Me kërkesë të Prokurorisë së Posaçme kundër Korrupsionit dhe Krimit të Organizuar, Gjykata e Posaçme e Shkallës së Parë, në kuadër të procedimit penal 175/1 i vitit 2022*, me vendimin nr.61, datë 30.06.2025, ka caktuar masën e sigurisë ndaj shtetasit, Jonaid Myzyri, i cili mban detyrën e Kryetarit të Komisionit të Prokurimeve Publike, i dyshuar për kryerjen e veprës penale: “Shkelje e barazisë së pjesëmarrësve në tendera apo ankande publike”, e kryer në bashkëpunim, parashikuar nga nenet 258 dhe 25 të Kodit Penal, të cilit i është komunikuar akuza.

Masa e vendosur përfshin“Pezullimin e ushtrimit të një detyre a shërbimi publik”, parashikuar nga neni 242 i Kodit të Procedurës Penale, si edhe atë të sigurimit personal me karakter shtrëngues,“Detyrimi për t’u paraqitur në policinë gjyqësore”, parashikuar nga neni 234 i Kodit të Procedurës Penale.

Prokuroria e Posaçme kundër Korrupsionit dhe Krimit të Organizuar Tiranë, ka dërguar për ekzekutim vendimin, nr.61, datë 30.06.2025 të Gjykatës së Posaçme të Shkallës së Parë.

Objekti i këtij procedimi penal ka qenë procedura e prokurorimit, me nr. REF-65268-07-13-2020, “Loti V: “Mirëmbajtje rutinë me përformancë rruga Rrëshen (Ura e Fanit) – Shpal, Shpal – Q. Bene – Hadroj, Shpal – Ura e Repsit”, me fond limit 219.866.693 lekë pa tvsh, zhvilluar më datë 18.9.2020, me autoritet kontraktor Autoriteti Rrugor Shqiptar (ARRSH).

Shqyrtimi i procedurës nga ana e autoritetit kontraktor ka pasur paligjshmëri, të cilat Komisioni i Prokurorimit Publik nuk i ka marrë në konsideratë.

Gjatë shqyrtimit të ankesës të procedurës së mësipërme, ky Komision, në kundërligjshmëri ka favorizuar bashkimin e operatorëve ekonomik; A.M., dhe D.-1., ku pas veprimeve hetimore ka rezultuar se kanë paraqitur dokumente të falsifikuara.

Për këtë procedurë prokurimi janë marrë si të pandehur: J.M., V.Zh., L.S., M.Z., E.B., V.H., G.A., dhe A.H., të dyshuar për kryerjen e veprës penale: “Shkelje e barazisë së pjesëmarrësve në tendera apo ankande publike”, kryer në bashkëpunim, parashikuar nga nenet 258 dhe 25 të Kodit Penal, si dhe shtetasit; M.L., N.K., dhe A.K., të dyshuar për kryerjen e veprës penale “Falsifikim i vulave, i stampave ose i formularëve”, parashikuar nga neni 190 i Kodit Penal.

The post GJKKO masë sigurie ndaj kreut të Prokurimeve Publike, Jonaid Myzyri appeared first on Albeu.com.

Përmes një njoftimi për mediat, SPAK ka deklaruar se nuk ka pasur asnjë operacion gjatë natës, duke kërkuar që të shmangen spekulimet.

Prokuroria e Posaçme, shprehet se po vijon një sërë hetimesh për të luftuar korrupsionin.

Njoftimi:

“Më lejoni t’ju informoj lidhur me lajmet e publikuara dje në disa nga mediat:

SPAK po vijon një sërë hetimesh për të luftuar korrupsionin dhe mbrojtjen e publikut. Nuk ka pasur asnjë operacion brenda natës dhe ju kërkojmë me mirësjellje të shmangin spekulimet që mund të dëmtojnë punën tonë.

Në momentin që do të kemi njoftime për të ndarë me median padyshim do të viheni në dijeni”, informon SPAK.

Mbrëmë vonë u përhapën lajme për “Zhvillime të rëndësishme”, dhe se Gjykata e Posaçme kundër Korrupsionit dhe Krimit të Organizuar kishte dhënë 19 masa sigurie, përfshirë kryebashkiakun Veliaj, përkatësisht arrest shtëpie, por edhe arrest me burg bëjnë pjesë politikanë dhe njerëz të tjerë të rëndësishëm, sërish në kuadër të dosjes së Inceneratorit të Tiranës.

The post Masë sigurie për Erion Veliajn? Reagon SPAK appeared first on Albeu.com.

Mësohet se seanca për masën e sigurisë së Berishës do të shqyrtohet gjatë ditës së sotme, në orën 15:00.

