Në kohën kur fjalën duhet t’a marrë opozita, kryedemokrati Basha ka kërkuar që të jetë në Kuvend, kryeministri Edi Rama, ndryshe nuk pranon të flasë.

Lindita Nikolla: Faleminderit, vijojmë me rendin e ditës. Fjalën e ka Lulzim Basha. Rregulloja ka përcaktuar vijimësinë e punës së kësaj seance. Nuk ka asnjë nen që i përgjigjes tuaj.

Jorida Tabaku: Kemi detyrim ndaj qytetarëve që kryeministri të vijë këtu dhe të dëgjojë mendimin e Opozitës, na sollët në seancë në orën 13:00, erdhëm, na sollët në orën 16:00, ja ku jemi. Keni gjithë ditën që na zvarrisni, ai i ka vënë firmën këtij dokumenti, kështu që të vijë këtu dhe të dëgjojë mendimin e Opozitës.

Gazment Bardhi: A mund tu shpjegoni shqiptarëve çfarë pune më të rëndësishme ka kryeministri Rama që nuk është në seancën më të rëndësishme të këtij parlamenti? ka dhënë ndonjë shpjegim? Ka detyrim kushtetues të jetë në seancë.

The post Basha nuk pranon të marrë fjalën: Dua Ramën në Kuvend! appeared first on Albeu.com.

Berisha është ulur ne karriget e fundit të sallës së Kuvendit. Nga fotot e LSA shihet qartë se si Flamur Noka qëndron afër Berishës, si dhe momentin ku ish-kryeministri ka shtrënguar duart me Luçiano Boçin, nënkryetar i grupit parlamentar të PD-së.

Berisha nuk shihet që të komunikojë në asnjë moment me Lulzim Bashën, ndërkohë i dërgoi shkresë Kuvendit duke deklaruar se është pjesë  e PD, si deputet duke mos njohur kështu vendimin e kryetarit për përjashtimit nga grupi parlamentar.

Por pavarësisht përcarjes, Berisha habiti kur u ngrit pas grupit parlamentar të PD për të braktisur sot Kuvendit, duke treguar kështu se ra dakord me vendimin e Lulzim Bashës. /albeu.com/

The post Çfarë nuk u pa në Kuvend? Kush qëndroi afër Berishës e kush u largua i pari (FOTO LAJM) appeared first on Albeu.com.

Ndërsa në orën 17:00 do të bëhet betimi i deputetëve që kanë dalë fitues në zgjeshjet e 25 prillit.

Ajo që bie në sy sot nuk do të ulen 140 deputetë në institucionin e dytë më të rëndësishëm shtetëror. Në seancën plenare sot do të ketë 4 karrige bosh, një ga opozita dhe 3 nga mazhoranca kjo për shkak të dorëheqjeve që ndodhën gjatë verës.

Në kampin e PS do të jetë bosh karrigia e Gramoz Ruçit, Najada Çomos dhe Lefter Kokës, ndërsa në kampin blu do të jetë boshë vetëm karrigia e Mark Markut, ish-drejtuesi politik i PD-së në qarkun e Lezhës.

Seanca e parë e tij do të drejtohet nga deputetja më e vjetër në moshë Luljeta Bozo, ndërkohë që surprizë mbetet dhe qëndrimi që do të mbajë LSI, e cila me 4 deputetët e saj nuk mund të krijojë një grup parlamentar./albeu.com/

The post EMRAT/ Sot nis Kuvendi! Kush janë 4 karriget që mbesin bosh, kush është deputetja që e drejton appeared first on Albeu.com.

Deputeti Myslim Murrizi ka ngritur disa pyetje për kreun e Prokurorisë së Posaçme kundër Korrupsionit dhe Krimit të Organizuar, Arben Kraja. Në fjalën e tij, pas raportimit të tij për vitin 2020, Murrizi i ka kërkuar të dijë arsyen se përse nuk heton për pasuritë e paligjshme, duke përmendur edhe disa zonë “ekzkluzive” në vend, që njihen rëndom si vendbanime të personave të rëndësishëm. Kraja se në të gjitha rastet që ka pasur indicje janë hetuar, duke përmendur se po shqyrtojnë shifra të mëdha.

