Në fashikujt e dosjes voluminoze, me firmën e prokurorit të çështjes, Edvin Kondili, rezulton se janë 17 emra të cilët Prokuroria e Posaçme i akuzon për tre vepra penale: “Mashtrimit me pasoja të rënda”, “Falsifikimit të dokumentave” dhe “Grup i strukturuar kriminal”, vepra të cilat sipas ligjit shqiptar parashikojnë deri në 15 vite burg.

Emrat e të akuzuarve janë:

Elda Ibro

Arben Meskuti

Alban Kote

Aldo Daka

Albert Gega

Olsi Ibro

Andis Gjoka

Vasil Bakallbashi

Yliana Sejfo

Indrit Çuberi

Rigels Bejko

Altin Vako

Helidon Xhindi

Fatos Alimadhi

Lefter Canaj

Roland Deda

Endri Myftari

Spak ka zbuluar një sistem të sofistikuar kompjuterik që përndiqte debitorët në gjithë Shqipërinë nga grupi që udhëhiqte Olsi Ibro, 45-vjeçari i cili në korrik të vitit të kaluar ndërmori aktin ekstrem duke konsumuar fostoksinë dhe më pas duke u hedhur nga një pallat në ndërtim në rrugën “Ramazan Shijaku” në Tiranë ku dhe gjeti vdekjen e menjëhershme. Gjithashtu, dhe nga bashkëshortja e tij, Elda Ibro si dhe Arben Meskuti.

Deri më tani lidhur me këtë dosje në qeli janë tre nga 17 të akuzuarit nga SPAK. Priten zhvillime të rëndësishme në lidhje me këtë çështje sensitive, që pas disa vitesh hetimi çon para bankës së të akuzuarve 17 persona, ku më i rëndësishmi në akuzë, Olsi Ibro, nuk jeton më.

The post SPAK çon në gjyq skemën e “mashtrimit me mikrokreditë”, Arben Meskuti, Elda dhe Olsi Ibro “kokat” e grupit kriminal appeared first on Albeu.com.

Berisha ndan një denoncim të ardhur nga një qytetar nga Puka, i cili përshkruan në mënyrë rrëqethëse pasojat e përballjes me dy prej këtyre kompanive ‘Iute Kredit’ dhe ‘Kredo.al’.

Sipas qytetarit, këto kompani i kanë dhënë kredi pa asnjë kriter ligjor, për ta futur më pas në një spiral përmbarimi, presionesh psikologjike dhe shkatërrimi ekonomik.

Berisha deklaron se qeveria hesht përballë skandalit të mikrokredive që po bëhen shkak shqetësues për vetëvrasjet.

Reagimi i plotë nga Sali Berisha:

“E dërgojnë drejt fatalitetit!

Dënoj me forcën më të madhe indiferencën e narkoshtetit!

Lexoni denoncimin e qytetarit për mikrokreditë!

Përshëndetje Doktor Berisha. Jam një qytetar nga qyteti i Pukës dhe dua të bëj një ankesë, për 2 filiale mikrokredi, Iute Kredit dhe Kredo.al. Kam marrë tek këto kredi dhe ma morën shpirtin. Kam marrë 3.5 milion të vjetra tek njëra, si ka mundësi që japin dhe pa sigurime, pa marrëdhënie pune dhe pastaj vendosin lakun në fyt. Më kanë mbytur, sakatuar, me letra përmbarimi, me çdo gjë – vetëm banka nuk janë këto. Këto janë lekë me fajde. Më shkatërruan totalisht. A ka mundësi ta bësh një shkrim, një ankesë apo diçka, verifiko dhe shiko se na shkatërruan me presione kompanitë përmbaruese, po më çojnë drejt vetëvrasjes. Çfarë janë këto filiale, që mirë që me mua merren, por telefonojnë familjarët, vëllezër, motra, grua, nënën, babanë. Unë jam ndarë me familjen që 10 vite. Të lutem bëj diçka sepse nuk jam i pari – na shkatërruan fare. A i vra para SPAK-ut burri i huaj? Bëri vetëvrasje sepse e shkatërruan këto banka.

