Sipas njoftimit të KQZ-së, në Qendrën Komunale të Numërimit (QKN) në Mitrovicën e Jugut është duke vazhduar procesi i verifikimit të rezultateve.

“Deri në orën 09:00 të mëngjesit të së mërkurës, janë verifikuar rezultatet e 75 vendvotimeve nga gjithsej 105, ndërsa procesi pritet të përfundojë gjatë ditës së sotme”, thuhet në njoftimin e KQZ-së.
Një ditë më herët, të martën, është përmbyllur verifikimi i rezultateve në 17 Qendra Komunale të Numërimit, përfshirë komunat: Junik, Mamushë, Kllokot, Obiliq, Klinë, Vushtrri, Dragash, Rahovec, Gjakovë, Gjilan, Fushë Kosovë, Suharekë, Kaçanik, Prishtinë, Viti, Prizren dhe Pejë.

Ndërkohë, në Qendrën e Numërimit dhe Rezultateve (QNR) po vazhdon rinumërimi i 41 vendvotimeve me kërkesë të Panelit Zgjedhor për Ankesa dhe Parashtresa (PZAP).

Ky proces ka filluar një ditë më parë, dhe deri në orën 09:00 të së mërkurës janë rinumëruar 10 vendvotime.

KQZ njofton se rezultatet pas verifikimit publikohen në platformën zyrtare.

The post KQZ: Verifikimi i votave në Mitrovicë drejt përfundimit, vazhdon rinumërimi i 41 vendvotime në Drenas appeared first on Albeu.com.

Një njeri ka vdekur si pasojë e një aksidenti te “Rruga e Liqenit” në Mitrovicë dhe katër të tjerë janë lënduar.

Në aksident janë përfshirë dy vetura dhe njëri nga drejtuesit, pasi ka marrë trajtim mjekësor është arrestuar dhe është dërguar në mbajtje.

Të lënduarit tjerë gjithashtu u dërguan për trajtim mjekësor, ndërsa trupi i pajetë i viktimës u dërgua në IML për obduksion.

Njoftimi:

“Rruga e Liqenit, Mitrovicë 10.10.2025 – 22:42. Raportohet se si pasojë e një aksidenti trafiku që ka ndodhur midis dy veturave, një qytetar nga Kosova ka humbur jetën dhe katër të tjerë kanë pësuar lëndime trupore. Vdekjen e viktimës e ka konstatuar ekipi mjekësor në Spitalin e Mitrovicës.

Të lënduarit janë dërguar për trajtim mjekësor. Me vendim të prokurorit i cili ka qenë në vendin e ngjarjes, trupi i pajetë është dërguar në IML për obduksion, ndërsa njëri nga drejtuesit e veturave i dyshuar si shkaktar i aksidentit pas trajtimit mjekësor është arrestuar dhe dërguar në mbajtje”, thuhet në raportin 24-orësh të policisë.

The post Aksident i rëndë në Mitrovicë/ Humb jetën një person, plagosen 4 të tjerë appeared first on Albeu.com.

Grafiti i shkruar në gjuhën serbe në shkrimin cirilic në shqip thotë “Me agimin që po lind në Kosovë, Albin Kurti do të jetë i vdekur”.

Rastin për KosovaPress e ka konfirmuar zëvendësdrejtor i Policisë së Kosovës në veri të Kosovës, Veton Elshani i cili tha se shkrimi i njëjtë me pamje grafike ishte vendosur më herët në rrjetin social Telegram.

“Pas orës 21:00 një shkrim është duke u shënuar në një muri që ne e kemi hapur pas konsultimeve me prokurorinë si kanosje. Nuk ka të dyshuar ka pas shkrime edhe në rrjetin social serbe ‘Korridori’ pastaj ka dal edhe në mur është shkruar”, tha ai./kp/

The post “Albin Kurti do të jetë i vdekur”- ​grafite kanosëse ndaj Kurtit në veri të Mitrovicës appeared first on Albeu.com.

Gjatë bastisjes në këtë shtëpi Policia ka gjetur dhe ka sekuestruar:

1 AK-47
2 Granata Dore M-75
2 Radiolidhje
2Antiplumba
Kapelë
Dorëza
Çanta Ushtarake
Karikator të zbrazët e të mbushur me fishekë të pistoletës
Harta
Rrip brezi
Sprej
Thikë
Shall kamuflazhi etj

Dy persona të dyshimtë, njëri me iniciale A.J. i lindur me 1992 dhe V.J. i lindur me 1978 nuk janë gjetur në shtëpi, por tashmë janë shpallur si persona në kërkim.

