Ata thonë se me vlerësimin e ri financiar, nuk ia vlen të dalin në punë. Para muajit nëntor, mjekët e jashtëm paguheshin 4,500 lekë në ditë jave dhe 5,300 lekë në ditë fundjave, kur shërbimi që merrnin për sipër ishte 24 orë.

Megjithatë, gjatë dy muajve të fundit, në Spitalin e Laçit, pa asnjë njoftim paraprak, tarifat janë ulur në mënyrë drastike në 1,700 lekë për ditët e javës dhe 2,600 lekë për fundjavat.

Disa prej mjekëve, thanë për Citizens.al në kushtet e anonimatit se kjo situatë është e papranueshme për vetë faktin se bëhet fjalë për një punë me ngarkesë dhe përgjegjësi.

“Nuk është një ambulancë e zakonshme, por qendër e rëndësishme urgjence. Shërbimi është për një komunitet të madh dhe urgjenca mund të kryejë mbi 120 vizita në ditë. Të punosh 24 orë për vetëm 2,600 lekë është e papranueshme”, u shpreh njëri prej tyre.

Spitali i Laçit, mbulon një komunitet prej rreth 74 mijë banorësh të rrethit të Kurbinit.

Mjekët e jashtëm janë të ashtuquajturit “mjekë vullnetarë”, një program i Ministrisë së Shëndetësisë që u ofron mjekëve specialistë të licencuar shërbimin në spitalet publike.

Përgjithësisht në rrethe këtë program e ndjekin mjekët e familjes, të cilët e shohin si një punë të dytë.

Ata vihen nën mbikëqyrjen e shefave të pavijoneve dhe kryesisht ndihmojnë në shërbimet 24-orëshe gjatë fundjavave.

Përmes bojkotit, mjekët kërkojnë rikthimin e pagesave në nivelet e mëparshme. Ata theksojnë se janë të përkushtuar për të shërbyer komunitetin, por me tarifat e reja, nuk arrijnë të mbulojnë as nevojat bazë personale.

“Ne kërkojmë që shteti të na vlerësojë për punën dhe lodhjen tonë. Nuk është çështje dëshire, por dinjiteti. Nuk mund të pranojmë një trajtim të tillë, kur edhe për punë krahu paguhet shumë më tepër. Sot, edhe për të pastruar oborrin, nuk vjen askush pa 4,000 lekë”, u shpreh një mjek tjetër.

Mjekët i thanë Citizens.al se askush nuk ishte njoftuar përpara për uljen e pagesave dhe as nuk ishin konsultuar me administratën, nëse ishin dakord të vazhdonin të punonin në këto kushte.

“Ne ishim dy mjekë në shërbim 24 orë, por tani ka mbetur vetëm një për shkak të bojkotit”, theksoi një mjek i brendshëm që tregoi gjithashtu për vështirësitë e shumta në shërbim, ku pas orës 14:00, mjeku i urgjencës duhet të mbulojë edhe pediatrinë, obstetrikë-gjinekologjinë dhe mungesën e specialistëve si radiologu dhe eko-abdominali, të cilët nuk janë të pranishëm pasditeve dhe fundjavave.

“Kemi kërkuar mbledhje me drejtuesit dhe mjekët e brendshëm e të jashtëm, por deri më tani nuk është realizuar. Askush nuk na ka thirrur për diskutime”, u shpreh mjeku.

The post 1700 lekë dita/ Mjekët vullnetarë të Laçit bojkotojnë shërbimin, pacientët në “mëshirë të fatit” appeared first on Albeu.com.

Pas humbjes në ndeshjen e fundit të kampionatit kundër Teutës, Cungu ka dhënë dorëheqjen nga pozicioni i tij dhe nuk është paraqitur në stërvitje gjatë kësaj jave. Ndonëse drejtuesit e klubit i kanë kërkuar sërish trajnerit që të mos largohet, kësaj radhe Cungu ka vendosur që të mos kthehet pas. Tekniku ka vendosur që të qëndrojë pushim për një periudhë kohore.

Kujtojmë që trajneri shkodran njoftoi në emisionin “Supergol” në RTSH se jepte dorëheqjen nga Laçi pas humbjes në Korçë përballë Skënderbeut, por drejtuesit e bindën që të vazhdonte sepse ishin të kënaqur me punën e tij dhe se rezultatet nuk tregonin gjendjen reale të skuadrës.

Tashmë gjithçka është mbyllur dhe Laçi është në kërkim të një trajneri të ri, ende nuk dihet se kush do të jetë në stol në ndeshjen e radhës kundër Dinamos. Kujtojmë që Laçi qëndron në vendin e fundit në renditjen e Abissnet Superiore, me 3 pikë pas 7 javësh, pa provuar ende shijen e fitores këtë sezon.

