“Më duhet të shkruaj nën peshën e malit të dhimbjes së birit që humbet babën se KOMANDANTI IM i mbylli sytë përgjithmonë! Zemra e Mersin Ramës pushoi së rrahuri, për të pulsur për aq sa të kem frymë në zemrën time.

Ceremonitë e nderimit dhe të përcjelljes do të zhvillohen në Shtëpinë e Funeraleve Alba 2000, në ish ambasadën jugosllave, në Rrugën e Durrësit. Ceremonia e varrimit do të kryhet sot më datë 18 korrik, në ora 16:00 në varrezat e Tufinës”, – shkruan Rama.

The post E trishtë, Luan Rama humb njeriun e shtrenjtë appeared first on Albeu.com.

Ish ministri i qeverisë së tij, Luan Rama, e ka uruar ish kreun socialist në këtë ditë të shënuar për të.

Në urimin e tij, Rama, ndër të tjera i ka uruar Nanos të jetë të gjatë, shëndet dhe të festojë një shekull ditëlindje.

STATUSI NGA LUAN RAMA:

PËR FATOS NANON,

NË DITËN E LINDJES…

Gëzuar, edhe pse nuk mjafton asnjëherë kjo fjalë për të sjellë përmasën e vërtetë të urimit dhe mirënjohjen për një mik!

Qofsh jetëgjatë e shëndetmirë,

dhe festofsh një shekull ditëlindje!/albeu.com

The post Fatos Nano feston datëlindjen, sa vjeç mbush kreu socialist dhe urimi special appeared first on Albeu.com.

Rama nuk vendosi gishtin vetëm tek një problematik e caktuar, por tha se kishte disa faktorë të ndryshëm që ndikuan në humbje.

Rama dha dorëheqjen dhe njoftoi largimin nga LSI përmes një statusi në Facebook. Këtu deklaroi se ka marrë mbështetjen e ndjekësve, ndërsa disa vunë re heshtjen e drejtuesve të tjerë të LSI-së për këtë dorëheqje. Luan Rama i thumboi.

“Për mua ka rëndësi që ato mesazhe, komente, like dhe që kam marrë në Facebook dhe në telefonata janë të gjitha mesazhe solidarizimi me vendimin tim. Mua nuk më intereson dikush që ka marrë më pak vota se komentet dhe like-t që kam marrë unë në Facebook”, tha ai në një intervistë për Neës24.

Kujt iu drejtua kjo ironi e Luan Ramës? Njëri prej emrave me të cilin u përplas gjatë fushatës brenda LSI-së ishte Petrit Vasili. Ky i fundit mori vetëm 362 vota në Tiranë, por do të jetë në Parlamentin e ri pas zgjedhjes së Monika Kryemadhit për të përfaqësuar qarkun e Fierit dhe jo Tiranën./albeu.com

The post Luan Rama “thumbon” Vasilin: Nuk më shqetësojnë ata që morën më pak vota se sa marr unë like në Facebook appeared first on Albeu.com.

Rama ka dhënë arsyet për këtë largim duke u shprehur se drejtuesi mban përgjegjësi, duke iu referuar humbjes në zgjedhjet e fundit parlamentare.

Postimi i Luan Ramës:

Humba në zgjedhje, largohem nga të gjitha funksionet në LSI.

