Boçi tha se protesta nuk është vetëm politike, pasi sipas tij qytetarët janë të lodhur nga skandalet, si rasti ‘Balluku’, dhe se kjo datë ka pritshmëri më të madhe se datat e tjera.

“Ne presim që të kemi rezultat, si qeveria teknike, pasi jemi në krizë politike. Kjo datë ka pritshmëri më të madhe se datat e tjera. Protesta sot ka pritshmëri më të mëdha. Nuk kemi pasur skenar dhe e kemi ndërruar sot.

Gjithmonë kemi thënë është mënyra se si ecën dinamika e protestës, se si realizohet reagimi i tyre. Këto elemente krijojnë pjesën e ngjarjes, protestës, dhe predispozohet sikur ka skenarë. Kjo mazhorancë e ka plotësuar misionin e saj, ndaj duhet të kemi një zgjidhje politike”, tha ai.

Ai u shpreh se Belinda Balluku, ndonëse u pezullua nga Gjykata Kushtetuese, qëndron ende në detyrë.

“Protestat janë shprehje e kauzave qytetare. Duhet një organizim, pasi nuk mund të themi se protesta është vetëm politike, por është kauzë qytetare.

Arsyet janë të shumta. Janë sulmuar kolonat e shtetit. Vendimet më të rëndësishme merren te zyra private e Agasit, me ‘sms’. Kjo ka bërë që të bjerë shërbimi. Situata në tërësi, nuk ka përmirësim në jetën e qytetarëve”, tha ai.

Boçi: Domosdoshmëria është kaq e pritur për një protestë si 20 shkurti. 20 shkurti përcjell mesazh të fortë dhe sot pritet që mesazhi të mbartet në mënyrën se si do të evoluojë. Edhe pse jo, edhe në pasojën që do të sjellë. Jo për episodet, por për qëllimet që ka PD për arritje të rezultatit politik.

Ne presim që të kemi rezultat, si qeveria teknike, pasi jemi në krizë politike. Kjo datë ka pritshmëri më të madhe se datat e tjera. Protesta sot ka pritshmëri më të mëdha. Nuk kemi pasur skenar dhe e kemi ndërruar sot.

Gjithmonë kemi thënë është mënyra se si ecën dinamika e protestës, se si realizohet reagimi i tyre. Këto elemente krijojnë pjesën e ngjarjes, protestës, dhe predispozohet sikur ka skenarë. Kjo mazhorancë e ka plotësuar misionin e saj, ndaj duhet të kemi një zgjidhje politike.

Mos e konsideroni protestën si ritual që nuk ka qëllim. Përmbajtja është se pse duhet të jetë protestë dhe më e ashpër. Pse duhet të jetë protestë më e fortë në datën 20. Nuk ka reflektim nga ana e protestuesve në raport me atë që kërkojnë, sa i takon çështjes Balluku.

Ndonëse u pezullua nga GJK-ja, ajo qëndron ende në detyrë. Protestat janë shprehje e kauzave qytetare. Duhet një organizim, pasi nuk mund të themi se protesta është vetëm politike, por është kauzë qytetare. Arsyet janë të shumta. Janë sulmuar kolonat e shtetit.

Vendimet më të rëndësishme merren me sms, nga zyra e Agasit. Kjo ka bërë që të bjerë shërbimi. Situata në tërësi, nuk ka përmirësim në jetën e qytetarëve.

The post Luçiano Boçi: Balluku e pezulluar nga GJK ajo qëndron ende në detyrë, jemi në krizë politike appeared first on Albeu.com.

Nuk e kam fjalën për Sartrin, sepse në fund të fundit ishte një majtisto-ekzistencialist, megjithëse Antuan Rokëntën-i i tij (personazhi i romanit Neveria) përjeton një neveri të skajshme ndaj realitetit me të cilin mbështillet, sidomos në raport me baronin aventurier dë Rolëbon, një figurë e ngjashme kjo me aventurierin që drejton Shqipërinë, për të cilin do shkruante historinë, por dhe atë neverinë e drejtuar së brendshmi.

E kam fjalën për atë shijen politike e sociale që të kaplon grykën e pështjellon lëngjet e stomakut dhe mendjes, e cila prodhohet prej vitesh nga proceset zgjedhore në Shqipëri e sidomos nga reagimet para e post zgjedhore mediatike. Një neveri deri në pështirosje totale.

