Nga ana tjetër, në Londër do të jetë në një vizitë zyrtare edhe presidenti ukrainas Volodymyr Zelenskyy.

Në një deklaratë në X, Macron dënoi sulmet e fundit ruse në Ukrainë, duke shtuar se Franca është “e vendosur të punojë me të gjithë partnerët për të siguruar masa për uljen e tensioneve dhe për të imponuar një armëpushim”.

Takimi i udhëheqësve të Britanisë, Francës dhe Gjermanisë vjen pas bisedimeve midis ukrainasve dhe amerikanëve, të cilat Zelenskyy i përshkroi si “konstruktive”.
Muajin e kaluar, të tre vendet hartuan një plan paqeje për t’iu kundërvënë atij të paraqitur nga SHBA-ja dhe Rusia.

Deri më tani, as Rusia dhe as Ukraina nuk kanë arritur një marrëveshje mbi atë që duhet të përfshihet në një plan të tillë, me tema që përfshijnë territorin dhe anëtarësimin në NATO të cilat janë në diskutim.

The post Zelensky nesër në Londër, Starmer bën bashkë edhe aleatët e Kievit, Macron e Merz appeared first on Albeu.com.

Në fokus të diskutimeve do të jenë bisedimet aktuale midis zyrtarëve amerikanë dhe ukrainas, të cilat kanë për qëllim gjetjen e një marrëveshjeje për të garantuar sigurinë e Ukrainës pas luftës.

Starmer ka theksuar vazhdimisht se Ukraina duhet të përcaktojë të ardhmen e saj dhe ka thënë se një forcë paqeruajtëse nga “koalicioni i gatshëm” do të luante një rol “thelbësor” në garantimin e sigurisë së vendit.

Të premten, negociatorët amerikanë dhe ukrainas në bisedime në Florida thanë se “progresi i vërtetë” drejt një marrëveshjeje paqeje varet nga “gatishmëria e Rusisë për të treguar angazhim serioz për paqe afatgjatë”.

Ndërkohë, administrata e Donald Trump po shtyn Kievin të pranojë një plan paqeje të mbështetur nga SHBA-ja.

Vladimir Putin ka refuzuar tashmë disa pjesë të planit, ndërsa integriteti territorial i Ukrainës dhe masat për të penguar sulme të ardhshme ruse janë bërë pika kyçe mosmarrëveshjeje për Moskën.

The post Marrëveshja për Ukrainën, Zelensky të hënën në Londër, pritet të takohet me Starmer, Macron dhe Friedrich Merz appeared first on Albeu.com.

Kryeministri Keir Starmer kishte premtuar të riparonte marrëdhëniet me BE-në, të cilat u tensionuan pas largimit të Britanisë në vitin 2020.

Në maj, Britania e Madhe dhe BE-ja njoftuan marrëveshje të reja për tregtinë, udhëtimin dhe mbrojtjen, të cilat kryeminsitri Starmer i quajti një situatë “fitore për të dyja palët”.

Plani parashikonte që industria britanike e mbrojtjes të kishte qasje në një program kredish prej 150 miliardë eurosh (170 miliardë dollarë), të quajtur “Security Action for Europe” (SAFE), krijuar për të ndihmuar Ukrainën dhe pjesën tjetër të Evropës të mbrojnë veten.

Kjo do t’u mundësonte kompanive britanike të siguronin kredi të lira të mbështetura nga BE për blerjen e pajisjeve ushtarake.

Por negociatat u bllokuan për shkak të financave, pasi BE –ja kërkoi më shumë para për pjesëmarrjen e Britanisë nga sa Londra ishte e gatshme të paguante.

“Negociatat u zhvilluan me mirëbesim, por pozicioni ynë ka qenë gjithmonë i qartë; ne do të nënshkruajmë vetëm marrëveshje që janë në interesin kombëtar dhe që ofrojnë vlerë për paratë”. tha NickTomas -Symonds, sekretari britanik për Marrëdhëniet me BE-në.

The post Dështojnë bisedimet Londër – BE për fondin e mbrojtjes appeared first on Albeu.com.

Duke iu referuar sulmit të armatosur në Banjskë, Kurti tha se akti terrorist nuk mund të injorohet dhe kërkoi drejtësi për ngjarjen.

