levizja besa Archives - Albeu.com

Kasami paralajmëron prurje të reja në Lëvizjen BESA: Bashkohuni në kalanë e shpresës dhe dinjitetit!

E B — Mon, 02 Oct 2023 18:08:42 +0000

Lideri i Lëvizjes BESA, Bilall Kasami paralajmëron prurje të reja në parti.

Ai i fton qytetarët që të bashkohen “në kalanë e shpresës dhe dinjitetit”.

“Vendi për çdo ditë po shkon drejt fundosjes. Pushteti aktual në vend që të ndërtojë një shtet mbi themele të fuqishme ku do të ngritej një fortesë e pa luhatshme që do të garantonte ardhmëri për qytetarët, ata e shndërruan në një anije e cila po fundoset për çdo ditë.

Derisa kjo anije po fundoset, të sigurt janë vetëm liderët e partive të pushtetit dhe funksionarët e tyre, të cilët për çdo ditë po pasurohen duke zhvatur qytetarët.

Por, NE, nuk do ti lëm qytetarët tonë që të fundosen. Ne jemi këtu për tua zgjatur dorën e mbështetjes dhe për të punuar bashkërisht në ngritjen e një Kalaje e cila do të ndërtohet mbi themele të fuqishme të DREJTËSISË dhe luftës kundër KRIMIT, ZHVILLIMIT EKONOMIK dhe RRITJEN E STANDARDIT, të ndërtojmë një KALA e cila do të jetë shtëpia ku ne do të jetojmë bashkërisht të sotmen si dhe të ardhmen tonë dhe të fëmijëve tanë, pa pasur nevojë të mendojmë migrimin nga vendlindja.

Sa jemi të përkushtuar dhe të sigurt, e kemi dëshmuar për dy vite udhëheqje në Komunën e Tetovës, për gjashtë vite në Komunën e Zhelinës, ku siç e shihni edhe vetë, për çdo ditë punohen në ndërtimin e rrugëve, bulevardeve, shkollave, sistemeve të ujësjellësve dhe kanalizimit, efikasitetin e administratës komunale dhe shumë projekte të tjera. Dhe kjo është vetëm fillimi.

Andaj u bëjmë thirrje të gjithë qytetarëve, nga Kumanova e deri në Strugë e Manastir, bashkohuni me Lëvizjen BESA.

Bashkohuni që edhe Ju të jeni pjesë e KALASË së SHPRESËS për vendin tonë.

Bëhuni pjesë e KALASË brenda së cilës do të punohet për tu ndërtuar sistem i shtetit që do të garantojë drejtësi, siguri, arsim, ekonomi, zhvillim dhe ardhmëri për të gjithë”, është shprehur Kasami./ina

The post Kasami paralajmëron prurje të reja në Lëvizjen BESA: Bashkohuni në kalanë e shpresës dhe dinjitetit! appeared first on Albeu.com.

Lëvizja BESA: Grubi, ASH dhe Qeveria mos derdhin lot krokodili, por të japin llogari

E B — Sun, 23 Jul 2023 13:03:46 +0000

Nga Lëvizja BESA kanë reaguar pas djegies së veturës së zv/kryeministrit Artan Grubit gjatë ditës së djeshme ku thonë se Grubi nuk duhet të derdhë lot krokordilli, por të dal dhe të jep llogari.

”Artan Grubi nuk duhet të derdhë lot krokodili por duhet të dalë në konferencë për media dhe tu përgjigjet tre pyetjeve: A është i përfshirë ai në krime dhe a bashkëpunon me strukturat kriminele nëntokësore të RMV-së të cilat tani po përpiqen të pastrojnë hesape me të? Sepse këtë dyshim e ngjallin reagimet e sinkronizuara dhe të menjëhershme të funksionarëve të BDI-së, ASH-së, dhe LSDM-së në Qeveri Ose e dogji vetë me qëllim veturën e tij personale për ta devijuar vëmendjen e opinionit nga informacionet që po dalin për çdo ditë dhe nxjerrin në pah dyshimet për përfshirje në krimi, korrupsion të liderit të BDI- së Ali Ahmeti dhe funksionarët e tjerë të BDI-së, si dhe keqpërdorimin e detyrës zyrtare nga ana e tij të cilën e dëshmoi edhe vetë zëvendëskryeministrja Gërkovska.

