58-vjeçari, ish-polic qëlloi me breshëri automatiku gruan e tij me të cilën ishte në proces gjyqësor, në sytë të djalit të tyre.

Kujtojmë se ngjarja ndodhi më 6 maj të vitit të kaluar, në afërsi të Gjykatës së Elbasanit.

Njoftimi i Prokurorisë:

Prokuroria pranë Gjykatës së Shkallës së Parë Elbasan njofton se sot më datë 06/05/2022 ka përfunduar hetimi dhe është dërguar për gjykim procedimi penal nr. 535, për ngjarjen e ndodhur më datë 06/05/2021 pranë Gjykatës së Rrethit Gjyqësor Elbasan, me të pandehur shtetasin:

Koço Buzo hetuar me masën e sigurimit “arrest në burg” me akuzën e ngritur për kryerjen e veprave penale “Vrasje në rrethana të tjera cilësuese” e mbetur në tentativë, “Vrasja për shkak të marrëdhënieve familjare”, “Prishja e qetësisë publike”, “Mbajtja pa leje dhe prodhimi i armëve, armëve shpërthyese dhe municionit” të parashikuara nga nenet 79 gërma “e” dhe “ë”, e 22, 79/c, 274 dhe 278/1 të Kodit Penal, ku mbeti viktimë bashkëshortja e autorit, shtetësja Liljana Buzo si dhe mbetën të plagosur shtetasit Gëzim Toçila dhe Adriatik Kolaj.

Ngjarja i referohet datës 06/05/2021 në të cilën në afërsi të Gjykatës së Rrethit Gjyqësor Elbasan i pandehuri Koço Buzo vrau me armë zjarri bashkëshorten e tij Liljana Buzo, me të cilën ishte në proces divorci./albeu.com/

The post Vrau gruan në mes të Elbasanit, mbyllen hetimet për ish-policin appeared first on Albeu.com.

58-vjeçari Koço Buzo e ndoqi disa metra dhe në fund qëlloi në drejtim të saj shumë pranë Gjykatës së Elbasanit duke i ndërprerë jetën në mes.

Në pamje duket qartë se si Koço Buzo, i vendosur për krimin që do të bënte, nuk heziton as nga fakti se viktima ishte në shoqërinë edhe të djalit të tyre.

Kujtojmë se ngjarja e rëndë ndodhi në mesditën e 6 majit në afërsi të gjykatës së Elbasanit, pas seancës gjyqësore për procesin e divorcit mes tyre. 58-vjeçari nuk ishte paraqitur në seancë dhe po priste me një thikë dhe kallashnikov në dorë jashtë Gjykatës së Elbasanit.

Bashkëshorti i saj Koço Buzo e goditi fillimisht me thikë dhe më pas e qëlloi 7 herë me kallashnikov pas shpine, duke e lënë të vdekur në vend.

54-vjeçarja sapo kishte mbaruar seancën për procesin e divorcit, kur bashkëshorti, i cili po e priste jashtë, i është afruar dhe ka qëlluar fillimisht me thikë dhe më pas e ka qëlluar 7 herë me kallashnikov pas shpine. Sapo ka ndodhur ngjarja autori është neutralizuar nga personat në rrugë dhe policia duke e arrestuar.

Plumbat kapën edhe dy kalimtarë të rastësishëm, të dy jashtë rrezikut për jetën. Njëri prej tyre është me profesion avokat, teksa dita e tij e punës në gjykatë nuk shkoi si zakonisht por ende nuk dihej nëse ishte avokat i çështjes. Ai u plagos rastësisht me një plumb në dorë dhe po merr mjekim në spitalin e Elbasanit.

Ndërhyrja në kohë e forcave të policisë bëri të mundur arrestimin e autorit. Në vendin e ngjarjes shihet arma e zjarrit kallashnikov tashmë e sekuestruar nga policia bashkë një thikë që 58-vjeçari Koço Buzo kishte me vete.

The post Bashkëshorti e vrau me breshëri kallashi, dalin momentet e fundit të jetës së Liljana Buzos (VIDEO) appeared first on Albeu.com.

