Një nga vendimet e fundit të qeverisë ishin në lidhje me dhurimin e gjakut për fëmijët talasemikë në vend.

Manastirliu tha se objekt i vendimit janë punonjësit e administratës, të cilët dhurojnë vullnetarisht gjak.

Sipas vendimit, pritet që të caktohet një kalendar i posaçëm për këta punonjës, të cilët do të shpërblehen për dhurimin e bërë duke marrë kështu dy ditë pushimi të paguara nga shteti.

Ministrja ka theksuar gjithashtu se çdokush që dhuron tre herë apo më shumë gjak në vit nga qytetarët, do të ketë mundësi që të bëjë një javë pushime në shtëpitë e pushimit që administrohen nga shteti./albeu.com

The post Qeveria merr nismën e re për punonjësit e administratës, kush dhuron gjak 2 ditë pushim appeared first on Albeu.com.

Berisha tha se Manastirliu e ka vendit në burg tek Nuredin Dumani, bashkëpunëtori i drejtësisë. Kryedemokrati gjithashtu u përplas edhe më Taulant Ballën pasi ky i fundit tentoi t’i ndërpriste fjalën.

Pjesë nga debatet:

Sali Berisha: Duhet të kishe shkuar tek Dumanët, atje ku e ke vendin. Ke bërë tendera sekretë në kulmin e pandemisë. Të lutem shumë. Mund të të kthehem mjaft mirë unë se fjalorin e kam. Unë kam respekt për njeriun por nuk mund të respektoj unë kur shoh ministre me çantë me zafire dhe diamante. Unë respektoj ministre që shërbejnë, përulem para tyre. Nuk mund të respektoj ministre që kapardisen si modele

Ndërhyn Taulant Balla

Sali Berisha: Duman, mos ma prit mua fjalën. Si thoni ju fermerët po eksportojnë, në Serbi është eksportuar plehra kimike që s’i blejnë dot fermerët shqiptarë.

The post Berisha reagon ndaj Manastirliut e Ballës: E keni vendin tek Dumani appeared first on Albeu.com.

Çmimi i është dorëzuar sot Ministres Manastirliu nga drejtuesja e zyrës së OBSH në Shqipëri Geraldine Mc Weeney.

Pas marrjes së çmimit për Shqipërinë, Manastirliu ka vlerësuar dhe falenderuar OBSH për mbështetjen.

Nëpërmjet një postimi në Twitter drejtori i OBSh për Europën, dr. Hans Kluge shkruan: “Shumë e merituar e nderuar ministre dhe punonjës të shëndetësisë! Unë vetë vëzhgova përkushtimin e jashtëzakonshëm të stafeve shëndetësore shqiptare të vijës së parë në luftën kundër COVID-19”, shkruan Kluge.

Drejtori Rajonal i OBSH, Hans Kluge, në letrën dërguar ministres Manastirliu shkruan se përkushtimi i punonjësve shëndetësor në vijën e parë ka qënë i parreshtur për përmirësimin e jetës dhe mirëqënies se qytetarëve në rajonin evropian të OBSH.

Kluge nënvizon se nëpërmjet këtij çmimi OBSH vlerëson punën e të gjithë punonjësve shëndetësor.

“Pandemia e COVID 19 i vuri sistemet shëndetësore përpara një sprove, duke vendosur një barrë të jashtëzakonshme për punonjësit e shëndetësisë në të gjithë rajonin. Të gjitha këtyre punonjësve iu desh të bënin përpjekje të jashtëzakonshme për t’i bërë ballë rasteve të panumërta të infektimeve dhe shtrimeve spitalor, duke vënë edhe jetën e tyre në rrezik.

Si një shenjë e vogël mirënjohjeje personale, por edhe në emër të zyrës që përfaqësoj (Zyra Rajonale e OBSH në Evropë, dhe në emër të të gjitha zyrave vendore të OBSH-së, për përkushtimin e parreshtur të punonjësve shëndetësorë për përmirësimin e jetës dhe mirëqënies në rajonin evropian të OBSH-së, dëshiroj tu kaloj atyre përmes Ministrisë tuaj këtë vlerësim”, thuhet në letrën e dr. Kluge./albeu.al

The post Menaxhimi i përballimit të pandemisë vlerësohet nga OBSH appeared first on Albeu.com.

“Siguruam për më shumë se 400 mijë qytetarë dhe vijojmë të sigurojmë barna të rimbursueshme, ku alernativa e parë dhe e vetme në listën e rimbursimit të barnave është falas, por a duhet të bëjmë më shumë? Patjetër që po”, theksoi ministrja.

Ndërkohë nuk ngeli pa përmedur edhe personat të cilët kanë probleme më diabetin ku tha se fishat e matjes së diabetit do të ofrohen falas.

“Në do të mundësojmë që pensionistët, që grupet më në nevojë, ata pensionistë që kanë pensione jo të larta, të mundet të aksesojnë edhe një listë të pasisjeve mjekësore, sikurse janë fishat e diabetit”, deklaroi Manastirliu.

