Sipas Indipendent, ka qenë zëdhënësi i Kremlinit, Dmitry Peskov i cili u përgjigj se pak raporte në mediat britanike mund të merren seriozisht, duke ju referuar artikullit të publikuar nga Dailymail të shtunën, ku thuhej se agjentët rusë patën akses në telefonin e Truss, ndërsa ajo ishte ministre e Jashtme.

“Për fat të keq, ka mungesë të materialit në mediat britanike që mund të merren si serioze. Dhe ne i trajtojmë këto botime si shtyp të verdhë ,” shtoi Peskov.

Sipas raportit, hakerët fituan akses në “detajet tepër sekrete” të konsultimeve të Truss me aleatët e huaj, përveç mesazheve private të shkëmbyera me ndihmësin e saj të ngushtë, Kwazi Kwarteng, i cili më vonë u emërua ministër i financave.

Mesazhet dyshohet se mbulonin diskutimet midis ministrit të jashtëm të atëhershëm britanik dhe ministrave të jashtëm të vendeve të tjera rreth luftës në Ukrainë, duke përfshirë detajet e dërgesave të sistemit të armëve.

Gazeta britanike, duke cituar burime që nuk i përmend, flet për marrjen e mesazheve që mbulojnë një periudhë deri në një vit. Hakerimi i telefonit personal të Liz Truss u zbulua gjatë fushatës së saj për udhëheqjen e Partisë Konservatore në pushtet.

The post Kremlini mohon raportet se hakerat rusë kanë hakuar telefonin e Liz Truss appeared first on Albeu.com.

“Aktualisht, vendi ynë po përballet me një krizë të thellë ekonomike. Pasojat e Covid vazhdojnë ende dhe lufta në Ukrainë ka destabilizuar tregjet në mbarë botën”, thotë ai.

Ai shtoi se Liz Truss kishte të drejtë që donte të përmirësonte rritjen dhe se ky ishte një “qëllim fisnik”.

“Por janë bërë gabime”, theksoi Sunak, duke shtuar se është zgjedhur kryeministër për t’i ndrequr ato.

Kryeministri britanik tha se do të vijnë ‘vendime të vështira’ sepse “nuk do të lërë brezin e ardhshëm të zgjidhë problemin e borxhit”.

“Ju ishit dëshmitarë, gjatë Covid bëra gjithçka që munda për të mbrojtur njerëzit dhe bizneset. Por ju premtoj se do të kem të njëjtën dhembshuri për sfidat me të cilat përballemi sot.

Qeveria që unë drejtoj nuk do t’i lërë brezit të ardhshëm, fëmijët dhe nipërit tuaj, me një borxh për të shlyer që ne ishim shumë të dobët për ta paguar vetë. Unë do ta bashkoj vendin tonë jo me fjalë, por me vepra. Unë do të punoj çdo ditë për ju. Kjo qeveri do të ketë integritet, profesionalizëm dhe llogaridhënie në çdo nivel”, tha ai.

The post “Do të ndreq gabimet e Truss”, Sunak mban fjalimin e parë si kryeministër i Britanisë appeared first on Albeu.com.

“Ne po rimarrim autonominë tonë të energjisë”, pohoi Truss, e cila  vuri në dukje se kemi shpëtuar disa kompani nga falimentimi.

Në të njëjtën kohë, ajo kërkoi “të përfitojmë nga liritë që na jep Brexit”

“Unë besoj tek Britania dhe e njoh popullin britanik dhe besoj që na presin ditë më të mira përpara,” përfundoi Liz Truss.

Liz Truss dha dorëheqjen javën e kaluar pas vetëm shtatë javësh si kryeministre, duke e bërë atë kryeministren me mandatin më të shkurtër në historinë britanike.

Fjalimi i fundit i Liz Truss në Parlament u mbajt të martën e kaluar, por zgjati vetëm 90 sekonda, kështu që ky është shansi i saj i fundit për të dhënë pikëpamjet e saj.

The post Truss mban fjalimin e fundit si kryeministre e Britanisë: Ditë të mira na presin përpara appeared first on Albeu.com.

Partia Konservatore është një grup prej rreth 180,000 njerëzish që janë më të pasur dhe më moshë më të madhe se një qytetar mesatar i Mbretërisë së Bashkuar.

