Në kuadër të këtij operacioni u kapën dhe u vunë në pranga shtetasit:
-D. Ç(S)., 30 vjeç, dhe A. Ç, 38 vjeç, vëllezër, të cilët kishin marrë me qira lavazhin dhe M. Z., 30 vjeç, pasi dyshohet se kishte dijeni për veprimtarinë kriminale që ushtronin 2 vëllëzerit dhe nuk e kallëzoi atë.

Gjatë kontrollit në ambientet e lavazhit që 2 vëllëzërit kishin marrë me qira dhe në 2 automjetet e tyre, shërbimet e Policisë gjetën lëndë narkotike e dyshuar kanabisi, një sasi kokaine, një armë sportive, një paisje për bllokimin e valëve, 3 aparate celular, 1 peshore elektronike, të cilat u sekuestruan në cilësinë e provës materiale.

The post Përdornin lavazhin për të shpërndarë lëndë narkotike, arrestohen tre persona në Tiranë appeared first on Albeu.com.

Më shumë se 2000 bimë, u fshehën në një ndërtesë që përdorej si lavazh pa leje. Dy shqiptarë janë arrestuar.

Policia nga zona Neteland, bastisi ndërtesën e kompanisë në Koning Boudewijnlaan herët të martën në mëngjes me kërkesë të zyrës së prokurorit publik të Limburgut.

Ndërtesa ndodhet pranë hyrjes dhe daljes Herentals-Oost në E313. Aty ku deri vonë ishte vendosur një qendër gomash, hetuesit gjetën një plantacion kanabisi.

Nga 2,000 deri në 2,500 bimët u vendosën në katër dhoma. Bimët nuk ishin rritur ende plotësisht dhe për këtë arsye nuk ishin ende gati për korrje. Në vendngjarje janë arrestuar dy të dyshuar të nacionalitetit shqiptar.

“Pas largimit të qendrës së gomave, ishte një pronar i ri që donte të fillonte një lavazh”, thotë kryebashkiaku i Olen, Seppe Bouquillon (CD&V). Lavazhi njoftoi hapjen e saj përmes rrjeteve sociale në fund të dhjetorit 2020.

“Pronari aplikoi për leje për lavazhin, por nuk iu dha kurrë. Megjithatë, në një moment filluan aktivitetet. Pasi u vërtetua kjo, shërbimet tona informuan personat e përfshirë se ata duhej të ndërprisnin aktivitetet e tyre ose të aplikonin përsëri për një leje. Por asnjë mbyllje nuk u imponua në atë kohë”.

Ishin fqinjët të cilët më vonë, vunë re lëvizje të dyshimta përreth ndërtesës dhe lajmëruan oficerin e policisë lokale. Ai oficer, i cili punonte në një pozicion të mëparshëm në departamentin e hetimit penal të zonës së Neteland-it, e vëzhgoi ndërtesën.

Ndërkohë, prokuroria publike e Limburgut kishte nisur gjithashtu një hetim për aktivitetet e të përfshirëve. Kjo ndodhi rastësisht, kur një ekip i policisë së autostradës kontrolloi një furgon në Tessenderlo pak kohë më parë.

Në zonën e ngarkimit, policia gjeti të ashtuquajturat mbetje prerëse, mbetje të një plantacioni kanabisi të vjelë.

Hetimi i mëtejshëm tregoi se furgoni ishte parë më parë në afërsi të supermarketit Delhaize në Olen i cili ndodhet shumë afër me plantacionin e gjetur.

Plantacioni ishte fshehur në pjesën e pasme të sallës, e cila u nda në dysh me ndihmën e një muri të rremë.

Shqiptarët do të kishin dashur të ruanin pamjen se me të vërtetë ekzistonte ende një lavazh makinash. Shërbimet komunale çmontuan plantacionin të martën në mëngjes, pas së cilës mijëra bimë u prenë.

The post Belgjikë/ Kthyen lavazhin në shtëpi bari, arrestohen dy shqiptarët appeared first on Albeu.com.

Ai humbi jetën pasi ra në kontakt me energjinë elektrike në një lavazh, ku edhe punonte.

NJOFTIMI I POLICISE
Specialistët e Seksionit për Hetimin e Krimeve të Stacionit të Policisë Dimal arrestuan në flagrancë shtetasin A. H., 37 vjeç, banues në Dimal, për veprën penale “Shkelja e rregullave të mbrojtjes në punë”.

Mëngjesin e sotëm, në lavazhin në pronësi të 37-vjeçarit, një shtetas 15 vjeç, banues në Dimal, i cili punonte si ndihmës, në këtë lavazh, ka rënë në kontakt me rrymën elektrike dhe për pasojë, ka humbur jetën.

Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, vijojnë hetimet për të dokumentuar përgjegjësinë penale të shtetasit A. H.

The post Vdes 15-vjeçari në Dimal, ra ne kontakt me energjinë elektrike në lavazhin ku punonte appeared first on Albeu.com.

Pagën joshëse për një punëtor krahu, pronari i një pike të larjes së automjeteve ka vendosur edhe tabelë lajmërimi për të joshur punëtorët e rinj.
“Ne po kërkojmë staf dhe pagesa është 900 mijë lekë në muaj, plus siguracione”.

Ky njoftim tërheq jo vetëm atë që janë në kërkim të një pune, por edhe kalimtarët e zakonshëm.

”Po qeshin të gjithë mendojnë se është shaka, por e vërteta është se unë nuk bëj shaka”, tha Musli Rexhmati, lavazhier.