The post Nuk ka më kthim pas, Armando Cungu largohet nga Laçi appeared first on Albeu.com.

KF Laçi, për dështim në ekzekutimin e vendimit nr. 1, datë 23.04.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

KF Laçi, për dështim në ekzekutimin e vendimit nr. 2, datë 23.04.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

FC Dinamo City, për dështim në ekzekutimin e vendimit nr. 3, datë 30.05.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

FC Dinamo City, për dështim në ekzekutimin e vendimit nr. 4, datë 30.05.2024 të Komisionit të Posaçëm të Kompesimit për Trajnim, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

KF Tirana, për dështim në ekzekutimin e vendimit nr. 13, datë 19.02.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

Pranimin e kërkesës së kërkuesit Niko Zisi. KF Lushnja 1930, për dështim në ekzekutimin e vendimit nr. 15, datë 19.03.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/b të KDE, i jepet një afat paralajmërues prej 30 (tridhjetë) ditësh për të ekzekutuar vendimin.

Kundër vendimit lejohet ankim brenda 3 (tre) ditëve përpara Komisionit të Apelit.

The post FSHF me “dorë të hekurt”, bllokohet merkato e 3 klubeve të Superiores appeared first on Albeu.com.

Në stadiumin e Laçit, në finalen e play-out-it, kurbinasit kanë arritur të triumfojnë me rezultatin 3-1 përballë Flamurtarit. Sfida u zhbllokua në fundin e pjesës së parë nga një gol i brazilianit Melo, që kaloi skuadrën e drejtuar nga Armando Cungu në avantazh.

Megjithatë, në pjesën e dytë vlonjatët arritën të vendosin barazpeshën me anë të një autogoli të shënuar nga Dajko në minutën e 63-të.

90 minutat u mbyllën në barazim 1-1, për ti lënë radhën shtesës ku kurbinasit siguruan dhe mbijetesën në Superiore. Fillimisht ishte Melo që riktheu avantazhin në minutën e 109 me një penallti, ndërsa në minutën e 116-të Mjaki mbylli të gjitha llogaritë për një fitore 3-1.

Me këtë fitore Laçi mbijeton në Superiore, ndërsa Flamurtari dështon sërish për tu ngjitur në elitë, duhet të nisë nga e para në Kategorinë e Parë.

The post Laçi siguron qëndrimin në Superiore appeared first on Albeu.com.

Një duel mjaft i rëndësishëm për bardheblutë që janë të “dënuar” vetëm për fitoren, pasi tashmë e shikojnë vetëm jashtë “Final – Four”. Për Erbim Fagun nuk do të jetë aspak e lehtë, pasi ndaj bardhezinjve do të ketë mungesa të rëndësishme që kanë bërë stafin me “dhimbje koke”.

Filip Najdovski nuk është ende gati, me mbrojtësin që vazhdon të stërvitet veçmas. Po ashtu do të mungojnë edhe Ardit Deliu dhe Florjan Përgjoni. Të dy u ndëshkuan me karton të verdhë në derbin me Partizanin dhe ndaj Laçit do të jetë në pezulluar. Në këtë mënyrë Fagu do të duhet të “arnojë” formacionin për duelin e së hënës.

The post Synojnë fitoren për “Final-Four”, mungesa me “peshë” për Erbim Fagun appeared first on Albeu.com.

Megjithatë, ende nuk është zyrtarizuar stadiumi që do të mbarëvajë sfidën. Air Albania do të jetë i zënë pasi aty do të luajë Shqipëria U17 për vajza në të njëjtën ditë. Nga ana tjetër ‘Selman Stërmasi’ vijon të jetë në kushte të mjerueshme dhe terreni nuk është i përshtatshëm për të luajtur në nivelin më të lartë.

Sipas të gjitha gjasave, Tirana do të rikthehet të luajë në ‘Elbasan Arena’. Ky impiant do të jetë bosh në fundjavë pasi Elbasani luan në transfertë me Bylisin dhe në këtë mënyrë kryeqytetasit do të presin atje Laçin.

Ende asgjë zyrtare nga klubi, por sot ose nesër do të qartësohet gjithçka për axhendën e kësaj ndeshje. /newsport.al/

The post ‘Air Albania’ i zënë, por Tirana – Laçi nuk luhet as në ‘Selman Stërmasi’ appeared first on Albeu.com.

Me shumë gjasa bardheblutë do të zhvendosen në shtëpinë e tyre, pikërisht në stadiumin “Selman Stërmasi”. Ndeshja me Laçin, do të jetë e para për Erbim Fagun në krye të Tiranës për një takim të Superiores.

