Në fund të seancës, pas afro 20 orë diskutime, programi qeverisës u miratua me 77 vota pro, 52 kundër dhe 1 abstenim.

Nga 16 anëtarë të qeverisë së re,12 janë gra, që do të drejtojnë në diplomaci, ekonomi, energji, arsim, shëndetësi, mjedis, bujqësi e kulturë.

Ceremonia e betimit të qeverisë së re pritet të zhvillohet nesër para Presidentit Ilir Meta.

Zoti Meta deklaroi sot se situata politike pas zgjedhjeve të 25 prillit është shumë më e mirë se gjendja para zgjedhjeve dhe se janë të gjithë kushtet për demokraci funksionale, që zëri i qytetarëve të dëgjohet dhe premtimet ndaj tyre të mbahen.

Ai tha se shpresonte që opozita të përmbushë përgjegjësitë e saj në Kuvend, institucionet të funksionojnë me integritet dhe presidentit të mos i kërkohet të marrë përsipër detyra, që u takojnë aktorëve të tjerë politikë.

Ndërkaq, Kryetari i Partisë Demokratike, Lulzim Basha, kritikoi qeverinë e re, duke thënë se ajo është në aleancë me botën e krimit.

Zoti Basha shtoi se i qëndronte deklaratës së tij për largimin e ish-kryetarit të partisë, Sali Berisha, nga grupi parlamentar i Partisë Demokratike.

“Aleanca dhe partneriteti i Partisë Demokratike me SHBA-të janë të pacënueshme” – theksoi zoti Basha./VOA/

The post VOA: Me 77 vota pro Kuvendi i Shqipërisë i jep “OK’ programit dhe përbërjes së qeverisë Rama 3 appeared first on Albeu.com.

Rikujtojmë se gjatë seancës së kaluar plenare u miratua propozimi i Ramës për Lindita Nikollën, Kryetare Parlamenti, seancë e cila u shoqëuar me tensione pasi opozita refuzoi të votonte dhe grisi fletet e votimit.

Gjithashtu mbetet për t’u parë nëse do të marrë pjesë deputeti Sali Berisha në këtë seancë plenare pas “ndarjes” së bujshme nga Partia Demokratike.

RENDI I DITËS

Në mbështetje të Urdhrit nr.1, datë 11.09.2021 të Kryetares së Kuvendit, znj. Lindita Nikolla, rendi i
ditës është si më poshtë vijon:

1. Miratimi i procesverbalit të seancave plenare datë 10.09.2021.
   (Neni 44, pika 2 e Rregullores)
2. Njoftime.
   (Neni 44, pika 3 e Rregullores)
3. Projektvendim “Për zgjedhjen e Byrosë dhe përbërjen e Sekretariateve të Kuvendit”.
   (Neni 8 i Rregullores)
4. Projektvendim “Për caktimin e kryesive të komisioneve të përhershme të Kuvendit”.
   (Nenet 20-22 të Rregullores)
5. Projektvendim “Për caktimin e përbërjes së komisioneve të përhershme të Kuvendit”.
   (Nenet 20 dhe 21 të Rregullores)
6. Projektvendim “Për caktimin e anëtarëve zëvendësues në përbërjen e komisioneve të përhershme
   të Kuvendit”.

(Neni 21/1 i Rregullores) /albeu.com/

The post Sot mblidhet Kuvendi me Lindita Nikollën, çfarë pritet të ndodhë? (FOTO LAJM) appeared first on Albeu.com.