Himara ishte një akt i disatë brenda një teatri politik e mediatik gjigand kohor, pa qenë akoma një prolog. Por neveria që ajo prodhoi ishte e tejskajshme.

Ndërsa fotoja e nxënësit Tavo me fletore përpara mentorit politik Ramë, të nesërmen e performancës neveritëse, duke marrë shënime për hallet e miletit, mundi çdo fantazi neveritëse.

Neveria s’paska fund në këtë vend ku burimi kryesor vjen falas nga Kryeminisitria e jo vetëm. Atë e prekëm kudo. Gjithçka që u ndërmor për të ekzekutuar vullnetin e qytetarëve himariotë që zgjodhën si kryebashkiak Belerin, shkaktonte neveri.

Kurthi, djallëzia politike, xhandarizmi i SPAK, arroganca, u bënë një dhe shpërthyen kanalet e zeza të neverisë pa pyetur fare, vetëm e vetëm për të arritur qëllimin e neveritshëm të një individi, i cili kërkonte të vinte me domosdo këmbën e zbathur mbi Himarën.

Shfaqja e neveritshme vazhdoi më tej me figurat që drejtojnë neveritshëm institucionet mjerane të këtij shteti, të cilët pa një pa dy vendosën në mënyrë të neveritshme mbajtjen e një farse zgjedhore për Himarën. E fushata ishte shpërthimi i neverisë.

Kandidati u urdhërua si ushtar të deportohej në Himarë si fitues i garantuar nga kryeneveria. Neveritshëm zyrtarët u shkulën nga punët e zyrave e përfunduan duke shantazhuar për të marrë atë votën e neveritshme. Nuk u kursyen e as paratë dhe as transferimet e as falsifikimet e as ndalimet e neveritshme. Pa harruar atë patriotizmin fals.

Shteti ynë i neveritshëm donte të fitonte me cdo kusht kundër një kandidati i cili nuk ia njihte forcën neverisë qeverisëse. Dhe ia arriti neveritshmën. Pa harruar se e bëri nën marshet neveritëse të mjeteve të propagandës mediatike që krenarisht, pa pasur neveri fare nga neveria, lëpijnë sot për interesa të neveritshme pushtetin e “fitorjet” e tij të mëdha kundër armiqve.

E neveritshëm na e paraqesin hajdutin, si kampion të nderit. Rezultatin e parapërgatitur, si rastësi. Grabitjen tradicionale të votës, si zotësi politike. Farsën si proces. Dhe vetë neverinë e përshkruajnë si gëzim marramendës.

E tmerrshme se si e gjithë kjo neveri që prodhohet për shkak të kësaj që na rrethon, ka helmuar deri në qelizë politikën, jetën dhe ekzistencën. Që të shpëtojmë nga e gjithë kjo neveri e detyruar na duhet revolta. Arsyet e rradhës dhe shkaqet e neverisë, sado të vërteta që janë, brenda situatave neveritse, marrin vetë nota të tilla.

Revolta është zgjidhja!

The post Neveria appeared first on Albeu.com.

 Luçiano Boçi: Nuk është çështje optimizmi apo dyshimesh, por është një çështje gjyqësore e cila vë në prove jo thjesht vulën e PD-së se kujt i përket ajo,

I përket demokratëve apo i përket Bashës.

Por ajo që është kryesore sot është vënë në prove legjitimiteti i vetë sistemit të drejtësisë.

Një vendim ndryshe nga ajo çfarë kemi kërkuar ne do rrëzonte sot zyrtarisht këtë lloj legjitimiteti, por ende ne shpresojmë që ky sistem drejtësie ka ishuj drejtësie brenda dhe besoj se vendimi do jetë në favor të demokratëve.

Ky është optimizmi jonë i mbështetur në fakte ligjore dhe në vullnetin e demokratëve.

Pjesa e planeve B e planeve të tjera janë koncepte të planeve ushtarake por gjithsesi çdo gjë që vjen pas kësaj si vendimarrje nuk i përket planeve por i përket vendimarrjeve se forumeve të PD-së.

Janë forumet ato që përcaktojnë hapat suksesiv të kësaj force politike se si ajo do të sillet në raport me vendimin e sotëm.

