Në një letër drejtuar Kryeministrit britanik, Ali deklaroi:

“Me zemër të thyer paraqes dorëheqjen time nga pozicioni i ministres”, duke shtuar se qëndrimi në këtë rol do të ishte një shpërqendrim nga puna ambicioze e kësaj qeverie, raporton Sky News.
Skandali u zbulua nga e përditshmja “The i Paper”, e cila raportoi se katër qiramarrës në shtëpinë e Alit në Londrën lindore u njoftuan në nëntor se kontrata e tyre nuk do të rinovohej dhe kishin afat katër muaj për t’u larguar.

Sipas raportimeve, menjëherë pas largimit të tyre, prona u rikthye në treg me një rritje të qirasë prej 700 paund në muaj.

Rasti ngjalli zemërim të madh publik dhe politik, sidomos nga organizatat bamirëse dhe opozita.

Kryetari i Partisë Konservatore, Kevin Hollins, e akuzoi Ali për “hipokrizi të hapur”, duke vënë në dukje se si një ministre për të pastrehët, ajo nuk duhej të përfitonte nga një veprim që i linte njerëzit pa strehë.

Ali, përmes një zëdhënësi, mbrojti veprimet e saj, duke thënë se ka respektuar të gjitha detyrimet ligjore dhe ka vepruar sipas kuadrit ligjor në fuqi.

Kryeministri britanik Sir Keir Starmer e pranoi dorëheqjen dhe e falënderoi për punën e saj, pa komentuar më tej mbi rasti.

The post Rriti qiranë e pronës së saj me 700 paund, ministrja britanike për të pastrehët jep dorëheqjen pas akuzave për abuzim appeared first on Albeu.com.

Sipas ministres, AKU ka kryer detyrën e saj sipas protokolleve dhe është e angazhuar për të garantuar sigurinë ushqimore.

Denaj theksoi ka pasur reagim por se nuk duhet të politizohet çështja e ushqimit dhe se rasti duhet të shqyrtohet nga institucionet përkatëse.

“Është gjithmonë kënaqësi të jesh në Athinë me bashkëatdhetarët. Situata e AKU është e qartë; agjencia ka kryer detyrën dhe ka realizuar kontrollet e nevojshme. Sigurisht, lajmi është bërë publik, janë konfirmuar përgjigjet e analizave dhe i gjithë zinxhiri i kontrollit, për të cilin AKU ka denoncuar ata që kanë shkelur protokollet.

Çështja i takon insitucioneve si krimi ekonomik, policia që duhet të japin gjykimin përkatës. Nuk bëhet politikë me ushqimin, është shumë e rëndësishme që të verifikohen prononcimet në media nga institucionet shtetërore. Jo vetëm që kemi reaguar, por gjithashtu i kemi çuar çështjet përpara institucioneve. Por, politikë me ushqimin nuk bëhet, institucionet janë aty për të garantuar zbatimin e protokolleve, të cilat janë të shkruara dhe të zbatuara nga ne. Jam gjithmonë në shërbim të sqarimit, por vetëm për publikun”, deklaroi Denaj.

The post Skandali me mishin e pulës me salmonelë/ Reagon ministrja Denaj: S’bëhet politikë me ushqimin… appeared first on Albeu.com.

Burimet bëjnë të ditur se Manastirliu i ka kërkuar Drejtorisë Rajonale të Fierit pezullimin e drejtuesve të shkollës dhe oficerit të sigurisë, deri në përfundim të verifikimit për zbatimin e protokolleve të sigurisë të ndjekura dhe në përfundimin e hetimeve mbi këtë ngjarje.

Po ashtu mësohet se në takim është diskutuar edhe marrja e masave shtesë për kontrollet fizike në çdo shkollë, dhe angazhimin e plotë të komisioneve të sigurisë në institucionet arsimore për zbatimin efektiv të protokolleve të sigurisë.

Sipas burimeve nga Policia e Fierit, por edhe vetë dëshmisë të të plagosurit, incidenti ka nisur pas një debati të krijuar në rrjetin social Snapchat.