Kam marrë 2.5 milion dhe e kam lënë 35 ditë pa paguar këstin e parë dhe më ka shkuar kredia totale 5.2 milion, dhe ma kanë kaluar me studio ligjore. Studio ligjore fut dhe 30 përqind të principalit të mbetur që do me thënë miliona lekë pa fund.

Më kanë shkatërruar, po më çojnë drejt vetëvrasjes”.

The post Denoncimi i Berishës: Mikrokreditë po çojnë qytetarët drejt vetëvrasjes, qeveria hesht appeared first on Albeu.com.

Me vendim të Gjykatës së Shkallës së Parë të Juridiksionit të Përgjithshëm Tiranë, Microcredit Albania dhe Final kaluan nën administrim të Agjencisë së Pasurive të Sekuestruara.

Por skandali i mikrokredive tashmë është shndërruar në kaosin e mikrokredive. Dokumentat zyrtarë tregojnë se në më pak se 1 vit, Agjencia e Administrimit të Pasurive të Sekuestruara, ka ndryshuar 4 administratorë për secilën kompani. Sipas dokumentave, fillimisht Risena Xhaja emëroi si adminsitratore Dorina Janon.

Një muaj më vonë zonja Jano u shkarkua duke u zëvendësuar nga Indrit Karaj. Ky i fundit, qendroi deri në janar në këtë detyrë duke u zëvendësuar me Nikolin Ballin. Ndërsa dy javë më parë edhe Nikolin Balli u shkarkua për t’ia lënë vendin Ismet Goranit.

Tashmë Ismet Gorani është administratori që administron të dy shoqëritë, si Final ashtu dhe MCA. Por fakti që çdo administrator qëndron më pak se 3 muaj në detyrë, ngre pikëpyetje të mëdha, se si po administrohen dy kompanitë në qendër të skandalit të mikrokredive nga shteti.

Agjencia e Pasurive të Sekuestruara është një institucion me kapacitete dhe staf modest. Por për shkak të rritjes së sekuestrove nga SPAK, tashmë kjo agjenci duhet të menaxhojë kompani inceneratorësh, kompani ndërtimi, kompani financiare e madje edhe protfol kriptomonedhash.

Në rastin e mikrokredive situata duket totalisht kaotike. Fillimisht Banka e Shqipërisë hodhi idenë që kreditë e MCA dhe Final të riktheheshin nga bankat që ishin dhënë. Por bankat nuk e pranuan duke deklaruar se këto ishin asete që ato i kishin shitur një herë.

Më tej Banka hodhi edhe idenë e caktimit të një likuidatori nga ajo që do të çonte të dy kompanitë në likujdim të kontrolluar. Por edhe ky variant u rrëzua dhe administratori iu besua agjencisë së Administrimit të Pasurive të Sekuestruara.

Tashmë Agjencia është vet në situatë paligjshmëri. Kjo pasi si MCA ashtu dhe Final janë pa liçencë për të ushtruar aktivitet në mbledhjen e detyrimeve, pasi liçenca e tyre u hoq nga Banka e Shqipërisë.

Por pavarësisht kësaj, Agjencia po mbledh kreditë e qytetarëve, në një kohë që shumë nga kreditë të dhëna nga MCA dhe Final nuk janë të regjistruara në regjistrin e kredive, ndërsa dosjet përmbarimore thjesht nuk ekzistojnë.

Teksa çështja e mikrokredive tashmë ka kaluar në SPAK, kaosi vazhdon dhe mijëra qytetarë të mashtruar nuk e dinë se si do të shkojë fati i tyre.

Kjo pasi, qeveria nuk e pa të arsyeshme, që të gjente një zgjidhje ligjore, duke bërë nul të paktën kreditë e dhëna në mashtrim nga MCA dhe Final./ Kapital.al

The post Kaos me mikrokreditë e sekuestruara, Risena Xhaja ndërron 4 herë administratorët e MCA dhe Final appeared first on Albeu.com.

Meskuti mbahet në qelinë e paraburgimit, nën dyshimin se ka mashtruar mijëra qytetarë debitorë përmes mikrokredive. Ky i fundit, është pronar i disa shoqërive financiare që ngritën skemë piramidale.

