Deputetët kërkuan ndryshimin e rendit të ditës dhe mbajtjen e një mocioni me debat lidhur me raportin e DASH për Shqipërinë.

Por kryetarja e Kuvendit Lindita Nikolla rrëzoi kërkesën e opozitës dhe tha se fillimisht duhet të dorëzojnë kërkesën për mocion. Më pas Nikolla do të mbledhe konferencën e kryetarëve për të vendosur ditën kur do të zhvillohet mocioni me debat.

Lidhur me kërkesën foli edhe kreu i Grupit Parlamentar të Ps-së, Taulant Balla i cili në fjalën e tij tha se nuk ka pasur asnjë kërkesë  për mocion me debat, ndërkohë shprehu dakordësinë që ky debat të zhvillohet në një moment tjetër.

Balla: Nuk jemi para një kërkese të mocionit me debat. Nuk na ka ardhur një kërkesë. Ka një kërkesë për ndryshim të rendit të ditës, për të përfshirë në rend dite diçka që nuk ekziston. Nëse doni të zhvillojmë një mocion me debat për gjetjet e DASH, ne jemi të gatshëm që të shqyrtojmë kërkesën brenda tre ditësh. Kemi shumë kohë që presim të flasim për shumë gjetje të DASH. Ju që kërkuat mocion me debat para disa kohësh ikët. Ne jemi të gatshëm që të kemi mocion për raportin e DASH. Duhet të zhvillojmë një mocion me debat dhe për procesin e integrimin.  Sot kemi një sërë çështjesh për të diskutuar dhe për të debatuar./Albeu.com/

The post Raporti i DASH, rrëzohet kërkesa e opozitës për mocionin me debat appeared first on Albeu.com.

Çështja “McGonigal” do të jetë sërish fokusi, pasi 24 orë janë në dispozicion për mocionin me debat me kryeministrin Edi Rama. Ky i fundit është akuzuar vazhdimisht nga opozita për lidhjet e tij me ish-agjentin e FBI, teksa për disa seanca plenare nuk ka qenë i pranishëm.

Sot pritet të rikthehen në Kuvend edhe kreu i Partisë Demokratike, Sali Berisha dhe një grup i deputetëve të opozitës, cilëve u ka përfunduar afati i përjashtimit gjatë seancave të kaluara pas tensioneve dhe debateve të forta.

Kujtojmë që në javët e kaluara Partia Demokratike ka protestuar jashtë Kuvendit, me një pjesë të deputetëve të përjashtuar.

Ndërkohë Kuvendi është shoqëruar me tensione dhe mazhoranca ka vijuar votimin e ligjeve, për të cilat opozita bën thirrje të anulohen, pasi procesi është kryer në parregullsi, me mungesa të deputetëve. /albeu.com

The post Çështja “McGonigal” rikthehet në Kuvend, 24 orë mocion me debat, Rama jep “llogari” para opozitës appeared first on Albeu.com.

Sipas tij Parlamenti nuk është “Fast Food”. Ai ka theksuar se mocioni me debat do të mbahet në 2 mars për shkak të axhendës ndërkombëtare të kryeministrit ndër arsye të tjera.

Balla: Së pari kërkesa për zhvillimin e mocionit me debat ka kërkuar vënien në dispozicion të një dite të plotë ku të hiqen të gjitha çështjet që mund të ketë seanca dhe të jetë e dedikuar, e cila po ta llogarisim nëse flet secili nga 10 minuta I bie rreth 24 orë. Në këtë këndvështrim, ne nuk jemi një fast food, por institucion ku duhet të përgatitet çdo deputet për atë që do flasë.

Opozita 2 marsin e ka ditë të shënuar mendoj se do ishte data më e mirë. Neni 89 në rast se nuk gjendet dakordësia votohet propozimi i kryetarit të Kuvendit.

Në këtë aspekt tashmë nuk ka më asnjë alibi për normalitetin. Koha në dispozicion për tu përgatitur është e mjaftueshme. presim deputetët të jenë prezent edhe pse nuk ka dyshim që nuk është mocioni me debat arsyeja për këtë situatë, por katrani me bojë në krye të PD që nuk lë hapësirë.

Balla ka reaguar edhe në lidhje me videon e publikuar dje nga opozita për vendosjen e një paralelizmi mes situatës së ditëve të fundit në kuvend dhe mënyrës së ngjashme se si PS bënte dikur opozitë.

Sipas tij ata janë munduar të bëjnë një krahasim me 2006 ku PS ka kërkuar që votimi të ishte i fshehtë, kërkesë e cila sot nuk është më e nevojshme për shkak të sanksionimit në rregullore.

Balla: Gjej rastin si kryetar i grupit të PS të përshëndes aktin e familjarëve të 21 janarit që për vrasjet e të paktën dy prej të vrarëve që cilësohen si vrasje pa autor, iu drejtuan SPAK që ka detyrimin të marrë kompetencën për hetimin e atij krimi shtetëror. Janë munduar të bëjnë një krahasim me 2006 ku ne kemi kërkuar që votimi të ishte i fshehtë. Kjo ishte arsyeja e debatit dhe protestës së opozitës së asaj kohë.

Kërkesat për votimin e fshehtë janë kërkesa që nuk janë më të nevojshme t’i bësh sepse janë sanksionuar në Rregullore. Edhe në atë kohë ka pasur përjashtime si deputeti Petro Koçi dhe të tjerë. Pyetja që shtron çdo qytetar është a do respektohen sot rregullat kur kërkesat e opozitës kanë marrë rrugë. Ajo për komision hetimor është në Konferencën e Kryetarëve./Albeu.com./

The post “Kuvendi nuk është ‘fast-food’”, Balla: Mocioni me debat në 2 mars për shkak të axhendës së kryeministrit appeared first on Albeu.com.