Dhe e treta, fakti që veturën e tij luksoze e ka regjistruar në emër të tjetër kujt, Artan Grubi duhet të japë llogari edhe sa prona të tjera të tij i ka të fshehura në emër të tjetërkujt, të familjarëve të tij dhe njerëzve tjerë të besueshëm. Nëse Grubi nuk e bënë këtë, u bëjmë thirrje institucioneve përkatëse si Komisionit për Anti Korrupsion dhe Prokurorisë publike që të fillojnë hetimet për Artan Grubin në bazë të kompetencave të tyre.

Ne si Lëvizje BESA nuk besojmë se kjo ngjarje të ndodh rastësisht, vetëm disa orë pas daljes në media të nënkryetarit të Lëvizjes BESA, Fatmir Limani ku shpalosi informata të rela lidhur me dyshimet për krim dhe korrupsion të liderit dhe familjes së Ali Ahmetit si dhe informatave të reja që vazhdimisht i shpalosin mediat. Për ata që 20 vite në pushtet po e rrjepin popullin, nuk kushton asgjë djegia e një veture për të devijuar vëmendjen
nga problemet reale të qytetarëve.

Po ashtu edhe ASH dhe funksionarët e saj, duhet të dalin para qytetarëve dhe të japin llogari pse heshtën për të gjithë dyshimet për krim që dalin për BDI-në dhe liderin e saj dhe u “bënë të gjallë” kur duhej të mbrohet Artan Grubi.

I bëjmë thirrje udhëheqësve të ASH-së të dëgjojnë zërin e qytetarëve dhe mbështetësve të tyre dhe jo të Artan Grubit. Dhe për fund, shpresojmë që Artan Grubi, me ndihmën e ASH-së, në vend që të luajnë rolin e viktimës, të dalin në opinion dhe ti sqarojë arsyet për djegien e veturës” – thuhet në kumtesën e Lëvizjes BESA.

The post Lëvizja BESA: Grubi, ASH dhe Qeveria mos derdhin lot krokodili, por të japin llogari appeared first on Albeu.com.

Përplasje mes deputetëve të ASH dhe BESËS, kush me kë po punon?

E B — Fri, 24 Feb 2023 17:50:19 +0000

Rikonstruimi i Qeverisë ka përplasur partitë shqiptare – Aleanca për Shqiptarët dhe Lëvizja Besa. Nga kjo e fundit, kanë kritikuar hyrjen e ASH-së në Qeveri, duke thënë se kjo nuk ka për qëllim eurointegrimet e shtetit, por për interesa politike. Deputeti i Aleancës për Shqiptarët, Halil Snopçe, e akuzoi Lëvizjen Besa se po vepron në favor të agjendës së VMRO – DPMNE-së.

“Cila do të jetë oferta juaj për shqiptarët, për shembull nëse nuk bëhet ndryshimet kushtetuese zotëri Zendeli. VMRO thotë se, keni mbetur partia e vetme opozitare. Kjo nuk është e vërtetë. Ju mund të thoni se jeni partia e vetme shqiptare opozitare, po kjo nuk është e vërtetë, sepse nuk keni legjitimitet të tillë, nuk keni fituar vota si opozitë, por në listë të përbashkët si LSDM”, tha Halil Snopçe nga ASH.

Ndërkohë, deputeti i Lëvizjes Besa, Fadil Zeneli i’u kundërpërgjigj Snopçes duke thënë se, hyrja e ASH-së në Qeveri bëhet që të shpëtohet BDI-ja.

“Me hyrjen tuaj në Qeveri, e shpëtoni BDI-në në një moment kritik për BDI-në dhe në këtë situatë nuk mund të nxirreni me arsyetimet për anëtarësimet eurointegruese dhe ndryshimet kushtetuese. Ju njëherë provuat të hynit në Qeveri në vitin 2017 dhe e dini në fund ngelët me byrekun, por ky byrek filloi të kundërmojë dhe për çudi, në mbrëmje fjetët si opozitë, kurse në mëngjes u zgjuat si pozitë”, deklaroi Fadil Zendeli nga Lëvizja Besa.

