Sipas Xhaferajt, Kuvendi i sotëm i solli ndërmend një shprehje të miliarderit George Soros, i cili shprehej se çdo gjë është kthyer në biznes, përfshirë dhe politika, dhe se kjo minonte shoqërinë.

Më tej Xhaferaj shprehet se kryeministri Rama sot është krenar për Bashën dhe për mbështetjen që i ka dhënë.

Postimi i Ferdinand Xhaferajt:

Aktiviteti i sotëm në pallatin e sportit “Asllan Rusi” më kujtoi një shprehje të miliarderit George Soros që thotë: “Ligji është bërë biznes, kujdesi shëndetësor është bërë biznes, politika gjithashtu është bërë biznes. Kjo realisht e minon shoqërinë”.

Rama duket shumë i ngarkuar me asamblenë e të hënës që nuk ka arritur të bëjë asnjë promo për pallatin “Asllan Rusi” që sot ishte kthyer në një Land of FamilyMark Communication.

Pra, takimi i sotëm ishte një demonstrim i Lulëzimit të Biznesit dhe Rama ka të gjithe të drejtën të krenohet për mbështetjen e dhënë./albeu.com

The post Kuvendi i PD, Xhaferaj: Rama krenar sot për Bashën, gjithçka është kthyer në biznes appeared first on Albeu.com.

Me ftesë të kryetarit të PD-së, Lulzim Basha, u mblodh Kuvendi Kombëtar, ku u votuan dhe miratuan ndryshimet e reja statutore për partinë.

Në nisje të mbledhjes, Basha është pritur me brohorima dhe duartrokitje nga anëtarët.

Në fjalën tij të gjatë prej rreth një ore, Lulzim Basha e nisi mesazhin e tij politik me një ‘mea culpa’ për demokratët, ku nënvizoi se më shumë kanë luftuar me njëri-tjetrin sesa për hallet e shqiptarëve. I papenduar për vendimin që mori në 2021 për të përjashtuar Sali Berishën e shpallur ‘non grata; nga SHBA, Basha u bëri ftesë demokratëve të

“Koha tashme e ka treguar se ata qe hodhën baltë ndaj nesh nuk i fshehin dot me duart e pista nga shpifjet me te cilat dëmtuan demokratet dhe PD. Ne nuk ju gënjyem, nuk ju premtuam as përmbysje imagjinar edhe as revolucione qe nuk ndodhen kurrë. Ne jemi te vetëdijshëm për gjendjen ne te cilen ndodhet PD pas akteve te papërgjegjshme te ish liderit të saj. Këtë të vërtetë nuk e fshehin dot as kullat qe kane ne themel korrupsionin dhe balten e hedhur ndaj nesh”,  tha Basha.

Gjatë mbledhjes u miratua Neni 48 që i jep kryetarit të partisë, Lulzim Bashës edhe postin e kreut të Grupit Parlamentar.

Sipas ndryshimit të ri, në periudhen që PD është parti opozitare, kryetari i Partisë, ne kete rast Lulzim Basha, do të jetë njëherësh edhe kryetar i Grupit Parlamentar.

“Kur PDSH nuk është shumicë qeverisëse, Kryetari i Partisë është edhe Kryetar i Grupit Parlamentar. Kryetari i Partisë, me autorizim të tij, mund të caktojë një prej Nënkryetarëve të Partisë për të drejtuar Grupin Parlamentar”, thuhet ne statutin që u miratua.

Ndersa ne nenin 48 theksohet se kur PD do te jete nje parti ne qeverisje ky funksion do ti nenshtrohet votimit te fshehte dhe kandidati do te propozohet nga kryetari i PD-se.

Në nenin 48, parashikohet dhe mundësia e delegimit të këtij posti, por gjithmonë me pëlqimin e kryetarit të Partisë Demokratike.

Pas perplasjeve te forta me Gazment Bardhin, duket se perkrahesit e Bashes kane gjetur menyren se si ta largojne ate perfundimisht nga funksionet partiake.

Çfarë përmban NENI 48

GRUPI PARLAMENTAR I PARTISË

1) Grupi Parlamentar i PDSH-së përbëhet nga deputetët e saj në Kuvendin e Shqipërisë.

2) Kur PDSH është shumicë qeverisëse, Kryetari i Grupit Parlamentar zgjidhet me propozim të Kryetarit të Partisë nga Këshilli Kombëtar, me votim të fshehtë, ndërmjet jo më pak se dy kandidaturave.

3) Kur PDSH nuk është shumicë qeverisëse, Kryetari i Partisë është edhe Kryetar i Grupit Parlamentar. Kryetari i Partisë, me autorizim të tij, mund të caktojë një prej Nënkryetarëve të Partisë për të drejtuar Grupin Parlamentar.

