Duket se pushteti po përdor të gjitha mekanizmat që të tilla protesta të shuhen shpejt, ose ende pa u nisur.
Provokativ dhe tepër acarues ka qenë veprimi i një gruaje që dëboi nga protesta nënë Lizën, e bërë ikonë e protestive të 5 Majit tashmë.

Një veprim që ka irrituar pa masë shqiptarët e ndershëm, por edhe ka ngritur pikëpyetje mbi vetë organizatorët e protesave që po vdesin me interferime të tilla.

Po cila ishte gruaja, që shtyu nënë Lizën dhe e largoi nga mikrofoni, duke i thënë se “nuk jemi për shtëpinë tëndë të prishur këtu”?

Gazetarja e emisionit STOP, Domenika Bajraktari ka zbuluar se gruaja në fjalë quhet Drita Arapi dhe i ka të dy djemtë të punësuar në Bashkinë e Tiranës:

“Kjo në foto është DRITA ARAPI me adresë në Facebook Drita Fjoli.

Kjo trimja që shtyn Nënë Lizën është nëna e dy fëmijëve që punojnë te Bashkia e Tiranës, njëri të zyra e aktiviteteve të bashkisë dhe tjetri në Policinë Bashkiake.

Pra qartazi zonja nuk ka qenë si protestuese për kauzën e rritjes së çmimeve dhe krizën që po kalon çdo familje shqiptare.

Drita ka qenë në protestë për ta prishur atë dhe për të DHUNUAR NENE LIZEN.

Meqenëse Drita do të veprojë kështu, atëherë e ftoj me edukatë të më shkruajë dhe të takohem me të nga afër, që të diskutojmë se çfarë e shqetëson. Sepse kush prek Nënë Lizën, ka prekur dhe gjyshen time…”

The post SKANDAL/ Dy djem të punësuar në Bashkinë e Tiranës, zbulohet identiteti i gruas që përzuri nga protesta nënë Lizën appeared first on Albeu.com.

Nënë Liza e cila u bë simbol i 5 Majit është përzënë nga protesta e sotme. Teksa ka qenë duke folur për mediet, ajo është kapur nga krahët nga një zonjë e cila i thotë se nuk janë në shesh për shtëpinë e saj por për rritjen  e çmimeve.

“Ç’është kjo, për ça kemi ardhur, për shtëpinë tënde apo për kauzën e tanishme. Prej teje thonë se është protestë politike, a ka mundësi të ikësh? Ik, ik”, tha ajo./albeu.com/

The post “S’kemi ardhur për shtëpinë tënde”, nënë Lizën e përzënë nga protesta: Ik, prej teje thonë se është politike (VIDEO) appeared first on Albeu.com.

E moshuara i është përgjigjur kryeministrit gjatë fjalës së saj, pasi ky i fundit e quajti protestën një turp kombëtar.

Ajo i bëri thirrje atij që të mos ndihet i turpëruar, pasi në protestë nuk dalin për qejf, por nga halli.

“Në rrugë të madhe jemi. I bëj thirrje të mos i vijë turp hiç që dalim këtu. Unë jam 85-vjeçare dhe do të dal përditë këtu. Të mos thotë se ka turp se ky popull nuk del për qejf.

Burrash duhet të dalë këtu në penxhere. T’i heqë ato metaliket që ka blinduar. Kryeministri dhe Erion Veliaj t’i vënë gishtin kokës dhe të mos tallen me këtë popull. Edhe policia t’i vërë gishtin kaptinës”, u shpreh ajo./albeu.com/

The post “Mos ki turp”, nëna Liza ka “dy fjalë” për Ramën nga protesta appeared first on Albeu.com.

Ata janë mbledhur sërish në protestë para parlamentit banorët e ‘5 Majit’, pasi kundërshtojnë shembjen e banesave të tyre. Ata njëzëri kanë kërkuar lirimin e 5 të arrestuarve nga policia.

Mes qytetarëve që folën para Kuvendit, ishte dhe nënë Liza, simboli i qëndresës së protestës së ‘5 Majit’, e cila apeloi për lirimin e djalit të saj dhe 4 të arrestuarve të tjerë. Madje ajo iu bëri thirrje qytetarëve shqiptarë që të marrin në dorë fatin e tyre.

