moti i nxehte Archives - Albeu.com

I nxehti afrikan ‘përvëlon’ Shqipërinë,temperatura deri në 44 gradë ditën e nesërme

M C — Thu, 11 Jul 2024 15:10:23 +0000

Prej disa ditësh Shqipëria është i përfshirë nga anticikloni afrikan, i cili do të vijojë edhe përgjatë javës së ardhshme, ku temperaturat pritet të arrijnë deri në 44 gradë celcius. Edhe përgjatë ditës së premte vendi ynë do të ketë temperatura të larta ku në mesditë pritet të arrijnë deri në 43 gradë celcius. Qytetet [...]

Rikthehet i nxehti afrikan në vend, ja sa do arrijnë temperaturat

M C — Mon, 08 Jul 2024 14:36:42 +0000

I nxehti afrikan është rikthyer sërish në vendin tonë, por këtë herë do qëndrojë edhe më gjatë.

Sinoptikanët thonë se ditën e sotme temperaturat pritet të arrijnë deri në 40 gradë në disa qytete të Ultësirës Perëndimore. Sipas tyre, kjo valë e të nxehtit afrikan që vjen pas disa ditëve të freskëta, do qëndrojë të paktën 8 ditë.
Vetëm ditën e nesërme do ketë reshje shiu dhe tërheqje të lehtë të valës të së nxehtit ekstrem, por jo për shumë gjatë pasi nga e mërkura rikthehet i nxehti afrikan.

“Sot presim temperatura mjaft të larta. Pas një periudhe 4-5 ditore relativisht të freskët, temperatura do të ngjitet shumë pranë vlerës 40 gradë në shumë qytete të Ultësirës Perëndimore. Parashikohet që ditën e martë të kemi tërheqje të lehtë të valës. Do të kemi rrebeshe shiu kryesisht në qendër, përfshirë dhe kryeqytetin dhe në zonat jugore dhe juglindore pasi do të kemi disa celula konveksioni duke sjellë rrebeshe shiu dhe breshër në juglindje të vendit për shkak të temperaturave të larta.

Dita e mërkurë, e enjte dhe e premte nuk ka sinjale të kemi reshje. Do të jemi nën ndikimin e valëve të të nxehtit. Do të jenë 3 ditë përvëluese, rriten temperaturat edhe në vlerat minimale. Madje rriten 17-18 gradë, shkojnë në zonat malore mbi 20 gradë në pjesën më të madhe të territorit shqiptar. Temperatura 40 gradë pothuajse në të gjithë vendin, këto temperatura do i kenë dhe zonat malore përgjatë këtyre 3 ditëve, Kukësi, Hasi, Peshkopia, Kopliku po ashtu.

Me temperatura 39-40 gradë, vija bregdetare. Me temperatura mbi 40 gradë do të jetë në brendësi të territorit, ku në vijën e parë të frontit të nxehtësisë do të jetë qarku i Shkodrës, Lezhës, do të jetë Tirana po ashtu, Gjirokastra, Berati, Elbasani që termometri do të jetë mbi 40 gradë. A do thyhet rekordi i vlerës 42.5 që u shënuar gjatë Qershorit? Pritet që të afrohemi për të bërë analizën apo të dhënat e stacioneve.

Megjithatë kjo valë do të jenë mjaft e gjatë që do të zgjasë të paktën 8 ditë që do të na shoqërojë nga valët e të nxehtit afrikan në territorin shqiptar. Mos harrojmë që flasim për temperatura të matura në hije që do të thotë në diell janë 4 apo 5 gradë më të larta”.

The post Rikthehet i nxehti afrikan në vend, ja sa do arrijnë temperaturat appeared first on Albeu.com.

Eurostat: Temperaturat rekord në Evropë në 2022 çuan në më shumë se 61 mijë vdekje

E B — Wed, 12 Jul 2023 07:23:58 +0000

Në Evropë, në verën e vitit 2022, kur u përjetuan temperatura rekord të shkaktuara nga kriza klimatike, janë regjistruar më shumë se 61 mijë vdekje për shkak të motit të nxehtë.

Një grup ekspertësh ndërkombëtarë të shëndetit publik kanë përgatitur një hulumtim duke përdorur të dhënat e Entit Evropian të Statistikave (Eurostat), raportoi gazeta “The Guardian”.