Gjykata e Posaçme kundër Korrupsionit ka vendosur për Berishën masën e sigurisë “arrest shtëpie”, në lidhje me privatizimin e kompleksit Partizani.

Ish-kryeministri është vënë nën akuzë për korrupsion, së bashku me dhëndrin e tij, Jamarbër Malltezi. Si Berisha, ashtu edhe Malltezi kanë kundërshtuar akuzat.

Më herët, Sali Berisha ka refuzuar masat e dhëna nga SPAK, atë të detyrimit të paraqitjes dhe të ndalimit të daljes jashtë shtetit, duke i konsideruar masat si antikushtetuese. Pas moszbatimit të këtyre masave, Struktura e Posaçme ashpërsoi masën e sigurisë për Berishën, duke e lënë në arrest shtëpie.

Për herë të parë ish-kryeministri u paraqit në SPAK më 23 janar ku dhe iu përgjigj prokurorëve mbi dosjen Partizani. Mbrojtja gjithashtu këmbëngul për përjashtimin e gjyqtares Irena Gjoka, me arsyetimin se është në konflikt interesi me ish-kryeministrin./albeu.com

The post Në “arrest shtëpie” Sali Berisha kërkon heqjen e masës së sigurisë appeared first on Albeu.com.

Ish-kryeministri Sali Berisha u la në arrest shtëpei, pasi Gjykata e Posaçme e Apelit la në fuqi vendimin e Gjykatës së Posaçme për Korrupsionin dhe Krimin e Organizuar.

Në seancën që u mbajt më 25 janar e që zgjati pak minuta, gjyqtarja Ilirjana Olldashi shpalli vendimin, ndërkohë që vetë Berisha nuk ishte i pranishëm.

Për herë të parë ish-kryeministri Sali Berisha, i cili ndodhet në “arrest shtëpie” që në 30 dhjetor, u paraqit në SPAK më 23 janar ku dhe iu përgjigj prokurorëve mbi dosjen Partizani.

Ish-kryeministri gjithashtu kërkon që të shkojë në Kuvend, dhe në seancën e mbajtur më 1 shkurt u vendos shtyrja për në datën 8 shkurt.

Shkak sipas gjyqtarëve ishte fakti se Berisha nuk ka marrë njoftim për seancën, pasi letrën e njoftimit e ka firmosur e bija, Argita Malltezi.

Por, sipas avokatit Genc Gjokutaj, ky është një paradoks i togave të zeza, që “kanë për qëllim djegien e mandatit të Berishës”.

Mbrojtja gjithashtu këmbëngul për përjashtimin e gjyqtares Irena Gjoka, me arsyetimin se është në konflikt interesi me ish-kryeministrin.

Berisha ndodhet në arrest shtëpie qëq prej 30 dhjetorit të vitit 2023, pasi është i dyshuar për korrupsion në çështjen e privatizimit të ish-kompleksit sportiv Partizani./albeu.com

The post Apeli i Posaçëm rrëzoi kërkesën për heqjen e masës “arrest në shtëpi”, Berisha rekurs në Gjykatën e Lartë appeared first on Albeu.com.

Ai ka kërkuar ndryshimin e masës së sigurisë nga “arrest në bug” në masë lehtësuese.

Kërkesa e tij u bë përmes avokatit mbrojtës duke iu drejtuar GJKKO.

Ai u shpall në kërkim në maj të 2022 në kuadër të operacionit “Plumbi i Artë.”

Sipas dëshmisë së Nuredin Dumanit ai është porositës i tre ngjarjeve, 2 të parealizuara dhe një në tentiative ndaj shtetasit Lul Masha./Albeu.com/

The post Suel Çela kërkon nga arratia ndryshimin e masës së sigurisë appeared first on Albeu.com.

Ish-zyrtarja e kryeministrisë ndodhet e shtruar në spital, pasi vetëm disa orë pas arrestimit (4 shkurt 2023) shfaqi probleme shëndetësore.

Sipas procedurës gjyqtari ka mbërritur në spital dhe pavionin ku mbahet nën regjim mjekësor. Procedura parashikon që gjykata të konfirmojë gjeneralitetet.

Mësohet se Klosi ka kundërshtuar akuzat dhe kërkon të rrëzojë dëshminë e pastrueses Rozeta Dobi.

Nga an a tjetër, Rozeta Dobi për rreth katër orë ditën e djeshme është pyetur në ambiente e komisariatit dhe mësohet se ka shfajësuar djalin e saj duke thënë se nuk ka asnjë lidhje me këtë ngjarje./Albeu.com/

The post Prokuroria kërkon “arrest me burg” për Alda Klosin, masa pritet të jepet në Gjykatë appeared first on Albeu.com.