DREJTUESI MBAN PËRGJEGJËSI
EDHE KUR NUK ËSHTË PËRGJEGJËS
Pa asnjë mëdyshje, me bindje dhe shumë ndershmërisht, në përputhje të plotë me parimet dhe kodin tim moral dhe politik sipas të cilit, drejtuesi mban përgjegjësi edhe kur nuk është përgjegjës, kam vendosur të ndërpres angazhimin tim prej të gjithë funksioneve dhe përgjegjësive partiake të përfaqësimit në strukturat dhe forumet drejtuese të Lëvizjes Socialiste për Integrim, duke marrë në këtë mënyrë përgjegjësitë që më takojnë për humbjen e LSI-së në qarkun e Vlorës.
Rezultati i zgjedhjeve që LSI arriti në qarkun e Vlorës, është nën nivelin e mundësive reale të votuesve që LSI ka në atë qark. Është rezultat i papërligjur politikisht, larg pritshmërive dhe objektivave të përcaktuar.
Për rrjedhojë, pavarësisht rrethanave specifike dhe paradoksalisht penguese prej faktorësh jashtëpolitike që u krijuan në Vlorë, unë nuk mund të justifikohem, edhe pse u përpoqa të punoj ndershmërisht dhe me shumë përkushtim me të gjithë anëtarët, simpatizantët dhe votuesit e LSI-së në qarkun e Vlorës.
Nga sa na jep mundësi të lexojmë sot rezultati që përfundimisht është fiksuar në dokumentat zgjedhore, nuk mjaftoi puna që bëmë.
Nuk mjaftoi as kontributi dhe e gjithë përvoja ime politike e tridhjetë viteve.
Nuk mjaftuan as përpjekjet e mia për të krijuar kohezionin e domosdoshëm shpirtëror në kësi rastesh, duke u ngritur mbi pengesat, intrigat dhe shpifjet e gjithëfarëllojshme, që LSI të arrinte rezultatin që meritonte.
Me sa duket, kultura dhe etika e komunikimit publik, thjeshtësia dhe sinqeriteti në marrëdhënit brenda partisë dhe të partisë me qytetarët, qytetaria dhe fryma e tolerancës, nuk mjaftuan që unë dhe LSI të votoheshim për ta përfaqësuar Vlorën në Kuvendin e Shqipërisë.
Vendimi im për të ndërprerë angazhimin prej të gjitha funksioneve dhe përgjegjësive partiake të përfaqësimit në strukturat dhe forumet drejtuese të Lëvizjes Socialiste për Integrim, është në koherencë edhe me frymën dhe përmbajtjen e Programit Politik dhe të Statutit të LSI-së, e cila duke qenë forcë përfaqësuese e rinisë kryesisht, por edhe e më të rriturve me mendësi, mentalitet dhe vizion të ri, duhet të ofrojë modele sjelljesh dhe qasjesh politike që motivohen nga interesi i vendit para atij të partisë në rradhë të parë, dhe nga interesi i partisë para atij të individit më tej.
Sot, 13 vjet pasi unë u bashkova me familjen e madhe me emrin Lëvizja Socialiste për Integrim, kam gjithë të drejtën të ndjehem i lumtur që kam qenë njëri nga pjestarët e kësaj familje, e cila ka luajtur rol të rëndësishëm dhe shpeshherë përcaktues në historinë politike dhe qeverisëse në Shqipëri, ashtu sikundër ndjehem krenar që emri im asnjëherë dhe për asnjë rast të vetëm, nuk i ka krijuar asnjë kosto dhe asnjë problem LSI-së.
Askush, kurrkund dhe në asnjë rast nuk e ka përdorur dot emrin tim për të përgojuar, për të goditur apo për të përbaltur LSI-në.
Me angazhimin, kontributin, perpjekjen dhe fjalën time modeste, por gjithnjë me zemër, me qytetari dhe pa asnjë hezitim e mëdyshje, jam munduar t’ia shpërblej LSI-së gjithë besimin që më ka dhënë, duke qenë një përfaqësues i denjë i saj, gjithkund ku më është dashur të jem i pranishëm, në forumet e partisë apo në Kuvend, në takimet me qytetarë apo në mediumet intelektuale, brenda apo jashtë vendit.
Kam patur nderim dhe përgjegjësinë, por edhe kam qenë i privilegjuar të ushtroj detyra të larta në forumet drejtuese të LSI-së, si dhe ta përfaqësoj atë në dy legjislatura si deputet në Kuvendin e Shqipërisë.
Ndaj, sot e ndjej gjithashtu për detyrim moral dhe qytetar të falenderoj edhe publikisht ish kryetarin Ilir Meta për besimin dhe mbështetjen që më ka dhënë prej ditës time të parë në LSI e deri në zgjedhjet e vitit 2017, ashtu sikundër shpreh mirënjohje dhe respekt për kryetaren e LSI-së Monika Kryemadhi, e cila më besoi detyrën e zëvendëskryetarit të partisë dhe punuam sëbashku përgjatë një kohe shumë të vështirë.
Nuk mund të mos falenderoj edhe të gjithë ish kolegët deputetë të LSI-së në të dy legjislaturat, anëtarët e kryesisë dhe të KDK-së dhe të gjithë ata anëtarë të LSI-së dhe LRI-në në të gjithë Shqipërinë, me të cilët më lidhi puna nga Tropoja deri në Konispol, pasi ata ishin frymëzimi dhe guximi për gjithë angazhimet e mia si njëri nga përfaqësuesit e zgjedhur për të drejtuar Lëvizjen Socialiste për Integrim.
Më duhet t’i veçoj në mirënjohjen time në këto rradhë, anëtarët, simpatizantët dhe të gjithë votuesit e LSI-së në qarkun e Vlorës që më pranuan, që më mbështetën, që më mësuan dhe më ndihmuan pa asnjë rezervë duke m’u bërë krah gjithkund e për çdo gjë, pavarësisht se nuk ia dolëm të fitonim në zgjedhje.
Unë atyre ua kam thënë me shumë seriozitet që në takimin tonë të parë, se nga rezultati i LSI-së në Vlorë do të kushtëzohej dhe përcaktohej edhe angazhimi im i mëtejmë në strukturat drejtuese të LSI-së.
Në shenjë respekti dhe vlerësimi për të gjithë ata, puna e të cilëve ka si komponente të parë mbajtjen e fjalës së dhënë, e gjej veten në legjitimitet të plotë moral, politik dhe qytetar edhe përpara tyre me vendimin që po shpall, duke i siguruar ata dhe votuesit e LSI-së në të gjithë vendin, se ky vendim nuk është akt ikjeje nga LSI dhe as braktisje e saj.
Aq më pak nuk është shitje e blerje. Nuk është tradhëti.
Gjithnjë vjen një kohë kur veçanërisht në angazhimet partiake dhe politike rrethanat, kushtet dhe foktorë të shumtë të imponojnë ndërmarrjen e vendimeve të vështirë.
Unë u gjenda pa dëshirën time përballë kësaj sfide, por me shumë kthjelltësi zgjodha një nga vendimet më të vështirë që më është dashur të ndërmarr ndonjëherë në të gjithë karrierën time politike, i bindur se është ndërkaq vendimi i duhur, vendimi më e drejtë.
Unë do të vazhdoj të jem kontributor dhe votues i LSI-së, për aq kohë sa LSI do të jetë forcë që gjeneron energji dhe ide e që bashkon rreth saj të rinj e të reja, progresistë dhe eurosocialistë, për sa kohë që LSI do të jetë forcë që ofron kontribute për integrimin euroatlantik të Shqipërisë.

