ministri rus Archives - Albeu.com

Ministri rus i mbrojtjes: Rusia dhe Bjellorusia duhet të marrin masa për të forcuar mbrojtjen

E S — Thu, 23 Jun 2022 15:10:53 +0000

Shoigu i tha homologut të tij bjellorus: “Rrethanat diktojnë nevojën për të marrë masa urgjente të përbashkëta për forcimin e aftësive mbrojtëse të shtetit të bashkimit, rritjen e gatishmërisë luftarake të grupimeve të trupave dhe të sistemit të unifikuar rajonal të mbrojtjes ajrore”.

Bjellorusia, e cila kufizohet me Ukrainën dhe Rusinë, është i vetmi vend evropian që ka mbështetur pushtimin rus të Ukrainës duke lejuar trupat ruse të hyjnë përtej kufirit të saj./albeu.com

The post Ministri rus i mbrojtjes: Rusia dhe Bjellorusia duhet të marrin masa për të forcuar mbrojtjen appeared first on Albeu.com.

Ministri rus flet me Vatikanin, diskutime për marrëveshje mes Rusisë dhe Ukrainës

E B — Tue, 08 Mar 2022 14:32:49 +0000

Ministri i Jashtëm rus, Sergei Lavrov ka folur në Vatikan ku ka parashtruar pozicionin e Rusisë për Ukrainën dhe ka shprehur shpresën për një raund tjetër të bisedimeve të paqes midis Moskës dhe Kievit, për të “kërkuar marrëveshje mbi problemet kryesore që qëndrojnë në themel të krizës në mënyrë që të ndalen armiqësitë”, raporton ministria e jashtme ruse.

Të dielën Papa tha se lufta po çonte në “vdekje, shkatërrim dhe mjerim” kur ai iu drejtua turmave në Sheshin e Shën Pjetrit.

Ndërkohë, Lavrov do të takohet me homologun e tij ukrainas Dmytro Kuleba për bisedime në Turqi të enjten./albeu.com

The post Ministri rus flet me Vatikanin, diskutime për marrëveshje mes Rusisë dhe Ukrainës appeared first on Albeu.com.

Mban kodet bërthamore, kush është ministri rus me origjinë ukrainase që po sulmon Kievin

E B — Thu, 03 Mar 2022 10:29:33 +0000

Në paradokset gjeopolitike që po ndodhin së fundmi në lidhje me luftën tashmë të hapur në Ukrainë, njëra ka të bëj me zinxhirin e pushtetit në Rusi.

Edhe pse opinioni publik ndërkombëtar po përqendrohet te figura autoritare e Vladimir Putin, duke dyshuar pothuajse problemet mendore si burim i vendimeve të fundit të presidentit rus, ai nuk është zyrtari me pozicionet më ekstreme.

Kur javën e kaluar gjatë Këshillit të Sigurimit rus, u miratua pavarësia e Luhanskut dhe Donjetskut, vetëm një person foli për një tematikë totalisht ndryshe. Ishte ministri i Mbrojtjes Sergej Shoigu. Ai foli për rrezikun e Ukrainës në përgjithësi, dhe si mundësitë që Kievi të rimerrte armë nukleare ishte konkret. ‘Ka më shumë inxhinierë bërthamorë aty se në Korenë e Veriut’, deklaroi.

Fjala e tij kishte peshë. Jo vetëm se ai është ministër i mbrojtjes si dhe gjeneral i dekoruar me titullin më të lartë, atë të Heroit të Rusisë, por sepse ai është praktikisht personi më i besuar i presidentit Putin.

Shoigu ka një histori të veçantë. Ai është diplomuar në arkitekturë, djali i një prej familjeve elitare të një republike pothuajse të humbur të Bashkimit Sovjetik, atë të Tuvës, në kufi me Mongolinë. I ati vjen pikërisht nga një nga fiset autoktone me origjinë turkofone, ndërkohë që paradoksalisht e ëma ka origjinë ukrainase, nga Luhansku.

I dalluar si shef i Emergjencave gjatë viteve ‘90, iu bashkua më vonë Putin ku ishte edhe lider i një partie si Rusia e Bashkuar, që mbështeste pikërisht ‘carin’ e ri të Shën Petersburgut. Nga viti 2012 mban vendin e ministrit të Mbrojtjes, pozicion i konsoliduar me fushatën e suksesshme të aneksimit të Krimesë.

Marrëdhëniet me liderin e Kremlinit janë të shkëlqyera, dhe përtej pushtetit i bashkon edhe dashuria për natyrën e egër të Siberisë, ku të dy kanë kaluar periudha të gjata në vetmi. Politikisht dhe ideologjikisht rus, ai duket gjithsesi më i lidhur me pjesën aziatike sesa atë europiane. Flet gjuhën kineze, japoneze dhe turke, koleksionon shpata të vendeve aziatike dhe thuhet se praktikon budizmin dhe ritet e shamanëve të fisit të tij.

Është pikërisht ai që po koordinon fushatën në Ukrainë, dhe në rast përkeqësimi të konfliktit mund të ketë një rol vendimtar. Bashkë me Putin dhe kreut të Ushtrisë ai është një nga tre personat që mban kodet që urdhërojnë sulmin bërthamor. /A2

The post Mban kodet bërthamore, kush është ministri rus me origjinë ukrainase që po sulmon Kievin appeared first on Albeu.com.

Ministri rus: Mercenarë nga Shqipëria dhe Kosova po rekrutohen për luftën në Donbass

E B — Fri, 18 Feb 2022 12:57:37 +0000

Ministri i Jashtëm rus Sergey Lavrov ka bërë një deklaratë të papritur për shqiptarët e Shqipërisë dhe Kosovës duke thënë se ata po rekrutohen për luftën në Donbass. Ai thotë se Ballkani Perëndimor është terren për krimin ku ka terroristë dhe trafikantë droge.

Sipas tij siç transmeton Sputnik News, mercenarët nga Ballkani do të përdoren për të nxjerrë jashtë ekuilibri Rusinë. Lavrov theksoi se këto informacione po rishikohen për të dalë në një përfundim.

“Kosova dhe disa pjesë të tjera të Ballkanit Perëndimor po bëhen një terren për krimin. Ka terroristë dhe trafikantë droge. Është një terren rekrutimi për mercenarët që marrin pjesë në konflikte të cilat po nxiten gradualisht, duke përfshirë edhe Shtetet e Bashkuara.

Ka informacione se mercenarët po rekrutohen në Kosovë, Shqipëri, Bosnje dhe Hercegovinë dhe po dërgohen në Donbass, për të nxjerrë jashtë ekuilibrit Rusinë. Ne po e rishikojmë këtë informacion tani”, tha ministri i Jashtëm.

Sipas Sputnik Moska i ka bërë vazhdimisht thirrje Kievit që të zbatojë marrëveshjet e Minskut e nënshkruar në Bjellorusi në shkurt të vitit 2015. /abcnews.al

The post Ministri rus: Mercenarë nga Shqipëria dhe Kosova po rekrutohen për luftën në Donbass appeared first on Albeu.com.