Të shtëna armësh, përleshje dhe klithma që tronditën gjithë Elbasanin. I menjëhershëm ka qenë reagimi i një ish-oficeri policie, i cili pa asnjë hezitim i është drejtuar vendit, ku po ndodhte ngjarja, dhe menjëherë ka neutralizuar kalimtarët dhe një polic, të cilit po i rrezikohej jeta. Një akt heroik i kohëve të sotme, më shumë sesa një bamirësi apo vepër modestie, është parandalimi i një tragjedie, që do të kishte përmasa të një krimi me shumë viktima.

Ai quhet Osman Jazo, baba i 3-fëmijëve, ish-oficer policie, avokat në profesion, dhe është heroi i neutralizimit të përshkallëzimit të një ngjarjeje me shumë viktima dhe të armës së autorit të krimit. Ditën e sotme ai rrëfeu detajet e krimit, në studion e emisionit me “Zemër të Hapur” të gazetares Evis Ahmeti, në News24.

Osman Jazo, dëshmitar në ngjarje: Unë aty gati 150 m kam zyrën time të avokatisë, ku punoj me një koleg timin. Unë pashë se po ndodhte një konflikt mes 3 personave dhe të shtrirë në tokë një person. Vrapova menjëherë në vendngjarje, pashë që dy çuna të rinj po përlesheshin me një burrë, kur e pashë, e njoha se kush ishte.

Aty ishte një polic, i cili pashë se ishte rrëzuar në tokë, e mora dhe e largova diku më larg, kur u afrova përsëri në ngjarje, pashë që i kishte rënë arma në tokë. E mora armën, por nuk e mbusha me fishekë në gryk, pasi vetë profesioni im si ish-oficer dija mirë ta përdorja. Në pjesën e parë të ngjarjes unë nuk konstatova, ndërsa pjesa e dytë ishte përsëri e rëndë, pasi unë po shikoja që fëmijët po thërrisnin “O Ma, o Ma”.

Unë kam bërë neutralizimin e armës së autorit, pasi nëse nuk do bëhej, mund të ndodhte gjithçka. Njëri nga djemtë kishte kapur automatikun e të atit dhe po kacafyten, unë menjëherë jam afruar dhe i kam hequr armën edhe Kocos, edhe djalit, madje thikën ai e hodhi disa metra më tutje.

Unë autorin e vrasjes kam vite që e njoh, kemi punuar të dy në polici, kam qenë drejtues, Koço ka qenë në rolin e policit bazë. Unë nuk e kam ditur dhe njohur si njeri problematik, kishte ardhur para një muaji për problemin me të ndjerën, por situata nuk ishte kaq e rënduar, madje ai ka punuar si roje sigurie te gjykata. Unë jam shokuar, sepse nuk ma kishte dhënë këtë përshtypje si njeri problematik. Ky veprim është më shumë sesa i rëndë, por derisa unë nuk e kam njohur familjen e tij nuk mund të jap dot mendim. Sigurisht që veprimi i tij është i paprecedent, ky është veprim jashtë çdo norme. Unë kontaktet me autorin nuk i kam pasur të shpeshta, por kontakti i fundit ka qenë para një muaji, ai dukej i shqetësuar por që nuk e dija se ishin kështu rrethanat. Ka kohë që është larguar nga detyra, ai ishte polic bazë siç e thashë, por mund të them se po të ishte kaq problematik duhet të ishin marrë masat./bw

The post Vrasja e Liljana Buzos në mes të Elbasanit, dëshmitari: Si ja hoqa armën nga dora autorit appeared first on Albeu.com.

Mikesha e Bozo, e fundit që foli me të ndjerën ka zbuluar një detaj të dhimbshëm nga ekzekutimi i 54-vjeçares.