The post Armë, granata dhe antiplumba, policia e Kosovës kontrolle në një banesë në Mitrovicën e Veriut! Në kërkim dy persona appeared first on Albeu.com.

Nuk dihen ende detaje të tjera, teksa policia e Kosovës, po punon për identifikimin dhe arrestimin e autorit.

The post Të shtëna me armë zjarri në Mitrovicë, raportohet për një të plagosur appeared first on Albeu.com.

Lajmin e ka konfirmuar zëvendësdrejtori i Policisë së Kosovës për veriun e Mitrovicës, Veton Elshani.

Sipas tij, të dyshuarit janë arrestuar në rrugën “Knjaz Milosh” dhe janë dërguar në stacionin policor, ku edhe më pas janë dërguar për kontroll mjekësorë.
‘Më datë 10.09.2024 katër persona të moshës madhore kanë ofenduar e më pas sulmuar dy zyrtarë policorë në shëtitore të Mitrovicës veriore e më pas janë larguar, ku njëri nga policët ka pësuar lëndime. Njësitet policore kanë arritë t’i arrestojnë të dyshuarit në rrugën ’Knjaz Milosh’, të njëjtit janë dërguar në stacion policor e më pas janë dërguar për kontroll mjekësor”, ka thënë Elshani.

Tutje ai tha se të njëjtit kanë kundërmuar alkool dhe ju është bërë matja pas së cilës ka dal që tre nga ta janë nën ndikim të alkoolit.

Elshani theksoi se me urdhër të Prokurorit të shtetit janë dërguar në mbajtje

The post Arrestohen katër persona në veri të Mitrovicës, sulmuan zyrtarët policorë appeared first on Albeu.com.

“Jemi duke i kryer të gjitha punët dhe kjo sigurisht është një çështje të cilët nuk mund ta them këtu; një datë se kur mund, apo do të hapet ura, për shkak se është absurde”, tha Krasniqi në një konferencë për media në Prishtinë.

Qeveria e kryeministrit Albin Kurti ka ngulur këmbë në hapjen e urës për qarkullim edhe të automjeteve, e cila ndan Mitrovicën në jug me shumicë shqiptare dhe në veri me shumicë serbe, me gjithë kundërshtimin e vazhdueshëm nga bashkësia ndërkombëtare dhe nga serbët lokalë.

Vendet e QUINT-it, SHBA, Britania, Franca, Gjermania dhe Italia, e kanë quajtur të njëanshëm vendimin e Qeverisë së Kurtit për hapjen e urës në këtë kohë. BE-ja ka bërë thirrje që çështja e urës të diskutohet në dialog me Serbinë.

Në kuadër të dialogut Kosovë-Serbi, palët janë pajtuar që ura të hapet për qarkullim, por kjo nuk është realizuar kurrë në praktikë. Është hapur vetëm njëra anë e saj për këmbësorë.

Të mërkurën më herët, Kurti tha se Qeveria e tij do t’i vazhdojë konsultimet dhe koordinimet me partnerët e Kosovës në lidhje çështjen e urës.

Krasniqi shtoi se nuk ka asnjë arsye pse ura duhet të vazhdojë të jetë e mbyllur.

“Nuk ka argumente se ura nuk duhet të hapet. Komunikimi me qytetarë është më i mirë se çdo herë më parë. Siguria në veri ka ndryshim të dukshëm. Qytetarët nga veriu dhe ata nga jugu komunikojnë më shumë dhe më lehtë tani”, tha ai.

Megjithatë, Ambasadori i amerikan në Kosovë, Jeffrey Hovenier, tha në një intervistë për Radion Evropa e Lirë të martën se ka rrezik të vërtetë lidhur me hapjen e urës në Mitrovicë në këtë kohë, që mund të ndikojë në sigurinë e ushtarëve të NATO-s, përfshirë ata amerikanë.

“Ne besojmë se ky rrezik rrit kërcënimin, mundësinë e dhunës dhe problemet e tjera, si për komunitetin lokal, ashtu edhe për ushtarët e NATO-s, përfshirë ushtarët amerikanë që po punojnë për të siguruar paqen dhe sigurinë në Kosovë”, tha Hovenier.

