Ky grup njoftoi përmes kanalit në Telegram se “përkohësisht nuk po marrim pjesë në operacionin e posaçëm ushtarak dhe po zhvendosemi në Bjellorusi”.

Wagner përdori shprehjen që Rusia përdor për t’iu referuar pushtimit të paprovokuar të Ukrainës.

Grupi Wagner kreu një rebelimin të shkurtër dhe mercenarët u nisën drejt Moskës. Por, më pas lideri autoritar bjellorus, Alyaksandr Lukashenka, ndërmjetësoi një marrëveshje dhe rebelimi u ndërpre.

Sipas kësaj marrëveshjeje, shefi i Wagner-it, Yevgeny Prigozhin, u lejua që të shkonte në Bjellorusi.

Luftëtarëve të Wagner-it u është dhënë mundësia të zgjedhin nëse duan të ndjekin Prigozhinin apo të integrohen në ushtrinë e rregullt ruse.

Prigozhin nuk është parë në publik që nga përfundimi i rebelimit./rel

The post Wagner pezullon rekrutimin e mercenarëve appeared first on Albeu.com.

Sa vetë janë rekrutuar?

Kremlini vetë nuk jep informacione. “Për këtë nuk mund të them asgjë”, tha në fund të janarit zëdhënësi i Kremlinit, Dmitrij Peskov para gazetarëve. “E dini, se ka dekrete të hapura dhe nga ato me shkallë të ndryshme sekreti. Për të fundit nuk mund të them asgjë.” Sipas Peskov të gjitha amnestitë do të kryhen sipas ligjit rus.

“Mediazona”, një gazetë online që punon nga ekzili në Vilnius dhe Tiflis ka kontrolluar të dhënat e autoriteteve ruse të burgjeve dhe ka konstatuar, se numri i të burgosurve rusë nga shtatori deri në tetor 2022 me sa duket për shkak të rekrutimit është ulur në 23.000 vetë. Olga Romanova, themeluese e organizatës “Rusia pas hekurave” përmend shifra të përafërta. Sipas të dhënave të shërbimeve sekrete amerikane në dhjetor 2022 kanë marrë pjesë 40.000 të burgosur si luftëtarë të grupit Wagner në luftën e Ukrainës. Por sipas “Mediazona” nga tetori 2022 numri i të burgosurve nuk është ulur më tej. Edhe Ministria e Mbrojtjes në Britaninë e Madhe arrin në përfundimin, se përmasat e rekrutimit të të burgosurve kanë rënë ndjeshëm.

Lirim para dërgimit në luftë?

Në internet qarkullojnë video për të burgosur të liruar, që janë publikuar nga shërbimi i shtypit i Prigoshin, por vetëm një herë në një video në tetor 2022 është vënë re një dokument zyrtar. Në një spital në Luhansk nderohen meshkuj për guximin  e tyre, duke marrë certifikata për lirimin dhe “faljen e plotë”. Në një nga këto certifikata lexohet se personi në fjalë lirohet “me dekret amnistie nga presidenti i Federatës Ruse”. Por nuk ka një numër dekreti, vetëm data 6 korrik 2022, sipas së cilës mund të kuptohet, se presidenti Putin e ka nënshkruar dekretin në fjalë që në 6 korrik 2022, pra para dërgimit të të burgosurve nga burgjet në front.

Deutsche Welle ka vëzhguar listën e dekreteve presidenciale për vitin 2022. Ata janë të numëruara sipas radhës, por mungojnë numrat e dekreteve sekrete. Kështu mund të përcaktosh numrin e tyre. Nga data 5 deri në 8 korrik, kur Putin me gjasë ka amnistuar të burgosurin në video, janë nënshkruar 4 dekrete sekrete. Teorikisht secili dekret mund të përfshijë një numër të pakufizuar personash.

Vetë ish-luftëtarë të grupit Wagner raportojnë, se si i marrin certifikatat e lirimit. Andrej Medvedev që u arratis në janar në Norvegji bëri dëshmi para autoriteteve norvegjeze. “E di se me mbërritjen tek pika e grumbullimit ata nënshkruajnë kontrata dhe një formular kërkesë për falje në mungesë, para se të shkojnë në luftë. Me gjasë kjo për t’i bindur dhe garantuar se nuk po gënjehen, në lidhje me amnistinë”, tha Medvedev për gazetën “Th Insider”.

Lirohen vërtet rekrutët?

