Konkretisht është ndaluar shtetasi Aleks Rexha.

Ky person është vetëdorëzuar  sot pasi ishte i shpallur në kërkim policor së bashku edhe me shtetasit E.F dhe S.N, për veprat penale “Plagosja e rëndë me dashje”, kryer në bashkëpunim, “Prodhimi, mbajtja, blerja apo shitja pa leje e armëve të ftohta” dhe “Shkatërrimi i pronës”.

Në mesditën e datës 5 korrik në lagjen nr.4 këta tre shtetas, në bashkëpunim me njëri tjetrin, në lagjen nr. 4, në qytetin e Sarandës,në prani edhe të pushuesve, i bënë pritë një automjeti tip Mercedes-Benz,  i thyen xhamat ndërkohë qe drejtuesi i mjetit doli me vrap, ndërsa është ndjekur prej tyre dhe  duke e goditur keqas me shkopa bejsbolli.

I plagosuri, 39-vjecari Mario Mejdini u transportua në spitalin e qytetit me plagë të rënda dhe fraktura në krahun e djathtë dhe në këmbën e majtë.

The post Dhunoi avokatin me shkop bejsbolli, vetëdorëzohet njëri prej autorëve appeared first on Albeu.com.

Policia bën me dije se në kërkim janë shpallur shtetasit me iniciale E.F., S.N. dhe A.R. nën akuzën e plagosjes dhe mbajtja e armëve të ftohta.

Policia ka marrë ditën e djeshme në mbrojtje dhomën e spitalit ku gjendet i shtruar 39-vjeçari Mario Mejdini.

Ndërkohë burime spitalore bëjnë me dije se i plagosuri Mejdini mund të transportohet jashtë shtetit për mjekim më të specializuar.

Njoftimi i policisë:

Goditën me sende të forta një shtetas, identifikohen dhe shpallen në kërkim policor 3 autorët e dyshuar të ngjarjes. Procedohet penalisht administratori i 1 subjekti, për veprën penale “Pushtimi i tokës”. Specialistët për Hetimin e Krimit në Komisariatin e Policisë Sarandë kanë shpallur në kërkim policor shtetasit E. F., S. N. dhe A. R., për veprat penale “Plagosja e rëndë me dashje”, kryer në bashkëpunim, “Prodhimi, mbajtja, blerja apo shitja pa leje e armëve të ftohta” dhe “Shkatërrimi i pronës”. Këta shtetas, në bashkëpunim me njëri tjetrin, në lagjen nr. 4, në qytetin e Sarandës, pas një konflikti për motive të dobëta, kanë goditur me sende të forta në trup shtetasin M. M., 39 vjeç, banues në Sarandë dhe i kanë dëmtuar pjesërisht automjetin që ai drejtonte. Vijon puna për lokalizimin e vendndodhjes dhe kapjen e tyre.

The post E sulmuan me shkopa bejsbolli në mes të portit të Sarandës, policia shpall në kërkim autorët appeared first on Albeu.com.