Gjithashtu Ambasada ka falenderuar punën e mjekve për ndihmën e dhënë në këtë kohë mjaft sfiduese për ta, të cilët duhet të jenë në vijën e parë të frontit duke ndihmuar qytetarët nga pandemia.

“Në Ditën Kombëtare të Punonjësve të Ndihmës Parë, ne dëshirojmë të nderojmë heronjtë të cilët rrezikojnë jetën e tyre për të na mbajtur të sigurtë, ata të cilët me guxim kanë punuar papushim përgjatë krizës së shekullit – pandemisë COVID-19. Për të nderuar sakrificën e tyre, ne mund të bëjmë pjesën tonë për të mbrojtur punonjësit e ndihmës së parë dhe komunitetet tona duke u vaksinuar për COVID-19”, shkruan Ambasada në faqen e saj në Facebook./albeu.com/

The post Ambasada Amerikane ka një apel për qytetarët (FOTO LAJM) appeared first on Albeu.com.

Sasia e virusit tek të infektuarit me variantin Delta është dukshëm më e lartë dhe infektimi mund të transmentohet me lehtësi, thuhet në një raport të brendshëm të Autoritetit Amerikan të Shëndetësisë, CDC, të publikuar nga gazeta e njohur, “Washington Post”. Duhet „të pranohet se lufta ka ndryshuar”, thuhet në një nga faqet e raportit. Delta është po aq ngjitëse si lija e dhenve, beson ky autoritet. Lija e dhenve dihet, se mund të përhapet edhe në disa metra përmes ajrit. Drejtuesja e CDC, Rochelle Walensky e vlerësoi studimin si mjaft shqetësues. Së fundmi ky autoritet kishte përshtatur rregullat kundër virusit me përhapjen e variantit Delta përfshirë ashpërsimin e tyre. Edhe për të vaksinuarit rekomandohet mbajtja e maskës në ambientet e mbyllura.

Por efektshmëria e vaksinës kundër COVID-19 nuk është vënë në dyshim nga CDC. Vaksina edhe në rastet e infektimit me Delta mbron me gjasë të madhe nga ecuria e rëndë e sëmundjes apo vdekja. Ky variant i virusit shënon në SHBA më shumë se 80% të rasteve. Aktualisht në SHBA fushata e vaksinimit ndodhet në vendnumëro./DW

The post Varianti Delta: Të pranohet se lufta ka ndryshuar appeared first on Albeu.com.