Tensioni midis dy nxënësve 17-vjeçarë ka ndodhur në oborrin e shkollës, ku situata ka agravuar deri në përdorimin e një mjeti prerës nga njëri prej tyre. Autori i dyshuar është identifikuar dhe shoqëruar nga policia për marrjen e dëshmisë dhe procedurat e mëtejshme ligjore. Ndërkohë, policia vazhdon hetimet për të zbardhur plotësisht rrethanat e ngjarjes.

The post Plagosja e adoleshentit në Fier, ministrja e Arsimit: Të merren masa për kontrollin fizik appeared first on Albeu.com.

Denaj: Skema e investimeve për aplikimet në aktet normative në bujqësi dhe blegtori kërkon disa kritere.

Kriteret e aplikimit: Përcaktimi i kushteve që duhet të përmbushin aplikantët, si p.sh. regjistrimi në sistemet përkatëse dhe përputhshmëria me standardet mjedisore.

Monitorimi dhe vlerësimi: Krijimi i mekanizmave për të monitoruar zbatimin e investimeve dhe për të vlerësuar ndikimin e tyre në prodhimtari dhe qëndrueshmëri.

Kjo skemë ka për qëllim të nxisë zhvillimin e qëndrueshëm në sektorët përkatës. Duke e përfituar me 30% këtë vlere të grantit po këtij viti sapo lidhet kontrata.

The post Përfitimi nga fondet në Bujqësi, ministrja Anila Denaj tregon çfarë duhet për aplikim appeared first on Albeu.com.

Ditën e djeshme, nëpërmjet një videomesazhi, Stresi kishte dy fjalë për Ministren e Drejtësisë së Kosovës teksa u shpreh për këtë të fundit se do të jetë shumë e vështirë që ai të bjerë në pranga të policisë!

Mirëpo siç duket reperit nuk i del e keqja me Ministren. Pasditen e sotme nëpërmjet dy postimeve në llogarinë personale të Instagram-it ai shprehet se sipas tij e gjithë kjo për të është më shumë ego se sa drejtësi.

Më tej ai vijon me një mesazh për “Eurofast” dhe thotë: “Kujdes mos i hipni kalit mbrapsht! Ju sugjeroj të mos më afroheni sepse do të bëhet nami kaq po ju them. Ju keni punën tuaj por të vini të më kapni mua pa faj vetëm sepse i teket Ministres, jooo s’do ta lejoj! Çohet kjo zdralica thot ekstradim a thua se kemi vrarë njerëz!!”

The post “S’të vjen marre”/ Stresit si del e keqja me Ministren: Çohet kjo zdralica! appeared first on Albeu.com.

Në fjalën e saj para deputetëve, Ministrja Ibrahimaj shpjegoi se akti normativ për ndryshimet në Buxhetin e vitit 2024, nuk është vetëm një instrument buxhetor, por një shenjë e qartë e përkushtimit të qeverisë për të përmirësuar klimën ekonomike dhe për të promovuar zhvillimin e qëndrueshëm.

Lidhur me rishikimet e bëra në buxhet, ministrja tha se ato fokusohen kryesisht në fuqizimin dhe forcimin e kapitalit njerëzor, si dhe në garantimin e buxhetit për sektorët kyç të zhvillimit ekonomik.

Ministrja Ibrahimaj theksoi rëndësinë e zhvillimit të turizmit të qëndrueshëm dhe krijimit të një infrastrukture cilësore turistike. Për këtë qëllim, akti normativ konfirmon krijimin e një Task-Force të specializuar për monitorimin e cilësisë së infrastrukturës turistike, duke siguruar një përvojë cilësore për turistët që vizitojnë Shqipërinë.

Në lidhje me investimet në infrastrukturë, ministrja u ndal tek alokimi i buxhetit për Portin Tregtar të Durrësit, si një projekt strategjik që do të ndihmojë në përmirësimin e lidhjeve tregtare ndërkombëtare dhe në rritjen e konkurrueshmërisë së vendit.

