Partia “Vëllezërit e Italisë”, e udhëhequr nga Meloni i ka rrënjët tek neofashizmi. Meloni është një ish-aktiviste e cila në të kaluarën ka folur pozitivisht për diktatorin Benito Musolini.

Por, tani ajo thotë se ka ndryshuar.

“Sa herë që hapet fushata zgjedhore bie alarmi fashist. Është shumë qesharake të gërmohen videot që i mendoja kur isha 16 ose 17 vjeç”, thotë ajo. “Dëshira ime më e madhe është të ngrihemi lart, të ngremë përsëri vendin tonë nga rënia”, është shprehur ish-gazetarja italiane.

Ajo është përpjekur ta distancojë veten nga e djathta ekstreme duke u shprehur se partia e saj është përgjithësisht konservatore. Megjithatë kritikët janë shprehur se simpatizuesit e fashizmit janë ende në radhët e saj. Në të kaluarën, e djathta ekstreme italiane ka patur lidhje të ngushta me Moskën.

Megjithatë ajo ka shprehur vazhdimisht mbështetjen e saj për Ukrainën duke kritikuar presidenti rus Vladimir Putin, çfarë i ka dhënë pikë Bashkimin Evropian. Gjithashtu duket se Girorgia Meloni e ka braktisur euroskepticizmin. Megjithatë shumë nuk janë dakord me pikëpamjet e saj për LGBTI dhe emigracionin. Sakaq, të qenit grua dhe nënë, ka qenë në qendër të politikës së Giorgia Melonit.

Një herë ajo kandidoi për kryetare bashkie shtatë muajshe shtatzënë, sepse tha se burra të fuqishëm i kishin thënë se nuk mund ta bënte. Fjalimi i saj më i famshëm përfshin “Unë jam një grua. Unë jam një nënë.”

Ajo flet shpesh me krenari se si u ngjit në majat e politikës kombëtare pa ndonjë trajtim të veçantë. Por, sado të lumtura që aktivistet e të drejtave të grave janë për faktin që një grua më në fund mund të drejtojë Italinë, shumë do të donin që në thelb të ishte një grua tjetër. Ata janë të shqetësuara se axhenda e Melonit, fjalimet e saj për parandalimin e abortit dhe masat e tjera do të pengojnë kauzën e grave.

E pyetur për ligjin, zonja Meloni, e cila ka thënë se nëna e saj gati e abortoi, u zotua në një intervistë se ajo “nuk do ta ndryshonte atë” si kryeministre dhe se aborti do të jetë i ligjshëm.

Meloni është rritur vetëm nga nëna e saj, teksa babai i braktisi pasi ajo erdhi në jetë. Meloni ka tërhequr votuesit me mënyrën e saj të të folurit, me këmbë në tokë dhe të drejtpërdrejtë dhe me theks romak. Por sekreti i popullaritetit të saj ka të bëjë më pak me personalitetin e saj apo me propozimet e politikave se sa me atë që ajo ishte në thelb liderja e vetme e një partie të madhe për të qëndruar në opozitë gjatë qeverisë së unitetit kombëtar të Mario Draghit.

Ajo hyri në politikë në moshën 15 vjeçare dhe fitoi zgjedhjet e para parlamentare 21 vjeç. Në moshën 31 vjeç u bë ministrja më e re në moshë e Italisë, ministre e rinisë në qeverinë e Berlusconit në vitin 2008 dhe ka qenë në Parlament për gati dy dekada. Ajo ka premtuar ulje të taksave dhe dalje më herët në pension.

The post Kush është Giorgia Meloni që pretendon të fitojë zgjedhjet në Itali, lidhja e saj me Musolinin appeared first on Albeu.com.

Cavaliere theksoi gjithashtu se partia e aleancës konservatore, e cila do të marrë më shumë vota, do t’i tregojë presidentit të Republikës Sergio Mattarella emrin e kandidatit të partisë për kryeministër.

“Nëse ai person është Giorgia Meloni i ‘Italian Brothers’, jam i sigurt se do të jetë e përshtatshme për këtë rol. Nuk më intereson beteja e lidershipit të qendrës së djathtë, emocionohem më shumë duke menduar për të gjitha gjërat që duhet të bëjmë, si luftimi i shtypjes tatimore dhe gjyqësore”, shtoi ish-kryeministri italian, duke folur në radion publike Rai.

Për sa i përket, krijimit të një poli të tretë të qendrës, kryetari i partisë Azione, Carlo Calenda, deklaroi mëngjesin e sotëm se, përsa i përket çështjeve kryesore, marrëveshja përkatëse me kreun e partisë Live Italy, Matteo Renzi, tashmë është arritur.