4) Grupi Parlamentar i PDSH-së: a) përfaqëson në Parlament PDSH-në dhe siguron aty mbrojtjen e platformës, programit dhe interesave të PDSH-së;

b) Harton programin dhe përcakton mënyrën e veprimit e të angazhimit të deputetëve të tij në Parlament dhe në zonat elektorale përkatëse;

c) Rregullorja e funksionimit dhe përfaqësimi institucional i Grupit Parlamentar, miratohet me vendim të Kryesisë së Partisë.

The post Përfundon mbledhja e Kuvendit Kombëtar të PD, miratohen ndryshimet në statut appeared first on Albeu.com.

Në reagimin e tij, Sula shprehet se “paskemi qenë lodhur kot për ta bërë kryeministër, ai dashka vetëm Kryetar Grupi’, ndërsa shton se “asnjëherë nuk e humb mundësinë për tu bërë qesharak sa herë që del në publik”.

Më tej deputeti Sula shkruan se Basha “kërkon kufizim te mandatit te kreut të qeverisë por këtë praktik nuk e nis nga kryetari i partisë, madje e shmang nga çdo përgjegjësi për humbjen e zgjedhjeve”.

“Prandaj spaska ardhur PD ne pushtet sepse ish-kryetari paska dashur të bëhet kryetar grupi.Ndarja nga e kaluara dhe demokratizimi i partisë domethënë paska qenë përqendrimi i pushteteve te një individ?!

Asnjëherë nuk e humb mundësinë për tu bërë qesharak sa herë që del në publik.

-Ne paskemi qenë lodhur kot për ta bërë kryeministër, ai dashka vetëm Kryetar Grupi.

-Si ka mundësi që i vetëshpalluri lider perëndimor kërkon kufizim te mandatit te kreut të qeverisë por këtë praktik nuk e nis nga kryetari i partisë, madje e shmang nga çdo përgjegjësi për humbjen e zgjedhjeve.

Mbi një vit i shkëputur nga politika aktive duket se e paska shpenzuar për relaksim të thellë dhe kurrësesi për PD dhe demokratët”, shkruan Sula.

The post Kuvendi i PD, Sula ironizon Bashën: Qenkemi lodhur kot për ta bërë kryeministër, ai dashka vetëm kryetar grupi appeared first on Albeu.com.

Përmes një postimi në Facebook, Basha ka zbuluar edhe logon.

Mbajtja e Kuvendit Kombëtar ishte ndër vendimet e para që mori kryesia e partisë pas rizgjedhjes së Lulzim Bashës kryetar.

Gjithashtu, bëhet me dije se vendi i mbajtjes së Kuvendit, ndryshe nga herët e mëparshme do të jetë Pallati i Sportit Asllan Rusi që pritet të krijojë mundësi për akomodimin e më shumë delegatëve të Kuvendit.

Ndërkohë sa i takon vendimmarrjeve të këtij Kuvendi, më të rëndësishmet kanë të bëjnë me ndryshimet statuore, pritet të rishkruhen nenet që kanë të bëjnë me organizimin dhe funksionimin e partisë.

Agjenda e Kuvendit Kombëtar

-Ndryshime statutore;
– Vendime organizative në përputhje me vendimet statutore;
– Miratimi i agjendës politike të Partisë Demokratike.

The post Lulzim Basha mbledh Kuvendin Kombëtar të PD-së më 2 shtator, çfarë pritet të ndodhë appeared first on Albeu.com.

Kasowitz e paralajmëron aktivisten të ndalë shpifjet në drejtim të klientes së tij, pasi sipas tij, në të kundërt do të shihen në gjyq.

Ai shton se ndaj klientes së tij janë hedhur akuza të pabaza dhe një seri shpifjesh, që sipas tij kanë prishur reputacionin e këngëtares dhe biznesit të saj.

Letra e plotë:

E nderuara zonja Kokalari:

Përfaqësoj znj. Bleona Qereti.

Ju keni bërë deklarata të shumta ne media dhe tek palë të tjera në lidhje me zonjën Qereti që ju e dini se janë haptazi të rreme, keqdashëse dhe shpifje, dhe në fakt e kanë dëmtuar reputacionin e saj dhe profilin e biznesit.

Po ju shkruaj për t’ju kërkuar që menjëherë të pushoni dhe të hiqni dorë nga deklaratat e tilla për znj. Qereti. Nëse nuk pushoni, ne do të fillojmë menjëherë procesin gjyqësor në emër të saj dhe do kërkojmë dhe dëmshpërblim kundër jush.

Ne rezervojmë të gjitha të drejtat dhe nuk heqim dorë nga asnjë.