“I bëj thirrje qeverisë, gjykatës, drejtësisë që të lirojnë fëmijët tanë. Unë e kam djalin në burg, ai është i sëmur, me tension. Unë kam vajtuar në shtëpi, si mund të rrijë nëna pa birin?! Ti lirojnë të arrestuarit. As në Afganistan nuk e kanë bërë kështu. I bëj thirrje rinisë, popullit shqiptar, që të hapi sytë dhe veshët, dhe të marrë në dorë fatin e këtij vendi”, tha ajo./albeu.com/

The post Në Ukrainë luftë, në Shqipëri protestë! Nënë Liza: Lironi të arrestuarit, as në Afganistan nuk është kështu appeared first on Albeu.com.

Nënë Liza u pyet se çfarë ka diskutuar me Ramën në takim dhe ajo tha se kryeministri i ka premtuar që ajo do ta marrë shtëpinë, por deklaroi se iu kërkua të firmoste një kontratë të pandryshuar pas takimit me kryeministrin.

Pjesë nga biseda:

Ylli Rakipi: Vajtët në zyrën e të madhit dhe e takuat. Nga videot dukej situatë e tensionuar. Çfarë biseduat me Ramën?

Nënë Liza: I thashë punën e shtëpisë. Më tha duhet me i lëshuar vetë. I thashë i dua me letra, me avokat dhe me noter. Unë i thashë nuk firmos. Më tha do e marrësh shtëpinë.

Ylli Rakipi: Nuk mund të dalë kryeministri me një zonjë në moshë dhe të gënjejë publikisht. Ti e ke të vdekur që e merr… Ai doli publikisht!

Nënë Liza: Do e marrësh shtëpinë tha, por me taksat e shqiptarëve. Unë nuk kam dalë për sevap i thashë. Në media mos dil tha, mos dil në protestë, ke bërë zhurmë boll tha. Shtëpinë do e marrësh kur të bëhen tha. Por kur do bëhen? Tani u mazitëm me rrenat, nuk ka burrë që më rren më.

Pas takimit, më thanë hajde firmos kontratën se ty të ka marrë kryeministri. Morëm avokatin, vajtëm aty, pyeta a ka ndryshuar gjë, jo më thanë. Kur shoh ishte kontrata si e para. I thashë jo nuk firmos unë këtë. Ne nuk dolëm në protestë për të firmosur atë. Ne duam vendin se ku do të jetë shtëpia. Pika e parë, ku e marrim./albeu.com

The post Nënë Liza tregon prapaskenat e takimit me Ramën: Më tha ke bërë zhurmë boll appeared first on Albeu.com.

Sonte, nënë Liza ka ardhur në emisionin Zonë e Lirë në Tv Klan për të komentuar pikërisht takimin me Kryeministrin Edi Rama.

Nënë Liza thotë se nuk beson asnjë premtim që i bëhet.

“Unë e di që nuk jep shtëpi asgjë ai. Është mashtrim. Qysh se foli, me mua nuk flitet kështu. Ky shtet nuk më gënjen më.

Do i japim shtëpitë tha, pse bën luftë me shtetin. Ti do t’i marrësh shtëpitë tha me taksat e shqiptarëve.

Nuk ka marrëveshje me asnjeri. Unë i dua me shkrim e me vulë e me firmë e me të gjitha gjërat. As është caktuar vendi”, tha ndër të tjera nënë Liza.

Banorët e zonës “5 Maji” në kryeqytet po protestojnë prej disa ditësh për shembjen e banesave të tyre, por nga bashkia dhe qeveria thonë se të gjithë do të përfitojnë banesat e reja në pallatet që do të ndërtohen sipas metrave katrorë që i kanë.

The post Nënë Liza komenton takimin me Ramën: Është mashtrim, e di që nuk jep shtëpi (VIDEO) appeared first on Albeu.com.

Një banor paralahmëroi se kryetari i Bashkisë tentoi ta manipulonte, por tani protestat do trefishohen.

Sipa tyre kontrata e afruar është një “pacavure”, ku sipas tyre aty shkruhet: “Të dhurohet banesa dhe në një të ardhme të afërt premtohet tu jepet një tjetër”.

Deklarata për mediat

Banori i njësisë nr.8: A doni me e dit drejt? Asnjë nënë nuk mashtrohet. Firmos se je në besë time i thanë.

Nënë Liza: Është kontrata gati hajde, jam larg I thashë.

Banori: E kemi lexu, kjo është paçavure. Fal dhe dhuro pasurinë se në një të ardhme ta premtoj. Deshën të mashtrojnë nën Lizën, po kjo është e zgjuar. Tani do trefishohen protestat!