Nuk ka prova të bindshme, se të burgosurit pas 6 muajsh shërbim kthehen nga lufta dhe lirohen pa asnjë detyrim. Gati të gjithë të burgosurit që shihen në videot që qarkullojnë, thonë se nuk kthehen në jetë normale, por kthehen tek grupi Wagner apo rikthehen në front. Avokatja ruse, Jana Gelmel që mbron të drejtat e të burgosurve, thotë se të burgosurit e rekrutuar nuk janë vërtet të lirë, edhe pasi lirohen pas pjesëmarrjes në luftë. Shumë vendosen nën presion të mos largohen nga trupa pas përfundimit të afatit. “Trupa Wagner i mban ata, sepse të gjithë janë në një mënyrë të varur nga autoriteti i burgjeve ose Prigoshin.” Shumë e dinë, se mund të burgosen sërish, nëse nuk i plotësojnë kërkesat e trupës, thekson Gelmel.

Ndërsa aktivistët për të drejtat e njeriut paralajmërojnë për një zhvillim të rrezikshëm që e minon më tej sistemin rus të drejtësisë. Mes të amnistuarve ka edhe kriminelë me vepra të rënda penale, vrasës, hajdutë të armatosur, anëtarë të organizatave kriminale. Shumë janë dënuar me dënime të gjata, por nuk kanë kryer as gjysmën e dënimit. “Praktikisht nuk ka as krime dhe as dënime”, paralajmëron aktivisja e organizatës “Rusia pas hekurave”, Olga Romanova. “Tani lejohet gjithçka dhe një gjë e tillë ka pasoja shumë të forta për një vend.”/dw

The post Do të amnistojë Putini së shpejti mijëra të burgosur? appeared first on Albeu.com.

Grupi mercenar i Rusisë Wagner bëri videot në gjuhën serbe për të inkurajuar rekrutimin për luftë.

Presidenti i Serbisë, Aleksandar Vuçiç, ka reaguar me zemërim në televizionin kombëtar.

“Pse ju, nga Wagner, telefononi dikë nga Serbia kur e dini se kjo është kundër rregulloreve tona?” tha ai.

Kritikët shpesh e akuzojnë Serbinë se i jep përparësi miqësisë së saj të gjatë me Rusinë mbi ambicien e saj për t’u bashkuar me BE. Por ajo që ka dalë ditët e fundit në Beograd tregon se fotografia nuk është edhe aq bardh e zi, raporton BBC.

Duke lënë të kuptohet për marrëdhëniet më pak se rozë me Moskën, Presidenti Vuçiç tha se Serbia jo vetëm që ishte “neutrale” në lidhje me luftën në Ukrainë, por se ai nuk kishte folur me presidentin rus Vladimir Putin për “shumë muaj”.

Është e paligjshme që serbët të marrin pjesë në konflikte jashtë vendit.

Numri i rekrutëve serbë të përfshirë nuk duket të jetë i rëndësishëm. Disa luftuan përkrah forcave ruse në Ukrainë në vitin 2014, por jo me ndonjë lloj miratimi zyrtar.

Në fakt, gjykatat serbe dënuan më shumë se dy duzina persona për pjesëmarrje në “luftimet në frontet e huaja të betejës”.

Të enjten, një avokat me bazë në Beograd dhe grupe kundër luftës ngritën ankesa penale kundër ambasadorit rus si dhe kreut të agjencisë së informacionit dhe sigurimit shtetëror të Serbisë (BIA) për rekrutimin e dyshuar të serbëve për grupin Wagner.

Në Beograd, ku muralet provokuese janë jashtëzakonisht të zakonshme, emblema e kokës së vdekjes së Wagnerit u shfaq në një mur në qendër të qytetit javën e kaluar. Ai u nënshkrua nga Patrullat Popullore, një organizatë e krahut të djathtë ekstrem, e cila më parë ka organizuar mitingje pro-ruse me pjesëmarrje të rrallë.

Asnjë nga partitë kryesore politike nuk ka lënë të kuptohet as për mbështetje për pushtimin e Ukrainës.

Në të vërtetë, Serbia ka votuar vazhdimisht pro rezoluta në Kombet e Bashkuara që dënojnë agresionin e Rusisë.

Presidenti Vuçiç këtë javë e bëri të qartë qëndrimin e Beogradit: “Për ne, Krimea është Ukrainë, Donbasi është Ukraina dhe kështu do të mbetet”.