Ishte pikërisht ky grup, më shumë se kolegët deputetë të Truss, që e zgjodhën atë si drejtuese të Partisë Konservatore. Ishte gjithashtu ky grup që miratoi politikat që ajo u përpoq të impononte në vend, duke shkaktuar protesta nga popullata dhe tregjet.

Kjo metodë e zgjedhjes së liderit të partisë duhet të ndryshohet, e cila u hartua kur konservatorët ishin të fundit në opozitë (1997-2010).

Zgjedhja e kreut të Partisë Konservatore është në mënyrë rigoroze një çështje e brendshme të Partisë Konservatore. Dhe sigurisht është diçka pozitive kur jeni në opozitë. Kur jeni në pushtet, të ndryshosh liderin e partisë konservatore do të thotë të ndryshosh kryeministrin.

Diçka e tillë dobëson legjitimitetin e kujtdo që bëhet kryeministri i ri në mesin e elektoratit më të gjerë të Mbretërisë së Bashkuar.

Konservatorët mbështetën Boris Johnson sepse ai premtoi se do ti jepte fund “Brexit”. Sidoqoftë, shumica prej 80 vendesh që ai fitoi në 2019 krijoi përshtypjen se elektorati po votonte për një lider (Johnson) dhe jo për një parti (konservatorët).

Por nëse kjo mbështetje e re kishte të bënte me Johnson-in dhe Brexit-in, në vend të mbështejtjes së përhershme te konservatorve, ishte pikërisht kjo që çoi në urgjencën për të rrëzuar Johnson dhe në politikat e dobëta të Truss.

Mbështetësit e rinj pro-Brexit të Johnson-it nuk kishin të njëjtat instinkte politike si shumica e konservatorëve.

Këtij grupi votuesish i pëlqen kur ndërhyn qeveria. Ata e pëlqyen Johnson-in kur ai premtoi të shpenzonte para dhe të menaxhonte pabarazitë e vazhdueshme midis Anglisë veriore dhe jugore – pabarazi të përkeqësuara nga veprimet e qeverive të Margaret Thatcher të viteve 1980.

Kështu, kur ai u zëvendësua nga Truss mbështetja u zhvendos me shpejtësi në veri, ku kujtimet e Grevës së Minatorëve 1984-85 janë ende të freskëta. Në periferi, votuesit konservatorë janë përballur me rritjen e pagesave të hipotekave dhe faturave të energjisë si rezultat i ideologjisë së “shtetit të vogël” të Truss.

Ndoshta nuk duhet të presim që një parti konservatore të ketë ide të reja (në fund të fundit, kjo është çështja). Por mungesa e ideve të reja është ajo që bie në sy. Brexit kishte një element nostalgjik në të.

Mini -buxheti i hartuar nga  Truss-Kwasi Kwarteng ngjasonte me atë të  viteve 1980.

Edhe tregjet nuk mund ta duronin presionin. Konservatorët kanë ngecur në një vend ku të gjitha idetë e tyre vijnë nga e kaluara e Britanisë.

Në mentalitetin e Partisë Konservatore, e kaluara nuk funksionon si një udhërrëfyes për të ardhmen, por si një pikë destinacioni.

Ata nuk kanë mësuar asgjë nga e gjithë kjo. Instinkti i kancelarit të ri Jeremy Hunt është që të mos kthehet në vitet 1980, por në vitet 2010.

Në vitin 2010,  David Cameron premtoi se do të menaxhonte situatën që kishte kapluar vendin, në atë që njihej,”Britania e thyer”. Zgjedhësit nuk e kuptuan se kjo ishte më shumë parashikuese sesa përshkruese.

Pa dyshim, ka qenë e vështirë të parashikohet dëshira e votuesve britanikë. Brexit, një tjetër produkt i ndarjes së brendshme të konservatorëve dhe menaxhimit të dobët të partisë, shkatërroi besnikërinë politike mes elektoratit.

Ishte kjo paqëndrueshmëri e votuesve që bëri që Theresa May të mbante zgjedhjet në 2017. Kjo është gjëja më e gabuar në politikën britanike që nga viti i kaluar, kur David Cameron humbi referendumin për Brexit.