Kujtojmë se Italia ka hyrë në një krizë politike pas dorëheqjes së kryeministrit Mario Draghi./albeu.com/

The post Rikthehet Silvio Berlusconi appeared first on Albeu.com.

Në parlament Draghi bëri të ditur synimin e tij për dorëheqje. Përpara deklaratës pati një duartrokitje të gjatë për Draghin. Shumë deputetë u ngritën në këmbë, kryeministri falenderoi parlamentarët me një “Grazie”.

Impianti për djegien e mbetutrinave shkas për krizën

Shkak për krizën qeveritare u bë mosmbështetja nga lëvizja Pesë Yjet (M5S) për kabinetin e kryeministrit të paparti dhe ish-kreu i Bankës Qendrore Europiane (BQE). Gjatë votimit para një jave anëtarët e partisë së qendrës së majtë që bashkëqeveris për shkak të mosmarrëveshjeve nuk e mbështetën paketën e ndihmës dhe as projektin e përfshirë në të, për djegien e mbetjeve në Romë. Kjo e futi në krizë koalicionin qeverisës. Draghi ofroi dorëheqjen qysh një javë më parë, por presidenti nuk e pranoi kërkesën e tij duke i kërkuar të flasë para senatit.

Të mërkurën në mbrëmje (20.07) Draghi ndonëse fitoi në senat votëbesimin me 95 vota pro dhe 38 kundër, kërkoi dorëhqjen, sepse partitë në koalicion M5S dhe konservatorët e Forza Italias abstenuan. Kreu 74 vjeçar i qeverisë dëshironte një mbështetje me shumicë të gjerë parlamentare.

Reagimet: shok dhe gëzim

Politika e Italisë u shpreh e shokuar, pa fjalë por edhe pjesërisht me gëzim. “Nuk kishte më kushte që të mund të vazhdohej një bashkëpunim në mirëbesim”, tha kryetari i Pesë Yjeve, Giuseppe Conte.

“Të rrëzosh qeverinë e Draghit do të thotë të jesh kundër Italisë dhe interesave të italianëve”, deklaroi kryetari i partisë socialdemokrate Enrico Letta. Ministri i Luigi Di Maio nga partia Insieme per il futuro (Bashkë për të Ardhmen) konstaton, se me këtë është vënë në rrezik e ardhmja e italianëve.

A do të vijë blloku i qendrës së djathtë në qeveri?

Kryetari i Legas Matteo Salvini bëri përgjegjëse për rrëzimin e qeverisë së Draghit partitë e qendrës së majtë: “Draghi dhe Italia janë viktimë e marrëzisë që zgjat prej ditësh të Pesë Yjeve dhe lojërave për pushtet të socialdemokatëve.” Kryetarja e partisë ekstremiste Fratelli d’Italia, Giorgia Meloni, u gëzua nga rënia e qeverisë: “Nëse zgjithçka shkon mirë, atëherë për dy muaj do të kemi zgjedhjet dhe ne jemi gati”, tha ajo në Romë.

Vërtetë që zgjedhjet e ardhshme parlamentare mund ta ndryshojnë pejzazhin politik të Italisë, sipas sondazheve të fundit. Ndërkohë partia Fratelli d’Italia ka avancuar në preferencën e zgjedhësve. Bashkë me Legan dhe Forza Italia blloku i qendrës së djathtë mund të tërheqë shumë njerëz dhe në fund ndoshta mund të krijojë edhe shumicën parlamentare.

Ministri largohet nga Forza Italia

Duke reaguar pas dorëheqjes së Draghit, ministri i deritanishëm i Administratës Publike, Renato Brunetta, u largua nga partia e tij Partei Forza Italia. “Nuk jam unë ai që po largohet, por është Forza Italia, ose thënë më mirë, ajo çfarë ka mbetur prej saj, e cila ka braktisur vetvehten”, shkruan Brunetta në Facebook. Duke mos i dhënë votëbsimin Draghit, „partia ime ka devijuar nga vlerat themelore të kulturës së saj”. Anëtarët e papërgjegjshëm të partisë kanë vënë interesat partiake mbi ato të vendit, dhe drejtuesit e partisë lejuan të nënshtrohen prej populizmit të shëmtuar duke sakrifikuar një mjeshtër si Draghi, vëren më tej Brunetta.