Nënë Liza: Nuk kam kohë i thashë se doja një me vete, se nuk shoh mirë, jam hutu. /albeu.com

The post ”Skam kohë”, nënë Liza refuzon të hedhë firmën në bashki, banori: Protestat do 3-fishohen appeared first on Albeu.com.

Fillimisht Mazniku ka shpjeguar pse ka nisur shembja e shtëpive në mes të dimrit, ndërsa ka sqaruar se sipas tij banorët ishin informuar disa herë.

Mazniku në mbyllje i ka premtuar nënë Lizës që do i marrë shtëpi të legalizur në një vend më të mirë.

Diskutimi mes nënë Lizës dhe Maznikut:

Mazniku: Që pas tërmetit të 2019 në janar të 2020 është marrë vendim për ta shpallur 5 majin si një zonë për rizhvillim. Ka nisur dhe procesi i shpronësimeve, mbi 5 herë secili në atë zonë është informuar. Banorët kanë pasur gjithë kohën e mundshme.

Nënë Liza: Nëna s’ka ditur me pa facebook. Nuk kemi firmosur, i kemi marrë në mënyrë ilegale”, përgjigjet nënë Liza.

Mazniku: Ka ardhur dhe një grup nga hipoteka që ka bërë matjet

Liza: I kanë matur ka 3 vjet. Ju i keni bërë të gjitha të kundraligjshme. Ju jeni duke iu kundërvënë popullit kot. Jam në proces legalizimi. Unë e kam jetën në rrënoja e po fle jashtë dhe se di ku i kam rrogat. Keni ardhur e keni prerë dritat në 4 të mëngjesit. Kemi ardhur 5 ditë përpara. Pse s’më gjete shtëpi.

Mazniku: Shpronësimi nuk është një akt me dakordësi.

Pyetje: Ku do flini sot?

Nënë Liza: Në gërmadha, këtu është një mafie e gjallë. Këtu kam një të legalizuar një të palegalizuar… Këtu është faji i shtetit, nuk është faji i nënë Lizës.Me të nxjerrë familjen tënde jashtë si të duket, me të nxjerrë shtëpinë jashtë si të duket. Unë jam jashtë me fëmijët. Kontrata është fallso. Me i nxjerr nënën zvarrë Maznikut si i duket. Maznikut i duan kontratën me vulë me noter dhe me firmës e bashkisë. Mbi të gjitha thuaji Maznikut jemi shqiptarë.Unë pa marrë kontratën e rregullt nuk dal nga shtëpia. Metrat i dua metër për metër. Çdo kat katër dhoma 2 banjo. Është turp për një shtet me u kap me një plakë e me e nxjerrë zvarrë.

Mazniku: Nënë Liza e ka të palegalizuar shtëpinë. Do marrë 364 metra katror, ndërtim me hipotekë në një objekt dhe zonë shumë herë më të mirë të urbanizuar një që do zhvillohet shumë herë më mirë se ajo që ka. Do i ketë të trashëgueshme të dhënshme me qira. Do kenë mundësi ta disponojnë ligjërisht pronën ndryshe nga ajo që kishin. Sa më shpejt të fillojnë të punojnë kompanitë aq më shpejt do mbarojnë.  Deri atëherë do paguajmë bonusin e qirasë./albeu.com/

The post Nënë Liza përballet me Bashkinë, Mazniku premton: Do marrësh shtëpi me hipotekë dhe në zonë më të mirë appeared first on Albeu.com.

E ftuar në emisonin “Kafe Shqeto”, ajo tregon se familjarisht ata vazhdojnë të gdhihen në shtëpinë e rrënuar.

“Ne vazhdojmë të gdhihemi aty, presim një zgjidhje ligjore dhe duam një kontratë të rregullt , ju kemi kërkuar të vijnë të na japin një sqarim, por nuk kemi pasur përgjigje. Nuk kemi parë asnjë letër asnjë kontratë. Nuk kam hallin e politikës por kam hallin e shtëpisë time, nuk kemi dalë për politikë në protestë, shtëpia është e shenjtë, shtëpia është jeta jonë, ne për ate shtëpi jemi copëtuar duke ngrënë bukë thatë, nusja dhe djali im kanë probleme shëndetësore që ju kanë ardhur nga mundi i tyre për të rregulluar shtëpinë. Nuk ka shtet që më gënjen në botë. Nëse më firmos një letër, të më japë një shtëpi që t’i jap një shtëpi, këtu është një skandal i madh”.

Mënyra e trajtimit nga policët, për Nënë Lizën ishte e jashtëligjshme.