Debati për zgjedhjen e anëtarëve të ri të Qeverisë filloi dje, pas shkarkimin të ministrave të Aletarnativës. Kryeministri, Dimitar Kovaçevski në fillim të diskutimit për ministrat e ri, kërkoi mbështetjen e deputetëve për formimin një qeverie më stabile, më të suksesshme, më efikase dhe më të fokusuar./KlanMacedonia

The post Përplasje mes deputetëve të ASH dhe BESËS, kush me kë po punon? appeared first on Albeu.com.

ASH-ja refuzon thirrjen e Lëvizjes BESA, konfirmon pjesëmarrjen në takimin e liderëve

E B — Fri, 04 Nov 2022 15:46:16 +0000

Kryetari i Aleancës për Shqiptarët, Arben Taravari vlerëson se duhet të ketë komunikim mes partive shqiptare, por jo edhe të ulen ndaras nga partitë e tjera sepse do të krijohet alibi që të akuzohen për “Platformën e dytë të Tiranës”. Me këtë Taravari lë të kuptohet se nuk do të merr pjesë në takimin e thirrur nga kreu i Lëvizjes Besa, Bilall Kasami. Kreu i ASH-së mbrëmë njoftoi se do të merr pjesë në takimin e ditës së hënë të ftuar nga kryeministri.

“Me Lëvizjen Besa dhe gjitha partitë shqiptare jemi në komunikim të vazhdueshëm. Ideja të ulemi, të komunikojmë dhe t’i sjellim vendimet së bashku. Unë me sa e shoh të gjitha partitë janë pro asaj që e kemi thënë për 20%. Nuk duhet t’i japim dikujt arsye që të thirret Platforma e dytë e Tiranës. Mendojmë se mund ta menaxhojmë atë duke diskuar dhe duke e mbajtur këtë diskutim të vazhdueshëm”, tha Arben Taravari, U.D kryetar i ASH-së.

BDI vlerëson se për t’u harmonizuar partitë shqiptare, mjafton takimi i ditës së hënë në Kuvend. Këtë e tha nënkryetari i kësaj partie, Arbër Ademi në emisionin “Rruga drejt” në Alsat.

“E konsiderojmë të rrugës që të gjitha partitë politike të ulen, të diskutojnë, të argumentojnë qëndrimet e tyre dhe të bisedojnë për të gjitha çështjet e hapura. Nuk mendoj se është koha për protagonizëm, bajraktarizma dhe për të pasur ndonjë rol parësorë në këtë proces”, deklaroi Arbër Ademi, nënkryetar i BDI-së.

Zëvendëskryetari i Lëvizjes Besa, Arjanit Hoxha akuzoi BDI-në për keqpërdorimin e Deklaratës së përbashkët të partive politike shqiptare në vitin 2017. Sipas Hoxhës, keqpërdorimin e BDI-së e dëshmon qasja e saj tani ndaj ftesës së Kasamit për tryezën e përbashkët.

“Atëherë BDI duhet ta pranon se në 2017 mekanizmin e Deklaratës së partive politike shqiptare, a e ka keqpërdorur vetëm për t’u rikthyer në Qeveri. Situata politike në ato kohë ishte shumë më senzitive se sa është sot. Tani jemi në kushte shumë më normale, më paqësore dhe më të qeta në aspektin e raporteve ndër-etnike në vend”, u shpreh Arjanit Hoxha, zëvendëskryetar i Lëvizjes Besa.

Ndërkohë Alternativa i është përgjigjur negativisht thirrjes së Kasamit, ndërsa akoma nuk e kanë pranuar thirrjen e kryeministrit për takimin në Kuvend ku janë ftuar liderët e të gjitha partive parlamentare. Ndërkohë kreu i VMRO-DPMNE-së Hristijan Mickoski tha se për pjesëmarrjen në takimin e liderëve do të vendoset pas konsultimeve brenda partisë. Derisa formati i takimit në Kuvend por merr formë, burime nga Lëvizja Besa thonë se do të presin reflektimin e liderëve shqiptarë deri javën që vjen, përkatësisht deri pas takimit të ditë së hënë. /Alsat.mk

The post ASH-ja refuzon thirrjen e Lëvizjes BESA, konfirmon pjesëmarrjen në takimin e liderëve appeared first on Albeu.com.