The post Beteja për vulën e PD-së, Luçiano Boçi: Jemi optimistë, janë forumet ato që përcaktojnë hapat e mëtejshëm appeared first on Albeu.com.

Në një deklaratë për mediat, nënkryetari i PD Luçiano Boçi analizoi dhe bëri publike, të gjitha rrethanat që çuan në nxjerrjen nga burgu të Vangjush Dakos, ish-kryebashkiakut socialist të Durrësit, mikut dhe bashkëpunëtorit më të ngushtë të Kryeministrit.

Deklarata e plote

“Partia Demokratike e ka vënë e para alarmin e keqpërdorimit e  Spakut dhe gjykatave te drejtësisë se re si vegla të verbëta në duart e partisë së krimit dhe do të jetë e fundit që do të heshtë përballë kapjes së sistemit të drejtësisë nga Edi Rama. Konvaleshenca e Dakos nga suita e paraburgimit, e ngritur posaçërisht për të dhe zyrtarët e tjerë socialistë, në kushtet e shtëpisë, është sinjali që Edi Rama u dërgon bashkëpunëtorëve: me pak harxhe, dhe po të po ti përmbahet kodit të Omertas, dmth; te qepni gojën, do t’ia hidhni!

Dako nuk u lirua se e lejoi tejkalimi i procedurave, por sepse zbatoi ligjin e Omerta-s, të heshtjes, së Edi Ramës. Dako nuk u akuzua për krimet e tij të rënda që rëndonin mbi të si betonizimi i Durrësit dhe krimi monstruoz elektoral të mirëdokumentuar, por për shtesë kati dhe ‘shpërdorim detyre’.

Ai nuk u dërgua në shtëpi se nuk ka prova, por se ai e dha provën e besnikërisë ndaj partisë dhe Edit. Besnikëria, e cila bazohet mbi parimin: lejojeni drejtësinë e re tone të bëjë sikur po na godet, që nëpërmjet saj të godasim kundërshtarët politikë dhe të jemi në pushtet sa të duam vetë.

Vangjush Dako është fytyra e pushtetit që Edi Rama ka ndërtuar në Shqipëri që në kohën kur drejtonte bashkinë e Tiranës. Ai nuk mund të dënohet sepse është mik i Ramës, bashkëpunëtor i tij, por mbi të gjitha në bashkëfajësi dhe bashkëdijeni me të. Edi Rama nuk lejon ta dënojnë Gjushin. Ai, disa muaj në paraburgim, si në kohën e etërve komunistë, ia konsideron si ‘kuadro në qarkullim’.

Ndërkohë që kreu i vjedhjes së zgjedhjeve dhe betonizimit të Dyrrahut antik dërgohet në shtëpi, lideri i opozitës Sali Berisha, pa asnjë akuzë, pa asnjë provë, mbahet në izolim. Shtyrja e seancës së djeshme për masën e Sali Berishës, me pretekstin se ishte e zënë me seancë tjetër, nga gjyqtarja me dy identitete Gjoka-Maneku, dhe nguti për të liruar Dakon, tregon se gjyqtarët e Ramës, as nuk fshihen më në animin e tyre të qartë politik. Njerëz të tillë do të bien bashkë me padronin e tyre. Betejë pa kthim! Mosbindje civile! O sot o kurrë! është përgjigja jonë.”

The post Boçi: Bosi i mafias Vangjush Dako, u lirua se zbatoi ligjin e “Omertas” të Edi Ramës! appeared first on Albeu.com.

Ai tha se ndryshe nga herët e tjera, kjo protestë i gjen të bashkuar.

“Ajo që na ka sjellë këtu është e sotmja, ulërima e qytetarit, dëshira e tij për të rrëzuar regjimin e Edi Ramës. Ai që na ka thirrur në këtë protest, është grushti i mbledhur i intelektualit që kamxhikohet çdo ditë, është revolta e të rinjve, të cilëve duan t’ia shpifin këtë vend dhe e nxisin të largohet nga sytë këmbët, është ofshama e atij pensionisti i cili pret lëmoshën. Është drama e qytetarit shqiptar. Ndryshe nga herët e tjera, sot të dashur demokratë ne vijmë të bashkuar si një zë i vetëm kundër pushtetit të korruptuar të Edi Ramës. Diktaturat nuk mund të lulëzojnë nëse ne jemi të bashkuar. Ne sot vijmë të bashkuar për të marrë nga historia jonë guximin”, tha Boçi.