Të dy akuzohen se kanë grabitur nën kërcënimin e armës, xhiron ditore të një dyqani në Spitallë të Durrësit.

Dy të rrinjtë kanë arritur që të marrin një shumë prej 15 mijë lekësh.

Gjatë seancës së zhvilluar paraditen e sotme, Erlind Shehaj humbi ndjenjat dhe u dërgua në spital ku ka marrë trajtimin e duhur dhe më pas është kthyer sërish në gjykatë.

Shehaj mësohet se vuan nga epilepsia dhe shenjat i ka dhënë disa herë të tjera gjatë kohës që ka qenë në paraburgim./Albeu.com/

The post Vodhën xhiron ditore të dyqanit në Durrës, Gjykata lë në burg dy të arrestuarit appeared first on Albeu.com.

Ky i fundit me dëshminë e tij ka hedhur dritë mbi shumë ngjarje, megjithatë ende shumë të përfshirë në vrasje dhe vepra të tjera kriminale nuk janë arrestuar ende, duke nisur me një nga kokat më të njohura të botës së krimit, Talo Çelo dhe mbretin e lojërave të fatit, Ervis Martinaj./albeu.com

The post Në pranga pas dëshmisë së Dumanit, Gjykata e Lartë nuk pranon rekursin e 8 të arrestuarve për lehtësim të masës së sigurisë appeared first on Albeu.com.

NJOFTIM PER MEDIAN

Referuar interesimit të mediave, Gjykata e Apelit Tiranë, informon sa më poshtë:

Më datë 05.05.2022, nga ana e OPGJ-së pranë Drjtorisë Vendore të Policisë Tiranë është kryer arrestimi i përkohshëm i shtetasit me iniciale N.J, me qëllim ekstradimin e tij drejtë Spanjës, si i dyshuar për kryerjen e veprës penale të “trafikimit të lëndëve narkotike” .

Gjykata e Rrethit Gjyqësor Tiranë, ka zhvilluar gjykimin lidhur me kërkesën e bërë nga shtetasi me iniciale N.J, për zëvëndësimin e masës së sigurimit, për efekt ekstradimi.

Me vendimin nr. 1079/1 Akti, datë 02.09.2022 Gjykata e Rrethit Gjyqësor Tiranë vendosi:

– Pranimin e kërkesës.

– Zëvendësimin e masës së sigurimit personale shtrnguese ndaj personit nën hetim N.J nga “arrest në burg” të parashikuar nga neni 238 i K.Pr.Penale ne atë të “arrest në shtëpi”, të parashikuar nga neni 237 i K.Pr.Penale.

– Urdherohet personi nën hetim N.J, të mos largohet nga banesa e ndodhur në këtë adresë: …………………………..,Tiranë.

Çështja në apel u shqyrtua mbi bazën e ankimit të bërë nga Prokuroria e Rrethit Gjyqësor Tiranë, e cila kërkoi ndryshimin e vendimit duke lënë në fuqi masën e sigurimit “arrest në burg” për personin nën hetim N.J.

Në vijim, Gjykata e Apelit Tiranë, përbërë nga Relator Gjyqtar z. Genti Shala, me vendimin nr, 840 datë 29.09.2022 vendosi:

– Lënien në fuqi të vendimit nr. 1079/1 datë 02.09.2022 të Gjykatës së Rrethit Gjyqësor Tiranë.

The post Kërkohet nga Spanja për trafik droge, Apeli lë të lirë Nikolin Janinën appeared first on Albeu.com.

Pas dhënies së gjeneraliteteve përpara gjyqtares së posaçme Atalanta Zeqiri, kjo e fundit ka vendosur ndaj ish shefit të Dhërmiut vazhdimin masës së sigurimit ‘arrest me burg’.

Ai u arrestua në Berat mbrëmjen e 11 gushtit e më pas u transportua për në Tiranë. Bode në prill u dënua me 8 vite heqje lirie për trafik të lëndëve narkotike e grup kriminal.

Sokol Bode kishte 4 ditë që ishte kthyer nga Britania, ku qëndronte i fshehur pas shpalljes në kërkim dhe dënimit në mungesë për përfshirje në trafik droge. Ai u shpall fajtor pasi SPAK e akuzonte si bashkëpunëtor të grupit të Habilajve. Bode i hetuar në të njëjtën dosje me ish ministrin e Brendshëm Saimir Tahiri, dhe ish drejtorin e policisë Vlorë Jaeld Çela të dy të dënuar me nga 3.4 vite burg.

The post U arrestua dy ditë më parë, ish-shefi i policisë së Dhërmiut njihet me masën e sigurisë appeared first on Albeu.com.