“Buxheti që alokohet për Portin Tregtar të Durrësit është një buxhet me rëndësi strategjike për vendin tonë, pasi është një projekt madhor që do t’i garantojë Shqipërisë që do të jetë porta hyrëse kryesore në vendet e Ballkanit perëndimor, por edhe më gjerë, në të gjithë vendet e Evropës Lindore. Në bashkëpunim me të gjithë projektet madhore infrastrukturore që Shqipëria ka ndërmarrë gjatë viteve të fundit, ky port do të ndërlidhë më mirë dhe do të sigurojë që transporti të jetë më lehtësuar dhe më i shpejtë, dhe të kryhet nëpërmjet vendit tonë, duke ndikuar drejtpërdrejt në bilancet tregtare të vendit”, u shpreh ministrja Ibrahimaj.

Përveç kësaj, ajo theksoi edhe rëndësinë e investimeve në arsimin profesional dhe mbështetjen e sipërmarrjes, duke evidentuar rritjen e eksporteve dhe forcimin e kursit të këmbimit, duke përmirësuar kështu klimën për biznesin në vend.

Një nga pikat kyçe të prezantimit ishte edhe mbështetja për Ministrinë e Ekonomisë, Inovacionit dhe Kulturës, me synimin për të forcuar kapacitetet inovative të vendit.

Ministrja Ibrahimaj u ndal edhe tek sfidat me të cilat po përballet sektori i industrisë fasone, si pasojë e luhatjeve që pësoi kursi i kembimit me rënien e shpejtë të euros dhe forcimit të lekut.

“Për sektorin fason që nuk importon lëndë të para, por merr materiale porositëse dhe vetëm i përpunon në vend, kostot janë rritur, të ndikuar si nga rritja e kursit të këmbimit, por edhe nga rritja e kostove të punës për shkak të zhvillimeve të tjera ekonomike të vendit. Pas një konsultimi të gjerë dhe të vazhdueshëm me sektorin fason, menjëherë që në vitin e kaluar, ku euro filloi të bjerë në mënyrë të shpejtë dhe të forcohej leku, morëm masën e parë, ku shtymë të gjitha këstet e parapagimit të tatim-fitimit në dorëzim të bilanceve, me qëllim që të mos ngarkonim me taksa këtë sektor. Masa e dytë është kjo që është përfshirë sot në aktin normativ, që sektori fason të ketë mundësi dhe akses në financim me kosto të ulët, duke u bërë shteti garantor i investimeve të tyre, me qëllim se ky sektor të modernizohet, të kthehen në një strategji që është prej vitesh duke u punuar, për kthimin e sektorit fason në një sektor prodhimi, ku cikli i prodhimit të jetë i mbyllur”, theksoi Ibrahimaj.

Sipas ministres, në këtë rast qeveria do të garantojë investimet dhe një pjesë të kapitalit qarkullues që këtyre fasonëve do t’u duhet për blerjen e lëndëve të para.

“Kjo është strategjia që ne kemi, ajo për të mbështetur dhe rritur produktivitetin e biznesit dhe besoj fort që nëpërmjet kësaj nisme, sektori do të modernizohet dhe rrisë performcën e vet dhe produktet “Made in Albania”, do të rrisin eksportet e tyre në vendet e Bashkimit Evropian”, përfundoi ministrja Ibrahimaj.

The post Akti normativ për ndryshimet në Buxhetin e 2024/ Ministrja e Financave: Prioritetet për zhvillimin ekonomik të vendit, si dhe mbështetjen për sektorin fason appeared first on Albeu.com.

Nalta u bë sot 9 vjeçe dhe sigurisht nuk mungoi dedikimi i ëmbël që Elisa Spiropali bëri për të bijën.

Ministrja postoi sot një foto në rrjetet sociale, ku shihet vajza e saj Nalta, teksa i ka bërë edhe një dedikim të ëmbël.

“Goca ime sot 9. U befsh siç ke emrin, Nalt ”, shkruan Spiropali në postimin e saj./albeu.com

The post Vajza e Spiropalit ka ditëlindjen, ministrja dedikim të ëmbël: U bëfsh siç ke emrin Nalta appeared first on Albeu.com.

Ajo ka pozuar e veshur me një fustan elegant dhe me bizhuteri duke mbajtur një foshnjë në krahë, dhe një sjellje e tillë e saj rrit rrezikun e infektimit të të porsalindurit, raportojnë mediat sllovake.