Ky qëndrim nuk ka mjaftuar për t’i bërë përshtypje Parlamentit Evropian, sepse Serbia ka refuzuar vazhdimisht të vendosë sanksione ndaj Rusisë.

Për herë të dytë, eurodeputetët kanë miratuar një rezolutë që kërkon pezullimin e negociatave të anëtarësimit derisa Serbia të pranojë sanksionet.

Për sa kohë që BE-ja tregoi pak entuziazëm për zgjerimin e bllokut për të përfshirë vendet e Ballkanit Perëndimor, kishte kuptim që Serbia të mbante lidhje miqësore me Moskën.

Ai i kujtoi Brukselit se Beogradi kishte mundësi të tjera. Furnizimet e lira të gazit, pronësia shumicë e Gazprom-it mbi kompaninë serbe të naftës NIS dhe refuzimi i Rusisë për të njohur pavarësinë e Kosovës ishin arsye praktike për të qëndruar në kushte të mira.

Por pushtimi i Ukrainës ka ndryshuar perceptimet. Beogradit nuk i bëri përshtypje kur presidenti Putin iu referua shpalljes së njëanshme të pavarësisë së Kosovës si justifikim për njohjen e pavarësisë së zonave të Ukrainës lindore të okupuar.

Ndërkohë, Brukseli e kuptoi me vonesë se frenimi i tij ndaj Ballkanit Perëndimor po i linte hapësirë Moskës që të ndërhynte. Bisedimet e pranimit për Shqipërinë dhe Maqedoninë e Veriut u zhbllokuan me shpejtësi, dhe Bosnja mori statusin e kandidatit.

Pra, nëse presidenti i Serbisë ka pritur për një moment për t’u kthyer me vendosmëri drejt Perëndimit, ai thjesht mund të ketë ardhur.

Ai ka paralajmëruar për biseda “shumë të vështira” me të dërguarit special të BE-së dhe SHBA-së, dhe thotë se do t’u drejtohet serbëve gjatë fundjavës për t’u treguar atyre “çfarë kërkohet dhe pritet nga Serbia në lidhje me Kosovën dhe sanksionet kundër Rusisë”.

Vuçiç ka bërë komente të ngjashme edhe më parë, pa u zotuar kurrë për një ndryshim të madh të politikës. Por këtë javë ai përsëriti edhe një herë se trajektorja e Serbisë ishte drejt Perëndimit.

“Unë e di se BE është rruga jonë,” i tha ai Bloomberg. “Nuk ka rrugë të tjera.”/albeu.com

The post Serbë të rekrutuar nga Wagner për të luftuar në Ukrainë? Nervozohet Vuçiç, BBC: Marrëdhënia Beograd-Moskë u ekspozua appeared first on Albeu.com.

Grupi Vagner është një forcë ushtarake private me lidhje të ngushta me Vladimir Putinin. Zyrtarisht, ky grupim nuk ekziston. Prania e tij në Ukrainë bëri bujë dhe shkaktoi shqetësim, pasi hetuesit e OKB-së dhe grupet e të drejtave të njeriut e kanë akuzuar këtë grup mercenarësh për shënjestrimin e civilëve dhe kryerjen e ekzekutimeve në masë.

Grupi Vagner u shfaq për herë të parë në vitin 2014, i financuar nga Yevgeny Prigozhin, një biznesmen rus dhe bashkëpunëtor i afërt i Putinit. Kohët e fundit në internet janë shfaqur video të Prigozhin duke rekrutuar të burgosur për të luftuar në Ukrainë, në këmbim të uljes së dënimeve.

Javën e kaluar u shfaq një video e re e ekzekutimit të të burgosurit rus Evgeny Nuzhin, që i ishte bashkuar Grupit Vagner, dhe më vonë u vetë-dorëzua tek ushtria ukrainase dhe dëshmoi kundër rusëve. Videoja në fjalë tregon rekrutët e grupit duke e ekzekutuar Nuzhin përmes goditjes në kokë me një varre.

Gazeta e pavarur ruse e lajmeve që botohet në mërgim “Vazhnyye Istorii” ishte e para që raportoi për rekrutimin e të burgosurve në Grupin Vagner në korrik nga zona e Shën Petersburgut. Që nga ajo kohë rekrutimi është zgjeruar në burgjet në Urale, Siberi, Lindjen e Largët, madje edhe në Rrethin Arktik.

