Ndryshimet ligjore janë miratuar me 67 vota të të gjitha partive politike në pushtet dhe opozitë.

Ndryshimet u imponuan pas regjistrimit të tri klubeve bullgare me emrat “Car Borisi i Tretë”, “Vanço Mihajllov” dhe “Car Ferdinandi”, që kontestohen nga pala maqedonase për shkak se bartësit e emrave të këtyre klubeve ishin bashkëpunëtorë të Gjermanisë naziste dhe drejtues të luftërave për pushtimin e Maqedonisë së Veriut gjatë Luftës së Parë dhe Luftës së Dytë Botërore.

Si kundërpërgjigje, një shoqatë maqedonase në Bullgari ka hapur një klub me emrin “Nikolla Vapcarov” që Sofja e quan si provokim, pasi e konsideron si personalitet nga e kaluara historike bullgare.

Hapja e këtyre klubeve ka shkaktuar polemika të shumta jo vetëm mes shoqatave e historianëve, por edhe mes institucioneve shtetëror, të cilat i quajnë “provokime” hapjen e tyre.

Hapja e klubeve më së shumti nxiti reagime nga komuniteti hebre, për faktin se pjesëtarët e këtij komuniteti ishin viktima të veprimtarisë fashiste në Maqedoninë e Veriut gjatë Luftës së Dytë Botërore.

“Themelimi i këtyre klubeve prek ndjenjat e hebrenjve dhe të vetë maqedonasve kur dihet se 7.144 hebrenj u vranë, e mbi 11.000 të tjerë u dërguan në kampet e përqendrimit nga Bullgaria naziste. Car Borisi është sinonim i nazizmit”, kishte thënë më herët për Radion Evropa e Lirë, Pepo Levi kryetari i shoqatës së hebrenjve.

Sipas ndryshimeve të miratuara, shoqatat që tashmë janë themeluar, brenda tri muajve duhet të ndryshojnë emrat e tyre në përputhje me dispozitat e reja ligjore, në të kundërtën do të çregjistrohen nga regjistri qendror i shoqatave dhe fondacioneve.

Ndryshimet ligjore përfshijnë edhe partitë politike, të cilat nuk do të mund të regjistrohen nëse emri apo programi i tyre nxit urrejtje ose jotolerancë kombëtare, racore ose fetare, nëse përhapin apo mbështesin ideologji të fashizmit, nazizmit, nacional-socializmit dhe Rajhut të Tretë (Gjermaninë naziste).

Me ndryshimet ligjore, edhe partive politike u është lënë një afat prej tre muajsh nga hyrja në fuqi e ndryshimeve, për të harmonizuar emrin, simbolet, programin, statutin dhe objektivat, me përcaktimet e këtij legjislacioni. /REL/

The post Kuvendi maqedonas ndalon themelimin e shoqatave dhe të partive që nxisin urrejtje appeared first on Albeu.com.

Në momentin kur shefja e Grupit Parlamentar të Vetëveendosjes, Mimoza Kusari Lila ishte duke folur, deputetit mesa duket nuk i kanë pëlqyer fjalët e saj dhe shfaqet sikur nuk e kishte aspak duket bërë me gjeste sikur po i bie violinës.

Videoja është bërë virale në rrjetet sociale, madje ka edhe nga ata që dyshojnë se deputeti mund të jetë i dehur në momentin që ka bërë xhestin, megjithatë nuk përjashtohet mundësia që të ketë qenë ironike ndaj Lilës./albeu.com

The post Mimoza Kusari mban fjalim në Kuvend, deputeti i PDK-së “i bie violinës” (VIDEO) appeared first on Albeu.com.

“Ne, nga dje, tashmë menduam, pritëm të shohim se çfarë do të jenë qëndrimet zyrtare të MSh-së si organ kompetent në këtë sferë të punës. Menduam dhe i shqyrtuam opsionet për të dorëzuar iniciativë deri te Kuvendi për të organizuar debat mbikëqyrës, që paraqet një nivel mbi debatin publik për shkak se mendojmë se edhe ministri duhet të jetë i pranishëm,  se edhe pronari i klinikës duhet të vijë si dhe të gjithë aktorët e tjerë relevantë, pse jo edhe Prokuroria, dhe të japë përgjigje se pse, nëse tek ata kanë ardhur parashtresa nga ana e qytetarëve se atje kanë ndodhur aktivitete të paligjshme dhe jo etike, pse nuk kanë reaguar.”- deklaroi Bojan Stojanovski, VMRO-DPMNE.