Krasniqi theksoi se autoritetet kosovare të sigurisë u janë përgjigjur brengave të qytetarëve serbë në veri në lidhje me sigurinë në këtë pjesë të vendit.

“Ne vazhdimisht jemi në diskutime me qytetarët, me përfaqësuesit e shoqërisë civilë, partive politike, e kështu më radhë. Një takim të tillë e patë edhe më 8 gusht, ku pati një numër të konsiderueshëm të qytetarëve, ku të gjithë ngritën brengat e tyre rreth sigurisë. Ata i morën përgjigjet nga MPB-ja dhe nga Policia”, tha ai.

Në debatin e organizuar në komunën e Mitrovicës së Veriut më 8 gusht kishte një pjesëmarrje të vogël të qytetarëve serbë dhe e të pranishmëve ishin asamblistë komunalë, përfaqësues të OSBE-së dhe mediave.

Pjesëtarët e komunitetit serb protestuan javën e kaluar kundër rihapjes së urës mbi Ibër.

Ura, aktualisht, është e hapur vetëm për këmbësorë, edhe pse në kuadër të dialogut mes Kosovës dhe Serbisë është rënë dakord që të hapet edhe për qarkullimin e automjeteve.

Ushtarët italianë të KFOR-it ndodhen në urën mbi lumin Ibër, e cila ndan shqiptarët në jug dhe serbët në veri. Pjesëtarët e Policisë së Kosovës ndodhen afër saj gjithashtu.

Ditë më parë KFOR-i tha se nuk dëshiron të spekulojë për ndonjë skenarë në të ardhmen, nëse institucionet e Kosovës i kërkojnë që të largojë praninë e saj nga ura mbi lumin Ibër.

Çështja e urës ishte edhe temë diskutimi mes Kurtit dhe komandantit të misionit të NATO-s në Kosovë, KFOR, Ozkan Ulutash, të martën vonë.

Pas takimit të së martës mes Kurtit dhe Ulutasit, KFOR-i tha se është thelbësore që të gjithë aktorët të përmbahen nga deklaratat dhe veprimet e njëanshme që mund të krijojnë tensione.

The post Krasniqi: S’mund të them kur mund të hapet ura në Mitrovicë appeared first on Albeu.com.

“Mjerimi është problemi ynë kolektiv. Ne jemi të sulmuar si popull, ne jemi nën agresion që të largohemi nga Kosova”, tha Kabashiq.

Si forma të presionit, pjesëtarët e komunitetit serb shohin përpjekjet e Qeverisë së Albin Kurtit për të vendosur autoritetin në veri të Kosovës, si dhe praninë e pjesëtarëve të njësive speciale të Policisë së Kosovës.

Kabashiq theksoi se nuk po protestohet kundër popullit shqiptar, por kundër Qeverisë së kryeministrit, Albin Kurti. Ura mbi lumin Ibër ndan Mitrovicën e Jugut me shumicë shqiptare dhe Mitrovicën e Veriut, me shumicë serbe.

Në periudhën pasluftës, kjo urë ishte simbol i trazirave dhe barrikadave të ngritura nga serbët e Kosovës për t’u kundërshtuar përpjekjeve të Kosovës për të vendosur autoritetin në veri. Ura aktualisht është e hapur vetëm për këmbësorë, edhe pse në kuadër të dialogut mes Kosovës dhe Serbisë është rënë dakord që të hapet edhe për trafik.

Qeveria e kryeministrit të Kosovës, Albin Kurti, në mes të korrikut njoftoi se synon të hapë urën kryesore mbi lumin Ibër në Mitrovicë. Megjithatë, vendet e QUINT-it – SHBA, Britania e Madhe, Gjermania, Franca dhe Italia – më 2 gusht deklaruan se nuk e mbështesin hapjen për trafikun në këtë moment. Misioni i NATO-s në Kosovë, KFOR, ka deklaruar se çdo vendim për hapjen e urës kryesore mbi lumin Ibër duhet të merret në kuadër të dialogut mes Kosovës dhe Serbisë, që ndërmjetësohet nga Bashkimi Evropian.

Ushtarët italianë në kuadër të misionit të KFOR-it ndodhen në urën mbi lumin Ibër, ndërsa afër ndodhen edhe pjesëtarët e Policisë së Kosovës. Zëdhënësi i BE-së, Peter Stano, gjithashtu më 1 gusht përsëriti qëndrimin e BE-së se çështja e hapjes së urës në Mitrovicë duhet të zgjidhet në kuadër të dialogut, duke pasur parasysh që për këtë ekziston një marrëveshje.