“Ajo ishte e jashtëligjshme, erdhën një tufë policësh, ishte protesta për në 10:00 ato erdhën në orën 07:00, ata erdhën jashtë rregullave sepse e dinë që këtu nuk ka ligje.Unë dua strehim, pa bonuse, ti paguajë Bashkia si dhe shtëpinë siç e meritoj, dhe jo në zonat ku ato duan. Ne tokën nuk e kemi zaptuar, e kemi blerë me djersë, ne i kërkojmë Bashkisë orën dhe ditën se kur do ta marrim shtëpinë”,  tha më tej ajo. /albeu.com

The post I shembën shtëpinë, nënë Liza: Vazhdojmë të gdhihemi aty, kemi ngrënë bukë thatë për ta ndërtuar appeared first on Albeu.com.

Ndërsa nënë Liza ka parashtruar kërkesat duke hedhur akuza ndaj kryebashkiakut Erion Veliaj për mospraninë e tij në këtë përballje, ka ndërhyrë Klotilda Bushka e cila e ka pyetur nëse ka ardhur për politikë apo për hall.

Kjo pyetje ka bërë që nënë Liza të ngrihet në këmbë dhe të mos kurseja as kryetaren e Komisionit të Ligjeve.

Pjesë nga debati

Nënë Liza: E kam ditur se do vdes, por se do vij këtu, jo. Edhe po të isha në gjak do më kishin vrarë një njeri dhe jo 13 vetë të familjes. Veliajt i kemi thënë të vijë dhe të na caktojë një datë e një ditë e një kontratë të rregullt se ku do të marrim shtëpinë. Por s’ka pranuar të vijë. Bashkisë i kemi bërë thirrje të vijë. Për të më gënjyer s’më gënjen dot  as Veliaj as Rama. Ne duam shtëpi. Mos me e nxjerrë popullin jashtë. S’jemi serbë as në Afganistan… Çfarë po bëhet në këtë shtet a ka ligje, a s’ka ligje, a  ka njerëz a s’ka njerëz ne nuk jemi duke i dhënë dum. Me i përdorur njerëzit sikur po i përdor shteti jonë, e me i nxjerr jashtë. Unë ende fle në rrënoja. 3 kate shtëpi sot janë kasolla.

Bushka: Zonja Liza që t’ju dëgjojmë, na flisni për problemin tuaj, që t’ju dëgjojmë…

Nënë Liza: Kush është një prej jush që e jep shtëpinë. Ne duam drejtësi. Shtet s’ka, gjykatë s’ka. Ne s’kemi qenë çobanë, kemi qenë familjarë të rregullt, me taksa e të gjitha. Unë ia dua metrat shtetit një më një. Të bëjë një shtet kështu, një kryetar bashkie që të mos pranojë të vijë të ballafaqohet. Unë i kam marrë te komshinjtë rrobat, ilaçet jo, lekët e bukës brenda. Turpi i botës për shtetin shqiptar. Ne kujtojmë se jemi duke hyrë në Evropë, por jemi duke hyrë në gropë me këtë shtet. Ne kërkojmë kryetarin e bashkisë të vijë këtu, se te populli s’vjen se ka frikë se e vret kush. Ku do shkojmë ne. Kryetari i bashkisë nëse është burrë të vijë në shesh të burrave.

Bushka: Nëna Liza ke ardhur për politikë apo për hallin tënd? Të ngelemi te shqetësimi që keni

Nënë Liza: Prit, prit… Unë dua kontratën e rregullt… Unë do rri të vdes në rrënoja dhe s’dal nga shtëpia. Mos t’u vijë keq fare unë jam malësore dhe s’tremben as prej teje. 16 me 9 e kam tensionin tani. Duro njëherë, kryesorja se je grua. Unë i kërkoj kryetarit të bashkisë kontratën e rregullt, me vulë dhe firmë.

Sot banorët e “5 Majit” janë thirrur në një seancë dëgjimore me kryetarin e Bashkisë së Tiranës, Erion Veliaj, drejtorin e Policisë, Gledis Nano dhe Avokatin e Popullin lidhur me shembjen e banesave të tyre. Mungesa e kryebashkiakut ka sjellë pakënaqësi të opozitës. Por jo vetëm kaq, ata janë të revoltuar sepse edhe drejtuesi i policisë së shtetit u largua menjëherë pasi bëri një rezyme se çfarë kishte ndodhur sipas tij te “5 Maji”./albeu.com

The post Nënë Liza “përplaset” me Bushkën te Komisioni i Ligjeve: S’trembem prej teje, Veliaj po qe burrë të vijë në shesh appeared first on Albeu.com.