Edhe nga LSDM-ja paralajmërojnë se do të insistojnë që të organizohet debat, por shtojnë se nuk duhet lejuar që ky rast të politizohet.

“Do të kyçemi në një debat të këtillë, sigurisht se shteti i së drejtës duhet të funksionojë, sistemi i nënshtrimit, koordinimi i shoqërisë duhet të fillojë të funksionojë. Aq sa kishim mundësi të shohim në vetë mediat, tashmë është formuar një lëndë nga ana e Prokurorisë Publike dhe u bëj thirrje edhe si deputetë që ta bëjnë punën e vet në mënyrë sa më dinjitoze dhe profesionale. Por, në asnjë rast kjo çështje nuk duhet politizuar pasi bëhet fjalë për një temë shumë të ndjeshme, për jetë të humbur njerëzore, prandaj sistemi duhet të funksionojë, Prokuroria Publike, kurse ne si deputetë do të jemi vlerë të shtuar në të gjithë këtë tematikë.”- pohoi Martin Kostovski, LSDM.

Pas reportazhit të parë dokumentar “Gjaku i papastër” i cili shkaktoi një sërë reagimesh në opinion, IRL-ja publikoi video të re e cila ndjek rrëfimin e një gruaje për trajtimin e bashkëshortit të saj në Klinikën “Zhan Mitrev”./tv21

The post “Gjaku i papastër” në Kuvendin maqedonas? VMRO-DPMNE dhe LSDM paralajmërojnë debat për investigimin që zbuloi skandalin në klinikën “Zhan Mitrev” appeared first on Albeu.com.

The post Apasiev, deputetëve shqiptarë: Nuk keni drejtë të vendosni për fatin e maqedonasve appeared first on Albeu.com.

Kësaj radhe aktorë në incident ishin deputeti Dimitarr Apasiev nga e majta dhe Martin Kostovski nga LSDM. Megjithatë, falë reagimit në kohë të pjesës tjetër të deputetëve, u shmang një përplasje fizike dhe gjithçka u la në duart e shakave dhe shkëmbimit të fyerjeve dhe provokimeve./tv21

The post Tensione në Kuvendin maqedonas, deputeti i majtë përplaset fizikisht me kolegun e LSDM (VIDEO) appeared first on Albeu.com.

Nga vendimi që pritet të merret ditën e sotme varet edhe përparimi i Shqipërisë në rrugën e integrimit europian. Seanca do të nis në orën 13:30 dhe deputetët do të debatojnë për informacionin mbi përmbajtjen e propozim-kornizës negociuese për fillimin e negociatave të Republikës së Maqedonisë së Veriut me Bashkimin Europian, të propozuar nga ana e Francës, vend që deri në datë 30 qershor ka mbajtur kryesimin e Këshillit të Bashkimit Europian.

Sa u përket qëndrimeve të bëra publike, qeveria është pro miratimit të propozimit francez pasi sipas tyre i hap rrugë integrimit të vendit. Ndërsa opozita maqedonase e ka kundërshtuar haptaz propozimin duke argumentuar se mos-publikimi i plotë i propozimit ngrinte dyshime mbi atë se çfarë përmbante.

Kjo ka sjellë edhe protesta të dhunshme në Shkup ku mijëra qytetarë u përplasën me policinë dhe sulmuan institucionet kryesore të vendit në shenjë revolte./albeu.com

The post Maqedonia e Veriut voton në kuvend për propozimin francez, çfarë pritet të sjellë në rrugën drejt BE-së appeared first on Albeu.com.

The post Kuvendi i Maqedonisë së Veriut sot pritet të konstatojë dorëheqjen e Zaevit appeared first on Albeu.com.

Ata tani janë ulur prapa deputetëve të BDI-së, ku dikur uleshin deputetët e Lëvizjes Besa.

Këta të fundit tani qëndrojnë në anën e opozitës, respektivisht prapa deputetëve të VMRO-DPMNE-së, aty ku janë edhe ata të Aleancës për Shqiptarët.

Këto ndryshime vendesh të deputetëve vijnë pasi Alternativa tashmë edhe zyrtarisht është bërë pjesë e Qeverisë, shumicë e cila ka arritur në 64 deputetë.

Me hyrjen në Qeveri, partia e Afrim Gashit do të marrë nën drejtim disa institucione, ndërsa ndër resorët më të larta që do të drejtojë janë Ministria e Shëndetësisë dhe ajo për Shoqëri Informatike dhe Administratë./TV21

The post Alternativa ndërron vendin në Kuvend, 4 deputetët zhvendosen në anën e shumicës parlamentare appeared first on Albeu.com.