“Milan Radoiçiq ka pranuar përgjegjësinë, por drejtësia ende nuk është vënë në vend. Fqinjit tonë armiqësor në veri nuk duhet t’i lejohet të veprojë me pandëshkueshmëri, pasi kjo nxit inkursione të reja dhe dërgon sinjal të rrezikshëm se sulmet ndaj sovranitetit të Kosovës mund të mbeten të pandëshkuara,” u shpreh ai.

Kurti theksoi gjithashtu përpjekjet e Kosovës për të forcuar institucionet demokratike dhe luftën kundër korrupsionit, duke theksuar se sfidat për destabilizim nuk kanë pushuar.

Në fjalën e tij, Kryeministri i përmendi edhe çështjet e sigurisë rajonale dhe emigracionit, duke nënvizuar se Kosova nuk është burim migracioni, por vetëm një pikë tranziti me numra relativisht të ulët.

Ai siguroi partnerët ndërkombëtarë për përkushtimin e vendit ndaj menaxhimit të sfidave të përbashkëta, duke përfshirë luftën kundër trafikimit të armëve të vogla dhe të lehta, të përdorura si nga aktorë jo-shtetërorë, ashtu edhe nga shtete me qëllime keqdashëse.

The post Kurti në Londër: Sulmi në Banjskë s’mund të harrohet, drejtësia nuk ka ardhur appeared first on Albeu.com.

Siç shihet edhe në këto pamje që janë publikuar nga mediat e huaja, Rama qëndron pranë Albin Kurtit, të cilët kanë zhvilluar edhe një takim me mbertin Charles III.

Takimi eshte zhvilluar paditen e djeshme gjatë një pritjeje qe iu bë udhëheqësve të Ballkanit Perëndimor në Pallatin St James, Londër.

Në këtë samit marrin pjesë liderët e Shqipërisë, Kosovës, Serbisë, Malit të Zi, Bosnje-Hercegovinës dhe Maqedonisë së Veriut, si edhe përfaqësues të vendeve të BE-së dhe të Britanisë së Madhe, e cila këtë vit ka kryesinë e procesit.

The post Pas përplasjes për UÇK-në, Edi Rama pranë Albin Kurtit në Londër, kryeministri shtrëngon duart me Mbretin Charles appeared first on Albeu.com.

“MIRËMËNGJES dhe me fotoalbumin e ditës së djeshme në Londër, teksa sot vijojmë me Samitin e Procesit të Berlinit, ju uroj një ditë të mbarë”, shkruan Rama.

The post Rama ndan pamjet nga forumi ndërkombëtar i sigurisë në Londër appeared first on Albeu.com.

Rama tha se takimet me liderin ukrainas e bëjnë të reflektojë mbi realitetin relativ të problemeve që përjetojnë vendet e ndryshme.

“Sa herë që kam shansin të takoj Zelenskyn dhe më pyet ‘Si je?’, unë i them: kur të shoh ty jam njeriu më i lumtur i botës dhe vendi im është parajsa, sepse nuk ka sirena gjatë natës dhe nuk ka bombardime. Gjithçka është relative,” – tha Rama.

Duke komentuar mbi rrugëtimin evropian të Shqipërisë, kreu i qeverisë theksoi se vendi ndodhet në një moment përshpejtimi dhe stabiliteti që duhet vlerësuar më shumë nga qytetarët.

“Kemi prirjen ta harrojmë të keqen dhe nuk mjaftohemi kurrë me të mirën. Por në fund të fundit, mendoj se Shqipëria është në një pozitë të mirë. Jemi në një moment përshpejtimi të madh në rrugën drejt BE-së,” – deklaroi ai.

Edi Rama: Rendi i ri shumëpalësh sigurtisht që do të vijë. Unë uroj të mos vijë me çmimin e lartë të luftës së tretë botërore. Ka kaq shumë verbëri, kaq shumë fragmentarizim, kaq shumë provokim, kaq shumë urrejtje në këtë botë që asgjë nuk është e përjashtuar.

Sa herë që kam shansin të takoj Zelenskyn dhe më pyet si je , si po shkojnë gjërat. Unë i them kur të shoh ty jam njeriu më i lumtur i botës dhe vendi im është parajsa, sepse nuk ka sirena gjatë natës dhe nuk ka bombardime. Kështu që gjithçka është relative. Sigurisht jemi bërë në mënyrë të tillë që kemi prirjen ta harrojmë të keqen dhe nuk mjaftohemi kurrë me të mirën. Por në fund të fundit mendoj se Shqipëria është në një pozitë të mirë. Tani jemi në një moment përshpejtimi shumë të madh në rrugëtimin tonë drejt BE-së.