Sinqerisht, Marc. E. Kasoëitz

Marc E. Kasoëitz sipas mediave prestigjioze amerikane, njihet gjerësisht si një prej avokatëve të ish-Presidentit Donald Trump.

Debatet mes tyre:

Kujtojmë se ditë më parë, emri i Bleona Qerretit doli në listat e kandidatëve për anëtarë të Këshillit Kombëtar të PD-së, në Kuvendin e thirrur nga Berisha.

Por Bleona e refuzoi propozimin, duke theksuar se nëse do të punonte për ndonjë qeveri, ajo do të ishte qeveria e SHBA-ve.

Kokalari nga ana tjetër nuk e ka pritur mirë reagimin e saj duke bërë deklarata që sipas avokatit janë fyerje dhe prishje imazhi./albeu.com/

The post I “përplasi” Kuvendi i PD, avokati i Bleona Qeretit paralajmëron Evi Kokalarin: Ndalo shpifjet, ose shihemi në gjyq! (FOTO LAJM) appeared first on Albeu.com.

Aldo Bumçi: Ky kuvend është një gur themeli për ringritjen e PD tashmë jo vetëm si frymë apo lëvizje por konkretisht me struktura qëndrore, me program. Deri tani kishim vakum sepse ishim duke u marrë me veten tonë. Nga sot e tutje kjo parti me këtë kuvend themelohet plotësisht dhe do t’i paraprijë revoltave popullore. Qytetarët do kenë një zë të rëndësishëm opozitar që do merren me problemet e tyre, jo me veten.

Pyetje: Kanë munguar një pjesë e deputetëve, a mendoni se po shkohet drejt krijimit të dy forcave politike me këto ndarje?

Bumçi: Deputetët janë automatikisht anëtarë të Këshillit Kombëtar, derën e kanë të hapur dhe janë të ftuar t’u bashkohen demokratëve të tjerë. Nuk ka vend për një parti të dytë demokratike, ka vetëm një.

Pyetje: Sa të vështirë do e ketë PD që të rikthehet

Bumçi: Do jetë një PD e vërtetë dhe kur je i vërtetë, përfaqëson zërin e qytetarëve, do jemi pranë tyre me protesta për t’i mbrojtur. Si sot një vit kemi zgjedhjet lokale dhe ne kemi gjithë mundësitë që përballë kësaj qeverie që ka rrënuar qeverinë shqiptare.

Pyetje: Deklaratat e deputetëve të cilët nuk i janë bashkuar këtij kuvendi

Bumçi: Demokratët janë këtu, prandaj e theksova numrin 40 mijë anëtarë të vërtetë. Ka vetëm dy zgjidhje, ose ta bëjmë Ramën mbret, ose të mbështesim opozitën. Kjo është opozita shqiptare. Kushdo që është kundër Ramës të vijë dhe të mbështesë opozitën kundër këtij regjimi që po zbraz vendin.

The post “Nga sot rithemelohemi tërësisht” appeared first on Albeu.com.

Bardhi ka ironizuar rikthimin e figurave që ishin larguar nga selia blu. Me ironi, Bardhi shkruan në llogarinë e tij të Tëitter, se më shumë i duket si Kuvendi i Riciklimit.

“Nuk paskan patur qëllim “rithemelimin”, por RICIKLIMIN! Përpara në çlirimim e Shtëpisë së Bardhë nga Presidenti Biden”, shkruan Bardhi./albeu.com/

The post Gazment Bardhi ka “dy fjalë” për Kuvendin e PD appeared first on Albeu.com.

Në Kuvend do të jenë dhe anëtarët aktualë të Këshillit Kombëtar, plus delegatet e rinisë dhe gruas dhe numri shkon në 1800 delegatë.

Gjatë punimeve, Kuvendi i PD-së do të zgjedhë edhe Këshillin e ri Kombëtar të PD-së.

Janë zbardhur emrat e 420 kandidatëve për postet në Këshillin e ri Kombëtar të PD-së, që do të jenë shumë prej ish-deputetëve të Partisë Demokratike pas vitit 2013, si Arben Imami, Myqerem Tafaj, Rudina Hajdari, Myslim Murrizi, ish kandidatët për kreun e PD, Edith Harxhi dhe Fatbardh Kadilli, mjeku Ilir Alimehmeti, artistët Bleona Qerreti, Renis Gjoka, Julian Deda, ish-kandidatët e zgjedhjeve të 6 marsit, gazetarët Floriana Garo, Fjoralba Dizdari, Patrik Sadikaj.