The post Luan Rama largohet nga LSI: Humba zgjedhjet, dorëhiqem nga të gjitha funksionet appeared first on Albeu.com.

Ai ka reaguar për herë të parë, ku ka falenderuar vlonjatët për mbështetjen, dhe shkruan gjithashtu e është koha për refletim.

“Unë e dua Vlorën:

LSI ka siguruar gjithësej 4 mandate në rang vendi, dhe ky është një nga reagimet e para nga kjo forcë politike. Ndërkohë kryetarja Monika Kryemadhi, ende nuk ka bërë asnjë koment./albeu.com

The post Nuk fitoi mandatin e deputetit në Vlorë, reagon për herë parë Luan Rama appeared first on Albeu.com.

Pas procedimit penal të nisur ndaj shtetasit turk Abdul Gafur Balikci, i cili i kishte dhënë para një vlonjati me qëllim që të siguronte disa vota për LSI-në, në Vlorë ka reaguar edhe kandidati i kësaj force politike, i renditur i pari në listë, Luan Rama.

Në një postim në facebook, Rama i ka kërkuar Prokurorisë që të zbardhë të vërtetën dhe të zbatojë ligjin, pasi sipas tij kjo është një përpjekje për të provokuar apo për të shantazhuar anëtarët, simpatizantët dhe votuesit e LSI-së.

Postimi i plotë:

25 prilli – dita e madhe e fitores:

PROKURORIA TË ZBARDHË TË VËRTETËN DHE TË ZBATOJË LIGJIN

Asnjë makinacion, asnjë përpjekje për të provokuar apo për të shantazhuar anëtarët, simpatizantët dhe votuesit e LSI-së, nuk mund t’i shpëtojë banditët e rilindjes nga humbja e 25 prillit.

