Brenda luginave të zonave kufitare malore midis Greqisë dhe Shqipërisë, shkencëtarët çekë kanë eksploruar prej disa vitesh kushtet komplekse të nëndheshme.

Në rajonin e Vromonerit, në anën shqiptare të kufirit, ata hasën një sistem të gjerë shpellash në vitin 2021, të cilat që atëherë i kanë hartuar në detaje.

Sistemi përmban shumë burime të nxehta që lëshojnë kolona të larta avulli dhe gjurmimi i burimit të avullit i çoi ata drejt zbulimit të një humnere mbi 100 metra të thellë, të cilën e quajtën Atmos.

Në fund të asaj humnerë, ekipi ka konfirmuar zbulimin e liqenit termal nëntokësor më të madh në botë deri më sot.

Me një gjatësi prej 138 metrash, një gjerësi prej 42 metrash dhe një perimetër 345 metrash, mund të mbajë 8,335 m3 ujë të nxehtë.

Madhësia e dhomës së liqenit është tre herë më e madhe se salla kryesore e Teatrit Kombëtar në Pragë.

Harta e sistemit të shpellës dhe zbulimi i liqenit kërkuan pajisje teknike, të cilat u mundësuan nga “Fondacioni Neuron”.

Organizata çeke e financimit shkencor i dha ekspeditës gati 1 milion koruna çeke, të dhuruara nga dashamirës privatë dhe tani liqeni nëntokësor shqiptar ka marrë emrin Neuron, në nder të fondacionit.

Richard Bouda, një fotograf dhe speleolog, përshkruan se si u bë zbulimi: “Gjatë eksplorimit fillestar, ne krijuam një hartë bazë duke përdorur pajisjet që kishim. Ne e dinim që atëherë se kishim zbuluar diçka vërtet të veçantë”.

“Falë “Fondacionit Neuron”, kemi blerë një skaner celular LIDAR, i cili na lejoi të masnim të gjithë shpellën dhe të gjithë zonën e liqenit. Ne do të bashkëpunojmë edhe me hidrologët të cilët do të masin pjesën nënujore të atij liqeni duke përdorur një sonar – një sistem për zbulimin e objekteve nënujore”, tha ai.

Ekipi çek përdori teknologjinë më të fundit, “GeoSlam” – një lloj teknologjie skanimi 3D, duke krijuar modele të sakta të shpellës.

Procesi me të cilin është bërë shpella që përmban liqenin është gjithashtu e pazakontë.

Uji mineral i liqenit është i ngopur me sulfur hidrogjeni, i cili, në kontakt me ajrin, oksidohet dhe prodhon acid sulfurik – që në mënyrë të përsëritur e kthen shkëmbin gëlqeror në gips të butë.

“Puna e ekipit çek në Shqipëri do të kontribuojë për të kuptuar më mirë këtë lloj të rrallë të formimit të shpellave dhe ka shumë punë për të bërë atje”, tha Richard Bouda:

“Falë shkencëtarëve me të cilët punojmë, ne e dimë se burimet përreth ushqehen me ujë nga liqeni”, shtoi ai.

“Ne besojmë se ky zbulim mund të kontribuojë gjithashtu në mbrojtjen e të gjithë zonës dhe për të kuptuar më mirë hidrologjinë e saj – pasi deri më sot askush nuk e di se si janë të lidhura saktësisht këto ujëra nëntokësore me sipërfaqen”, tha ai.

The post Zbulohet në Shqipëri, liqeni termal nëntoksor më i madh në botë appeared first on Albeu.com.

Investimet e bashkisë së Tiranës e kanë transformuar këtë park jo vetëm me korsitë e biçikletave, molin e varkave, por edhe duke krijuar kënde sportive dhe argëtuese, të cilat frekuentohen nga qytetarë të moshave të ndryshme.
Kryeministri Edi Rama ndau sot në rrjetet sociale foto nga Parku i Madh, të cilin e cilësoi një oaz të qetë të Tiranës.
Investimet në rrugë, ndërtimi i parqeve për fëmijë, shtimi i pemëve, sistemimi i koshave të mbeturinave, këndet sportive, lulishte dhe ndriçimi e bëjnë parkun, destinacion të preferuar për kryeqytet.

Shëtitorja e re me pista pedalimi e vrapimi me rrjet të ri ndriçimi, rrugicat ndërlidhëse, palestër në natyrë, si dhe fusha multisportive janë kthyer në atraksione për qindra kryeqytetas.  Parkut të Liqenit i është shtuar edhe Pagoda, një objekt origjinal që sjell traditën kineze të ndërtimit në Shqipëri, duke shërbyer si vend relaksi dhe bisedash mes miqve.

Në park është rikonstruktuar edhe moli i Liqenit të Tiranës, ku veç shkallëve u bë ndërtimi i tij nga e para. Për të qenë i aksesueshëm edhe në orët e mbrëmjes, ai është pajisur me sistem ndriçimi, ndërsa nuk mungon as gjelbërimi.

The post Rama: Parku i Madh i Liqenit, oaz i qetë i Tiranës appeared first on Albeu.com.

