Videot në mediat sociale nga pjesë të ndryshme të zonave të prekura treguan rrugë të shndërruara në lumenj, duke marrë me vete automjete dhe shtëpi pothuajse tërësisht të mbuluara me ujë.

Autoritetet e mbrojtjes civile në shtetin Hidalgo raportuan 16 vdekje dhe thanë se të paktën 1,000 shtëpi dhe qindra shkolla ishin prekur.

Guvernatori i shtetit Puebla-s, Alejandro Armenta, tha se të paktën se nëntë persona kishin vdekur për shkak të incidenteve të tilla si rrëshqitjet e dheut dhe pesë të tjerë ishin raportuar të zhdukur.

Autoritetet raportuan dy vdekje të tjera në shtetin e Veracruz, përfshirë një oficer policie, tha Guvernatori Rocío Nahle.

Rreth 5,000 shtëpi u dëmtuan dhe Marina evakuoi gati 900 persona në strehimore.
Qyteti i Poza Rica, ishte një nga më të prekurit nga përmbytjet. Autoritetet ndërprenë energjinë elektrike si masë paraprake.

“Ne po punojmë për të mbështetur popullsinë, për të hapur rrugë dhe për të rivendosur shërbimet elektrike”, tha presidentja Claudia Sheinbaum në një postim në X.

Ministria e mbrojtjes tha se kishte vendosur mbi 5,400 personel për të ndihmuar në monitorimin, evakuimin dhe pastrimin e zonave të prekura.

Ndërkohë, stuhitë Raymond dhe Priscilla kanë sjellë shira në gadishullin Baja California dhe në bregdetin perëndimor të Paqësorit.

The post Përmbytet Meksika, mbi 30 persona humbin jetën appeared first on Albeu.com.

Qeveria spanjolle e konsideron “të papranueshme” që Felipe IV u la jashtë listës së të ftuarve për inaugurimin e 1 tetorit të presidentes së zgjedhur të Meksikës Claudia Sheinbaum Pardo në Meksiko, tha Ministria e Jashtme, duke shtuar se rrjedhimisht, ka vendosur të mos dërgojë askënd.
Felipe njihet për përfaqësimin e vendit, veçanërisht në ceremonitë zyrtare që mbahen në vendet e Amerikës Latine.

Një faktor i dyshuar në tensionet mes dy vendeve është deklarata e Pardos në korrik se “Spanja duhet të kërkojë amnisti për pushtimin spanjoll, i cili la pas shumë masakra dhe dhunë”.

Andres Manuel Lopez Obrador, presidenti në largim i Meksikës, i ka bërë më parë të njëjtën kërkesë Spanjës.

Ndërkohë, agjencia zyrtare e lajmeve e Spanjës EFE, duke cituar burime të Ministrisë së Jashtme, tha se qeveria spanjolle e ka përshkruar përgjigjen ndaj Meksikës si “logjike, të qartë dhe të fortë”.

Pardo më 2 qershor u zgjodh presidentja e parë grua e Meksikës.

The post Tensione diplomatike mes Spanjës dhe Meksikës, mbreti Felipe nuk ftohet në betimin e presidentes meksikane appeared first on Albeu.com.

Duke parashikuar një fluks emigrantësh drejt kufirit, presidenti demokrat Joe Biden pranoi të martën vonë në mbrëmje se situata do të bëhet “kaotike” kur i ashtuquajturi “Titulli 42” të përfundojë në orën 23:59, e enjte, me kohën e Uashingtonit. Kjo masë u mor për të parandaluar përhapjen e Covid-19 dhe lejoi autoritetet amerikane të ripranonin menjëherë të gjithë emigrantët, përfshirë azilkërkuesit. Në tre vitet e fundit është përdorur 2.8 milionë herë.

