Komentet Rama i bëri nga Kosova, ku ka shkuar për një vizitë zyrtare, në mbledhjen e përbashkët mes dy qeverive.

Kreu i qeverisë shtoi se duhet bërë çmos që nga rajoni i Ballkanit Perëndimor të mbahet larg çdo mundësi konflikti.

“Ne jemi shumë të vegjël për t’u kërkuar SHBA të reflektojnë. Por duhet të reflektojnë. Presidenti duhet të njihet me këtë çështje dhe ta udhëheqë. Se nuk është pamundur që gjithë ky komunitet vendesh të ketë rënë në këtë grackë të ngritur nga Rusia. Edhe në mos qoftë kjo, mënyra si është ndërtuar kjo, praktikisht i shërben Rusisë. As demokracisë, as viktimave të luftës… Mirë është ta mbajmë luftën larg nga kjo zonë. Luftën e duan ata që s’e kanë provuar. Unë hy te ata që s’e kanë provuar dhe s’dua ta provoj. Krahas luftës në Ukrainë, Rusia dëshiron të zhvendosë në Ballkan valën e dytë të përplasjes me perëndimin. që të destabilizojë rajonin dhe BE.

…Nuk kemi asnjë interes që Serbia të radikalizohet, e do të bëjmë çmos që në këtë situatë ku Serbia është mes dy zjarreve; presioni shumë i madh i Rusisë, që lidhet me mundësinë që vendi ka për ta shtrënguar Serbinë se e furnizon me shumëçka. dhe presionin e madh të perëndimit, që ajo e ndjen shumë, të shtyn në drejtimin e një kuptimi të drejtë të asaj që duhet të presim nga Serbia.

Kush pret që të hidhet në flakë për perëndimi nuk e kupton se çfarë vjen nga kjo s’ka mundësi ta bëjnë sepse populli i saj, 80 për qind mendojnë se putin ka të drejtë. por është e qartë që Serbia mund të qëndrojë në një distancë të mjaftueshme nga Rusia që flaka e kësaj luftë të mos vijë këtu.

Në këtë pikë ne mund të bëjmë tonën. Ky është thelbi i tradhtisë sime. Tradhti për të cilën unë nuk jam pishman. Mendoj që ne kemi vuajtur boll… Kosova nga lufta, shkatërrime, s’ka nevojë të shkojmë më në atë drejtim, veçse e detyrojmë, dhe po e detyruan Kosovën e detyrojnë edhe Shqipërinë sepse ne jemi një”, u shpreh Rama./albeu.com/

The post Rama flet hapur: Nëse Kosova përshihet në luftë, bashkohemi edhe ne appeared first on Albeu.com.

Kjo sipas Berishës, sepse ai është një lider i thyer që “pushkatoi” një nga një njerëzit e afërt të Berishës.

“Ai është një lider “i thyer”, që nxorri në pritë dhe pushkatoi një nga një ish bashkëpunëtorët e mi. Llideri po nuk u krijua në mendjet dhe zemrat tuaja, nuk bëhet lider. Na turpëroi dhe na uli kokën të gjithëve”, u shpreh Berisha.

Për Berishën, e vetmja zgjidhje që Partia Demokratike të marrë frymë, është largimi i Bashës dhe futja e partisë në një proces zgjedhor./albeu.com

The post Berishës nuk i del inati me Bashën: Është lider “i thyer”, na turpëroi fare (VIDEO) appeared first on Albeu.com.

Ministri i jashtëm i Serbisë, Nikola Selakoviç është takuar me Felix Ramon Plasencia Gonzalez, ministrin e jashtëm të Venezuelës.

Ai e ka falenderuar Gonzalez për mbështetjen e vazhdueshme që i kanë dhënë Serbisë, sidomos për një nga temat më të ndjeshme për ta siç është pavarësia e Kosovës. Selakoviç ka thënë se është falenderues ndaj Venezuelës për pozicionin e qartë të mosnjohjes së deklarimit të njëanshëm të pavarësisë së Kosovës.

Duket se keto deklarata vijnë pas tensioneve të krijuara mes Serbisë dhe Kosovës në veri të vendit, pas vendimit për reciprocitetin e targave të qeverisë Kurti si dhe përfundimit të rezolutës së katër shtatorit mes dy vendeve.

Më 4 shtator të vitit 2020, Kosova dhe Serbia, në prani të ish-presidentit Donald Trump nënshkruan disa marrëveshje bashkëpunimi. Një nga to ishte që Kosova të ndalte për një vit përpjekjet për anëtarësime në organizata ndërkombëtare, ndërsa për Serbinë ishte ndalja e lobimit për mosnjohjen e shtetit të Kosovës./albeu.com

The post Skadon marrëveshja, Serbia i rikthehet fushatës kundër njohjes së Kosovës appeared first on Albeu.com.

Smajli u shpreh se këtë detyrë e kishte marr vullnetarisht sepse ishte nevoja urgjente që të pastrohej terreni, meqë prej tyre po pësonin banorët dhe kolegët e tij të UÇK-së.

Ai tha se në momentinqë mina shpërtheu ka patur dhimbje aq të mëdha sa i është lutur shokëve të tij ta vrisnin sepse nuk mund të duronte dot dhimbjen.

Pavarësisht kësaj, ai shprehet se nuk i ka rënë pishman për vendimin që të dilte në sektorin e deminimit, duke thënë se ishte i përgatitur që fatkeqësitë e tilla mund t’i ndodhnin.

“Ne kemi rënë në minën e fundit, se pastaj kanë ardhur edhe njësitet e KFOR-it, por s’kanë gjetur më asnjë. Në momentin kur ka eksploduar mina, mua më ka humbur pamja, ndërsa vetëdija jo. Më kujtohet që kam pasur dhimbje të mëdha dhe i kam lutur shokët që të më vrisnin se s’mund ta duroja dhimbjen. Më pas më ka humbur edhe vetëdija, e cila m’u rikthye deri sa më kanë çuar në spitalin e Ferizajt.

Nga aty më kanë tansferuar në spital të Prishtinës, ku nuk dihej ende çfarë po ndodhte sepse gjysma ishte me mjekë serbë që refuzonin ta lëshonin spitalin. Aty kam qëndruar dy ditë dhe më pas familjarët më dërguan në Kukës. Nga aty më dërguan në Gjermani, ku u munduan të ma rikthenin formën e kokës dhe të ma shpëtonin jetën, sepse për sytë më nuk kishte shpresë. Vullneti ka qenë i madh dhe kemi qenë të përgatitur për atë punë. Dihet që dikush duhet më i dhënë sytë për t’i fituar gjithë të tjerët”, deklaroi ai.

Janë bërë 22 vjet që kur Xhevdet Smajli ka humbur të pamurit pasi ra në një minë të vendosur nga ushtarët serbë. Ai ishte pjesëtar i UÇK-së dhe punonte në sektorin e deminimit, kur gjatë pastrimit të një terreni të vështirë me bar e shkurre, shpërtheu një minë dhe e plagosi atë së bashku me kolegë të tjerë.

The post Ish-ushtari UÇK-së rrëfen si humbi shikimin nga mina e serbëve: Ju luta shokëve të më vrisnin! appeared first on Albeu.com.