Boçi tha se demokratët duhet të vijojnë betejën, të cilën nuk e cilësoi si të lehtë. Por ai tha se nuk do të dorëzohen dhe do të vijojnë luftën.

“Me ne sot janë të gjithë qytetarët shqiptarë. Me forcën e këtij besimi do rrëzojmë këtë regjim dhe do marrim zvarrë ngrehinën e korrupsionit. Lufta jonë është e vështirë, e pabarabartë, lufta jonë kërkon sakrifica, por është lufta më e drejtë dhe më e madhe”, tha Boçi./albeu.com 

The post Luçiano Boçi: Diktaturat nuk mund të lulëzojnë nëse ne jemi të bashkuar appeared first on Albeu.com.

Boçi u shpreh se nuk do lejojnë që opozita dhe pluralizmi të dorëzohet te kryeministri Edi Rama, ku këtë të fundit e akuzoi se po godet kryetarin e opozitës.

Ndërsa në lidhje me masën ndaj Berishës, tha se është një rast i paprecedentë, teksa shtoi se ky vendim po ngjall revoltë dhe zemërim te qytetarët.

Ndër të tjera, Boçi lajmëroi për një tjetër tubim sot, në orën 17:30.

“Organizmi i djeshëm poshtë banesës së ish-kryeministrit ishte spontan, ashtu siç ndodhi edhe më datë 31 dhjetor. U shpreh solidariteti për Berishën dhe zemërimin që ‘drejtësia e re’ ndërmori ndaj tij. Berishës i është ndaluar edhe komunikimi, megjithatë gjykata ka vlerësuar politikisht vendimin e saj. Situata është e paprecedentë, pasi është lobuar në mënyrë të pistë ndaj opozitës, ku në fund i goditet drejtuesi, njeriu që ka luajtur një rol kyç në kapërcimin e diktaturës në demokraci.

Dua të theksoj se vendimi ndaj Berishës është antikushtetues. Ligji konsiderohet i barabartë, por duhet të jetë i tillë dhe për ato institucione, si p.sh Prokuroria Speciale. Këto institucione qartazi nuk e kanë respektuar ligjin për zotin Berisha. Nuk ka përputhje të hetimit ndaj tij dhe masës së arrestit. Nuk ka arsyetim në gjoja mosrespektim të paraqitjes së ish-kryeministrit. Berisha ka qenë aty 24/24 me deklarata.

Ka një frikë sigurisht nga ana e mazhorancës, e cila po godet kryetarin e opozitës. Është dëshmuar tashmë se është një frikë e brendshme e Ramës. Dihet fryma dhe shtysa që ai i ka dhënë SPAK-ut për zotin Berisha. Ne jemi këtu dhe nuk e dorëzojmë opozitën te Rama. Situata të tilla ku goditet kreu i opozitës ngjall revoltë dhe zemërim, dhe kjo duket qartë te qytetarët.

Dua të bëj me dije se sot do të ketë një tjetër grumbullim, do të fillojë rreth orës 17:30”, u shpreh Boçi.

The post Luçiano Boçi flet për masën ndaj Berishës: Po ngjall revoltë e zemërim te qytetarët appeared first on Albeu.com.

Në dasmë ka pasur me qindra të ftuar nga bota e politikës, biznesit dhe medias, u çel me një vallëzim emocionues mes Luçiano Boçit me të bijën.

Dasma është organizuar dy ditë më parë me motive tradicionale të zonës së Elbasanit, me këngë e valle tradicionale.

The post Pamjet nga dasma e vajzës së Luçiano Boçit (VIDEO) appeared first on Albeu.com.

Në një postim në rrjetin social “Facebook”, Boçi shkruan se autorët janë të njëjtët që shkatërruan teatrin, stadiumin dhe sipas tij, së shpejti edhe Pallatin e Kongreseve.

Boçi thotë se për shkak të skandaleve dhe situatës korruptive, kundërshtarët politik duan të implikojnë familjen Berisha, teksa kërkoi një përgjigje nga pushteti.