Ndërsa masa i afrohet skadimit të saj, qytetet kufitare si Brownsville dhe El Paso kanë parë shumë emigrantë të mundshëm që mbërrijnë në zonë, kryesisht nga Amerika Latine, por edhe nga Kina, Rusia apo Turqia. Në El Paso, qindra njerëz po flenë në rrugë, të shtrirë në karton ose me çarçafë të shtrirë për t’i mbrojtur nga dielli, ndërsa disa fëmijë po lypin. Kryebashkiaku Oscar Leeser pret një rritje prej 12,000-15,000 njerëz deri në fund të javës.

Për të ndihmuar autoritetet lokale, qeveria federale njoftoi sot se do të vendosen më shumë se 24,000 oficerë të zbatimit të ligjit, si dhe 1,100 “koordinatorë” të patrullave kufitare. Ata nuk numërojnë 1500 ushtarët e mobilizuar nga Ministria e Mbrojtjes për të përforcuar 2500 tashmë në kufi.

Në të njëjtën kohë, ministritë e Drejtësisë dhe të Sigurisë Kombëtare finalizuan kufizimet e reja për të drejtën e azilit. Këto masa janë paralajmëruar në muajin shkurt dhe do të zbatohen nga mesnata e nesërme. Pra, përpara se të paraqiten në kufi, azilkërkuesit (me përjashtim të të miturve të pashoqëruar) tani do të duhet të caktojnë një takim përmes një aplikacioni telefonik ose u është refuzuar azili në një nga vendet ku kanë kaluar rrugës për në SHBA. Nëse ata nuk kanë kërkuar mbrojtje në një vend tjetër përpara se të mbërrinin në SHBA, ose nëse nuk kanë përdorur një metodë ligjore për të hyrë në vend, aplikimi i tyre do të konsiderohet i paligjshëm dhe ata mund të deportohen dhe do t’u ndalohet hyrja në SHBA për pesë vjet.

Kufizimet e reja do të zbatohen për shumicën dërrmuese të emigrantëve jo-meksikanë, të cilët zakonisht kalojnë nëpër vende të shumta për të arritur në SHBA.

Kështu, fluturimet e riatdhesimit pritet të rriten – për disa destinacione ato do të dyfishohen apo edhe trefishohen. Ata do të krijojnë 7000 vende të reja në qendrat e paraburgimit, në mënyrë që emigrantët të mos “humben” në vend ndërkohë që presin shqyrtimin e aplikimit të tyre.

Për të inkurajuar imigracionin e ligjshëm, Uashingtoni planifikon të hapë rreth njëqind “qendra rajonale të përpunimit” jashtë vendit, ku do të shqyrtohen dosjet e emigrantëve të mundshëm. Qendrat e para do të funksionojnë në Kolumbi dhe Guatemalë.

Këto ndryshime kanë krijuar konfuzion për ata që i kishin varur shpresat te ëndrra amerikane.”Ne nuk e dimë se çfarë po ndodh,” tha Mitchell, një venezuelian që foli për AFP nga Ciudad Juarez, Meksikë, vetëm 300 metra nga kufiri. “Ata nuk janë në gjendje të na paraqesin një opsion që do të na jepte një shans të mirë për të hyrë” në SHBA, shtoi ai.

Rregulloret e reja janë kritikuar ashpër nga grupet e të drejtave të emigrantëve, të cilat akuzojnë Biden se po ndjek një politikë imigracioni të ngjashme me atë të paraardhësit të tij, Donald Trump. Nga ana tjetër, republikanët, të zemëruar me shfuqizimin e “Titullit 42”, akuzojnë presidentin demokrat për “relaksim” dhe për hapje të kufirit pa kriter. Presidenti 80-vjeçar po përpiqet të mbajë ekuilibrin, duke alternuar mesazhin e veprimit vendimtar kundër emigracionit të parregullt me atë të njerëzimit. Në të njëjtën kohë, qeveria e tij jep 30,000 viza shtesë çdo muaj për njerëzit nga Kuba, Venezuela, Guatemala dhe Haiti.

The post SHBA pret fluks të jashtëzakonshëm emigrantësh, mbi 25 mijë policë vendosen në kufirin me Meksikën appeared first on Albeu.com.

