashtë rrezikut për jetën.

Shërbimet e Policisë Kurbin, të DVP Lezhë dhe Forcat Kombëtare të Sigurisë vijojnë kontrollet për kapjen e autorit, Admir Lika, dhe të dy shtetasve të tjerë E. L dhe P. L., të përfshirë në konflikt. Grupi hetimor nën drejtimin e Prokurorit vijon punën për zbardhjen e rrethanave dhe dokumentimin e plotë ligjor të këtij rasti”, njofton policia.

The post Plagosja me armë në Kurbin, policia zbardh ngjarjen appeared first on Albeu.com.