Askush nuk i përgjigjet ftesës së Besës? Të hënën partitë pritet te takohen të Kovaçevski

E B — Thu, 03 Nov 2022 17:11:07 +0000

Ndonëse Lëvizja Besa ende nuk ka bërë të ditur se kush nga partitë shqiptare do t’ju shkojë në takimin që e thirrën ata, megjithatë duket se asnjë prej tyre nuk e ka pranuar ftesën. Përgjigja e BDI-së lë të kuptohet se ata do të marrin pjesë vetëm në takimin që organizon kryeministri Kovaçevski dhe jo në atë të Besës.

“Takimi i partive politike është caktuar për të hënën në ora 12 në kuvend. TV21: E kam fjalën për takimin që e ka thirrur Besa. Për ta keni një përgjigje apo ngelët vetëm ky takimi i së hënës?-Në këtë takim duhet të jenë gjitha partitë parlamentare”, thonë nga BDI.

Nga Alternativa nuk ndjejnë nevojën e një takimin të tillë, për shkak se siç thonë tani më të gjitha partitë edhe ato maqedonase janë deklaruar pro këtij ndryshimi kushtetues.

“AlternAtivA tashmë është deklaruar se përkitazi me temën e heqjes së 20%-shit nuk kemi asnjë dilemë a duhet ta mbështesim dhe se për këtë nuk ka nevojë për ndonjë takim të veçantë. Për këtë çështje tashmë janë të gatshme edhe partitë joshqiptare dhe kjo nuk është më temë që imponon ndonjë takim të veçantë të partive politike shqiptare. Nëse ka rrethana të tjera dhe tema të tjera, ftesat e tilla do të shqyrtohen”, thonë nga Alternativa.

As kreu i PDSh-së Menduh Thaçi nuk do të marrë pjesë në takimin e Besës.

“Sa i përket ndryshimeve kushtetuese për heqjen e 20% nga kushtetuta duhet të ceket se ne jemi iniciatorë të këtyre ndryshimeve kurse ASh dhe Besa tentojnë që ta përvetësojnë dhe kopjojnë këtë iniciativë”, thonë nga PDSH.

Nga Aleanca për Shqiptarët, qëndrim do të kenë pas mbledhjes se Komisionit për organizim të kongresit që ka kompetencat e kryesisë. Besa e thirri takimin në kuadër të tryezës së përbashkët të partive parlamentare shqiptare ku si temë kryesore u paralajmërua që do të jenë ndryshimet kushtetuese dhe heqja e 20% si definicion për shqiptarët.

Ndërkaq Besa kur bëri ftesën për takimin, nuk caktoi as ditën e as orën me qëllim që kjo të bëhet në koordinim me agjendat e partive.

The post Askush nuk i përgjigjet ftesës së Besës? Të hënën partitë pritet te takohen të Kovaçevski appeared first on Albeu.com.

Fitorja në Tetovë i jep krahë opozitës, Kasami kërkon zgjedhje të parakohshme parlamentare

admin — Sun, 21 Aug 2022 15:24:02 +0000

Fitorja në Tetovë duket se ka frymëzuar liderët e opozitës shqiptare për të kërkuar zgjedhje të parakohshme parlamentare.

Ka qenë Lëvizja Besa dhe VMRO-DPMNE-së që kanë kërkuar zgjedhje të parakohshme parlamentare.

Lideri i Besës Bilall Kasami tha se BDI më nuk e ka legjitimitetin e shqiptarëve.

“Për një periudhë të shkurtër ne dy herë e fituam BDI-në, sigurisht që legjitimiteti i shqiptarëve të Maqedonisë së Veriut duke punuar këtu nga Tetova tregon se nuk është më me BDI-në prandaj ne edhe njëherë nga sheshi i Tetovës kërkojmë zgjedhje të parakohshme që vullneti i shqiptarëve nga Struga deri në Kumanovë të vijë në vend dhe përfundimisht shqiptarët në Maqedoninë e Veriut të kenë një përfaqësues të denjë edhe ën pushtetin qendror ashtu siç më e ka në Tetovë”, tha Bilall Kasami./albeu.com/

The post Fitorja në Tetovë i jep krahë opozitës, Kasami kërkon zgjedhje të parakohshme parlamentare appeared first on Albeu.com.