Guzman i ri, i cili akuzohet se ka vazhduar aktivitetet e babait të tij, u arrestua gjatë një operacioni nga forcat meksikane në janar.

Ovidio Guzmán, “El Chapo” junior, i cili kishte marrë një rol udhëheqës në kartelin e drogës pas arrestimit të babait të tij në 2016 dhe ekstradimit të tij të mëvonshëm në SHBA, ka qenë një objektiv i fundit për Shtetet e Bashkuara, megjithatë arrestimi i tij shkaktoi një cikël të përgjakshëm i tensionit pasi mori jetën e 29 personave, përfshirë 19 anëtarë të bandës dhe 10 ushtarakë.

Culiacan, kryeqyteti i Sinaloas, në veri të Meksikës, ishte qendra e tensionit, i cili u shoqërua me ndjekje, të shtëna dhe barrikada. Megjithëse Ovidio Guzmán, megjithëse ishte ngritur në hierarkinë e kartelit pas arrestimit të babait të tij, megjithatë nuk ishte një nga djemtë më të njohur të “El Chapo” nga autoritetet, megjithëse kishte pasur një përpjekje tjetër për ta arrestuar në vitin 2019, pa sukses.

Arrestimi i djalit të “El Chapo” vjen në një kohë kur përdorimi i drogës në SHBA po rritet, pasi korrikun e kaluar më shumë se 107,000 amerikanë vdiqën nga mbidoza e drogës deri në janar 2022, shumica e tyre përfshinin opioidë, përfshirë fentanilin ilegal, një lloj droge në të cilën “El Chapo” junior është i specializuar. /albeu.com

The post Meksika pranon kërkesën e SHBA-së për ekstradimin e djalit të “El Chapo” appeared first on Albeu.com.

Qentë fituan zemrat e meksikanëve kur kërkuan rrënojat e tërmetit që goditi Mexico City dhe rajonet e afërta në 2017, duke vrarë qindra njerëz.

Më e famshmja prej tyre, Frida, që shpëtoi 12 njerëz gjatë karrierës së saj, vdiq nga pleqëria tre muaj më parë.

Por disa nga qentë me përvojë që kanë punuar përkrah Fridës në 2017 janë pjesë e ekipit, si Ecko.

Ministri i Jashtëm i Meksikës Marcelo Ebrard postoi në Tëitter foto të qenve pak para nisjes.

Tërmeti më vdekjeprurës i Meksikës ndodhi në vitin 1985, kur të paktën 5,000 njerëz u vranë në kryeqytet dhe rrethinat e tij.

The post Tërmeti në Turqi dhe Siri, Meksika dërgon qentë e famshëm të kërkim-shpëtimit appeared first on Albeu.com.

Ky ligj, që është miratuar fillimisht më 2021, përfshin ndalesë edhe në reklamim të cigares.

Kjo nënkupton që cigaret nuk duhet të duken as nëpër dyqane.

Shumë shtete të Amerikës Latine kanë miratuar legjislacione që parashohin krijimin e hapësirave publike ku nuk pihet cigarja.

Megjithatë, ligji në Meksikë konsiderohet ndër më të rreptit në botë.
Deri më tani, në Meksikë është ndaluar konsumimi i duhanit në restorante dhe vende të punës, derisa tani ndalesa përfshin edhe parqet, plazhet, hotelet dhe zyrat tjera.

Kjo i bie që duhani mund të konsumohet vetëm në shtëpi dhe rezidenca private.

Organizata Shëndetësore Amerikane ka mirëpritur këtë hap dhe e ka përgëzuar Qeverinë meksikane për zbatim të ndalesës.

Kjo organizatë ka thënë se konsumimi i duhanit është ndër shkaqet kryesore të vdekjeve në botë.

The post Njihuni me vendin që miratoi një nga ligjet më të rrepta në botë, ndalon konsumin e duhanit në vendet publike appeared first on Albeu.com.

Udhëheqësit e Meksikës, Kanadasë dhe Shteteve të Bashkuara treguan unitet në paraqitjet e tyre në qytetin e Meksikos.