Në dhjetor të vitit të kaluar, prokuroria e Tiranës shpalli moskompetencë për dosjen e mikrokredive duke e referuar atë në Prokurorinë e Posaçme Antikorrupsion.

Skema e mashtrimit

Procedimi penal për skemën piramidale të mashtrimit te microkredi ka nisur në 25 shkurt të vitit 2020 pas kallëzmit të bërë në Prokurorinë e Tiranës nga Ministria e Drejtësisë. Gjatë hetimeve Prokuroria ka zbuluar se 5 shoqëritë, Micro Credit Albania, ADCA, SHP Zig, FS, FLASH, morën nga një bankë e nivelit të dytë, 3999 kredi të konsideruara të këqija dhe të pashlyera ndër vite me një shumë totale prej rreth 7.3 milionë euro.

Skema funksiononte përmes “Shtrëngimit të debitorëve në bankat e nivelit të dytë. Fillimisht përmbaruesit blinin debinë e qytetarëve nga bankat e nivelit të dytë, më pas bënin kontratë me debitorët. Brenda një periudhe të shkurtër, shtrëngonin qytetarët drejt marrjes së një kredie tjetër për të mbyllur të parën.

Skema e mashtrimit të qytetarëve nga subjekti financiar MCA dhe Final, po konsiderohet e njëjti si në rastin e firmave piramidale. Dy kompanitë kishin në total 32,542 klientë, nga të cilët 90% e tyre ishin në sekuestro preventive.

The post Si funksiononte skema/ Mashtrimi me mikrokreditë, GJKKO lë në qeli pronarin e disa shoqërive që ngritën “skemën piramidale” appeared first on Albeu.com.

Në dosjen e hetuar nga Antoneta Sevdari, Ndini Tavani dhe Arben Agovi dhe që tanimë po shqyrtohet nga prokurorët e posaçëm në Tiranë, të cilët së shpejti do kërkojnë rivlerësim masash personale, përmenden raste të kërcënimit të qytetarëve për rimarrje kredish.

Një ndër ta është dëshmia e çiftit Kozeta dhe Pajtim Sinomati të cilët në 2009 morën një kredi prej 500 mijë lekësh për të arreduar banesën. Por MCA më pas i morën banesën tre katëshe, i sekuestruan automjetin dhe llogaritë bankare. Të pyetur nga prokuroria ata tregojnë se si nisën shlyerjen e kredisë por që nuk dolën asnjëherë nga ky kurth ndërsa përndjekja e tyre vazhdoi edhe nga përmbaruesit pa ju treguar se ndërkohë ishte vendosur nën sekuetstro dhe ishte publikuar në ankand

Në këtë formë ka dyshime se ju mor pasurie 1700 shtetasve të cilët nga prona të qytetarëve kaluan në pasuri të MCA dhe Final.

Numri i personave që i kanë kaluar SPAK është 17 të dyshuar, mes tyre edhe Olsi Ibro i cili në kulmin e hetimeve i dha fund jetës. Të gjithë të dyshuarit konsiderohen anëtarë të grupit kriminal që duhen hetuar nga SPAK. Por janë gjithashtu nën hetim për të njëjtën skemë edhe një zyrë përmbarimi e dyshuar për mashtrim me pasoja të rënda si edhe micro credit Albania, Adca dhe Final.

Grupi thotë SPAK nuk u krijua rastësisht dhe se kanë pasur strukturë që zgjati nëntë vjet.

Mes analizave të renditura tre prokurorët që shpallën moskopmetencën theksojnë faktin se qytetarët të cilët shpesh shtyheshin të merrnin kredi të dytë për të mbyllur të parën, interesat e kredive shkuan në vlerën 700 përqind në vit. /Top Channel

The post Mashtrimi me mikrokreditë! Çifti mori kredi për arredimin e banesës, MCA i “gllabëroi” ndërtesën tre kate appeared first on Albeu.com.

Çështja me 9 të dyshuar dhe dy shoqëri nën sekuestro është vendosur t’i  kalojë Prokurorisë së Posaçme, pasi prokurorët dyshojnë se janë përpara një grupi kriminal.