Nipi i Ali Ahmetit kërkon koalicion Besa-ASh për të mundur BDI

admin — Tue, 22 Feb 2022 16:17:12 +0000

Nipi i kryetarit të BDI-së, Fatmir Limani, ka kërkuar një koalicion mes Aleancës për Shqiptarët dhe Lëvizjes Besa në zgjedhjet e ardhshme parlamentare.

Pak ditë më parë Limani I është bashkuar Lëvizjes Besa dhe ka bërë të ditur se mënyra e vetme për të fituar ndaj BDI-së është një bashkim mes ASH dhe BESË-s.

“Ne si opozitë shqiptare duhet t’i bindim se jemi ndryshe nga të tjerët, në rast se nuk i bindim nuk ka vota. Do të jetë me aktin e bashkimit të opozitës shqiptare. Unë e di se Arben Taravari ka disponim. E di”, tha Fatmir Limani.

Por a do të pranojë ASH edhe një koalicion, pas asaj që i ndodhi me RDK-në e Vesel Memedid dhe së fundmi me Alternativën e Afrim Gashit?

Arben Taravari për TV21 thekson se Aleanca për Shqiptarët gjithmonë ka qenë pro bashkëpunimeve opozitare.

“Në parim Aleanca për Shqiptarët, gjithnjë ka qenë dhe do të vazhdojë të jetë e hapur për bashkëpunime, por përsëri vendimet përfundimtare opozitare për bashkëpunimet eventuale i sjellin organet partiake të Aleancës për Shqiptarët. Nuk dua ta marr atë ekskluzivitet, po as që e kam atë ekskluzivitet që të them kështu do të jetë apo ashtu”, pohoi Arben Taravari nga Aleanca për Shqiptarët.

Limani tha se mosdashja e bashkëpunimeve tregon qartë se njëra prej këtyre dy partive është bashkëpunëtore e BDI-së, por Taravari nuk ka pranuar ta komentojë këtë deklaratë të tij, pasi sipas tij, ASH ka dëshmuar qartë se ka qenë gjithmonë kundër BDI-së së Ali Ahmetit./albeu.com/

The post Nipi i Ali Ahmetit kërkon koalicion Besa-ASh për të mundur BDI appeared first on Albeu.com.

Kasami hedh dyshime se BDI ka keqpërdorur komunën! BDI: Realizo premtimet, mos i justifiko dështimet me shfaqje të paaftësisë

admin — Tue, 15 Feb 2022 17:58:54 +0000

Kryetari i Tetovës, Bilall Kasami, i cili po mbush thuajse 100 ditë në Krye të Komunës, në emisionin ClickPlus hodhi dyshime për keqpërdorime të buxhetit komunal për interesa të anëtarëve e simpatizantëve të BDI-së.

“Ke situata për dy zotërinj, pronarë të një restoranti në Universitetin e Evropës Juglindorë, pronari dhe drejtori, të cilët për faturë për drekë, tash këtë edhe unë nuk e supozoj, ti supozoje a ka qenë drekë e BDI-s apo drekë e komunës? Çfarë organizimi ka qenë ky, këtë në prokurori duhet ta dëshmojnë. Është faturë prej diku 80 mijë denarë, diku 1200-1300 euro dhe për të cilën këta dy zotërinj kanë kontratë në vepër në Komunën e Tetovës dhe vetë dëshmojnë se nuk kanë bërë asgjë për Komunën e Tetovës”, deklaroi Bilall Kasami, kryetar i Komunës së Tetovës.

Po ashtu tha se zyrtarë të BDI-së kanë parkuar pa pagesë në Tetovë.

“Sipas informatave që i kam mund të jetë një listë edhe më e gjatë e funksionarëve të BDI-së të cilët kanë pasur numrat e veturave të tyre të regjistruara në Ndërmarrjen e Parkingjeve, kanë mundur të parkojnë gjithandej nëpër Tetovë dhe prandaj Ndërmarrjen e gjeta me 200 mijë euro borxh”, tha Bilall kasami, kryetar i Komunës së Tetovës.