Ndërsa zyrtarët rusë dhe vetë Prigozhin i hodhën në fillim poshtë informacionet për rekrutimin e të burgosurve, më vonë mediat propagandistike pro-Kremlinit filluan që të transmetonin video të të burgosurve “të vrarë heroikisht” në luftën në Ukrainë. Po ashtu në internet u shfaq edhe një video e Prigozhin duke mbajtur një fjalim para të burgosurve në një burg në Yoshkar-Ola.

Por si rekrutohen të burgosurit? I burgosuri që foli për “Vazhnyye Istorii” tha se një javë para ardhjes së drejtuesve të Grupit Vagner, u ndaluan vizitat e gjata në burg. Kryemjeku i rajonit Chelyabinsk shpalli një karantinë. Katër ditë më vonë pushoi së funksionuari shërbimi telefonik. Dhe më 11 tetor në orën 5 pasdite, që të gjithë u larguan nga puna dhe u bënë pjesë e njësisë.

“Oficerët e grupit erdhën rreth 30 minuta më vonë, dhe na urdhëruan të mblidheshim në sheshin kryesor. Ata i sollën që të gjithë, përfshirë të dënuarit për krimet më të rënda që mbaheshin të izoluar dhe në kushte të rrepta. Drejtuesit e burgut nuk dukeshin gjëkundi. Pas një ore pritje në shesh, një helikopter ngjyrë jeshil dhe me një yll të kuq në pjesën anësore fluturoi mbi kokat tona në një lartësi shumë të ulët dhe u ul pas godinës së burgut. Në fillim hynë disa njerëz të veshur me rrobat civile, të cilët na udhëzuan të formonim një gjysmërrethi. Kur mbaroi përgatitjet, në oborr hyri vetë Prigozhin…”- dëshmon i burgosuri.

Themeluesi i Vagner u tha të dënuarve se po udhëtonte në mbarë vendin për të rekrutuar vullnetarë. “Ai na tha se ushtria zyrtare ruse nuk është e aftë për luftë, se ushtarët rusë pinë drogë dhe nuk duan të luftojë. Kur tërhiqen ose mposhten, ata e quajnë këtë një “rigrupim trupash”. Ndërkohë Grupi Vagner po ecën mirë në front. Prigozhin na tha se tani po rekrutonte vetëm njësi sulmuese. Ai kishte nevojë për njerëz që ishin në burg për vrasje, grabitje dhe plaçkitje. Ata që kanë vullnet të dobët nuk mbijetojnë”- na tha ai.

I dënuari kujton më tej se bashkëpunëtori i Putin nuk donte të rekrutonte përdhunues, sepse nuk donte të shkaktonte përçarje në njësitë e tij. Ata do të rekrutoheshin veçmas, brenda muajit nëntor.

“Ai na premtoi një pagë mujore prej 100.000 rublash në muaj (1.600 dollarë), plus 100.000 rubla shtesë për angazhimin në luftime. Në rast vdekjeje, dëmshpërblimi do të ishte 5 milionë rubla dhe titulli “Hero i Rusisë”. Prigozhin na tha se ato do të paguhen vetëm me para në dorë, ndaj ne duhej të identifikonim që para se të niseshim në front të afërmit që do të merrnin paratë. Na paralajmëroi se nuk kishte rrugë kthimi: dezertimi, plaçkitja dhe marrëdhëniet seksuale me civilët dënoheshin me vdekje”- theksoi rekruti.

Prigozhin u tha të dënuarve se nuk do të merrnin asnjë dokument, dhe se garancia për ta ishte “fjala e tij e nderit”. Dretuesi i Vagner u tha rekrutëve se nëse kapnin rob ushtarë ukrainas, mund të “bëni gjithçka” me ta. “Ai na tha se grupi u pret veshët të burgosurve në Afrikë, dhe se nuk i intereson se çfarë bëjmë ne me të burgosurit. Merrini robër nëse dëshironi, torturojini, ngacmojini, pritjani fytin nëse dëshironi”- u shpreh miliarderi.

Prigozhin premtoi 3 javë stërvitje për të dënuarit që pranonin të luftonin: 20 orë në ditë plus 4 orë gjumë. Por gjykuar nga deklaratat e të dënuarve të rekrutuar nga Grupi Vagner të kapur rob në Ukrainë, trajnimi zgjat vetëm 1 javë. Sipas vlerësimeve të të burgosurit, rreth 270 nga 1500 të burgosur të burgut Kopeisk-1 ishin të interesuar për propozimin e Prigozhin.