Pikërisht për këtë dyshimeve se avokatë subjekte financiare dhe përmbaruesit e tyre kanë vepruar në kuadër të grupit kriminal duke u shtrirë në kohë dhe me role të ndara, grupi i hetimit po vlerëson se kompetencat për shkak të këtyre cilësive i përkasin Prokurorëve të Posaçëm.

Nga aktet e administruara nga prokuroria e Tiranë rezulton se shoqëritë nën hetim morën nga banka gati 4 mijë kredi të konsideruara të këqija dhe të pashlyera ndër vite.

Vlera totale e tyre është gati 7 milionë euro dhe për shlyerjen e tyre prokuroria e Tiranë zbuloi se u përdor një skemë shtrënguese e kredimarrjes ku përmes vjedhjes debitorët u detyruan t’i shlyenin borxhet e veta me borxhe të reja.

Prokuroria e Tiranës zbuloi se përmes kësaj skeme shoqëri të ndryshme përmbarimore vepruan duke bllokuar  pasuritë që prokurorët e konsiderojnë se është vjedhje pasurie

Në hetimin e kryer mbas masave gjyqësore, prokurorët kanë zbuluar se si qindra ankande mbi pasuritë e bllokuara, u kryen fiktivisht dhe pa njoftuar qytetarin. Vetëm në një ditë hetimet konstatojnë se u kryen 75 ankande të tilla.

Në aktet hetimore të administruara janë evidentuar rastet konkrete për fenomenin e vendosjes së sekuestrove konservative mbi pasuritë e paluajtshme që janë shtrirë dhe ndaj personave që nuk kanë lidhje fare me ekzekutimin e vendimeve gjyqësore.

Rast tipik i kësaj natyre është çështja/dosja përmbarimore ku për një detyrim të prapambetur prej 347.958 lekësh, Micro Credit Albania ka sekuestruar 14 pasuri të paluajtshme të një shtetasi./ TCh

The post “Mikrokreditë” përfundojnë në SPAK! Prokuroria e Tiranës dyshon se mashtrimi u krye nga një grup kriminal appeared first on Albeu.com.

Kujtomë që ditën e djeshme, Olsi Ibros Prokuroria e Tiranës i sekuestroi pasuritë.

Njoftimi i policisë:

“Tiranë/Informacion paraprak

Më datë 20.07.2024, në rrugën “Ramazan Shijaku”, dyshohet se është vetëhedhur nga lartësia e një pallati në ndërtim e sipër, shtetasi O. I., 45-vjeç, i cili si pasojë e dëmtimeve të marra, ka ndërruar jetë në vendngjarje.

Grupi hetimor po punon për sqarimin e rrethanave të ngjarjes”.

The post I akuzuar si pjesë e skandalit të mikrokredive, vetëvritet Olsi Ibro appeared first on Albeu.com.

Raportohet se Ttogat e zeza kanë lënë nën masën e sigurisë ‘arrest në burg’ Aldo Daka, Albert Gega, Edmond Mato dhe Arben Meskuti.

Ndërkohë, me masën e sigurimit ‘arrest në shtëpi’ janë lënë Jorsida Dervishi, Alketa Tanishi, Kejda Seferi dhe Elda Ibro.

Sakaq, në sallë njeri nga të dyshuarit ka bërë një batutë ku është shprehur “nuk jemi në komunizëm që na gjykon populli dhe vendos gjykata”.

Sakaq, të arrestuarit e tjerë kanë ‘kyçur’ gojën në sallën e gjyqit, ndërsa mbrojta ka kërkuar që të specifikohen çfarë ka bërë secili prej tyre. Po ashtu një përmbarues ka theksuar se ai nuk ka kryer asnjë shkelje ligji.

The post Skandali me mikrokreditë/ Lihen në burg 4 të arrestuar, ja masa për pjesën tjetër të grupit appeared first on Albeu.com.

Këta shtetas përmes një skeme mashtrimi, arrinin të blenin kredi të këqija në bankat e nivelit të dytë dhe më pas ju ushtronin presion kreditorëve që të merrnin kredi për shlyerje kredie.