Të gjitha këto janë në një farë mënyre probleme të brendshme të Partisë Konservatore. Votuesit e zemëruar nga masat shtrënguese iu drejtuan partisë populiste të krahut të djathtë UKIP, duke e detyruar Cameron të mbante një referendum për anëtarësimin në BE.

Cameron luajti kumar me politikën e lartë të anëtarësimit të Mbretërisë së Bashkuar në BE dhe humbi.

Për të realizuar të gjitha mundësitë iluzionare të Brexit, mbështetësit e tij më të zjarrtë u mbështetën te Johnson për të rrëzuar May. Johnson krijoi ngërçin parlamentar të Brexit-it dhe më pas u duk se e zgjidhi këtë plagë me fitoren e tij gjatë zgjedhjeve.

Megjithatë, ai shumë shpejt u përfshi në një sërë skandalesh dhe sjellja e tij më në fund rezultoi e tepërt. Më pas, pikërisht kur deputetët menduan se situata ishte e sigurt, Truss shkatërroi besimin e mbështetësve në Anglinë jugore me mini-buxhetin: ndoshta autogoli më spektakolar që kur Jamie Pollock shënoi kundër Mançesterit në 1998.

Prandaj shumica e konservatorëve e dinin që Truss duhej të jepte dorëheqjen, por ata nuk dinë më se cilat janë interesat e tyre dhe ato të vendit.

Ata po sillen si një parti që tashmë është në opozitë.

The post Ka diçka që nuk shkon me politikën britanike, ajo quhet “Partia Konservatore” appeared first on Albeu.com.

Sipas asaj që raporton Sky News, Johnson udhëtoi me “economy class” bashkë me gruan dhe fëmijën ndërsa fotoja është shkrepur nga Michael Herd i Sky News. Johnson dhe familja e tij hipën në aeroplan para të gjithë të tjerëve, dhe sipas korrespondentit amerikan Mark Stone, reagimet ishin të ndryshme.

Ai raporton se disa pasagjerë dukeshin “pak të hutuar” dhe kishte disa ngacmime, duke shtuar: “Z. Johnson është ulur në economy class, mjaft afër pjesës së pasme të avionit, me gruan dhe fëmijët e tij.”

“Ka veshur kostum dhe duket i zhytur në mendime, por pak çaste më parë një nga fëmijët e tij po i ngjitej sipër, një familje që po kthehej nga pushimet e tyre”.

Ish-kryeministri ndodhej në Republikën Domenikane dy javët e fundit, dhe kishte pasur shumë spekulime se kur do të kthehej. Nuk dihet nëse Johnson e ndërpreu udhëtimin për të zënë sërish vendin në krye të ekzekutivit apo nëse thjesht kishte datën për t’u kthyer.

The post Dorëheqja e Truss/ Johnson kthehet në Angli për të garuar sërish për kryeministër? appeared first on Albeu.com.

Zgjedhjet e ardhshme nuk do të mbahen deri në janar 2025, kjo është pesë vjet nga dita e mbledhjes së parë të Parlamentit aktual, plus kohën e fushatës zgjedhore.

Çdo vendim për mbajtjen e zgjedhjeve të mëparshme zakonisht i takon kryeministrit.

Përndryshe, një mocion mosbesimi ndaj kryeministrit në Dhomën e Komunave mund të detyrojë zgjedhje të përgjithshme.

Për të kaluar, mocioni do të duhej vetëm një votim më shumë pro sesa kundër. Nëse qeveria humbet votimin, normalisht do të thirreshin zgjedhjet e përgjithshme

Megjithatë, që një mocion mosbesimi të kalojë, deputetët konservatorë do të duhet të votojnë kundër qeverisë së tyre, gjë që shumë nuk do ta bënin.

The post Dorëheqja e kryeministres britanike, a mund të ketë së shpejti zgjedhje të përgjithshme? appeared first on Albeu.com.

Ai theksoi se SHBA dhe Britania e Madhe janë “aleatë të fortë dhe miq të qëndrueshëm”, duke thënë: “Ky fakt nuk do të ndryshojë kurrë”.