KFOR-i gjithashtu deklaroi se nuk do të hezitojë të reagojë nëse ekziston rreziku që ngjarjet të ndikojnë në sigurinë dhe stabilitetin rajonal. Në protestë janë të pranishëm edhe përfaqësues të Listës Serbe, partisë më e madhe e serbëve në Kosovë, e cila ka mbështetjen e Beogradit.

Kjo parti më herët kishte deklaruar se ura nuk mund të hapet pa konsultime dhe pëlqimin e shumicës serbe që jeton në anën veriore të urës. Asamblistët e Kuvendit të Komunës së Mitrovicë të Veriut në prill të vitit të kaluar miratuan vendimin për hapjen e urës mbi Ibër, i cili më pas u dërgua Ministrisë së Punëve të Brendshme të Kosovës dhe Ministrisë së Administrimit të Pushtetit Lokal.

Nënkryetari i Kuvendit të Komunës së Mitrovicës së Veriut, Skender Sadiku, në fund të majit tha se për zbatimin e këtij vendimi tani janë përgjegjëse institucionet qendrore, KFOR-i dhe Bashkimi Evropian. Ai theksoi se me këtë vendim duhet të bien dakord edhe autoritetet lokale në Mitrovicën e Jugut.

Serbët në veri në fund të vitit 2022, me iniciativë të Listës Serbe, u larguan nga institucionet e Kosovës për shkak të vendimit të Qeverisë së Kosovës që targat e makinave, të lëshuara nga Serbia, të zëvendësohen me targat RKS – Republika e Kosovës.

Serbët po ashtu bojkotuan zgjedhjet e prillit të vitit të kaluar, votime nga të cilat erdhën në pushtet kryetarët shqiptarë të katër komunave në veri. Ndërkaq, autoritetet kosovare ndaluan përdorimin e dinarit për kryerjen e pagesave me para të gatshme, nisën mbylljen e institucioneve të Serbisë në Kosovë dhe konfiskuan pronat që janë në pronësi të Agjencisë Kosovare të Privatizimit. Pjesëtarët e komunitetit serb gjithashtu kundërshtojnë fuqimisht shpronësimin e tokave në veri të Kosovës, të cilin po e kryen Qeveria e Kosovës për ndërtimin e stacioneve apo bazave policore./ REL

The post Serbët protestojnë në Mitrovicë të Veriut kundër hapjes së urës mbi Ibër appeared first on Albeu.com.

I ndjeri ishte pronar i byrektores ndër më të njohurat në Mitrovicë “Parisi”.

Lajmin e e trishtë, e kanë bërë të ditur familjarët para pak minutash në rrjete sociale

“Të Allahut jemi dhe tek Ai do të kthehemi! Të dashur familjarë, miq e dashamirë, me dhimbje të thellë ju njoftojmë se sot u nda nga jeta i shtrejti nipi jonë i dashur Rexhep Xhemajli Sadikaj. Për varrimi ju njoftojmë me kohë.
Zoti të Mëshiroftë me Gradën e Xhehnetin më të lartë !”, njoftojnë familjarët.

The post E trishtë, ndërron jetë në lule të moshës i riu nga Mitrovica appeared first on Albeu.com.

Sipas informacioneve, raportohet se vajza ka pësuar lëndime trupore.

Sakaq, bashkëshortja dhe motra e saj kanë tentuar që ta ndalojnë, por ai ka vazhduar duke goditur me dorë vajzën e tij.

“Mitrovicë veri 25.05.2024 – 20:45. Raportohet se i dyshuari mashkull kosovar, ka goditur me dorë vajzën e tij të moshës 2-vjeçare. Bashkëshortja dhe motra e saj kanë tentuar që ta ndalojnë, por i dyshuari ka vazhduar duke goditur edhe viktimën femër kosovare. Viktima ka pësuar lëndime trupore dhe e njëjta ka pranuar tretman mjekësor”, thuhet në njoftimin e policisë.

Me vendim të prokurorit, pas intervistimit rasti shkon në procedurë të rregullt. 

The post E rëndë në Mitrovicë, babai rreh vajzën e tij 2-vjeçare appeared first on Albeu.com.