Reagime nervoze në bursën e Milanos

Paradite në sfondin e paqendrueshmërisë politike në ekonominë e tretë të BE-së tregjet e financave në Itali reguan me rënie të kurseve. Bursa në Milano pati përkohësisht gjatë ditës minus dy përqind. Suplementi i riskut për obligacionet dhjetëvjeçare shtetërore të Italisë u rrit dukshëm në raport me atë gjermane. Italia me borxhe të larta mund të kthehet në një rrezik për BE-në dhe euron, që mund të ndodhet nën presion./DW

The post Impianti për djegien e mbetutrinave shkas për krizën, Mattarella pranon dorëheqjen e kryeministrit Mario Draghi appeared first on Albeu.com.

The post Draghi dha dorëheqjen, zgjedhje të parakohshme në Itali appeared first on Albeu.com.

Draghi i është drejtuar ditën e sotme Senatit italian, duke kërkuar votëbesimin.

“Kërkoj një votëbesim”, u shpreh në Senatin e Romës Draghi, ndërkohë që zhvillimet politike në vend janë të shpejta dhe pasiguria është e lartë.

“Demokracia jonë është parlamentare, unë e respektoj dhe e njoh, nuk kërkova kompetenca të plota, kërkova mbështetjen e parlamentit”, tha Draghi pa njoftuar dorëheqjen e tij, por duke e lënë dritaren e hapur për të qëndruar në pushtet.

Draghi kërkoi që t’i jepet besim rezolutës së paraqitur nga senatori Casini. Presidentja e Senatit, Maria Elisabetta AlbertiCasellati, ndërpreu seancën dhe thirri kreun e grupit. “Italia ka nevojë për një pakt të ri zhvillimi konkret dhe të sinqertë. Ju jeni gati ta rindërtoni këtë pakti? Ne jemi këtu në këtë dhomë vetëm sepse e kanë kërkuar italianët. Është një përgjigje që duhet t’ua jepni të gjithë italianëve”, tha kryeministri.

Rezoluta parashikon: “Pasi dëgjohen komunikimet e kryeministrit, miratohet”. Por qendra e djathtë ka bërë të ditur se nuk do ta votojë.

Qendra e djathtë e qeverisë, në përfundim të samitit të ri, ka bërë të ditur se do të votojë vetëm rezolutën e saj, e cila kërkon një “pakt” për një qeveri të re, të rinovuar thellësisht.

Nga ana tjetër, Presidenti Sergio Mattarella është përpjekur të bindë Draghin që të mos largohet pasi Italia po përballet me krizën që ka prekur të gjithë Evropën./albeu.com/

The post E papritur në Itali, Draghi heq dorë nga dorëheqja: Kërkoj votëbesim! appeared first on Albeu.com.

Pritet që ai të mbajë fjalën e tij rreth orës 18:30 me orën lokale dhe pritet që të bëjë të ditur nëse do të mbetet kryeministër, apo do të japë dorëheqjen e përhershme.

Nesër në orën 18.30 me orën lokale, gjithashtu në Senat, do të nisë procedura për votëbesimin e qeverisë, e cila pritet të përfundojë, me shpalljen e rezultatit, rreth orës 19.30.

Të enjten në mëngjes, kryeministri i Italisë pritet t’i drejtohet Dhomës së Përfaqësuesve. Pasditen e së njëjtës ditë, Parlamenti do të duhet të shprehë me votëbesim edhe mosmiratimin apo mbështetjen e qeverisë shumëpartiake në Romë.

Megjithatë, është e qartë se dita vendimtare është nesër: edhe sepse kreu i qeverisë në Romë do të bëjë të ditur vullnetin e tij përfundimtar, edhe sepse në Senat qeveria gëzon, gjithsesi, një mbështetje më të kufizuar.

The post Nesër dita vendimtare për Italinë, Draghi do të njoftojë nëse do të japë dorëheqjen appeared first on Albeu.com.

Votimi i së enjtes në Senat është thirrur për të marrë miratimin e një pakete prej 23 miliardë eurosh në ndihmë ekonomike për familjet dhe bizneset në vështirësi. Javët e fundit, 5-Yjet kanë shprehur mospajtimin e tyre të fortë për disa nga masat, duke kërcënuar se do të tërhiqnin mbështetjen e tyre nga koalicioni Draghi nëse kërkesat e tyre nuk dëgjoheshin, raporton The Guardian.

Pas një sërë takimesh të gjata me ligjvënësit e partisë të mërkurën, kreu i 5-Yjeve Giuseppe Conte tha se përgjigjet e dhëna nga qeveria nuk ishin të mjaftueshme për të siguruar pjesëmarrjen e tyre në votëbesimin. Qeveria ka të ngjarë t’i mbijetojë testit të besimit edhe pa votat e 5-Yjeve, por një krizë politike do të ishte e pashmangshme.