“Shumë prej tyre ranë dakord për shkak të parave. Disa e bënë sepse kishin ende shumë kohë për të qëndruar në burg. Për shembull kishin bërë 10 vjet dhe i kishin mbetur edhe 10 vjet të tjera. Prandaj donin të dilnin nga aty. Ata monitoronin vazhdimisht rrjetet sociale (jo zyrtarisht shumtë të burgosur mbajnë celularë në qeli), dhe në thelb që të gjithë shpresonin se do te mbijetonin dhe do të liroheshin pas 6 muajsh”.

Ata që kaluan fazën e intervistës u dërguan në një njësi tjetër. Atje iu treguan video rreth veprimtarisë së Grupit Vagner dhe iu dhanë udhëzime. Gjatë gjithë kohës që drejtuesit e këtij grupimi mercenarësh ishin nëpër burgje, autoritetet i fikën kamerat e sigurisë dhe ndaluan komunikimet me jashtë.

Burimi ynë vë në dukje se zyrtarët e burgut shmangën diskutimin e rekrutimit. “Duket se ata kishin frikë nga pasojat për dënimin ose inkurajimin e aktiviteteve të tilla”- mendon ai. Sipas burimit tonë, rreth 190 persona u larguan më 25 tetor nga burgu ku ai vuante dënimin. Sipas “Gulagu.net”, një portal që monitoron korrupsionin dhe torturat në Rusi, 243 persona nënshkruan një kontratë bashkëpunimi me Vagner, raporton abcnews.al.

Ai njeh të paktën 10 të burgosur që kanë vdekur gjatë luftimeve në Ukrainë nga ata që ishin rekrutuar në koloninë penale nr. 2. “Të afërmit e tyre shkuan në Moskë për të tërhequr trupat dhe medaljet. Atyre iu dha një medalje për trimëri. Por në vend që të merrnin 5 milionë rublat e premtuara (180.000 dollarë), iu dhanë vetëm 300.000 rubla (4.930 dollarë), pra pak më shumë se rroga mujore”- dëshmon ish-pjesëtari i këtij grupimi.

/albeu.com

The post Si po rekrutohen të burgosurit nga mercenarët e Grupit Vagner për të luftuar në Ukrainë appeared first on Albeu.com.

Sipas listës së Ministrisë ruse të Mbrojtjes, që nga fillimi i luftës, në anën ukrainase kanë luftuar 79 shtetas të Maqedonisë së Veriut, prej të cilëve 26 janë vrarë, 21 janë kthyer, ndërsa 32 persona nga vendi ende janë aktivë në front.

Nga Ministria e Jashtme e Maqedonisë thonë se nuk kanë informacione për pjesëmarrjen eventuale të shtetasve të Maqedonisë së Veriut në luftën në Ukrainë, as për shtetas tanë të vdekur në luftë.

Shtojnë se vazhdimisht dhe me shumë kujdes e ndjekin situatën, përmes ambasadës në Ukrainë./tv21

The post Qeveria thotë se nuk ka informacione, Rusia pohon se 79 mercenarë nga Maqedonia luftojnë në Ukrainë appeared first on Albeu.com.

Ai i referohet atyre që luftojnë përkrah trupave ukrainase, megjithëse pretendimi nuk mund të verifikohet në mënyrë të pavarur.

Shoigu tha se pushtimi i Rusisë do të vazhdojë derisa të përmbushen të gjitha qëllimet e saj, të cilat përfshijnë heqjen e “kërcënimit për sigurinë e civilëve”.

Rusia ka pretenduar vazhdimisht dhe në mënyrë të rreme se Ukraina po kryen “gjenocid” kundër qytetarëve rusishtfolës në rajonin e saj lindor të Donbasit./albeu.com

The post Rusia pretendon se ka vrarë 170 mercenarë të huaj në 10 ditët e fundit appeared first on Albeu.com.

Konashenkov shtoi se “qindra mercenarë të huaj në Ukrainë u shkatërruan nga armët ruse me precizion të lartë me rreze të gjatë, menjëherë pasi arritën në vendet ku ata iu nënshtruan trajnimit shtesë dhe koordinimit të njësive taktike”.

“Por shumica e mercenarëve u shkatërruan në zonën e luftimit për shkak të nivelit të ulët të stërvitjes dhe mungesës së përvojës reale luftarake”.