Kujtojmë se përballja e parë mes tyre në “Selman Stërmasi” përfundoi 0 me 3 për Laçin, ndërsa në të dytën skuadrat barazuan 2 me 2 në Laç. Gjithçka mbetet e hapur pasi skuadrat po garojnë për një vend në “final four”. /newsport.al/

The post “Air Albania” mbyll dyert për Tiranën, shkak bëhen vajzat U-17 appeared first on Albeu.com.

Për herë të parë në këtë sezon rrogozhinasit nuk e njohin fitoren prej 3 ndeshjesh dhe ditën e nesërme do të synojnë të rikthehen te fitorja. Kanë barazuar në kampionat ndaj Partizani dhe Laçit dhe janë mposhtur nga Vllaznia.

Ndaj bardhezinjve, Edlir Tetova nuk do ta ketë aspak të lehtë, pasi do të vuajë mungesën e dy lojtarëve. Mario Gjata dhe Muhamed Lemina nuk do të llogariten ndaj kurbinasve, të dy lojtarët janë të dëmtuar.

The post Kërkojnë rikthimin te fitorja, Egnatia pa dy lojtarë në Laç appeared first on Albeu.com.

Dritan Mehmeti synon vazhdimësinë, ndërsa në sfidën e sotme përballet edhe me disa mungesa. Lorenco Vila mungon për shkak kartonësh, por nuk do të jetë i vetmi . Edhe Klevi Qefalia nuk do të mund të japë kontributin e tij kundër kurbinasve.

Ish-i i Tiranës vuan ende nga dëmtimi që ku ishte pjesë e bardhebluve dhe sot stafi i “Nëndetëses” ka vendosur të mos rrezikojë me akvitizimin e tij. Në këto kushte mehmeti do të bëjë llogaritë pa të dy lojtarët. /newsport.al/

The post Jo vetëm Vila, Mehmeti mungon ndaj Laçit appeared first on Albeu.com.

Mehmeti shpreson për më të mirën duke parë që skuadra po rritet javë pas jave dhe ndaj Laçit nuk mendon asgjë tjetër veç fitores.

“Laçi është një kundërshtar që e ka treguar me rezultate se po kalon një formë shumë të mirë. Kemi pasur edhe ndeshjen e Kupës së Shqipërisë me të. E kemi vlerësuar Laçin dhe do të bëjmë maksimumin. Do të ndryshojmë filozofi, duke iu përshtatur kundërshtarit për të kërkuar pikë. Do të jetë e vështirë.

Skuadra ka një grup të mirë. Kemi mungesën e Vilës, që ka pasur një rritje progresive dhe më vjen mirë. Por kemi lojtarë në grup që mund ta zëvendësojnë, mentaliteti jonë është që të bëjmë grupin. Kemi edhe problemin e Andonit që ka pasur shqetësime, por edhe të Qefalisë. Stafi mjekësor po punon që këtij të fundit të mos i bëhet problem kronik, ndaj dhe do të jetë jashtë këtë ndeshje.

Skuadra më pëlqen në aspektin psikologjik. Më pëlqen mënyra si ka reaguar në ndeshjet e fundit. Nuk kemi injektuar presion, por kemi kërkuar që të jepet maksimumi në ndeshjen e radhës. Duhet përqendrimi vetëm aty, sepse ky kampionat nuk të jep mundësi të mendosh shumë gjatë. Me një ose dy fitore ngrihesh lart, me një apo dy humbje shkon në zonën e kuqe.

Më vjen mirë që grupi e ka kuptuar se është çdo gjë e vështirë dhe nuk duhet të kalosh në eufori. Nuk ka shumë diferenca, të gjitha skuadrat nuk kanë stabilitet.

Kemi punuar shumë bashkarisht, kemi analizuar gjithçka me hollësi për mënyrën si i humbisnim ndeshjet. Më shumë për gabime individuale. Kemi pasur oshilacione gjatë dy fazave të para, sidomos kur kemi qenë në avantazh. Kemi rritur besimin te njëri-tjetri dhe kemi shkuar aty ku duhet për sa i përket lojës. Kemi pasur situata të mira edhe më parë, por jemi ndëshkuar, sepse nuk kemi menaxhuar mirë 90 minutat. Në ndeshjen e fundit reaguam mirë dhe kjo është meritë e lojtarëve.

Një barazim në Laç? Duhet të presim 90 minutat, të shohim si do të interpretohet nga skuadra kjo ndeshje. Do të hyjmë në fushë vetëm për fitore”, shprehet Mehmeti. /newsport.al/

The post Dinamo për Final Four me ‘sytë’ nga derbi, Mehmeti kërcënon Laçin: S’ka barazim, vetëm fitore appeared first on Albeu.com.