Manipulimi mediatik i një lajmi të shitur qëllimisht nga segmente kriminale brenda strukturave të Policisë së Shtetit në Vlorë për shitje e blerje votuesish në emër të LSI-së nga ana e qytetarit Abdulgafur Balikçi, është vetëm përpjekja e rradhës që synon të trembë e frikësojë votuesit.

Abdulgafur Balikçi apo Gafuri siç e njohin në Vlorë është shtetas shqiptar, është qytetar shqiptar me origjinë turke që jeton dhe punon ndershmërisht me profesionin e tij si mjek stomatolog, i angazhuar me shumë pasion në rradhët e LSI-së pasi braktisi sektin e rilindjes, e mu për këtë arsye është vënë në qendër të këtij skenari përbaltjeje dhe manipulimi.

Organet e zbatimit të ligjit të kryejnë detyrën me korrekstësi.

Duke qenë besimplotë se prokuroria do ta zbardhë të vërtetën, besoj se do të marrë në përgjegjësi penale edhe oficerët e policisë që kanë ushqyer portalet me lajme të rreme e politikisht të paragjykuara, duke dëshmuar se militantët e rilindjes në rradhët e policisë së shtetit janë një segment kriminal i saj.

Nëse mjeku Abdulgafur Balikçi apo çdo qytetar tjetër është i implikuar në shkelje të ligjit, le të ndëshkohet sipas ligjit, por këtë nuk mund t’a bëjë policia duke shitur lajme të pa konfirmuara nga organi i akuzës dhe të pa vlerësuara nga gjykata.

I proceduari turk është Abdul Gafur Balikci, i cili është përkrahur publikisht edhe nga kandidati për deputet i LSI-së, në Vlorë, i renditur i pari në listë, Luan Rama. Ndërsa vlonjati i proceduar është Juriseld Mucaj, 24 vjeç.

“Top Channel” ka mësuar se shtetasi turk ka edhe një klinikë dentare në Vlorë.

Mësohet se gjatë ndalimit të tyre, u është gjetur një bllok me emra, të personave që dyshohet se do u blinin votën si edhe u janë sekuestruar telefonat celularë për shkak se ka pasur biseda që konfirmonin këtë vepër penale.

Dy personat po procedohen penalisht dhe çështja do të ndiqet nga SPAK, si kompetenti për hetimin e krimeve zgjedhore.

Njoftimi i policisë:

Specialistët për Hetimin e Krimeve në Komisariatin e Policisë Vlorë, në vijim të punës për parandalimin dhe goditjen e krimeve zgjedhore, proceduan penalisht shtetasin turk A. B., 23 vjeç, banues në Vlorë dhe shtetasin J. M., 24 vjeç, banues në Vlorë.

Shtetasi J. M. dyshohet se në kohë të ndryshme ka marrë një shumë lekësh nga shtetasi A. B., për sigurimin e disa emrave personash të njohur prej tij për dhënie vote në zgjedhjet parlamentare 2021. 

Materialet i kaluan Prokurorisë së Rrethit Gjyqësor Vlorë dhe Prokurorisë së Posaçme SPAK Tiranë, për veprime të mëtejshme.

The post Bllok me emra që do t’i jepte lekë në shkëmbin të votës për LSI, reagon Luan Rama: Të zbardhet ngjarja appeared first on Albeu.com.

Rama thotë se një denoncim është bërë para disa ditësh në Komisionin Qendror të Zgjedhjeve. Po ashtu ai e vuri theksin tek fakti se numra telefonash nga zyrat politike të qeverisë, marrin dhe kontaktojnë, telefonojnë qytetarë, punonjës të administratës, publike ose jo.

Deklarata e plotë:

Ju falenderoj për prezencën tuaj në këtë komunikim me mediat, shtypin dhe përmes jush me të gjithë qytetarët e Vlorës në radhë të parë, me qytetarët e qarkut të Vlorës nga ura e Mifolit deri në Konispol, por edhe me të gjithë qytetarët shqiptarë, të cilët presin 25 prillin, ditën e madhe të ndarjes nga e keqja, të përmbysjes së regjimit dhe të rikthimit të qytetarëve në të drejtën e vendimmarrjes, në mënyrë që këto zgjedhje me integritet të plotë dhe me liri të plotë, të jenë konfirmimi real i vullnetit qytetar.

