Italiani kaloi një super edicion ku fitoi Ligën e Kampionëve me Chelsean dhe pastaj edhe “Euro 2020” me Italinë.

Pavarësisht që nuk u shpall mesfushori më i mirë, italiani ka fituar çmimin e lojtarit të vitit nga UEFA.

Pas hedhjes së shortit, UEFA e shpalli si lojtari më i mirë për vitin 2021, derisa mbetet kandidat edhe për Topin e Artë.

Pas përfundimit të shortit, do të bëhet edhe ndarja e çmimeve të lojtarit dhe trajnerit më të mirë të vitit.

Tre lojtarët e nominuar për çmimin e më të mirit të vitit janë: Kevin De Bruyne, N’Golo Kante dhe Jorginho.

Të tre ishin të suksesshëm me skuadrat e tyre, belgu duke fituar titullin e ligës dhe kupën Carabao me Man City, gjersa dy bashkëlojtarët tek Chelsea fituan Ligën e Kampionëve dhe Superkupën e Evropës.

Sidoqoftë, Jorginho mund të konsiderohet më i suksesshmi nga të nominuarit, pasi përpos trofeve me klubin, ai arriti të fitoj trofe edhe në nivel kombëtaresh, duke triumfuar në finalen e Europianit 2020 ndaj Anglisë.

Italiani thuhet se është favorit që ta fitojë këtë çmim gjatë ditës së sotme.

Në anën tjetër do të ketë një garë të ashpër edhe për çmimin e trajnerit më të mirë të vitit, aty ku të nominuar janë: Pep Guardiola, Roberto Mancini dhe Thomas Tuchel.

Spanjolli Pep fitoi dy trofe me Manchester Cityn këtë sezon, po aq sa Thomas Tuchel me Chelseam, kurse Mancini ishte fitues i “Euro 2020” me kombëtaren e Italisë.

Gara për trajnerin e vitit mund të jetë mes gjermanit Tuchel dhe italianit Mancini.

Ceremonia e hedhjes së shortit dhe ndarjes së çmimeve do të filloj nga ora 18:00.