Reagimi i plotë:

NUK FUTET KULLA NE THES

I shpërfyturuar nga skandalet që të lenë pa fjalë pusheti i Ramës tjerr fjalë e thashetheme kafenesh, nëpërmjet “kazanëve” të mirëfinancuar dhe patericave politike, për të zhvendosur vëmendjen e publikut e për të relativizuar shkallën e paimagjinueshme të korrupsionit.

Kulla e rradhës në qendrën e Tiranës nuk është gjë tjetër, veçse çibani gjigand i rradhës në pjesën e gjelbëruar të kryeqyetit më të betonizuar në botë.

Autorët janë po ata që shembën teatrin, që zhdukën stadiumin, që zhdukën kinematë e që do zhdukin vlera të tjera arkitekturore historike të kryeqytetit. (Pallati i dashur i kongreseve për të majtët, pritet të bëhet kurban)

Dhe gjithmonë pasi kanë bërë këto janë munduar të fshihen si mos më keq.

Herë në thesin e modernitetit, herë në thesin e zhvillimit të territorit, herë në thesin e investimeve strategjike.

Tani për shumë arsye të situative politike e korrupsioniste, skadaleve pa fund, kullën që kafshon hapësirën pothuaj të fundit të gjelbërt të Tiranës duan ta fusin në thesin e “dhuratës” së kundërshtarit politik, duke implikuar familjen Berisha.

Poshtërsia e rradhës pas qindrave të tilla.

Asgjë për t’u çuditur!

Propaganda është propagandë!

E trishtë për ato personazhe që duan të shpëtojnë politikisht duke u matur me demek me hijen e kullave, ndërkohë që kanë hedhur firmat aty dhe për disa të tjera që do vijnë e do çudisin botën.

Sfida për akuzuesit është hedhur!

Revokimi është kërkuar.

Le të japin tani një përgjigje e të mos mundohen ta lenë kullën në prehrin e opozitës!

The post Kulla me 58 kate në mes të Tiranës, Boçi: Poshtërsia e rradhës, do të bëjnë “kurban” edhe Pallatin e Kongreseve appeared first on Albeu.com.

Përmes një postimi në Facebook, Boçi thekson se ky mission nuk kërkon vetëm fjalë, por projekte dhe mbështetje reale.

Boçi: Misioni kryesor pas 14 majit mbetet, krijimi i kushteve që të rinjtë, studentët, çiftet e reja të mos shohin si të vetmen mundësi për të pasur një ardhme të mirë, largimin nga Elbasani! Kjo nuk bëhet me fjalë! Kjo kërkon projekte dhe mbështetje reale! Rinia e do dhe do ta votojë ndryshimin! Në 14 maj, ju firmosni ndryshimin.

Më tej ai shton se nuk ka dhimbje më të madhe se sa të lërgohesh dhe mos të kthehesh më në Atdhe.

Boçi: Nuk ka dhimbje më të madhe se sa të largohesh dhe mos kthehesh më. Një pjesë e jona që ka ikur, e ka marrë vendimin për mos u kthyer më, ne duhet t’i krijojmë gjithë hapësirat që ata të rikthehen.

Boçi e cilësoi rininë si pjesën më vitale dhe tha se duhet të përpiqemi që mos largohen.

/Albeu.com/

The post “Nuk ka dhimbje më të madhe se sa të largohesh”, Boçi: Misioni ynë krijimi i kushteve për të rinjtë appeared first on Albeu.com.

Jepni pëlqimin tuaj: Kush fiton në Elbasan?

Në Elbasan janë përballë Gledjan Llatja i Partisë Socialiste dhe Luçiano Boçi i koalicionit Bashkë Fitojmë.

Elbasani konsiderohet si një ndër bashkitë ku pritet garë e fortë për shkak të të dy kandidatëve. Llatja ka pas pushtetin ekzekutiv në Tiranë, kurse Boçi në zgjedhjet e fundit tregoi se ka një numër të madh votash personale.

Secili prej lexuesve do të ketë mundësi të votojë vetëm një herë në sondazh gjatë një javë.

FUTU KËTU TE FAQJA KRYESORE E SONDAZHIT

Sondazhi do të mbyllet në fund të javës dhe rezultatet do të bëhen publike të dielën, për t’u rihapur sërish të henën e javës pasardhëse. /albeu.com

The post SONDAZH/ Përballja për Elbasanin, Luçiano Boçi vs. Gledjan Llatja. Kush fiton? appeared first on Albeu.com.