Këtyre pohimeve të Kasamit, nga Bashkimi Demokratik për Integrim, iu përgjigjën shkurt:

“Bilalli le te realizon programin e premtuar para qytetareve dhe mos të justifikon dështimet e veta me shfaqje të përditshme te paaftësisë për të menaxhuar dhe drejtuar Tetovën tonë”, thonë nga Bashkimi Demokratik për Integrim.

Duke folur në emisionin ClickPlus, kryetari i Tetovës, tha se lista e keqpërdorimeve në Komunë është më e gjatë se sa ai ka mundësi t’i publikojë dhe se si pasojë e këtyre keqpërdorimeve Komuna është zhytur në borxhe milionëshe./TV 21/

The post Kasami hedh dyshime se BDI ka keqpërdorur komunën! BDI: Realizo premtimet, mos i justifiko dështimet me shfaqje të paaftësisë appeared first on Albeu.com.

Lëvizja Besa: Pushteti po mundëson që të amnistohen kriminelë dhe keqbërës

E B — Mon, 20 Dec 2021 12:58:53 +0000

Nga Lëvizja Besa kanë reaguar pas informacioneve në lidhje me listën për falje të të burgosurve nga presidenti, raporton TV21.

Nga kjo parti thonë se me vendime të tilla po amnistohen keqbërësit në vend, ndërkaq ritheksojnë kërkesën e tyre për reformimin e gjykatave.

“Ditëve të fundit në Maqedoninë e Veriut seriozisht po goditet sistemi i drejtësisë me tentimin për të amnistuar persona që kanë probleme me ligjin, siç është rasti i fundit i kryesit të veprës ç’njerëzore- vrasësi i Almirit 4 vjeçar. Me veprimet e fundit të ministrit të drejtësisë dhe zv/ministrit nga BDI po mundësohet amnestimi i kriminelëve dhe keqbërësve në këtë vend. Lëvizja BESA edhe njëherë riafirmon qëndrimin se pa gjykata të reformuara dhe pa ndryshim të mendësise së vjetër të trashëguar nga sistemi komunist, Maqedonia e Veriut çdoherë do bjerë në
provimin për t’u afruar me vlerat e drejtësisë perëndimore ku drejtësia nuk njeh përkatësi etnike apo fetare”, thuhet mes tjerash në reagimin e Lëvizjes Besa.

The post Lëvizja Besa: Pushteti po mundëson që të amnistohen kriminelë dhe keqbërës appeared first on Albeu.com.

Kasami: Lëvizja Besa është opozitë, nuk jemi pjesë e qeverisë me BDI

admin — Tue, 16 Nov 2021 18:25:30 +0000

Kryetari i Lëvizjes Besa, Bilall Kasami për emisionin “200” në Alsat demantoi se ai ose deputeti nga partia e tij mund të jetë pjesë e shumicë parlamentare.

Sipas tij, organet partiake të Lëvizjes Besa kanë vendosur që të shkojnë në opozitë.

“Deputetët e Lëvizjes Besa me vullnet të plotë janë në këtë pjesë e opozitës. Unë kam besim të plotë te dy deputetët e partisë sime, ashtu siç kishte besim të plotë te tre deputetët”, tha Kasami.

Ai shprehet i bindur se në shumicën e re parlamentare partia e tij nuk do të jetë pjesë e qeverisë.

“Qëndrimi i Lëvizjes Besa është rrëzimi i qeverisë. Në momentin kur do të bie qeveria, ne vlerësojmë se do të krijohet situatë e re, shumicë më ndryshe, shumë më stabile”, tha Kasami.

Ai nuk përjashton mundësinë për bashkëpunim të ardhshëm me LSDM-në por as me OBRM-PDUKM-në, por sipas tij, duhet të bazohet në marrëveshje me për përparimin e vendit drejt BE-së.

Kasami në mënyrë kategorike përjashtoi mundësinë të jetë pjesë e qeverisë ku do të merrte pjesë BDI, ndërsa bashkëpunimin me partitë opozitare e konsiderojnë të domosdoshëm. /Telegrafi/

The post Kasami: Lëvizja Besa është opozitë, nuk jemi pjesë e qeverisë me BDI appeared first on Albeu.com.