Një grua 60-vjeçare është gjetur e vetëmbytur në Liqenin Artificial të Tiranës.

Ajo është gjetur sot rreth orës 11:00, ndërsa policia thotë se po punon për sqarimin e rrethanave të ngjarjes.

“Më datë 17.08.2024, rreth orës 11:00, te Liqeni Artificial, është gjetur dyshohet e vetëmbytur një shtetase e seksit femër rreth 60 vjeçe.

Grupi hetimor po punon për identifikimin e saj dhe sqarimin e rrethanave të ngjarjes.”

The post E rëndë në Tiranë! Gjendet një grua e vetëmbytur në Liqenin Artificial appeared first on Albeu.com.

Trupi i pajetë po dërgohet në morgun e spitalit, ndërkohë që grupi hetimor punon për zbardhjen e rrethanave të ngjarjes.

Njoftimi i Policisë:

Vau i Dejës/Informacion paraprak

Sot, në Koman, shtetasja franceze S. T., 39 vjeçe, në momentin që ka rënë në kontakt me ujin në liqenin e Komanit, dyshohet se ka pësuar arrest kardiak dhe si pasojë ka humbur jetën.
Trupi i pajetë i 39 vjeçares është nxjerrë nga uji dhe po dergohet në morgun e spitalit.
Grupi hetimor nën drejtimin e Prokurorise ndodhet në vendngjarje dhe po punon për sqarimin e plotë të rrethanave të rastit.

The post Pësoi arrest kardiak sapo u fut në liqenin e Komanit, ndërron jetë turistja franceze appeared first on Albeu.com.

Sipas policisë ngjarja ka ndodhur në zonën e Liqenit në Tiranë, pranë një shkolle private.

“U referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punohet për kapjen e shtetasit R. K., 56 vjeç, banues në Tiranë, pasi te Parku i Liqenit Artificial, pranë një shkolle private, dyshohet se ka ngacmuar seksualisht dhe ka kërcënuar me një mjet prerës, një 34-vjeçare”, thote policia.

The post Ngacmoi se*sualisht një vajzë te zona e Liqenit dhe e kërcënoi me thikë, shpallet në kërkim 56-vjeçari appeared first on Albeu.com.

Kryetari i Bashkisë së Tiranës, celebroi Lediana Hajro me Ali Kadir Oz dhe Marsida Xhaferi me Emiliano Muça, në Liqenin e Çerkezës. Pas celebrimit, çiftet mbollën edhe pemë, si simbolikë e dashurisë së tyre. Veliaj theksoi se vetëm në sajë të dashurisë dhe mirësisë për njëri-tjetrin, qyteti mund të ecë përpara.

“Përveç se u uroj atyre një të ardhme të shkëlqyer dhe të trashëgohen, dua t’ju uroj të gjithë qytetarëve të Tiranës më shumë dashuri sot. Ky qytet është ndërtuar nga dashuria. Kur kemi pasur mllefe dhe kundërshti me njëri-tjetrin, kemi ngelur mbrapa; kur kemi pasur dashuri jemi shtuar e kemi përparuar. Pak a shumë si një familje: dashuria çon një familje përpara, dashuria e çon edhe një qytet përpara. Siç një punë në familje buron nga dashuria, ashtu edhe punët e qytetit kur bëhen me dashuri, i çojnë përpara”, u shpreh Veliaj.

Kryebashkiaku vlerësoi investimin e bërë tek liqeni i Çerkezës dhe shtoi se kjo zonë, falë punës së bashkisë, do të kthehet në një zonë fantastike.

Përfundimi i rrugës së Çerkezës në Zall-Herr pritet të rrisë edhe zhvillimin ekonomik të zonës, pasi jo vetëm i afron më shumë me tregjet, por e kthen zonën edhe në një atraksion më të lehtë për t’u eksploruar nga turistët vendas dhe të huaj. Pas këtij investimi, Bashkia e Tiranës synon të ndërtojë edhe një tjetër aks të rëndësishëm për banorët e zonës, atë që lidh Zall Herrin me Rrugën e Arbrit.

The post Dasmë në Ditën e të Dashuruarve! Veliaj kurorëzon dy çifte në liqenin e Çerkezës appeared first on Albeu.com.

Shkencëtarët në Strehën Kombëtare të Kafshëve të Egra në Kealia në Maui kanë monitoruar ndryshimin e ngjyrës në ujërat e liqenit që nga 30 tetori.

Siç theksoi menaxheri i strehës, Brett Wolff, ai u informua nga një qytetar që ecte përgjatë brigjeve se “diçka e çuditshme po ndodh këtu”.

Wolff u alarmua, duke besuar se ngjyra rozë ishte një tregues i algave të tepërta. Megjithatë, testet laboratorike treguan se një organizëm i quajtur halobaktere ishte “përgjegjës” për ndryshimin.

