Nënkryetari i Vetëvendosjes, Glauk Konjufca bëri prezantimin zyrtar të kandidaturës së Kurtit para Këshillit, duke theksuar legjitimitetin dhe nevojën për formimin e institucioneve të reja.

“Ne kemi Kuvendin dhe do ta bëjmë Qeverinë. E kur jemi te qeveria jonë e ardhshme, më lejoni ta propozoj për kryeministër kryetarin e LVV-së, Albin Kurti”, u shpreh Konjufca.

Glauk Konjufca, në mbledhjen e Këshillit të Përgjithshëm të Lëvizjes Vetëvendosje, ka thënë se kete vit kanë parë përpjekje më të rrezikshme për mosnjohjen e rezultatit zgjedhor.

Ai ka thënë se partitë politike të cilat e kanë shpallur veten kundërshtare të Lëvizjes Vetëvendosje, qysh prej certifikimit të zgjedhjeve janë munduar të thonë se vetëm një votë më pak se 50 për qind, dhe shteti mbetet pa Kuvend.

The post Krijimi i qeverisë së re/ Lëvizja Vetëvendosje propozon Albin Kurtin si kryeministër të Kosovës appeared first on Albeu.com.

Policia arrestoi 5 persona, pasi merreshin me trafikimin dhe shpërndarjen e lëndëve narkotike ekstazi MDMA.

Por kush është Besnik Mujeci?

Besnik Mujeci, 40 vjeç, banues në Prishtinë është aktivist i Lëvizjes Vetëvendosje.

Në zgjedhjet e fundit për Asamble Komunale, Mujeci ka marrë 608 vota.

Ai njihet edhe për përplasje me ish-kryetarin e Komunës së Prishtinës Shpend Ahmeti. Madje ky i fundit e kishte ftuar Mujecin që të sqaroheshin jashtë sallës së Kuvendit.

Në vitin 2020, Mujeci ishte ndaluar nga Policia e Kosovës për prishje të rendit dhe qetësisë, ku ishte gjobitur me 50 euro.

Besnik Mujeci ishte zgjedhur tre herë radhazi asamblist i VV-së në komunën e Prishtinës./Albeu.com/

The post Kush është Besnik Mujeci, aktivisti i Lëvizjes Vetëvendosje që u kap me drogë në Shqipëri appeared first on Albeu.com.

Në Vetëvendosje, dikur Lëvizjen e vogël e të majtë, rrugës u bënë bashkë ëndërrimtarët e Shqipërisë etnike dhe kosovocentrikët; ata që fyejnë Shën Terezën dhe Skënderbeun, me ata që e komentonin afërsinë e Kosovës me presidentin turk, R.T. Erdogan. U bënë bashkë edhe homofobët me liberalët. Ata që vinin nga partitë e djathta, u vunë në krye të LVV-së.

Tash me LVV-në në pushtet, kur është në dorën e shumicës për të votuar ligje e për të marrë vendime, dallimet u vunë në pah.

Një grup i deputetëve të LVV-së, bindjet e të cilëve në fakt ishin të njohura që moti, nuk e votuan Projektkodin civil edhe pse atë ua kërkoi shumë udhëheqja e partisë.

Paria e partisë, përfshirë kryeministrin Kurti dhe shefen e Grupit Parlamentar të LVV-së, Mimoza Kusari, u kishte kërkuar të gjithë deputetëve të tyre që ta votonin pro nenit të Projektkodit Civil, që do të lejonte bashkësitë civile të personave të gjinisë së njëjtë. Një grup i deputetëve të LVV-së nuk i dëgjoi ata. Përpos votës kundër, ky grup i deputetëve të VV-së morën fjalën për të fyer komunitetin LGBTQ dhe shprehur homofobi.

Ministrja e Drejtësisë i ka quajtur të papranueshme disa fjalime të deputetëve në përgjithësi, ndërsa, javën e kaluar, në një intervistë në KTV, tha se “hatri i ka mbetur” të deputetët e LVV-së.

Megjithatë, qëndrimi i tyre nuk ishte i panjohur për LVV-së, e as për publikun, kur ata u futën në listë për deputetë. Për shembull, deputeti i VV-së, Gramos Agusholli, kishte publike qëndrimet e tij kundër komunitetit LGBTQ+. Edhe deputeti Eman Rrahmani disa herë kishte shprehur haptas qëndrimin e tij kundër të drejtave të këtij komuniteti.

Por, nuk janë vetëm Kurti, pse Haxhiu, të pakënaqur me disa prej deputetëve. Edhe këta ndonjëherë shprehin paknaqësitë e tyre ndaj Qeverisë, a ndonjë pjesëtari të saj.