Në një tjetër rast këta administratorë të MAC, Aldo Daka, Albert Gega, Edmond Mato, Arben Meskuti i kanë bllokuar mijëra metra katror tokë prona shtetasit B.K i cili kishte marrë kredi në një bankë të nivelit të dytë vetëm 37 mijë lekë të rinj, ose 370 mijë lekë të vjetër.

Pjesë nga dosja:

Çështja/dosja përmbarimore nr. 0768-17 “Shërbimi  Përmbarimor FS” sh.p.k; Urdhër ekzekutimi  – Vendim nr. 4454 regj., datë 26.5.2017 Gj.Rr.Gj. Tiranë; Titulli ekzekutiv – Në emër të “Bankës X”; (30 767.34 (tridhjetë mijë e shtatëqind e gjashtëdhjetë e shtatë pikë tridhjetë e katër) lekë). Kreditor – “Micro Credit Albania”; Debitor –B.K; Numri i pasurisë mbi të cilën kane vijuar veprimet përmbarimore duke vendosur sekuestro më datë 6.12.2017, për detyrimin me vlerë vetëm 30 767.34 lekë:

Arë nr. pasurie 1632, ZK 3775, sip. 694 m2;

Arë nr. pasurie 1802, ZK 3775, sip. 398 m2;

Arë nr. pasurie 1804, ZK 3775, sip. 1772 m2;

Arë nr. pasurie 2146, ZK 3775, sip. 1321 m2

Arë nr. pasurie 2448, ZK 3775, sip. 3429 m2;

Truall nr. pasurie 2518, ZK 3775, sip. 256 m2,

Arë nr. pasurie 2519, ZK 3775, sip. 507 m2;

Arë nr. pasurie 2563, ZK 3775, sip. 633 m2;

Arë nr. pasurie 2565, ZK 3775, sip. 1152 m2

Sa me siper ish-përmbaruesit kane shtrirë sekuestron ne total prej 10 162 , për një vlerë detyrimi vetëm 30 767 lekë, jashtë çdo kërkese ligjore dhe logjike  për ekzekutimin e detyrimit në masën e përafërt të plotësimit të tij. Keto pasuri referuar procesverbalit te dates 19.01.2023 vijojnë të qëndrojnë të sekuestruara./albeu.com 

The post “Ujqërit e Tiranës”, si administratorët e MCA i sekuestruan qytetarit mijëra katror tokë për vetëm 30 mijë lekë kredi appeared first on Albeu.com.

“Piramidat e Edi Ramës kanë dëmtar 103 mijë qytetarë dhe rreth 20 mijë prej tyre vazhdojnë të jenë në proces mashtrimi nga institucionet financiare që janë frymëzuar, ngritur dhe toleruar nga ai dhe shpura e zyrtarëve të korruptuar. 510 milionë euro janë paguar nga qytetarët më të pamundur të shoqërisë shqiptarë të cilët të presionuar nga funksionarët publik janë detyruar të paguajnë detyrime që nuk i kanë marrë kurrë. 570 milionë euro asete janë bllokuar ose kaluar për llogari të këtyre mashtruesve financiar si pasojë e lejimit të procedurave të paligjshme nga ana e hipotekave apo si pasojë e mos ushtrimit të kontrollit të organeve kompetente mbi përmbaruesit që kanë shkelur ligjin për të ndihmuar këto piramida moderne të ideuara dhe mbështetura nga Edi Rama dhe mëkëmbësit e tij”, u shpreh Agalliu.

“Partia Demokratike e Shqipërisë i bën thirrje Prokurorisë së Posaçme SPAK që të çojë deri në fund hetimet e nisura për këtë skemë gjigande mashtrimi si dhe të marrë në përgjegjësi penale të gjithë zyrtarët e lartë që kanë pasur dijeni për të”, shtoi Agalliu.

The post Arbi Agalliu: SPAK të hetojë mashtrimin me mikrokreditë, janë dëmtar 103 mijë qytetarë! 20 mijë janë në proces mashtrimi appeared first on Albeu.com.