E ndjera, ishte larguar prej 6 muajsh nga banesa e bashkëshortit të saj, por pa fëmijët, të cilët ende vijonin shkollën në qytet. Prej kohësh ajo jetonte me të vëllain në Tiranë, ku edhe pse kishte mbaruar Fakultetin e Mjekësisë, punonte si pastruese e një lokali. Edhe pse larg të shoqit, ajo kishte vendosur që të tërhiqte padinë, pasi kishte frikë nga kërcënimet e ish-burrit.

“Jam në Tiranë tha, tek shtëpia e vëllait, kam filluar punë për pastrim. Kam ikur, kam 6 muaj se jetoj tek vëllai. Më tha: Lili ai më ka rrahur jashtë mase, tentova të ika por më kapi tek dera. Erdhi në shtëpi, nuk më gjeti me dy çunat dhe më rrahu se isha vetëm në shtëpi. Më dërgoi djali, se më pa shenjën tek mjekra,”-rrëfeu për “Shqipëria Live” shoqja e saj e ngushtë.

Një ditë para se të shkonte në gjyq, Bozo ishte nisur drejt Elbasanit. Jo për t’u bërë gati, por për një tragjedi që i kishte ndodhur 16 vite më parë. Çifti Bozo, më 5 maj, kishte humbur një djalë si pasojë e një aksidenti me makinë. 8-vjeçari ishte përplasur për vdekje nga një automjet, dhe Bozo po shkonte në Elbasan për ta kujtuar në varreza.

“Jam në furgonin e Pogradecit, se kam dhe ditën që më ka vdekur djali. Nuk do kthehem në shtëpi, por do të fle tek motra,”-i kishte shkuar ajo për herë të fundit shoqes së ngushtë. Por pa e ditur që e nesërmja do të sillte edhe fundin e jetës së saj. Vetëm një ditë pas përvjetorit të të birit… /tch

The post Drama e Liljanës: Një ditë para vrasjes nga burri, shkoi tek varri i djalit që vdiq në aksident appeared first on Albeu.com.

Pasi dëgjoi pretencën e prokurorit Petref Asllani, gjykatësi Bujar Musta gjykoi duke vlerësuar ngjarjen e rëndë për ta lënë në burg.

Kujtojmë se e ndjera u qëllua me kallashnikov  sapo doli nga gjykata e Elbasanit ku po zhvillonte një seancë për divorcin që kishte nisur me personin që i mori jetën. Plumbat kapën edhe dy persona të tjerë, një avokat dhe një kalimtar, Gëzim Toçila si dhe Adriatik Kola, janë jashtë rrezikut për jetën./albeu.com

The post Ekzekutoi bashkëshorten dy ditë më parë, Gjykata e Elbasanit merr vendimin për 58-vjeçarin appeared first on Albeu.com.

Mësohet se vite më parë çifti Buzo kishte humbur një djalë në një aksident automobilistik. Ndërkohë vetë çifti ishte në proces divorci, teksa ditën e djeshme e ndjera do të kërkonte dhe urdhër mbrojtje.

Ndërkohë një natë më parë 58 vjeçari Koco Buzo nuk ka dhënë shumë shpjegime para togave blu mbi arsyet e vrasjes, por është shprehur se ishte xheloz dhe se i kishte kërkuar bashkeshortes më përpara që të mos shkonte në gjykatë për të kërkuar urdhër mbrojtje për dhunë në familje.

“I pata thënë që; nuk ke për t’u ndarë prej meje. Donte të më fuste në burg”, mësohet se u shpreh Koço Buzo. Në gjendje të rënduar psikologjike pas krimit 58-vjeçari ka thënë se gruaja donte që të ndahej prej tij dhe këtu kishte nisur zanafilla e konfliktit. Çifti ka dy djem dhe një vajzë të martuar, ndërkohë që një prej fëmijëve pa të gjithë skenën e vrasjes.

Mësohet se prej disa kohësh, për shkak të problemeve të vazhdueshme, viktima kishte ardhur të jetonte në një shtëpi me qera në Tiranë.

“Shumë e respektuar ka qenë, na ka ardhur shumë keq”, shprehet një prej fqinjeve të Luljeta Buzos.