Në hulumtim janë ekzaminuar të dhënat e vdekjeve nga moti i nxehtë, të regjistruara në 35 vende të Evropës midis 30 majit dhe 4 shtatorit 2022.

Thuhet se numri i vdekjeve është rritur në Evropën Jugore, ku janë regjistruar temperatura anormale, më të ngrohta se në veri, dhe ku u përjetuan ditët më të nxehta të verës.

Në hulumtim thuhet se temperaturat mesatare në Evropë në verën e vitit 2022 kanë tejkaluar matjet e 30 viteve të mëparshme dhe se 11 637 persona kanë vdekur vetëm në datat 18-24 korrik, kur janë regjistruar temperaturat më të larta.

Sipas të dhënave, 61 672 persona kanë humbur jetën për shkaqe të lidhura me nxehtësinë në Evropë nga data 30 maj deri më 4 shtator 2022, kurse më së shumti vdekje janë regjistruar në Itali, Greqi, Spanjë dhe Portugali.

Thuhet se vetëm një pjesë e vogël e vdekjeve janë shkaktuar nga goditja e nxehtësisë, kurse shumica humbën jetën për shkak se moti i nxehtë pengoi trupin të përballet me problemet ekzistuese shëndetësore, si sëmundjet e zemrës dhe të mushkërive.

Duke theksuar se temperaturat janë rritur me 1,1 gradë në mbarë botën për shkak të ngrohjes globale, ekspertët shprehin shqetësimet e tyre se kjo rritje do të vazhdojë.

Organizata Botërore Meteorologjike (WMO) njoftoi më 10 korrik se temperaturat e sipërfaqes së detit arritën nivele rekord në maj, qershor dhe korrik dhe se të dhënat e temperaturës në muajt e fundit do të rriten më tej me efektin e fenomenit El-Nino.

The post Eurostat: Temperaturat rekord në Evropë në 2022 çuan në më shumë se 61 mijë vdekje appeared first on Albeu.com.

HARTA/ Mësohet se kur vjen vera këtë vit

E S — Wed, 14 Jun 2023 14:03:09 +0000

Vendi është karakterizuar nga temperatura të freskëta gjatë javëve të fundit pavarësisht se zyrtarisht jemi futur në stinën e verës që më datë 1 qershor.

Moti ka qenë i paqendrueshëm, ku dita nis me diell dhe më pas paditen hasen reshje shiu në një pjesë të mirë të territorit të vendit, por duket se tashmë kjo do të marrë fund dhe vera do të “vijë” realisht nga mesi i javës tjetër.

Mësohet se duke nisur nga e mërkura e javës së ardhshme, temperaturat do të rriten duke qëndruar mbi 30 gradë celsius.

Mësoni KËTU detajet nga moti

Është një anticiklon që vjen nga veriu i Afrikës ai që do të nxehë të gjithë rajonin duke përfshirë Italinë si edhe Ballkanin Perëndimor. /albeu.com

The post HARTA/ Mësohet se kur vjen vera këtë vit appeared first on Albeu.com.

Ditë të nxehta na presin! Zbuloni kur freskohet moti në Shqipëri

admin — Fri, 30 Jul 2021 19:26:26 +0000

Temperaturat e larta pritet të na shoqërojnë edhe gjatë 15 ditëshit të parë të muajit gusht, thotë sinoptikani Hakil Osmania.

Përgjatë gjithë gjysmës së parë të muajit gusht vendi ynë do të mbizotërohet nga kthjellimet, në zonat malore do të ketë kalime të herëpashershme vranësirash, por nuk do të jenë problematike.

“Në 15 ditëshin e parë të muajit gusht pritet të kemi temperatura të larta. Temperaturat e larta do të shoqërohen me mbizotërimin e kthjellimeve, kryesisht në zonat e ulëta bregdetare, ndërsa në zonat malore do të ketë kalime të herë pas hershme vranësirash, por nuk do të jenë problematike.

Pritet që në 15 ditëshin e dytë të kemi një normalizim, për sa i përket vlerave termike, duke u afruar kështu afër temperaturave tipike për sa i përket muajit gusht. Pritet që temperatura maksimale në 15 ditëshin e dytë të zbresë në vlerat 34 Gradë Celcius. Pjesa e dytë e gushtit pritet të jetë nj gusht më normal, për sa i përket vlerave termike.” /oranews

The post Ditë të nxehta na presin! Zbuloni kur freskohet moti në Shqipëri appeared first on Albeu.com.