Punë ka, por profesionistë nuk ka, kjo shprehje mer kuptim më së miri kur dëgjojmë kërkesën e punëdhënësit, që në këtë rast është 38-vjeçari nga Tirana, Musli Rexhmati, i cili prej dy dekadash drejton biznesin e familjes.

Në pikën e tij të lavazhit lahen automjete dhe tapeta. Musliu thotë se në lavazhin e tij gjithnjë ka diçka për të larë, dhe i vetëm ai e ka të pamundur të përballojë fluksin e punës, për këtë arsye Musliu kërkon të punësoj lavazhier me një rrogë që kurrë nuk do ta mendonte se do ta ofronte për punëtorët e tij.

“Ne kemi më shumë se 20 vite që ushtrojmë këtë aktivitet, puna shkon mirë po duhet rritur shërbimi dhe kjo arrihet duke pas staf të mirë. Po nuk po gjejmë staf”, tha Musli Rexhmati, lavazhier.

Prej dy muajsh 38-vjeçari në kërkim të lavazhierëve, edhe pse pagën e lavazhierit e ka tre fishuar, rroga prej 900 mijë lekëve të vjetra në muaj sipas tij nuk po josh njerëzit e duhur.

“Jam detyruar të 3 fishoj rrogën për të pas stafin e mirë, kam vënë një tabelë aty 900 mijë lekë plus sigurime thjesht mos të mbes pa staf. Ka nja dy muaj që e kam vënë se kam hequr pasi nuk kam stafin që dua. Për momentin unë kam nevojë për 7 veta, por më duket si e vështire”, u shpreh ai.

Sipas Musliu të rinjtë nuk ka në durimin dhe kulturën e punës, pavarësisht se sa para do të marrin në fund të muajit.

“Trokasin vetëm djem të rinj, sepse ata kanë nevojë për lekë, punojnë 15 ditë dhe ikin. Nëse ka një familjar që kërkon rrogë të mirë është i mirëpritur”.

Me mungesën e fuqisë punëtorë nuk po përballët vetëm Musliu, të njëjtin problem e gjejmë të sektori I bujqësisë dhe turizmit. Të rinjtë duan të qëndrojnë larg punës, ndërsa ato më në moshë thonë që ndjehen të pafuqishëm përballë punës së tokës, detit, apo lavazhit./topchannel

The post Mungesa e punëtorëve rrit pagat: Nuk pranojnë të punojnë lavazhier, as për “900 mijë dhe siguracione” appeared first on Albeu.com.

Njoftimi i policisë:

Vlorë/Goditet një rast i shpërndarjes së drogave të forta në doza.

Arrestohen në flagrancë 2 shtetasit që e posedonin dhe e shpërndanin lëndën narkotike kokainë.

Sekuestrohen lënda narkotike kokainë e ndarë në doza, gati për shitje, 2 peshore elektronike dhe 2 aparat celular.

Specialistët për Hetimin e Narkotikëve dhe Trafiqeve të Paligjshme, në bashkëpunim me Forcën Operacionale në DVP Vlorë, në vijim të goditjeve kundër aktivitetit kriminal në fushën e prodhimit dhe shpërndarjes së lëndëve narkotike, kanë goditur një tjetër rast të veprimtarisë kriminale të prodhimit dhe shitjes së narkotikëve, si rezultat i të cilit u bë kapja dhe arrestimi në flagrancë i shtetasve:

Admirim Çumani, 26 vjeç dhe Besmir Sadikaj, 31 vjeç, të dy banues në lagjen “Isa Boletini”, Vlorë.

Arrestimi i tyre u bë pasi, gjatë kontrollit në një ambient (lavazh) në Vlorë, në përdorim nga këta dy shtetas, u gjet dhe u sekuestrua një sasi me lendë narkotike e dyshuar kokainë, e ndarë në dhjetëra doza, gati për shitje, 2 peshore elektronike dhe 2 aparat celular.

Materialet në ngarkim të tyre i kaluan Prokurorisë së Rrethit Gjyqësor Vlorë, për veprën penale “Prodhimi dhe shitja e narkotikëve” e kryer në bashkëpunim./albeu.com

The post Kishin kthyer lavazhin në pikë shitje kokaine, arrestohen dy të rinjtë në Vlorë appeared first on Albeu.com.

Mësohet se 20-vjeçari është nga qyteti i Dibrës dhe quhet Aurel Muka. Ai prej dy vitesh ai ishte vendosur në Tiranë, ndërkohë që për ngjarjen e rëndë kanë reaguar miq dhe familjarë të tij, të cilët janë të tronditur nga kjo ndarje e parakohshme nga jeta.

Njoftimi i policisë:

Tiranë/ Informacion paraprak. Rreth orës 20:25, në Unazë të Re, shtetasi A.M., rreth 20 vjeç, duke punuar në lavazhin e vëllait të tij, dyshohet se ka rënë në kontakt me rrymën elektrike dhe për pasojë ka ndërruar jetë në spital. Grupi hetimor ndodhet në vendngjarje dhe po punon për përcaktimin e rrethanave të ngjarjes.

The post Ky është 20 vjeçari i cili humbi jetën tragjikisht teksa punonte në lavazhin e të vëllait appeared first on Albeu.com.

Grupi hetimor ndodhet në vendngjarje dhe po punon për përcaktimin e rrethanave të ngjarjes.

The post Vdes në spital 20 vjeçari, e zuri korrenti teksa punonte në lavazhin e vëllait appeared first on Albeu.com.