“Ne të tre jemi partnerë të vërtetë dhe jemi duke punuar së bashku me respekt të ndërsjellë për një të ardhme më të sigurt dhe më të begatë për të gjithë njerëzit tanë”, tha Presidenti Biden.

Por çështjet e diskutuara nuk janë aq të lehta.

Emigrimi i parregullt, trafiku i drogës, ndryshimi i klimës dhe mosmarrëveshjet tregtare janë në qendër të vëmendjes, siç theksoi presidenti meksikan, i cili e sfidoi hapur Presidentin Biden për të zgjeruar bashkëpunimin ekonomik.

“Ky është momenti që ne të vendosim për të hequr dorë nga kjo braktisje, kjo përbuzje dhe kjo harresë për Amerikën Latine dhe Karaibet, që është në kundërshtim me politikën e fqinjësisë së mirë të titanit të lirisë, ish presidentit Franklin Delano Roosevelt. Dhe kjo duhet të fillojë me ju”, tha Presidenti meksikan.

Presidenti Biden u përgjigj duke thënë:

“Shtetet e Bashkuara ofrojnë më shumë ndihmë të huaj se çdo vend tjetër dhe pothuajse sa të gjitha vendete e botës së bashku, jo vetëm për këtë rajon, por edhe në mbarë botën. Për fat të keq, përgjegjësia jonë thjesht nuk përfundon në këtë rajon. Ne jemi të angazhuar edhe në Evropën Qendrore, në Azi, Lindjen e Mesme dhe Afrikë.”

Të martën, Shtetet e Bashkuara njoftuan një sërë rezultatesh, të cilat përfshinin plane për të bashkëpunuar në çështjet e zinxhirit të furnizimit dhe prodhimit të gjysmëpërçuesve; angazhime modeste për të reduktuar emetimet e gazit të metanit nga sektori i mbetjeve të ngurta dhe ujërave të zeza dhe më shumë bashkëpunim në fushën e prodhimit të energjisë së pastër.

“Ne jemi dhe do të jemi gjithmonë më të fortë së bashku. Bota sot po përballet me shumë pasiguri me ngritjen e udhëheqësve autoritarë që po shkaktojnë paqëndrueshmëri globale dhe koston e lartë të jetesës që po rëndon mbi familjet në vendet tona. Është e rëndësishme që ne të bashkohemi si udhëheqës dhe si miq për të gjetur mënyra për t’i bërë ekonomitë tona më të forta”, tha kryeministri kanadez Justin Trudeau.

Emigrimi i parregullt është gjithashtu një çështje e mprehtë, veçanërisht pasi Presidenti Biden e nisi udhëtimin e tij të dielën me vizitën e tij të parë si president në pikën më të ngarkuar të hyrjes së emigrantëve në Shtetet e Bashkuara, qytetin e El Pasos.

Udhëheqësit përsëritën gjithashtu angazhimin e tyre për “emigrim të sigurt, të rregullt dhe njerëzor” nëpërmjet zgjerimit të rrugëve të emigrimit legal, një sërë masash bashkëpunuese dhe komunikimit më të mirë, si me njëri-tjetrin ashtu edhe me publikun. Ata ranë dakord gjithashtu se trafiku i paligjshëm i armëve, drogës dhe njerëzve është një kërcënim i përbashkët dhe shprehën angazhimin për të punuar së bashku në trajtimin e këtyre sfidave.

A ishte i suksesshëm ky takim i nivelit të lartë? Ekspertët thonë se kjo është një pyetje e vështirë.

“Takimet trepalëshe të nivelit të lartë rrallë sjellin njoftime të mëdha për zgjidhje të çështjeve. Duke marrë parasysh që çështjet për të cilat biseduan tre udhëheqësit janë të ndërlikuara dhe të vjetra, mendoj se nuk është për t’u habitur që nuk ka patur ndonjë njoftim të jashtëzakonshëm në komunikatën e tyre të përbashkët dhe në konferencën e tyre për shtyp. Por, fakti që ata takohen rregullisht dhe identifikojnë përparësitë që qeveritë e tyre duhet t’i trajtojnë në vitin e ardhshëm, mendoj se e bënë takimin të rëndësishëm”, thotë analisti Andrew Rudman nga Qendra Wilson.

