Prokuroria e Posaçme, përmes tyre do të tregojë skemën e përfitimit të tenderave, por edhe se si subjekti kishte pronar faktik dy ish-drejtorët e Bashkisë së Tiranës.

63 dëshmitarë janë kërkuar nga SPAK për t`u bërë pjesë e procesit gjyqësor ndaj ish-drejtorëve të Bashkisë së Tiranës të cilët akuzohen se nëpërmjet kompanisë “5D”, kanë fituar tendera për punë publike në konflit të hapur interesi.

Mësohet se në listë janë punëtorët e kompanisë “5D konstruksion” si dhe i vëllai i Mariglenit, Alfred Qato.

Nëpërmjet tyre, Spak kërkon të zbulojë edhe më tej mënyrën se si funksiononte skema subjekti, por edhe marrëdhënia me Qaton dhe Mollën që konsiderohen pronar fakti, ndërsa ishin drejtorë në Bashkinë e Trianës në kohën kur kryetar i saj ishte Erjon Veliaj.

Një emër i rëndësishëm për SPAK është Eduard Meta, i cili rezulton se 22 janar 2016 ka themeluar kompaninë “Igor Elektrik”.

Që më pas ia ka shitur Muhamet Petritit 75 përqind të aksioneve.

Subjekti në vitin 2019 ndryshon emër, duke u shndërruar në VAS Construksion që më pas u kthye në “5D”.

Përgjatë këtyre datave ajo ka përfituar tendera nga Bashkia e Trianës. Jonida Hoxha dhe Jona Bejko, janë dy emrat kyç që SPAK i ka në procesin gjyqësor ndaj drejtorëve të Bashkisë Trianë.

Sekuestrimi i aparateve celulare dhe kqyrja e tyre kanë zbuluar tendera të përfituar nga “5D”, e po ashtu biseda përmes të cilave janë ngritur dyshimet mbi një hotel që po ndërtohet në Durrës.

Pas tyre, SPAK do të thërras edhe pjesen tjetër të personave që do të dëshmojë në procesin gjyqësor.

Gjykata e posaçme, pak javë më parë kundërshtoi kërkesën për gjykim të shkurtuar të ish-drejtoreve të tiranës.

Kjo kompani ka përfituar në mënyrë të parregullt 12 tendera publikë në vitet 2016-2020, që sipas prokurorisë janë marrë duke shkelur rregullat e prokurimit dhe duke siguruar përfitime prej rreth 192 milionë lekësh.

The post 63 dëshmimtarë për dosjen “5D”/ Prokuroria do të zbardhë në gjykatë skemën e korrupsionit appeared first on Albeu.com.

Sipas burimeve, Mollës dhe Qatos, u është komunikuar për veprat penale korrupsion pasiv dhe mosdeklarim pasurie, ndërsa Tusha akuzohet për Shkelje të barazisë në tendera.

Burime nga SPAK, bëjnë të ditur se vijojnë hetimet pasi me komunikimin e akuzave nuk ka përfunduar ende faza hetimore për mbledhjen e fakteve dhe provave nga SPAK.

Për ish-drejtorët e Bashkisë Tiranë ,më 28 mars të këtij viti, GJKKO caktoi arrest në burg për, Redi Mollën, ish-Drejtor i Ujësjellës Kanalizime në Bashkinë Tiranë, Taulant Tusha, ish- Drejtor i Punëve Publike në Bashkinë e Tiranës, Mariglen Qato, ish-Drejtor Inspektoriatit së Mbrojtjes së Territorit, në Bashkinë Tiranë.

6 masa të tjera sigurie që miratuan gjithashtu nga gjykata ishin detyrim paraqitje, ku bëjnë pjesë ish-anëtarë komisioni të vlerësimit të ofertave.

The post Dosja ”5D”/ SPAK u komunikon zyrtarisht akuzat 3 ish-drejtorëve të Bashkisë Tiranë, Qato, Molla, dhe Tusha appeared first on Albeu.com.

Jo rastësisht ky frut konsiderohen si një “ilaç” natyral, pasi konsumimi i shpeshtë forcon mbrojtjen e organizmit dhe mbron nga sëmundjet kronike. Megjithatë, duket se mollët janë po aq të vlefshme për shëndetin e trurit.

Siç thekson Dr. Vincent Candrawinata, një shkencëtar ushqimor, studiues dhe nutricionist klinik, ka prova shkencore që konsumimi i rregullt i mollëve mund të përmirësojë kujtesën dhe të zvogëlojë rrezikun e sëmundjes Alzheimer.