Deputeti i LVV-së, që vjen nga Podujeva, Fatmir Humolli, nuk është i kënaqur veçanërisht me ministrin e Bujqësisë, Faton Pecin. Humolli përdor shprehjen “gjakderdhje financiare”, për ta ilustruar atë që, sipas tij, po vazhdon edhe me Qeverinë Kurti. Këtë shprehje, në gjuhen politike e ka futur Kryeministri Kurti, por ky për t’i sulmuar ish-pushtetet.

“Gjakderdhja financiare që është bërë, është duke vazhdu gjakderdhja financiare. Vetëvendosja, kemi kërku që kena me ndalë këtë. Kam kërku prej qeverisë që me ndalë. Edhe nuk ka ide se qysh me zhvillu. Unë i kam thanë Albin Kurtit unë hy në listë, por me kushtin që duhet me u bë 1 mijë fshatra prodhuese. Me 1 mijë fshatra prodhuese, tash Qeveria e Kosovës që është, nuk vjen me bisedu as nuk kam mundësi me bisedu, që është ministri që nuk merr vesh për Bujqësi. Nuk e di ai çka ka të kryer, por ai nuk merr vesh për Bujqësi dhe tash çka ke me bisedu me të”, ka thënë Humolli në një intervistë në televizionin lokal “TV Llapi”.

Disa ditë më parë, një nga zyrtarët e LVV-së, që gjatë qeverisë “Kurti I” ka qenë zëvendësministër iu bashkua turmës që po e kritikonte ministren Rozeta Hajdari, pas një postimi të saj për aksidentin, ku kishte goditur një fëmijë me veturë. Ajo shkruante se një fëmijë i është përplasur për veture.

“Domethënë fëmiu* e ka përplas veturën, e jo vetura fëmiun. *fëmija”, shkroi Jakurti më pas në Facebook.

Pakënaqësitë Qeveri – Grup Parlamentar ndërrojnë anë, kohë pas kohea. Ishte rasti i shpenzimeve të derivatëve të LVV-së, ajo që kishte kthyer kundër tyre publikisht disa aktivistë e zyrtarë.

Për shembull, Jusuf Ulaj, këshilltar i Kryeministrit Kurti, priste reflektim nga grupi parlamentar i VV-së. Disa pjesëtarë të këtij grupi, kryesonin listat bashkë me Pal Lekajn e Duda Baljen, për shpenzimet më të mëdha, kompensimin e të cilave e ka bërë Kuvendi.

“Shumë nga ne që në Lëvizjen Vetëvendosje jemi për parime dhe ndaljen e të këqijave në këtë vend, presim reflektim nga Grupi Parlamentar që na përfaqëson! Shpenzimet në karburante duhen sqaruar dhe ndalur”, shkruante Ulaj, në fillim të shkurtit.

Lëvizja Vetëvendosje kundërshton nismën e nismën e opozitarëve për t’u lejuar qytetarëve që të tërheqin 30 për qind të kursimeve nga Trusti, për shkak të krizës së shkaktuar nga rritja e çmimeve dhe inflacionit. Inicuesi i kësaj, deputeti i PDK-së, Bekim Haxhiu, ka thënë se në Kuvend është dorëzuar kërkesa për t’u votuar tërheqja e 30 për qindëshit, dhe, sipas tij, këtë e kanë përkrahur 12 deputetë. Kjo nuk është konfirmuar, ndërsa deputetja e LVV-së, Fitore Haxhiu ka thënë se “qëdrimi i LVV-së dihet”./Ekspress

The post A ka përçarje në Lëvizjen Vetëvendosje? appeared first on Albeu.com.

Faqja aktuale e Kurtit u hap me emrin “Krejt Kosova me Albin Kurtin”, në atë kohë Lëvizja Vetëvendosje po pësonte rritje në përqindje gjatë zgjedhjeve parlamentare.

“Krejt Kosova me Albin Kurtin” ka qëndruar  vetëm një ditë, duke marrë më pas emrin e kryetarit të VV-së.

Faqja e kryeministrit është përdorur për komunikim zyrtar lidhur me takimet dhe aktivitetet e tjera politike, si dhe për thirrje për votim përgjatë kohës së fushatave elektorale në zgjedhjet parlamentare e lokale.

The post Emri i çuditshëm që kishte në fillim faqja zyrtare e Albin Kurtit (FOTO LAJM) appeared first on Albeu.com.