Në listë vërehet rikthimi i Arben Imamit, apo edhe një prej mbështetësve të Lulzim Bashës, ish-kryebashkiaku i Kavajës Isa Sakja. Ajo që bie në sy është se në këtë garë, “Rithemelimi” ka rikthyer emra të larguarish, figura të vjetra të PD-së, ish-ministra, ish-deputetë, por edhe artistë, mjekë, etj. Gjithashtu në listë janë edhe figura të reja në garë për një vend në Këshillin Kombëtar.

Më poshtë gjeni dhe rendin e ditës

Do të ketë 20 folës, prej të cilëve figura të rikthyer në PD, themelues, personalitete nga jashtë dhe të rinj. Parashikohet që votimi për anëtarët e rinj të Këshillit Kombëtar të nisë në orën 13:00. Kuvendi do të propozojë ndryshime statutore dhe do të votojë për Këshillin e ri Kombëtar.

Komisioni i Rithemelimit ka ftuar deputetët e Partisë Demokratike të marrin pjesë ditën e nesërme në Kuvendin e 30 prillit. Ne një mesazh dërguar të gjithë ligjvënësve demokratë, u kërkohet që si delegatë të konfirmojnë edhe prezencën e tyre dhe t’i bashkohen Kuvendit për një Parti Demokratike më të bashkuar, më të fortë dhe më të hapur.

“I nderuar Deputet i Partisë Demokratike,

Nesër, ditë e shtunë, datë 30 prill 2022 zhvillon punimet e Kuvendit Kombëtar të Partisë Demokratike. Në bazë të Nenit 42 të Statutit të PD, ju jeni delegat në Kuvend. Kuvendi hap punimet në orën 10:00. Hyrja tek Pallati Kongreseve nga ana e Hotel Rogner, pjesa anësore. Jeni të lutur të tërhiqni mandatin pranë recepsionit në selinë e Partisë Demokratike. Lutem konfirmimin e prezencës nga ana juaj në nr. 0683273805. Për një Parti Demokratike më të bashkuar, më të fortë, më të hapur!”, thuhej në meszhin e “Rithemelimit drejtouar deputetëve./albeu.com

The post Sot Kuvendi Kombëtar i thirrur nga Berisha, çfarë pritet të ndodhë appeared first on Albeu.com.

I ftuar në “Log” me Endri Xhafon, anëtari i Komisionit të Rithemelimit, Keltis Kruja tregoi që gjatë punimeve të këtij Kuvendi do të ketë disa ndryshime statutore që sipas tij janë propozuar nga grupe interesi dhe nga degët.

Siç është thënë edhe më herët numri i delegatëve në sallën e Pallatit të Kongreseve do të jetë 1,100. Po ashtu, Kruja tha se në Kuvend do të zgjidhet edhe Këshilli i ri Kombëtar i PD-së, që është edhe organi më i lartë i partisë mes dy kuvendeve.

Nesër do të bëhen publikë edhe emrat e anëtarëve të këtij Këshilli. Sipas anëtarëve të “Rithemelimit”, delegatët dhe anëtarët e Këshillit Kombëtar janë të zgjedhur.

“Ndryshimi i madh është që jemi përpjekur që Kuvendit Kombëtar t’i japim rëndësinë e duhur, e ta çojmë te vota e përfaqësuar…ata që vijnë, do të vijnë si përfaqësues të atyre strukturave që i kanë votëbesuar.”

Duke u kthyer tek Këshilli Kombëtar, 150 do të jetë numri i të zgjedhurve dhe kandidaturat do të jenë jo më pak sesa dyfishi i atyre që do të zgjidhen./albeu.com

The post Rithemelimi, Kruja: Do të zgjedhim edhe Këshillin e ri Kombëtar, delegatët janë përzgjedhur appeared first on Albeu.com.

Me votat unanime të demokratëve në Pallatin e Kongreseve, si kryetari i këtij komisioni u zgjodh Jemin Gjana.

Ndërsa anëtarë të tjerë të komisionit janë Gazment Bardhi, Grida Duma, Enkelejd Alibeaj dhe Flutura Açka.

Kujtojmë se Basha ka thirrur sot Kuvendin Kombëtar për të riorganizuar opozitën pas kundërshtive që lindën në radhët e saj lidhur me përjashtimin e ish kryetarit Berisha nga grupi parlamentar, si politikan i përcaktuar i papërshtatshëm nga SHBA, së bashku me familjen.

Nga ana tjetër, Komisioni i rithemelimit të PD-së ka organizuar referendumin për shkarkimin e Bashës dhe për ratifikimin e vendimeve të Kuvendit të Berishës, të mbajtur në stadiumin Air Albania./albeu.com/

The post EMRAT/ Ngrihet Komisioni për drejtimin e punimeve të Kuvendin Kombëtar të PD-së appeared first on Albeu.com.