Por ku atribuohen këto përfitime të vlefshme? Mollët përmbajnë vitamina dhe minerale të rëndësishme që lidhen me ruajtjen e kujtesës, si flavonoidet. Këta përbërës specifikë kanë veti antioksiduese dhe përveç mollëve, gjenden edhe te çokollata e zezë, manaferrat, çaji dhe vera.

Dr. Vincent Candraëinata përmendi një studim amerikan me 2800 pjesëmarrës me një moshë mesatare 50 vjeç, i cili zbuloi se ata që hanin ushqime më pak të pasura me flavonoidë, kishin dy deri në katër herë më shumë gjasa të zhvillonin sëmundjen e Alzheimerit dhe gjendjet e lidhura me to gjatë një periudhe 20-vjeçare. Flavonoidet janë komponime fenolike që gjenden në fruta të tilla si mollët dhe dardhat dhe perimet si lakra jeshile dhe spinaqi. Mund t’i gjeni edhe në çokollatë dhe verë! Këto komponime, kur absorbohen siç duhet, janë të dobishme për shëndetin tonë. “Studimet kanë treguar se marrja më e lartë dietike e flavonoideve dhe nënklasës së tyre, flavonoleve, mund të shoqërohet me një rrezik të reduktuar të sëmundjes së Alzheimerit,” thekson ai.

Duke konsumuar më shumë ushqime të tilla bimore, trupi furnizohet me vitamina dhe minerale të rëndësishme që mbrojnë qelizat e trurit nga neurotoksiciteti, i cili mund të çojë në çrregullime të tilla neurodegjenerative.

“Neurotoksiciteti ndodh kur sistemi nervor i trupit është i ekspozuar ndaj substancave toksike natyrore ose të krijuara nga njeriu dhe ndryshon aktivitetin normal të sistemit nervor. Në fund të fundit kjo mund të çojë në ndërprerjen ose vdekjen e neuroneve të trurit”, shpjegon Dr. Candraëinata.

Megjithatë, mund të jetë edhe për shkak të faktorëve të tjerë.

“Neurotoksiciteti mund të ndodhë si rezultat i ekspozimit ndaj substancave të përdorura në kimioterapi, terapi rrezatimi, trajtime me ilaçe apo edhe ekspozimi ndaj metaleve të rënda si merkuri dhe disa aditivë ushqimorë, pesticide, industriale dhe tretës pastrues dhe kozmetikë”, vëren ai.

Nutricionisti klinik arrin në përfundimin se ndërsa nuk ka asnjë kurë apo edhe një shkak të njohur për sëmundjen e Alzheimerit, është e rëndësishme të përqendroheni në adoptimin e një stili jetese të shëndetshëm, si dieta dhe ushtrimet, për të reduktuar gjasat e zhvillimit të sëmundjes.

The post Fruti “ilaç” që mbron kujtesën dhe zvogëlon rrezikun e demencës appeared first on Albeu.com.

Fruti është molla, e cila është e pasur me fibra, krijon ndjenjën e ngopjes, kështu që ngrënia e saj para vaktit ju ndihmon të hani sasi më të vogla ushqimi, si dhe të shmangni ushqimet e tjera jo të shëndetshme.

Sipas nutricionistit të njohur Rob Hobson, mollët të ngopin tre herë më shumë se një çokollatë dhe sigurisht është  shumë më e shëndetshme.

Pektina, fibra që gjendet tek mollët, ndihmon gjithashtu në rregullimin e baktereve në zorrë (mikrobiomën), shumëllojshmëria dhe ekuilibri i të cilave lidhet me parandalimin e shtimit të peshës dhe akumulimit të yndyrës në trup./albeu.com

The post Nëse hani këtë frut pas çdo vakti, do të digjni më shpejt yndyrën e barkut appeared first on Albeu.com.

Uthulla duhet tretur në ujë: Uthulla e mollës nuk duhet pirë kurrë pa u tretur në ujë, për shkak të aciditetit të lartë që shkakton dëme në ezofag dhe në stomak. Mënyra e duhur për ta pirë uthullën është ta tresni në ujë, që të mbroni fytin dhe stomakun. Edhe kur ta tresni në ujë, uthulla duhet pirë nëpërmjet një pipëz dhe më pas të prisni 30 minuta që të lani dhëmbët me furçë.

Mos e pini pas buke: Nëse e keni zakon që të pini uthull molle pas buke, atëherë është koha që të ndryshoni rutinën tuaj. Me kalimin e moshës, njerëzit pësojnë një pakësim të lëngjeve gastrike të cilat shpërbëjnë ushqimin në stomak. Për rrjedhojë, uthulla duhet tretur në ujë dhe duhet pirë përpara vaktit në mënyrë që të përmirësojë tretjen dhe të shmangë fryrjet dhe problemet e tjera.

Nëse nuk e pini dot ashtu, hidhni uthull në sallatë dhe do të jetë më e lehtë.