Por, siç theksuan udhëheqësit e tre vendeve, ky është një kontinent me potencial të madh dhe sfida të mëdha. Koha do të tregojë nëse ky takim do të sjell ndryshime. /VOA

The post Përpjekjet e udhëheqësve të Amerikës së Veriut për zgjidhjen e çështjeve të ndërlikuara appeared first on Albeu.com.

Qendra Sizmiologjike Mesdhetare Europiane ka bërë me dije se tërmeti u regjistrua me magnitudë 5.9.

Ndërsa autoritetet bëjnë me dije se nga informacionet paraprake nuk ka viktimë apo dëme materiale.

The post Tërmet i fuqishëm trondit Meksikën, sa ishte magnituda appeared first on Albeu.com.

23 vjeçari Jorge Rojas akuzohet për vrasjen e Agustina Nadal pasi rrëfeu në polici se e rrahu dhe e mbyti para se ta hidhte trupin e saj në një lumë në orët e para të 27 nëntorit.

Rojas vrau Nadalin -pas një debati në apartamentin e tyre në qytetin Bahia Blanca të Buenos Aires, vetëm disa orë pasi çifti pa me miqtë fitoren e Argjentinës në Kupën e Botës në futboll ndaj Meksikës.

Në pamjet e sigurisë, Rojas mund të shihet duke tërhequr zvarrë trupin e së resë pranë shtëpisë së tyre.

The post E vrau dhe e hodhi në lumë, momenti kur i riu tërheq zvarrë trupin e pajetë të së dashurës (VIDEO) appeared first on Albeu.com.

Ndeshja nisi me lojë të shpejtë, me Meksikën dhe Arabinë, të cilat sulmonin njëra-tjetrën pa u ndalur, por portierët Ochoa dhe Al Oëais ishin vigjilentë dhe nuk lejuan asnjë top të kalonte vijën fatale.

Me startin e pjesës së dytë, Meksika do të gjente rrugën e rrjetës, ku pas një aksioni model sulmuesi Henry Martin, nuk di të gabojë brenda zonës. Vetëm pesë minuta më pas, në të 52’, mesfushori Luis Chavez, i cili akivizohet tek Pachuca në kampionatin meksikan, shënoi golin më të “bukur” të kompeticionit. Chavez u tregua preçiz, duke ekzekutuar në mënyrë perfekte, një goditje dënimi prej më shumë se 30 metra larg portës.

Meksika do të gjente dhe golin e kualifikimit në minutën e 88’, me mesfushorin Uriel Antuna, por goli u anullua, pasi anësori akordoi një pozicion jashtë loje gjatë ndërtimit të aksionit, por nuk do të mbaronte me kaq, pasi në minutën e 95’ sulmuesi Al Daësari do të çonte shifrat në 1-2, duke i “prerë” përfundimisht shpresat e meksikanëve.

Pas kësaj fitoreje, Meksika arriti në kuotën e 4 pikëve, në grupin C, por edhe pse me pikë të barabarta me Poloninë, ameriko-latinët nuk mundën të kualifikoheshin për në fazën e 1/16-ve, kjo për shkak të golavarazhit.

Në raundin tjetër, Argjentina e vendit të parë, do të ketë si kundërshtar Australinë, ndërsa Polonisë duket se i ka “shkuar” gjithë fati tek bileta e kualifikimit për në fazën tjetër, pasi në 16-çe, polakët do të përballen me kampionët e Botës, në fuqi, Francën./ h.ll/albeu.com

The post Fitore mes “dhimbjesh”, Meksika “mbyt” Arabinë Saudite, por nuk arrin dot kualifikimin (VIDEO) appeared first on Albeu.com.