The post “Sa herë që shoh Zelenskyn i them se jam njeriu më i lumtur në botë”, Rama: Vendi im është parajsa, sepse nuk ka sirena gjatë natës appeared first on Albeu.com.

Protesta “Unite the Kingdom”, u organizua nga aktivisti politik i ekstremit të djathtë Tommy Robinson.

Kundërprotestuesit u dyndën gjithashtu në kryeqytetin britanik.

Shërbimi i Policisë Metropolitane, tha në mediat sociale të shtunën se sulmet e raportuara ndodhën pasi demonstruesit në marshimin “Unite the Kingdom” shkelën një “zonë sigurie” të vendosur, për të mbajtur larg protestuesit dhe kundërprotestuesit.

Forca policore tha: “Oficerëve u është dashur të ndërhyjnë në vende të shumta për të ndaluar protestuesit e lëvizjes “Unite the Kingdom” që përpiqen të hyjnë në zona sterile, të thyejnë kordonet e policisë ose të arrijnë te grupet kundërshtare. Një numër oficerësh janë sulmuar”.

Shërbimi tha se 26 oficerë u plagosën në përleshje dhe 25 persona u arrestuan.

Kryebashkiaku i Londrës, Sadiq Khan, tha se “dhuna dhe sulmi ndaj oficerëve të policisë është plotësisht e papranueshme”.

Demonstruesit, duke valëvitur flamuj të Mbretërisë së Bashkuar dhe Anglisë marshuan drejt Whitehall, lagjes së Londrës ku ndodhen kryeministri dhe departamentet qeveritare.

Kjo vjen pas një vere protestash kundër emigracionit në të gjithë vendin, disa prej të cilave u bënë të dhunshme.

Flamujt britanikë dhe anglezë janë bërë gjithashtu të zakonshëm në qytete dhe qyteza në të gjithë vendin, së bashku me protestat.

“Britania më në fund është zgjuar. Kemi pritur me dekada”, tha Robinson, emri i vërtetë i të cilit është Stephen Yaxley-Lennon, në një video. “Patriotizmi është e ardhmja, kufijtë janë e ardhmja dhe ne duam lirinë e fjalës”, tha ai.

Robinson, themeluesi i Lidhjes Angleze të Mbrojtjes (EDL) anti-emigracion, tashmë e shfuqizuar, u lirua nga burgu në fillim të këtij viti, pasi ishte burgosur për shpërfillje të gjykatës duke përsëritur akuza të rreme për një refugjat sirian.

Komandantja Clair Haynes nga Policia Metropolitane, pranoi përpara protestës së së shtunës se shumë londinezë myslimanë mund të kenë “shqetësime të veçanta” në lidhje me marshimin “Unite the Kingdom”, “duke pasur parasysh të dhënat e retorikës anti-islam dhe incidentet e brohoritjeve fyese nga një pakicë në marshimet e mëparshme”.

“Ka pasur disa sugjerime që londinezët myslimanë duhet të ndryshojnë sjelljen e tyre këtë të shtunë, duke përfshirë edhe mos hyrjen në qytet. Kjo nuk është këshilla jonë. Të gjithë duhet të ndihen të sigurt duke udhëtuar për në Londër dhe përreth saj”, tha ajo në një deklaratë të lëshuar nga forcat policore të premten.

Ndërkohë, turma të mëdha u mblodhën për një kundërprotestë. Politikanë, përfshirë të krahut të majtë John McDonnell dhe Diane Abbott, mbajtën fjalime. Protestuesit brohoritën fraza si “pa drejtësi, pa paqe, pa fashistë në rrugët tona” dhe “kështu duket komuniteti”.

Miliarderi i teknologjisë Elon Musk, ishte një nga ata që foli me protestuesit në Whitehall; ndërsa 5,000 njerëz iu bashkuan një kundërproteste të afërt të organizuar nga Stand Up To Racism.

