Ndërhyrja ka qenë e vështirë dhe mjetet zjarrfikëse në terren janë të pakta.

Ndërkohë, prefektja e qarkut të Shkodrës, Majlinda Angoni ka thënë se situata paraqitet e vështirë edhe në Vilëz, për shkak të terrenit.

“Jemi në një situatë kritike. 60 forca të ushtrisë në terren. Shumë e vështirë ndërhyrja në Vilëz për shkak të terrenit. Prioritet është jeta e njerëzve dhe e banesave të tyre. Duhet koordinim më i mirë i Bashkisë Shkodër, sidomos në Vilëz. Flitet për situata të menaxhueshme, nuk është koha për helikopterë. Duhet të bëjmë denoncime për çdo rast të dyshimtë, duhet solidaritet në këtë situatë”, tha ajo.

Kryetari i Bashkisë së Shkodrës, Bardh Spahia ka kërkuar ndërhyrjen nga ajri, atje ku është e pamundur ndërhyrja nga toka për shkak të terrenit. Ai gjithahstu ka bërë thjirrje që qeveria të jetë më prezente.

“Jemi përballur me një situatë të vështirë me disa vatra zjarri në kohë të njëjtë. Falë punës së zjarrfikësve janë dominuar këto situata. Nevojiten mjete nga ajri aty ku është e pamundur ndërhyrja. Do duhej qeveria të ishte me prezente”, ka thënë Spahia. /abcnews.al

The post Situata e zjarreve në Shkodër, Spahia debat me Angonin: Qeveria duhej të ishte më prezente (VIDEO) appeared first on Albeu.com.

Shkodra është bërë qarku i ri i cili është bërë qarku i radhës ku janë konfirmuar rastet në fjalë.

Lajmin e bëri të ditur prefektja e qarkut Shkodër Majlinda Angoni. Kjo e fundit bëri me dije se rasti është zbuluar në një fermë private, teksa kanë rezultuar pozitiv me sëmundjen 70 krerë pula dhe janë groposur.

Angoni ka zhvilluar një takim për marrjen e masave për kontrollin e sëmundjes së shpendëve. Angoni shtoi se të shtunën dhe të dielën do të ketë kontrolle të shtuara në tregje, duke shtuar se u është lënë detyrë bashkive të përcaktohet vendi ku do gruposen shpendët nëse ka raste të tjera.

The post Gripi i shpendëve edhe në Shkodër, zbulohet vatra e infektimeve appeared first on Albeu.com.

“Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave vendosi Znj. Majlinda Angoni të emërohet prefekt i Qarkut të Shkodrës. Ky vendim hyn në fuqi menjëherë dhe botohet në “Fletoren zyrtare””, thuhet në vendimin e Këshillit të Ministrave.

Angoni dha dorëheqjen nga drejtimi i prefekturës para zgjedhjeve të pjesshme që u zhvilluan në 6 bashki të vendit. Ajo e mori këtë detyrë në shtator 2020, por u largua kur kryeministri Rama e caktoi për kandidate për kryetare bashkie.

The post Bashkinë ia mori kandidati i Berishës, Majlinda Angoni rikthehet në krye të Prefekturës së Shkodrës appeared first on Albeu.com.

Angoni i ka bërë thirrje qytetarëve të Shkodrës që ta ushtrojnë të drejtën e votës, pasi është një e drejtë kushtuese si edhe bën thirrje që procesi të vazhdojë i qetë, ashti siç ka qenë edhe fushata.

“Ftoj banorët e Shkodrës të marrin pjesë në votime, të ushtrojnë të drejtën kushtetuese që ua garanton ligji. Të kemi votim sa më të qetë, dhe të japim mesazhe se Shkodra është e kulturës dhe e paqes. Ashtu siç ka qenë e gjithë kjo fushatë ashtu të jetë  është përmbyllja e rezultatit final të kësaj fushatë”, tha ndër të tjera Angoni.

E pyetur nëse do të arrijë ta thyejë këtë herë bastionin e të djathtëve, kandidatja e PS u përgjigj:

“Mendoj se po, këtë herë po”./albeu.com

The post Zgjedhje e pjesshme vendore, voton kandidatja e PS për Shkodrën, Angoni: Ka ardhur koha të thyhet bastioni i të djathtëve appeared first on Albeu.com.

“Në këtë moment të veçantë për Shkodrën dhe për mua personalisht dua të ndaj me ju ndjenjën e lartë të përgjegjësisë për të marrë këtë sfidë si më të rëndësishmen. Përkushtimi për të dëgjuar çdo banor të kësaj bashkie do udhëheqin parimet tona për t’i kthyer Shkodrës dinjitetin.

Përvoja ime si prefekte dhe si banore do më udhëheqin në realizimin e prioriteteve tona për Shkodrën. Kam besimin se do kemi bashkëpunimin e të gjithë qytetarëve, fermerëve, artistëve por në veçanti kam garancinë dhe mbështetjen e qeverisë shqiptare. Jam e vetëdijshme që nuk është bërëë më e mira sepse më e mira nuk mjafton.

Edhe pse nuk e kemi pasur timonin e pushtetit vendor e kemi treguar se qytetari është prioriteti jonë. Sot I drejtohem shkodranëve me një ofertë konkrete., Jepjani besimin një gruaje që vendos të parin interesin e qytetarit shkodran. Brenda 300 ditëve do punoj për një qytet më të pastër dhe një Shkodër tjetër plot energji. Nuk keni pse prisni për një mandat tjetër 4-vjeçar. Vetëm 300 ditë”, tha Angoni./albeu.com

The post Kandidatja e PS: Me jepni votën dhe për 300 ditë e ndryshoj “fytyrën” e Shkodrës appeared first on Albeu.com.

Në Shkodër, socialistët i besuan prefektes Majlinda Angoni, si njeriu që mund të thyejë bastionin e PD-së. Por çfarë mendon kandidatja socialiste, a është ky momenti më i mirë për PS-në për të “rrëmbyer” “kështjellën” e Shkodrës, pasi demokratët janë më të përçarë se kurrë?

Në një prononcim për Abcnews.al, Angoni shprehet se nuk ka humbur asnjë betejë në jetë dhe beson se ka ardhur momenti që pas 30 vitesh, Shkodra të drejtohet nga një i zgjedhur socialist.

“Propozimi ishte nga organet e partisë në Shkodër dhe u miratua nga kryeministri. E vështirë në Shkodër, por jo e pamundur. Unë nuk hyj kurrë me humbur. Nuk e njoh humbjen si natyre njerëzore. Se kë kam përballë, pak rëndësi ka” tha ajo.

Por a e ka “frikë” nëse Voltana Ademi rikandidon? “Jo, jo, do ta shikoj si konkurrente, që pretendon për ta marrë, me pikat e forta dhe të dobëta të saj”.

Momenti i keq i opozitës mund t’ju dhurojë fitoren socialistëve. “Fitorja asnjë nuk dhurohet. Shkodra është bastion i së djathtës, edhe lufta e së djathtës do të jetë shumë e fuqishme, do të kërkojnë për ta mbajtur” tha ajo.

E pranon faktin që përçarja e opozitës që mund të dalë me tre kandidatë e favorizon, por thekson se beson më shumë të puna e strukturave dhe besimi i qytetarëve. “Mbase do të jetë më pozitiv për ne. Por ne do të fitojmë, do të hyjmë solidarë për ta marrë për herë të parë pas 30 viteve” tha ajo./abcnews.al

The post Flasin kandidatët e PS-së: Nuk e njoh humbjen, pas 30 viteve fitojmë Shkodrën appeared first on Albeu.com.