Ndaj tij rëndon akuza e lëndimit të rëndë trupor. Rinori u ndalua nga policia pas një konflikti të ndodhur në një klub në Gjilan.

“I pandehuri Rinor Hykolli, më 22 Korrik 2021 rreth orës 00:40 minuta në diskotekën “Stop”, në Gjilan me dashje dhe me përdorimin e dhunës, për shkak të një mosmarrëveshje të mëhershme, i ka shkaktuar lëndime trupore të dëmtuarit L.B., duke e goditur me dorezë të revoles në pjesën e pasme të kokës, e më pas e ka goditur me grushte në kokë dhe pjesë të ndryshme të trupit, të cilit i ka shkaktuar lëndime të rënda trupore, për të cilat i njëjti ka kërkuar trajtim mjekësor”, thuhet në aktakuzë.

Sipas kërkesës së prokurorisë, Hykolli gjendet nën masën e paraburgimit që nga data 03 Tetor 2021 dhe me rastin e ngritjes së aktakuzës është propozuar që të njëjtit t’i vazhdohet masa e paraburgimit.

The post “Rrahu një person”, Prokuroria ngre aktakuzë për menaxherin e Taynës appeared first on Albeu.com.

Rinor Hykolli po kërkohet nga policia për veprën penale “lëndim i rëndë trupor”, ndërsa për rastin ka folur vetë ai për Gazetën Express.

Rinor Hykolli tha se ditë më parë ka ndodhur një rrahje në Gjilan dhe se ai nuk ka qenë i përfshirë. Sipas tij, ai ishte arrestuar atë natë dhe pas intervistimit ishte liruar.

Menaxheri i Taynes tha se aktualisht ndodhet në pushime dhe se kur të kthehet do të paraqitet vetë në stacionin policor.

“Rinori është dorëzu në polici po atë ditë kur ka ndodh incidenti, edhe unë nuk kam qenë i përfshirë në atë rast, dikush ka qit sprej unë jam largu prej vendit të ngjarjes. Dikush është kap mes veti, edhe tash ai djali që ka denoncu rast, nuk e njoh personalisht e ka përmend emrin tim. Unë jam kanë i dorëzuar në polici, tri orë më kanë mbajt, kam dhënë deklaratë, jam dalë prej policisë, pas katër ditësh më kanë thirrë në intervistë, jam kanë në koncert në Ulqin, i kam thënë se jam në Ulqin më thanë duhet me ardhë urgjent me u lajmëru. Unë jam në pushime dhe në momentin që do të kthehem do të dorëzohem te policia dhe do të kqyri se çka është problem”, tha Hykolli.

“Për 4-5 ditë kthehem prej pushimëve dhe dorëzohem, s’kam pse me u dorëzu se kam qenë i arretsuar dhe i liruar, me qenë i përfshirë nuk më kishin liru atë ditë”, përfundoi ai.

The post U shpall në kërkim, reagon menaxheri i Taynës: Do paraqitem vetë në polici appeared first on Albeu.com.