Officials in Hawaii are trying to understand what is causing a coastal pond on Maui to turn pink. There are some indications that drought may be to blame. U.S. Fish and Wildlife staff at the Kealia Pond National Wildlife Refuge have been monitoring the water since Oct. 30. pic.twitter.com/3kHOT8xtew

— The Associated Press (@AP) November 10, 2023

Sipas Guardian, halobakteret janë organizma njëqelizorë që lulëzojnë në trupa ujorë me përqendrime të larta kripe, kjo është arsyeja pse ato konsiderohen “ekstremofile”, domethënë organizma që lulëzojnë në kushte ekstreme për shumicën e gjallesave.

Kripësia në liqenin Kealia është aktualisht dyfishi i ujit të detit.

Sipas të njëjtave informacione, thatësira e Mauit ndoshta kontribuon në këtë fenomen. Në rrethana normale, sipas Wolff, ujërat e përroit Waikapu përfundojnë në Kealia, duke e ngritur nivelin e tij, por kjo ka kohë që ka ndodhur. Një shi, i cili do të ulte nivelet e kripës së ujit, mund ta kthejë atë në ngjyrën e tij normale, vlerëson Wolfe.

Askush nga shkencëtarët nuk ka parë një ngjyrë të tillë në liqen në shtatëdhjetë vitet e fundit, megjithëse ka pasur periudha thatësire dhe rritje të kripësisë në të kaluarën.

The post Liqeni në Hawaii kthehet në ngjyrë rozë, çfarë po shqyrtojnë shkencëtarët appeared first on Albeu.com.

View this post on Instagram

A post shared by Albeu.com (@albeucom)

Njoftimi i policisë:

Rreth orës 15:00 të ditës së sotme, Policia e Qarkullimit Rrugor Tiranë ka arritur të lokalizojë dhe shoqërojë në komisariat shtetasin E. A., pronar i automjetit BMW X6, i cili mëngjesin e sotëm, rreth orës 05:15, është përplasur në bordurën mbrojtëse në skarpatin e digës së Liqenit Artificial.

Pronari i mjetit do t’i nënshtrohet verifikimeve dhe hetimeve të mëtejshme mbi rastin.

Pas aksidentit të frikshëm, 26-vjeçari mori targat e makinës dhe u zhduk nga vendi i ngjarjes.

Policia doli me një njoftim zyrtar 6 orë më vonë dhe tha se kishte identifikuar drejtuesin e mjetit.

The post Fluturoi me makinë te diga e Liqenit në Tiranë, arrestohet pas disa orësh arrati shoferi 26-vjeçar appeared first on Albeu.com.

Bëhet fjalë për trupin e 46-vjeçarit Arben Zogu, i cili kishte shkuar për tu larë në liqen bashkë me dy fëmijët e tij dhe nipin.

Palumbarët e RENEA-s kanë nisur kërkimet prej disa orësh dhe janë ende në kërkim të trupave të 3 viktimave të tjerë, dy vellëzerve Ruben dhe Esti Zogu dhe nipi i 46-vjeçarit, Melsi Zogu.

The post Tragjedia në Gramsh, polumbarët nxjerrin nga liqeni trupin e njërit prej viktimave (EMRI) appeared first on Albeu.com.

Ideja e një liqeni që i kthen në çast kafshët në gur tingëllon si nga mitologjia greke, por në fakt ky fenomen tejet i veçantë ndodh në liqenin Natron në Tanzani, i cili është një nga liqenet më vdekjeprurës në botë. Ai është një hapësirë tejet e rëndësishme për çiftëzimin e flamengove, të cilat janë më pak të rrezikuara.

Gjatë stinës së shirave, pellgu mbushet me ujë, por më vonë temperaturat e larta shkaktojnë avullim intensiv. Aty gjallojnë vetëm disa baktere të pasura me pigment të kuq, që e ngjyros intensivisht ujin, duke dhuruar pamje fantastike.

Liqeni Natron është shumë i cekët, thellësia varion nga 1.5 deri në 3 metra. Nxehtësia e ujit arrin deri në 50 dhe madje edhe 60 ° C. Përmbajtja e kripërave të natriumit në ujërat e liqenit është shumë e lartë. Në muajt më të nxehta (shkurt dhe mars) edhe uji bëhet i trashë për shkak të kësaj. Këto kushte favorizojnë aktivitetin e cianobaktereve halofil që jetojnë në liqenin Natron, për shkak të pigmentit të të cilit uji ka një ngjyrë të kuqe të gjakut. Megjithatë, hija e ujit ndryshon në varësi të sezonit dhe thellësisë – liqeni mund të jetë portokalli ose i kuq, dhe nganjëherë duket si një pellg i zakonshëm.

Ujërat e Natronit në Tanzani janë një rrezik i vërtetë. Për shkak të nivelit të lartë të ujit alkali, kripë e ngrirë çon në djegie të rënda nëse një person, një kafshë ose një zog është zhytur në liqen. Pikërisht kështu shumë zogj kanë gjetur vdekjen. Më pas, trupat e tyre ngurtësohen dhe mumifikohen, duke u mbuluar me substanca minerale.

Këto veçanti të këtij liqeni lidhen edhe me Ol Doinyo Lengai, i njohur si “Mali i Zotit”, i cili është i vetmi vullkan aktiv që lëshon natrokarbonat.

The post “Liqeni i vdekjes”, aty ku shpendët kthehen në gur appeared first on Albeu.com.