Gjatë këtij takimi Manastriliu bëri me dije se pagat e mjekëve dhe infermierëve do të rriten deri në 40% gjatë këtij mandati qeverisës./albeu.com

The post Manastirliu: Më shumë ilaçe do të rimbursohen për pensionistët nga qeveria appeared first on Albeu.com.

Gjatë fjalës së saj në Parlament, Manastirliu ka deklaruar se në këto kohë të krizave globale, qeveria shqiptare është treguar e palëkundur për të mbajtur të gjitha zotimet e premtuara para qytetarëve.

Manastirliu nënvizoi se pavarësisht pandemisë COVID19 më cilën sistemi shëndetësor u përball, profesionistët e shëndetit u mbështetën me rritje pagash +40%, ndërsa rritja do të vijojë edhe me 6% nga muaji korrik i këtij viti.

“Në këto kohë të mbushura me kriza globale dhe me ngjarje jashtë kontrollit ndonjëherë edhe të njeriut, ne nuk jemi lëkundur për asnjë çast në përmbushjen e detyrimeve që na takojnë dhe zotimeve që kemi marrë përsiper përballë njerëzve. Kjo qeveri ka qëndruar dhe do të vazhdojë t’i qëndrojë çdo angazhimi të ndërmarrë për mbështetjen e tyre. Është fakt se qeveria ka pasur dhe ka në prioritetet e saj politikën e rritjes së pagave, për këtë kategori profesionistësh. U zotuam për rritjen e pagave dhe vetëm një vit më parë dhe po i referohem, vetëm 2021 pasi i referohem vitit të vështirë të pandemisë, në janar 2021 ne rritëm 40% pagat për personelin shëndetësor. Me buxhetin e këtij viti duke filluar nga korriku pagat për personelin shëndetësor do të rriten sërish me 6% duke mbajtur kështu zotimin tonë”, tha Manastirliu.

Duke folur për paketën e rezistencës sociale, ministrja tha se 576 mijë qytetarë do të mbështeten nga kjo paketë.

“Paketa e Rezistencës mbështet 576 mijë qytetarë të këtij vendi të cilët për tre muajt e ardhshëm do të kompesohen për rritjen e çmimeve të shportës bazë të shkaktuar prej rritjes të çmimeve në tregjet ndërkombëtarë duke filluar nga muaji prill. Kjo paketë mbështet grupet më vulnerabël dhe që preken më shumë e që përfshihen këtu pensionistë që përfitojnë më pak se paga minimale, pensionistët që jetojnë vetëm, personat me aftësi të kufizuara, paraplegjikët, tetraplegjikët, të verbrit, invalidët e punës si dhe të gjitha familjet që përfitojnë nga mbështetja e programit të ndihmës ekonomike. Janë 64 mijë familjet përfituese që do të mbështeten nga kjo paketë duke u mbështetur direkt për 3 muaj me 3 mijë lekë në muaj si efekt i inflacionit të llogaritur nga INSTAT për impaktin e produkteve bazë të çmimeve të shportës”, deklaroi Manastirliu.

Manastirliu u shpreh se me buxhetin e 2022 paketa e Ndihmës Ekonomike është trefishuar për fëmijët pa kujdes prindëror, është dyfishuar për familjet me mbi 3 fëmijët dhe rritur me 10% për të gjithë familjet përfituese të kësaj skeme.

“Mos harrojmë që buxheti 2022 duke filluar nga janari i këtij viti është rritur sa i përket programit të ndihmës ekonomike me 1.5 miliard lekë dhe përkatësisht kemi rritur me dy herë masën e Ndihmës Ekonomike për familjet përfituese të kësaj skeme të cilët kanë mbi tre fëmijë, kemi trefishuar masën e ndihmës ekonomike nga Janari i këtij viti për fëmijët pa kujdes prindëror, kemi rritur për familjet e tjera masën e ndihmës ekonomike me 10%”, theksoi Manastirliu

Paketa e rezistencës sociale mbështet 576 mijë qyetetarë, të cilët për tre muajt e ardhshëm do të kompensohen për rritjen e çmimit për produktet e shportës. Qeveria ka vendosur që për 3 muajt e ardhshëm një paketë ndihme prej 30 mijë lekë të vjetra në muaj për 3 muaj radhazi për mbështetjen për rritjen e çmimeve të shportës. 202 mijë pensionistë që do përfitojnë, mbi 52 mijë persona me aftësi të kufizuar, mbi 6 mijë e 100 individë paraplegjik dhe tetraplegjik, mbi 12 mijë të verbër dhe mbi 64 mijë familjet që përfitojnë nga paketa e ndihmës ekonomike. Qeveria ka vendosur të indeksojnë në masën menjëherë pesnionet në masën 33 milion dollarë e cila do të reflektohet menjëherë në pensionin e radhës për 673 mijë pensionistë.

The post Manastirliu në Kuvend: Grupet që përfitojnë nga paketa e rezistencës sociale appeared first on Albeu.com.