Draghi tashmë e ka bërë të qartë se nuk do të drejtojë një qeveri tjetër pa mbështetjen e Lëvizjes 5-Yje. Të mërkurën, komente të ngjashme erdhën nga drejtuesit e dy partnerëve të tjerë kryesorë të koalicionit nga Partia Demokratike e qendrës së majtë dhe partia e krahut të djathtë Liga, të cilët sugjeruan zgjedhjet e parakohshme si zgjidhja e vetme nëse Lëvizja 5-Yje tërhiqet.

Megjithatë, dritarja e parë e mundshme për të mbajtur zgjedhje kombëtare do të ishte në vjeshtë, kur qeveria do të ishte e zënë me hartimin e ligjit të buxhetit në një mjedis veçanërisht të vështirë ekonomik. Hapi tjetër pas daljes së 5 Yjeve nga koalicioni do të ishte që Draghi të fliste me presidentin Sergio Mattarella, i cili mund t’i kërkojë atij të thërrasë një tjetër votëbesim në parlament për të testuar mbijetesën e shumicës së qeverisë.

The post Qeveria Italiane drejt kolapsit appeared first on Albeu.com.

Sipas Kremlinit Putini i shpjegoi Draghit vendimin për pagesën e gazit në rubla, pas rënies së monedhës ruse në bursë.

“Presidenti rus Vladimir Putin i shpjegoi kryeministrit Mario Draghi arsyet që lidhen me vendimin e Moskës për të modifikuar pagesat për furnizimet me gaz rus në rubla”, raporton Kremlini.

Ndërkaq kryeministri italian Mario Draghi në bisedën telefonike “nënvizoi rëndësinë e vendosjes së një armëpushimi sa më shpejt të jetë e mundur, për të mbrojtur popullsinë civile dhe për të mbështetur përpjekjet negociuese”.

Draghi përsëriti “gatishmërinë e qeverisë italiane për të kontribuar në procesin e paqes, në prani të shenjave të qarta të de-përshkallëzimit nga ana e Rusisë”. “Presidenti Putin – thuhet në deklaratën e lëshuar nga qeveria italaine – e përshkroi sistemin rus të pagesave të gazit në rubla. Dy liderët ranë dakord për mundësinë për të mbajtur kontakte”.

“President Putin, ju mora për të folur për paqen”. Me këto fjalë kryeministri Mario Draghi bëri debutimin e tij duke folur me Putinin, sipas raportimeve nga pallati qeveritar.

The post “Ju mora për të folur për paqen”, Putin 60 minuta telefonatë me kryeministrin italian appeared first on Albeu.com.

Kryeministri italian theksoi në fjalën e tij se Italia do të jetë gjithmonë mbështetëse për Shqipërinë.

Ai ka përmendur edhe nismat që palër po mundohen të arrijnë së bashku, si ajo e studentëve, ekonomisë dhe emigrantëve.

Gjithashtu kryeministri shqiptar, Edi Rama, ka treguar se i ka kërkuar homologur të tij që të njohë pensionet shqiptare në Itali.

Edi Rama: çdo gjë që ndodh në Ballkanin Perëndimor, si në të mirë apo në të keqe, ka një ndikim të menjëhershëm në Bashkimin Evropian. Jashtë këtij kufiri të brendhshëm janë gjashtë shtete që jetojnë në zemër të këtij bashkimi. I kërkova njohje të shpejtë të pensioneve shqiptare në Itali. Ka shumë shqiptarë që punojnë këtu dhe paguajnë kontribute në shtetin italian. Kemi mundësi të mira për të zhvilluar projekte që tu drejtohen më shumë të rinjve, të tërheqin të rinjtë drejt një sistemi edukimi të lartë siç ka Italia. Siç është edhe ajo e policisë apo e magjistraturës, çështje të ligjit, të së drejtës. është bërë shumë, Italia ka qenë protagoniste dhe ka pasur një rol kryesor gjatë këtij kalimi të dhimbshëm dhe jo të thjeshtë nga një fazë diktatoriale. Nuk do të jetë e mundur që ta shprehim me fjalë mirënjohjen tonë kundrejt të gjithë këtyre gjërave që na ka dhënë Italia. Pensionet janë një e ardhme që do të nalidhin gjithmonë e më tepër. Italia është një vend i zhvilluar, kurse Shqipëria një vend më i vogël. Sidoqoftë duhet gjetur një mënyrë për të avancuar mes këtyre dy vendeve. Pasi të jemi organizuar së bashku do të kemi një javë që do të festojmë gjithçka që na lidh me Italianë./albeu.com/

The post Njohja e pensioneve shqiptare në Itali, çfarë i kërkoi Rama kryeministrit italian appeared first on Albeu.com.