Unë si Zëvendëskryetar i LSI, edhe si drejtues politik i shtabit elektoral të qarkut të Vlorës, dua të bëj një falënderim të veçantë për të gjithë qytetarët e këtij qarku, për të gjithë qytetarët e Vlorës, të cilët me qytetari, me zemër dhe me bujari, jo vetëm më kanë pritur, jo vetëm më kanë mbështetur, por edhe më inkurajojnë për të vazhduar fushatën në emër të LSI-së, për të bërë të mundur fitoren në zgjedhjet e 25 prillit.

Unë ndjehem i privilegjuar, ndjehem i respektuar, ndjehem i nderuar, që duke qenë kandidat për deputet në listën e LSI në qarkun e Vlorës, jam në përbërje me një ekip të jashtëzakonshëm kandidatësh, të cilët me shumë pasion, me shumë qytetari, me vendosmëri, prej Grisejda Myslymajt dhe të gjithë të tjerët me radhë, edhe ata që janë dhe mbulojnë zonën e Sarandës, Delvinës, Konispolit. Pra Taqo Lapa në Sarandë, Dikens Bushaj, që është gjithashtu një djalë i jashtëzakonshëm, jo vetëm i Lëvizjes Rinore për Integrim, por i të gjithë rinisë vlonjate. Dhe me radhë pastaj të gjithë të tjerët, Alfred Aligjoni, Liri Dëma, Entela Shkurtaj, Gjergji Mano dhe me radhë të gjithë të tjerët, Everton Shehu, Anxhela Shehaj, Joana Ruçi dhe Ilir Hysi të cilët janë padyshim ekipi më i mirë i kandidatëve që i ofrohet qytetarëve të të gjithë qarkut në zgjedhjet e 25 prillit.

Mirëpo ndërkaq, në kontrast me këtë bujari, qytetari, zemërbardhësi dhe me të gjithë angazhimin qytetar për të na dëgjuar, për të na pritur, për të na mbështetur, edhe për të na votuar, ka disa raste skandaloze të përpjekjeve të dëshpëruara dhe nën panik, të përfaqësuesve të Rilindjes, të cilët vazhdojnë të përpiqen të intimidojnë, të frikësojnë, të bëjnë presion mbi njerëz të LSI-së, mbi votuesit tanë, mbi mbështetësit tanë, në mënyrë që të bëjnë të mundur trembjen dhe tërheqjen e tyre.

Unë si drejtues politik i qarkut, por edhe LSI, kemi bërë një denoncim prej disa ditësh në Komisionin Qendror të Zgjedhjeve, për funksionarë, drejtues institucionesh në Vlorë, që në kundërshtim me ligjin, në kundërshtim me Kodin Zgjedhor dhe në kundërshtim edhe me etikën e punonjësit të administratës shtetërore, janë të përfshirë drejtpërdrejte në zgjedhje, në përbërje të shtabeve politike të kandidatëve të Rilindjes. Ne kemi denoncuar publikisht, edhe njëherë unë po i denoncoj, Anjeza Shikon, drejtoreshë e tatimeve në Bashkinë e Vlorës, Françesko Muçajn, drejtor apo përgjegjës i zyrës së shërbimit të provës këtu në Vlorë, Klajdi Myzaferi, drejtor i Formimit Profesional në zyrën e punës, të cilët janë në shkelje të ligjit, janë në shkelje të Kodit Zgjedhor. Dhe si këta edhe punonjësit e administratës që ata drejtojnë edhe punonjës të tjerë të zyrës së shtetit. Dhe dua t’ua bëj të qartë që do përgjigjen ligjërisht. Nuk do të ketë as Damian dhe as Hasan që do të mundë t’i mbrojë nga ndëshkimi i ligjit.

Dua të bëj dhe një denoncim tjetër.