Fotoja e diskutueshme është bërë gjatë vizitës së saj në spitalin në Poprad këtë javë, raporton TASR.

Ministria e Shëndetësisë e Sllovakisë, duke iu përgjigjur kritikave, njoftoi se Dolinkova ka ndjekur udhëzimet e stafit të spitalit.

Megjithatë, ministria shtoi se shpreh keqardhjen që veprimet e Dolinkës kanë shkaktuar reagime të tilla pavarësisht se ajo ka ndjekur udhëzimet, duke pretenduar se ajo nuk do të kishte rrezikuar kurrë shëndetin e pacientëve.

The post Foto pa doreza me foshnjën prematurë, ministrja sllovake në shënjestër të kritikave appeared first on Albeu.com.

Ministrja Sindisiëe Chikunga ishte në një rrugë kryesore në periferi të kryeqytetit financiar. Makina e saj ndaloi papritur, pasi disa persona kishin hedhur qëllimisht gozhdë në rrugë. “Makina u bllokua dhe kriminelët arritën të vidhnin sende me vlerë”, thuhet në deklaratën e qeverisë.

Truprojat e saj dolën nga automjeti për të ndërruar gomat kur u shfaqën papritur tre persona të armatosur “të veshur mirë”, me fytyrë të mbuluar. “Ata hapën derën më vunë një armë në kokë dhe më urdhëruan të dilja,” tha ministrja, duke përshkruar “përvojën e saj traumatike”.

Autorët kërkuan para, por ajo kishte mbi vete vetëm një shumë të barabartë me rreth 10 euro. Kështu i vodhën laptopin dhe celularin. Sipas njoftimit të policisë, grabitësit kanë marrë armët e truprojave dhe sende të tjera personale. Autoritetet po hetojnë një grabitje të armatosur.

The post “Më vunë pistoletën në kokë dhe …”, ministrja rrëfen tmerrin që përjetoi gjatë grabitjes nga persona të maskuar appeared first on Albeu.com.

Burimet brenda Prokurorisë kanë bërë me dije detaje se si grabitësi u fut në banesën e ministres Hajdari, u përball me të dhe u zhduk para syve të saj, bashkë me sendet që kishte marrë.

Denoncimi i ministres aktivizoi Policinë dhe si rezultat ka dhënë deklaratën e saj si viktimë e rastit, ndërkohë që tashmë Prokuroria Themelore në Prishtinë ka nisur hetimet për të zbardhur rrethanat e rastit.

Por si ndodhi gjithçka në mëngjes herët?

Sinjali shkruan se vjedhja dyshohet se është kryer rreth orës 07:00 të mëngjesit, kur personi i dyshuar ishte futur në banesën e ministres dhe ua vuri syrin sendeve me vlerë e dokumenteve të Hajdarit.

Ndonëse nuk dihet se si arriti të futej në banesë, nëse dera ishte e hapur apo grabitësi posedonte çelës të banesës, i dyshuari teksa po kryente vjedhjen ia “prishi” gjumin ministres e cila e kapi në flagrancë.

Por Hajdari nuk arriti ta ndalojë, pasi grabitësi u zhduk para syve të saj, bashkë me stolitë në vlerë të rreth 2500 eurove, që dyshohet se hajduti arriti t’i gjejë në banesën e saj.

Sipas të njëjtave burime, përveç stolive të vjedhura, në dëshminë që ministrja ka dhënë para hetuesve policorë, kuptohet se hajduti ia ka vjedhur edhe disa dokumente personale, që përfshijnë kartela bankare, madje edhe të MINT.

Raportimi i rastit vuri në lëvizje njësitë përkatëse, që kryen ekzaminimet e nevojshme në banesën e Hajdarit dhe pas dhënies edhe të deklaratës së saj, është vënë në dijeni Prokurori i Shtetit.

Me vendim të tij, është iniciuar hetim në drejtim të veprës penale “Vjedhje e rëndë” dhe është urdhëruar ndërmarrja e të gjitha veprimeve të nevojshme për identifikimin dhe kapjen e personit të dyshuar.

The post Grabitet banesa e ministres në Kosovë, Hajdari përballet me hajdutin appeared first on Albeu.com.