Komentet e tij vijnë pasi Garda Kombëtare e Rusisë tha se një nga komandantët e brigadës së saj ishte vrarë në një betejë të Donbasit kundër forcave pro-ukrainase, ku përfshihej Ben Grant, djali i Helen Grant, deputetja konservatore për Maidstone dhe The Weald./albeu.com

The post Rusia: Numri i mercenarëve pro-ukrainas është përgjysmuar appeared first on Albeu.com.

Një zyrtar evropian ka bërë me dije se ata janë dërguar në betejë pa pajisje të rënda apo automjete të blinduara.

Më tej, ai tha se vlerësimet për përfshirjen e mercenarëve në terren në Ukrainën Lindore variojnë nga 10 mijë në 20 mijë dhe se ishte e vështirë të zbërthehej kjo shifër midis sirianëve, libianëve dhe luftëtarëve të tjerë të rekrutuar nga kompania mercenare ruse, “Wagner Group”.

“Ajo që mund t’ju them, është se ne pamë një transferim nga këto zona, Siria dhe Libia, në rajonin lindor të Donbas-it, dhe këta njerëz përdoren kryesisht si masë kundër rezistencës ukrainase”, u tha zyrtari gazetarëve. “Është këmbësoria. Ata nuk kanë asnjë pajisje të rëndë apo automjet”.

Mercenarët janë duke u hedhur në fokusin rus për të kapur sa më shumë të jetë e mundur pjesë të Ukrainës Lindore, në atë që zyrtarët e mbrojtjes perëndimore e kanë përshkruar si një nxitim për të pasur fitore, të cilën presidenti rus Vladimir Putin mund të shpallë në paradën ushtarake të 9 majit në Moskë për të përkujtuar Luftën e Dytë Botërore.

Kremlini shihet se ka katër objektiva në këtë fazë të dytë të luftës së tij në Ukrainë, tha zyrtari evropian.

Sipas tij, objektivat janë kapja e Donbas-it, sigurimi i një ure tokësore për në Krime në të cilën qyteti i rrethuar i Mariupol-it është kyç, kapja e rajonit Kherson për të siguruar furnizimin e ujit të freskët në Krime dhe për të kapur një territor shtesë që mund të përdoret si një tampon ose një mjet pazaresh në negociata./albeu.com

The post 20 mijë mercenarë nga Siria dhe Libia janë vendosur në rajonin e Donbas-it appeared first on Albeu.com.

Burimet lokale të sigurisë i thanë HRW se më shumë se 100 burra rusisht-folës dyshohet se ishin përfshirë në operacion.

Sipas  dëshmitarëve dhe drejtuesve të  komunitetit lokal në qytetin Mourathanë se qindra burra u mblodhën dhe u vranë në grupe të vogla.

Qyteti rural me rreth 10,000 banorë është në rajonin Mopti, një pikë e nxehtë e aktivitetit xhihadist që është intensifikuar dhe përhapur në vendet fqinje në rajonin e Sahelit.

Human Rights Watch thotë se vdekjet gjatë operacionit kundër xhihadistëve në Moura ka qënë “mizoria më e keqe në Mali në një dekadë”.

Ushtria e Malit është akuzuar prej kohësh për shkelje të të drejtave gjatë operacioneve kundër kryengritjes.

“Abuzimet nga grupet e armatosura islamike nuk janë aspak justifikim për masakrën e qëllimshme ushtarake të njerëzve në paraburgim”, tha Corinne Dufka, drejtoreshë e Sahel në Human Rights Watch./albeu.com

The post Vriten 300 civilë, akuzohen mercenarët rusë dhe ushtria e Malit appeared first on Albeu.com.

Mercenarët janë nga grupi Wagner i lidhur me shtetin rus.

“Trupat ruse po vazhdojnë të konsolidohen dhe riorganizohen ndërsa rifokusojnë ofensivën e tyre në rajonin e Donbasit në lindje të Ukrainës,” tha Ministria e Mbrojtjes në përditësimin e saj të fundit të inteligjencës.

Latest Defence Intelligence update on the situation in Ukraine – 4 April 2022

Find out more about the UK government’s response: https://t.co/vU5ocGdpuw

?? #StandWithUkraine ?? pic.twitter.com/b6zWoAJQ2e

— Ministry of Defence ?? (@DefenceHQ) April 4, 2022

The post Trupat ruse dhe mercenarët po zhvendosen në Donbas appeared first on Albeu.com.