Numra telefonësh nga zyrat politike të Rilindjes, marrin dhe kontaktojnë, telefonojnë qytetarë, punonjës të administratës, publike ose jo. Biznesmenë apo qytetarë të tjerë në punën e tyre. Dhe ju kërkojnë informacion se për kë do të votojnë. Dhe ndërkaq pastaj i ftojnë përmes këtyre numrave telefonik dhe njëri nga numrat është ky numër nga shtabet politike të Rilindjes 069624363, nga i cili janë kontaktuar dhe veprimtarë edhe votues edhe të zgjedhur në forumet drejtuese të LSI. Dhe ju kërkohet nëse kanë ndonjë detyrim në shtet për të paguar që të shkojnë të zyra e kandidatit për deputet të Rilindjes që t’i zeroni t’ua u falin.

Keni nevojë për ndonjë certifikatë pronësie që të shkoni te zyra e kandidatit për deputet të Rilindjes dhe ta merrni. E keni bërë vaksinën që të shkoni pranë qendrës së vaksinimit dhe të kryeni vaksinën.

Këto lloj telefonatash janë shprehje e qartë e veprimit në kundërshtim me ligjin dhe e përpjekjes së dëshpëruar të Rilindjes për të bërë çfarë kanë në dorë edhe këto pak ditë që kanë mbetur, me dëshirën se mund të shpëtojnë nga humbja e tyre. Asnjë makinacion, asnjë presion, asnjë shantazh, asnjë lajm i fabrikuar, i trafikuar përmes kanalesh kriminale, për gjoja largim të njërit apo afrim të tjetrit, nuk do të mund dot të ndalë fitoren e LSI.

Unë jam këtu i vendosur në krye të detyrës, në përmbushje të përgjegjësive të mia, në luftë me të keqen në pushtet, që e ka emrin Rilindje.

Jam këtu i vendosur bashkë me 11 kandidatët e tjerë në listë por edhe me të gjitha shtabet politike por edhe elektorale të LSI për të luftuar me vendosmëri me qellim që pas 25 prillit të marrë  fund grabitja e pronave të vlonjateve, himariotëve dhe gjithë banorëve të Bregut, grabitja e pronave të orikumasve apo të qytetarëve dhe banorëve të Ksamilit, grabitja e pronave të sarandjotëve, sepse nëse është një detyrë dhe mision ende i papërmbushur deri në fund nga Rilindha, është pikërisht grabitja e këtyre pronave.

Unë jam këtu dhe për një arsye  tjetër; jo vetëm për të qenë bashkë me kandidatët e tjerë përfaqësues, mbrojtës, promovues dhe ekipi fitues i LSI por dhe këtë e kam thënë, vazhdoj ta bëj dhe do ta them hapur edhe për të qenë pranë të gjithë socialistëve të Vlorës, bashkëluftëtarëve të mi të kohëve të vështira që kur kemi themeluar PS, bashkëluftëtarëve të mi të vitit 92-93 por dhe të vitit 1997-1998 e me radhë, të cilët sot të diskriminuar, të anatemuar dhe të përjashtuar nga klanet e Rilindjes nuk gjejnë asnjë mundësi apo asnjë emër përfaqësimi në listat e tyre.

Unë jam këtu pra edhe për të gjithë ata të cilët duhet dhe do ta bëjnë siç ma kanë konfirmuar në të gjitha takimet dhe me ta, të më mbështesin, të më votojnë sepse unë do të jem zëri dhe përfaqësuesi i tyre në Kuvendin e ri pas zgjedhjeve të 25 prillit.

Por jam këtu t’i ftoj me zemër dhe me shpirt të më votojnë të gjithë veteranët, brezi i idealistëve të mëdhenj që sakrifikuan dhe dhanë gjithçka për Shqipërinë, për lirinë, për pavarësinë, për integritetin e saj.

Le të më votojnë pra të gjithë veteranët e Luftës Antifashiste Nacionalçlirimtare apo dhe veteranët e ndërtimit të Shqipërisë, të cilët me kanë patur, më kanë dhe do të më kenë si djalin e tyre.

Unë jam këtu që Vlora të fitojë , që Vlora të zgjedhë, që pas zgjedhjeve të 25 prillit të fillojë zgjidhja e madhe e problemeve që ka Vlora.

Unë e dua Vlorën sepse dua Shqipërinë.

The post Rama flet me emra: Kush janë funksionarët në Vlorë që janë përfshirë në zgjedhje appeared first on Albeu.com.