Në mbledhjen e zhvilluar janë nxjerrë disa faktorë që mund të kenë ndikuar në rezultatin e dobët.

Vetëvendosje pranon se nuk i kanë realizuar pritshmëritë popullore.

Përpos kritikave Vetëvendosja ka shprehur se nuk do të dorëzohet dhe nuk do e lejë Kosovën në duart e korrupsionit.

Njoftimi i plotë:

Angazhimi është i përhershëm, mësimet janë të vlefshme.

Kryesia e Lëvizjes VETËVENDOSJE! mbrëmë ka mbajtur një mbledhje të gjatë për ta analizuar rezultatin e zgjedhjeve lokale dhe situatën politike e gjithashtu është mbajtur një mbledhje me të gjitha qendrat e Lëvizjes. Katër komunat e fituara dhe 194 asambleistë nëpër komuna është mirë por nuk është mjaft. Numri i komunave nuk është rezultat i kënaqshëm për ne.

Analiza jonë do të vazhdojë por tashmë për disa gjëra kanë dalë nga diskutimi ynë i përbashkët. E para është vetëkritika. Kemi hapësirë e nevojë për një gjë të tillë. Nuk jemi përgjigjur sipas nevojës e pritjes popullore. Diku kemi qenë shumë larg e diku kemi qenë shumë afër fitores. Të gjithë kemi mundur të bëjmë më shumë. Diku me kandidatin, diku me programin, diku me komunikimin, diku me angazhimin. Na ka munguar optimizmi në veprim. Nuk i kemi shtyrë limitet e vetëvetes. Megjithëse jemi përpjekur. Nuk flasim për dhjetëra por qindra janë aktivitetet e secilës Qendër tonë. Niveli i tretë organizativ ka kordinuar 1054 vizita kurse nga vetë Qendrat janë organizaur shumë më shumë se kaq aktivitete. Disa prej tyre ku raportet janë të gatshme i kapin këto shifra: Gjilani 403 aktivitete, Gjakova 440, Dardana 620, Rahoveci 470, Besiana 398, Shtimja 324. Të gjitha fshatrat e lagjet sigurisht që janë vizituar por duhej edhe nënlagjet edhe komunitetet e ndryshme, derisa programi ynë të arrinte te secili e secila qytetare. Kemi kontaktuar e organizuar vizita edhe në mërgatë, në Zvicër e Gjermani me kandidatët Alban Hyseni dhe Mimoza Kusari. Jemi mirënjohës për secilën votë të nisur nga mërgata që janë gjithsejt 790.

Një mosrealizim i synimit tonë është fakti që kishim vetëm dy gra kandidate për kryetare. Sidoqoftë, komunikimi dhe vëmendja jonë ishte tek gratë e vajzat. Vetëm në periudhën e balotazhit janë organizuar 93 aktivitete të veçanta me gra e vajza duke llogaritur që pothuajse në të gjitha aktivitetet e tjera ka pasur pjesëmarrje të grave por jo në nivele të barabarta me pjesëmarrësit burra.

Pandemia ndërkaq, ka goditur mjetin tonë të veprimit e komunikimit me njëri – tjetrin e qytetarët: tubimet e mesme e të mëdha. Nuk kemi mundur ta përdorim këtë mjet e gjithashtu nuk kemi gjetur një zëvendësim efikas për këtë.

Tash, të rëndësishme janë mesazhet që qytetarët na i kanë dërguar. Këto zgjedhje kanë qenë mësim për ne. Pranojmë të nxjerrim mësime sepse politika është shkolla jonë e përhershme. Ne kemi qenë të papërsosur kundrejt bashkimit të përkryer të kapitalit. Ata të gjithë u bashkuan sepse sot bashkë ruajnë kapitalin. Garojnë në pasuri dhe bashkohen në politikë. Në të dyjat u pengon VETËVENDOSJA!. Andaj e luftuan bashkë. Edhe heshturazi edhe zhurmshëm. Ata nuk kanë ndryshuar. Kanë mbajtur veç zgjedhjet e tyre të brendshme por janë të njëjtë për së jashtmi. Për qytetarët mbesin të njëjtë. Meqë sot nuk mund ta zhvillojnë korrupsionin prej kateve të ndryshme qeveritare ata po duan të provojnë nëpër komunat e ndryshme të qyteteve. Prej lartë, po duan ta zbresin më poshtë. Aty është edhe më i dëmshëm. I prek e gjymton edhe më shumë jetët e qyetarëve. Kryesisht nëpërmjet mafisë së ndërtimit. Këtu do të jetë lufta jonë dhe duhet të jemi syçelë.