Kujdes me sasitë: “Gjella me kripë e kripa me karar”, thotë populli dhe kjo shprehje vlen edhe në rastin e uthullës së mollës. Nëse do të filloni një regjim ku përfshihet konsumi i uthullës, është mirë që ta nisni ngadalë që t’i jepni trupit kohë dhe mundësi të përshtatet me aciditetin. Rregulli i artë është që nuk duhet të pini më shumë se dy lugë uthulle për çdo herë, në mënyrë që të mbroheni nga efektet anësore.

Mos pini uthull para gjumit: Këshillohet që të mos pini uthull molle para gjumit. Edhe nëse e tresni në ujë, ajo vazhdon të jetë e dëmshme për ezofagun, veçanërisht nëse qëndroni shtrirë. Njerëzit duhet të qëndrojnë në këmbë për 30 minuta pas konsumit të uthullës së mollës që të mbrojnë ezofagun.

Mos pini uthull nëse keni ulçerë në stomak: Uthulla e mollës ka aciditet të lartë dhe si e tillë është e dëmshme për njerëzit që kanë probleme me stomakun dhe veçanërisht ata që vuajnë nga ulçera. Uthulla është irrituese për stomakun dhe mund ta përkeqësojë situatën.

The post Si të përdorni uthullën e mollës pa dëmtuar shëndetin appeared first on Albeu.com.

Zgjidhni një mollë dhe zbuloni më shumë rreth vetes. Këtu është një lloj i veçantë i testit të personalitetit që do t’ju japë përgjigjen që kërkoni…

Molla #1

Është një mollë e thjeshtë, por shumë e fortë, ashtu si ju. Ju jeni një person i ndershëm që gjithmonë thoni atë që mendoni, sepse keni bindjen se kjo është e drejtë. Ju jeni shumë të sinqertë dhe nuk dëshironi të hiqeni si dikush që nuk jeni. Çelësi i lumturisë suaj është që mos shqetësoheni shumë për gjithçka.

Molla #2

Nëse keni zgjedhur këtë mollë kjo do të thotë që ju jeni një person i thjeshtë dhe aktiv. Nuk ju pëlqen jeta monotone dhe aspirata juaj më e madhe është të jetoni aventura të shumta. Çdo herë në një kohë ju përfundoni me mosbindjen ndaj rregullave sociale sepse doni të eksperimentoni me gjëra të reja. Molla juaj ideale është ajo e mbuluar me karamel për ta bërë jetën më të ëmbël.

Molla #3

Këtu është molla e përsosur për të bërë një tortë të shijshme. Ju nuk e besoni, por në realitet njerëzit rreth jush mendojnë se jeni shumë interesant. Personaliteti juaj karakterizohet nga shumë optimizëm. Ju jeni një person karizmatik që gjithmonë arrin ta rrethosh veten me shumë njerëz.

Molla #4

Sipas këtij testi ju jeni një person i thjeshtë që dini t’i merrni gjërat shumë lehtë. Emocionet dhe veprimet tuaja janë të balancuara fuqishëm, edhe pse shumë shpesh ju tentoni të jeni të turpshëm dhe të rezervuar. Nuk është e lehtë për ju të tregoni “un-in” tuaj të vërtetë para të tjerëve. Ju preferoni të dëgjoni atë që thonë të tjerët para se të flisni. Ju jeni një person i besueshëm dhe njerëzit rreth jush e njohin atë.

Molla #5

Ju jeni një person që jeton jetën e tij në maksimum në çdo kohë. Ju nuk keni nevojë për aventura të mëdha sepse çdo ditë është plot kujtime të paharrueshme dhe të rëndësishme. Ndjenjat tuaja janë shumë të mira dhe ju pëlqen të shijoni, dëgjoni, vëzhgoni dhe prekni gjithçka rreth jush. Nuk ka rutinë për ju, sepse çdo aktivitet kthehet në një valë të qeshurash dhe argëtimi.

Molla #6

Molla e fundit thotë se ju jeni një person shumë inteligjent me një mendje të guximshme. Ju dini se si të reagoni menjëherë për problemet e jetës, sepse keni mijëra ide për minutë. Le të themi se nuk jeni personi më argëtues që ky Planet ka njohur ndonjëherë, por ju dini si të zhvilloni një bisedë me njerëzit e tjerë.

Virtyti juaj më i madh është inteligjenca dhe ju dini si ta përdorni kur është e nevojshme. Gjëja e bukur është se njerëzit rreth jush ju konsiderojnë të lumtur dhe qesharak, edhe nëse duket se nuk jeni.

The post Test psikologjik: Zgjidhni një mollë dhe zbuloni një sekret për veten appeared first on Albeu.com.