“U tmerruam nga ajo që dëgjuam, atyre iu kishte vdekur dhe një djalë disa vite më parë në një aksident, kohët e fundit Luljeta nuk jetonte këtu, nuk e pata parë”

“Gjithë natën nuk na zinte gjumi, asnjë nuk do të ndahet nga e mira, do ketë hequr keq“, tregon një tjetër banore e lagjes ku jetonte çifti Buzo.

The post Një djalë u kishte vdekur në aksident, detaje nga jeta e çiftit Buzo appeared first on Albeu.com.

Nga pamjet në zonë duket momenti kur ai i ka ndërprerë rrugën të ndjerës, teksa në një dorë mbante një thikë ndërsa në tjetrën kallashnikovin.

Burimet bëjnë me dije se autori e ka goditur gruan fillimisht me thikë në fyt dhe më pas e ka qëlluar me kallashnikov.
E ndjera u qëllua sapo doli nga gjykata e Elbasanit ku po zhvillonte një seancë për divorcin që kishte nisur me personin që i mori jetën pasditen e sotme.

Ndërkohë policia ka mundur që të vërë në pranga autorin e krimit 58-vjeçarin Koço Buzo. Ky i fundit plagosi gjithashtu edhe dy persona, një prej të cilëve avokati i gruas, Gëzim Toçila, të cilët janë jashtë rrezikut për jetën.

Pasi qëlloi 7 herë ndaj bashkëshortes, avokatit dhe kalimtarit, Buzo ka tentuar të largohet nga vendi i ngjarjes por është arrestuar nga forcat e rendit. Viktima ka lënë pas tre fëmijë, një vajzë 26-vjeçare si dhe dy djem, 20 dhe 18-vjeçar./abcnews

The post E vrau para gjykatës, momenti kur ish-polici i afrohet gruas me kallashnikov në duar (VIDEO) appeared first on Albeu.com.

Mësohet se e ndjera kishte shkruar për të kërkuar urdhër mbrojtje, si dhe kishte seancën e radhës së divorcit me bashkëshortin.

Burimet bëjnë me dije se viktima fshihej në Tiranë prej shumë kohësh në Yzberisht, dhe punonte si sanitare në një lokal në këtë zonë të kryeqytetit.

Nga frika e mos e gjente bashkëshorti me të cilin kishte nisur procedurat e divorcit, Buzo u kishte kërkuar njerëzve që e njihnin që mos ta thërrisnin asnjëherë në emër.

“Mos më thërrisni në emër,”- mësohet se thoshte ajo, në mënyrë që Buzo të mos binte në gjurmët e saj.

Autori la të plagosur edhe dy persona të tjerë, mes tyre dhe avokatin Gëzim Tocila. Një nga dëshmitarët është raportuar se ishte edhe djali i çiftit. /albeu.com/

The post U vra nga burri, Liljana Buzo fshihej në Tiranë prej kohësh: Mos më thirrni në emër! appeared first on Albeu.com.

Burime zyrtare nga policia bënë me dije se shtetasi Koço Buzo, 58 vjeç, ka qëlluar me armë zjarri në drejtim të bashkëshortes së tij, shtetases Liljana Buzo, 54 vjeçe, e cila si pasojë e plagëve të marra ka ndërruar jetë gjatë rrugës për në spital.

Si pasojë e të shtënave është plagosur në këmbë edhe një kalimtar i rastit, shtetasi Gezim Toçila, i cili ndodhet në spital, jashtë rrezikut për jetën. Gjithashtu është paraqitur në spital, i dëmtuar në dorë, edhe shtetasi Adriatik Kola, i cili pasi ka marrë ndihmën mjekësore është larguar për në banesë.

Pak minuta para se të ndodhte ngjarja 54-vjeçarja ka shkuar në Gjykatë për të kërkuar urdhër mbrojtjeje, por sapo ka dalë ajo është qëlluar me armë zjarri. Mësohet se çifti ka qenë në procedurë divorci.

The post Ekzekutimi në Elbasan, Liljana po shkonte të kërkonte urdhër mbrojtjeje nga bashkëshorti appeared first on Albeu.com.