Sot të gjitha subjektet politike po na kopjojnë. Por na kopjojnë në metodat tona. Ata po duan të fitojnë si ne por jo të bëhen si ne. Ky është thelbi. Ne nuk kemi fituar sepse kemi protestuar por sepse kemi pasur të drejtë. Ne nuk jemi të votuar në zgjedhjet e 14 shkurtit për metodat tona por për kauzat tona. Andaj, ata janë në sinkron në deklarata, në metoda dhe në rreshtim. Ata e kanë pasion pushtetin, ne politikën.

Çlirimi ende nuk është arritur e ne duhet të luftojmë për këtë. Lufta jonë është më e gjatë. Ne as nuk lodhemi, as nuk dorëzohemi. Kosova është shumë e vlefshme për t’ua lënë në duart e stërvitura për korrupsion.

Urojmë më të mirën për Kosovën dhe për komunat. Qofshin ndryshime estetike apo më përmbajtësore, në pastë të tilla do t’i përgëzojmë e shijojmë. Në mungofshin do t’i kërkojmë.

Shpresa jonë është e madhe. Sepse aktiviteti ynë është i përhershëm./albeu.com/

The post Mori rezultat të dobët në zgjedhjet lokale, Albin Kurti bën analizën dhe gjen shkakun appeared first on Albeu.com.

Sipas këtyre rezultateve, Lidhja Demokratike ka dalë partia më e votuar në vend. Pas LDK-së renditët Lëvizja Vetëvendosje, e në vendin e tretë Partia Demokratike e Kosovës.

Zgjedhjet e 17 tetorit kanë ndryshuar renditjen që kishin partitë politike në ato nacionale.

Partia më e votuar ka dalë Lidhja Demokratike e Kosovës, me 170 mijë e 134 vota. Pas saj renditet Lëvizja Vetëvendosje me 168 mijë e 84 vota.

Partia Demokratike e Kosovës është renditur e treta, me 161 mijë e 645 vota, derisa Aleanca për Ardhmërinë e Kosovës ka mbetur e katërta, me 90 mijë e 863 vota.

Ndërkaq sa iu përket kuvendeve komunale, LDK dhe PDK kanë siguruar nga 206 asamblistë në nivel vendi.

LVV këtu renditet e treta, duke siguruar 194 ulëse, ndërkaq AAK 121.

The post Të gjitha të dhënat: LDK-ja partia e parë në zgjedhjet lokale appeared first on Albeu.com.

Zyrtarja e LVV, Fitore Pacolli, ka thënë në një prononcim për mediat, se në këto zgjedhje do të jenë fituese në “komunat më të fuqishme”.

Në një konferencë për mediat në Kosovë, Fitore Pacolli, pjesë e LVV, ka thënë se rezultati final do të dëshmojë se kjo parti do të dyfishojë votat në zgjedhjet komunale, krahasuar me vitin 2017.

“Në krahasim e rezultatin e zgjedhjeve komunale të vitit 2017, nga partia e tretë do të jemi bindshëm partia e parë. Rezultatet finale do të do qartësojnë ngritjen e Vetëvendosjes në raport me zgjedhjet e fundit në nivel lokal. Numri i përgjithshëm i votave dhe besimit të qytetarëve presim të dyfishohet”, tha Pacolli./albeu.com

The post Lëvizja Vetëvendosje: Do korrim fitore të madhe, do e dyfishojmë rezultatin me zgjedhjet e 2017 appeared first on Albeu.com.

Zana do të kandidojë si asambleiste në Komunën e Prishtinës në listën e Lëvizjes Vetëvendosje.

“Te dashur miq,

Si aktiviste ambientaliste, ndjej obligim qe kauzes time per ruajtjen e Nanes Natyre ti jap drejtimin e duhur para se te jete vone. Une kam vendosur qe ne qytetin tim ku jamm lindur e rritur te kandidoj si asambleiste per Komunen e Prishtines ne listen e Levizjes Vetevendosje.

Duke e pas parasysh qe flitet shume, e punohet pak ne kete drejtim, do ta marr si obligim qe çeshtjet e ambientit te kene nje adrese. Vetem se bashku mund te bejm diferencen. Shpresoj ne mbeshtetjen dhe voten tuaj. Ta duam, ta ruajm dhe ta mbrojme NANEN NATYRE”, ka shkruar modelja.

 

View this post on Instagram

 

A post shared by Zana Krasniqi (@zanakrasniqi)

The post Habit modelja shqiptare, lajmëron papritur futjen në politikë (FOTO LAJM) appeared first on Albeu.com.