Sangita Myska, një gazetare që mori pjesë në kundërprotestën, tha në një postim në mediat sociale se; “njerëz të të gjitha bindjeve politike, klasave, racave, gjinive dhe aftësive po bashkohen për të treguar se retorika e mbushur me urrejtje e Tommy Robinson (i njohur edhe si Yaxley-Lennon) nuk përfaqëson vlerat e vërteta britanike”.

The post Tubim masiv kundër emigracionit në Londër/ Nga plagosjet e oficerëve te arrestimet dhe ndërhyrja e Elon Musk, çfarë ndodhi në protestën “Unite the Kingdom” (VIDEO) appeared first on Albeu.com.

Atmosfera në Londër është tejet e tensionuar, ndërsa turma të mëdha njerëzish kanë dalë në rrugë për të marrë pjesë në dy protesta të kundërta, një demonstratë e organizuar nga aktivisti i ekstremit të djathtë Tommy Robinson “në emër të lirisë së shprehjes”, dhe një kundër-demonstratë nga organizatat antifashiste. Rreth 1,600 oficerë policie janë vendosur në terren për të mbikëqyrur situatën dhe për të ruajtur rendin publik.

Tommy Robinson, emri i vërtetë i të cilit është Stephen Yaxley-Lennon (42 vjeç), është i njohur për qëndrimet e tij anti-imigrante dhe anti-islamike. Ai ka pasur disa përplasje me ligjin, përfshirë burgosjen në vitin 2018 për shpërfillje të gjykatës dhe në vitin 2024 për akuza të rreme kundër një refugjati sirian.

Përmes një postimi në rrjetin social X, Robinson shkroi: “Marshoni për vendin tuaj, marshoni për liri, marshoni për fëmijët tuaj, marshoni për Charlie Kirk”, duke iu referuar vrasjes së aktivistit konservator amerikan Charlie Kirk në Utah — një ngjarje që ka shkaktuar reagime të shumta në radhët e së djathtës.

Protesta e organizuar nga Robinson ishte planifikuar të niste në orën 10:00 të mëngjesit (ora lokale), e ndjekur nga një marshim drejt Whitehall. Organizatorët kishin paralajmëruar pjesëmarrjen e disa figurave të njohura nga e djathta ekstreme ndërkombëtare, përfshirë ish-këshilltarin e Donald Trump, Steve Bannon, si dhe liderin francez të partisë së ekstremit të djathtë Occupy, Eric Zemmour.

“Marshim kundër fashizmit”

Në të njëjtën kohë, organizata Stand Up to Racism UK ka organizuar një kundër-demonstratë në qendër të Londrës, me moton “Mirë se vini, refugjatë”. Pjesëmarrësit mbanin pankarta që promovonin barazinë dhe kundërshtonin ekstremizmin e djathtë.

Policia metropolitane është përgatitur për të mbajtur të ndara të dyja protestat, duke vendosur barriera fizike dhe rrugë të ndryshme për marshimet drejt Whitehall. Autoritetet synojnë që të shmangin çdo përplasje të drejtpërdrejtë midis grupeve dhe të sigurojnë një zhvillim sa më paqësor të protestave.

The post Tubime masive në Londër pas vrasjes së Charlie Kirk, mbi 1,600 oficerë policie në gatishmëri appeared first on Albeu.com.

“E kuptojmë ndjeshmërinë lidhur me këto çështje, por kur protesta paqësore kalon në kriminalitet, duke përfshirë lëndime për oficerët tanë, ne do të marrim veprime të menjëhershme,” tha Komandanti Adam Slonecki në një deklaratë.

Në një incident tjetër, tre burra u arrestuan mbrëmjen e së premtes jashtë një tjetër hoteli që përdorej për të strehuar azilkërkues në Epping, në lindje të Londrës.

Qeveria e Kryeministrit Keir Starmer fitoi një vendim gjykate të premten, i cili shfuqizoi një vendim të mëparshëm që kërkonte largimin e azilkërkuesve nga hoteli në Epping, ku një banor ishte akuzuar për sulm seksual.

Shqetësimi për imigracionin ka shpërthyer në krye të agjendës politike në Britani pas një rritjeje të migrantëve që përdorin anije të vogla për të arritur në vend.

Më shumë se 32,000 migrantë janë strehuar në rreth 200 hotele në të gjithë vendin deri në fund të qershorit, sipas të dhënave të qeverisë.

The post Tension në Londër: Policia arreston pesë protestues kundër azilkërkuesve appeared first on Albeu.com.