“Falënderoj kryeministren Liz Truss për partneritetin e saj në një sërë çështjesh, duke përfshirë mbajtjen e Rusisë përgjegjëse për luftën e saj kundër Ukrainës. Ne do të vazhdojmë bashkëpunimin tonë të ngushtë me qeverinë e Mbretërisë së Bashkuar ndërsa punojmë së bashku për të përballuar sfidat globale me të cilat përballen kombet tona”, tha Biden

Më herët, Emmanuel Macron tha se ishte e rëndësishme që Mbretëria e Bashkuar të gjente “stabilitet” sa më shpejt të jetë e mundur.

“Ne duam, mbi të gjitha, stabilitet,” tha ai. “Në nivel personal, jam gjithmonë i trishtuar kur shoh një koleg të largohet”./albeu.com

The post Lis Truss dha dorëheqjen, reagon presidenti i SHBA appeared first on Albeu.com.

Sterlina shkoi deri në 1.13 dollarë amerikanë përpara se të mbante fjalimin e saj, ndërsa tregjet parashikonin që Truss të largohej.

Por që atëherë ka rënë paksa dhe po tregtohej rreth 0.4% më e lartë në 1.126 dollarë amerikanë rreth 30 minuta pas deklaratës së saj.

Pas dorëheqjes, Truss deklaroi se do të qëndronte në detyrë deri sa të caktohej pasardhësi i saj.

Kandidati kryesor për të marrë postin e kryeministrit të Britanisë së Madhe është Rishi Sunak i cili u mposht në garën për kryetar të Partisë Konservatore dy muaj më parë, pikërisht nga Truss.

Asokohe, Sunak paralajmëroi rivalen e tij se planet e saj për uljen e taksave do ta çonin ekonominë britanike në rënie të lirë.

Rishi Sunak fitoi çdo raund votimesh mes deputetëve në garën për lider të Partisë Konservatore, por ka pikëpyetje nëse ai mund të ribashkojë partinë, pasi shihet si figura kryesore që luajti një rol kyç në largimin e Boris Johnson nga posti i kryeministrit./albeu.com

The post Dorëheqja e Liz Truss, paundi rritet pas reagimit të tregjeve financiare appeared first on Albeu.com.

Truss mori mandatin e saj të kryeministres dhe e ushtroi këtë detyre vetëm për 45 ditësh në detyrë.

Ajo tha se erdhi në detyrë në një kohë “paqëndrueshmërie të madhe ekonomike dhe ndërkombëtare”.

“Unë e njoh… duke pasur parasysh situatën, nuk mund ta dorëzoj mandatin me të cilin u zgjodha nga Partia Konservatore.”

Kujtojmë se problemet filluan kur kancelari i saj i parë, Kwasi Kwarteng, tronditi tregjet financiare me mini-buxhetin e tij më 23 shtator.

Që atëherë, shqetësimi i konservatorëve është shndërruar në zemërim të gjerë brenda partisë parlamentare.

Ata ranë dakord që brenda javës së ardhshme do të ketë zgjedhje për lidershipin, duke shtuar se ajo do të qëndrojë si kryeministre derisa të zgjidhet një pasardhës.

Ky është mandati më i shkurtër i postit të kryeministrit në Mbretërisë së Bashkuar.

Kryeministri i dytë më i shkurtër ishte George Canning, i cili shërbeu për 119 ditë pasi vdiq në 1827./albeu.com

The post Jep dorëheqjen kryeministrja britanike, Liz Truss appeared first on Albeu.com.

Sondazhi i YouGov zbuloi se katër në pesë konservatorë mendojnë se kryeministrja Truss nuk po e bën mirë punën e qeverisë dhe vetëm 38% e konservatorëve duan që ajo të qëndrojë në Downing Street.

Surpriza e madhe në sondazh është se paraardhësi i saj, Boris Johnson, po shfaqet si zgjedhja e preferuar për ta zëvendësuar atë. 32% e konservatorëve thonë se Johnson duhet të jetë pasardhësi i saj, e vetëm 23% votuan për Rishi Sunak. Ndërsa qeveria Truss shkel në ujëra të paeksploruara, gazeta “Daily Mail”, duke cituar një burim të paidentifikuar, tha se ish-ministri i financave Rishi Sunak ka mohuar se ka ndërmarrë veprime për ta rrëzuar Truss.

The post Sondazhi: Shumica konservatorëve duan largimin e Truss, 32% kërkojnë që Johnson të kthehet appeared first on Albeu.com.