PJESË NGA BISEDA:  

Myslim Murrizi: Zoti Kraja keni pak më shumë se një vit në krye të SPAK. E keni kaluar gjysmën e mandatit dhe nuk keni të drejtë rizgjedhjeje. Barra e rëndë iu ra që të ishit ju drejtues, pa hetues, pa paga, etj. Pritshmëria ka qenë shumë e madhe. Hetimet që ju raportuat sa prej tyre i përkasin shtresës së lartë; banorëve të kësaj sallë, ish-të rreshtuarve pas kurrizit tënd. Pra një vit e gjysmë punë çfarë ka patur në fokus në 30 vite post-komunizëm. Sa prej tyre? Personalisht shoh që sa herë del në deklaratë Gaz Bardhi ju i përgjigjeni, unë jam Myslim Murrizi kam denoncuar një tender abuziv të tenderave të uniformës së Policisë. Kaq i rëndësishëm është për SPAK Gazja?

Çfarë faze është hetimi për tenderin, a ka filluar apo ju? Krimet zgjedhore i ka SPAK, 108 kuti u hetuan në Durrës. Kishin vjedhur vota, çfarë pret kjo strukturë, duhet deklarata e Gazit?

Nga hetimet tuaja për dosjen 394, nuk e di sa jeni ndjerë mirë, shpallët urdhër-arresti për tre të vdekur. A është hetim sipërfaqësor. Sot një lajm, thotë që SPAK ka kërkuar sekuestrimin e Ylli Ndoqrit. Ai mund të jetë brima e fundit e kavallit. Sa yje të tjera ka ky vend. Me miliona euro pasuri e pajustifikuar tek liqeni i Thatë, Kodra e Diellit, para TEG-ut, pas TEG-ut, Palasë, Lalëz, a ka marrë ndonjë nismë SPAK? Dy çuna t’u shkojnë në shtëpi dhe t’u thonë; mirëmëngjes këtu e ke shtëpinë? Ke 3 muaj kohë që të më thuash burimin e të ardhurave që jeton dhe ke 7 hale për mace. Para se të shkojmë tek Ylli.

Arben Kraja: Nuk kam personi që i dënoj, unë jam drejtuesi i Prokurorisë dhe në këtë cilësi unë kam detyrime ligjore për të krijuar kushte të gjithëve që të funksionojmë. Kam bërë përpjekje dhe komunikime të vazhdueshme me të gjitha struktrat. Gjithashtu kam qenë pjesë e strukturës kryesore dhe për zgjedhjen e tyre. Brenda mandatit tim do i mbyll të gjitha. Më ra për hise të jem i pari dhe të kem më shumë të shara. SPAK nuk del dot në rrugë dhe t’i kërkojë llogari dikujt e ti thotë ku e bleve këtë shtëpi. Ato pak raste që kemi nisur të hetojmë nga anti-mafia, shifrat janë shumë më të mëdha. E kemi si përparësi.

The post Myslim Murrizi u nxjerr të palarat pasanikëve shqiptarë: Shkojuni në shtëpi! Kanë 7 “hale” për macet appeared first on Albeu.com.

Në fjalën e tij, Gjuzi tha se ka ende kirurgë në vend që kërkojnë para për operacione, duke paralajmëruar se një ditë do t’u shkojë për t’i inspektuar.

Ndër të tjera, Gjuzi deklaroi se nuk pranon rezultatin e zgjedhjeve dhe se do të jetë deputet në këtë Kuvend, në këtë që është dhe në atë që do të vijë.

“A janë të certifikuara vaksinat kineze? Unë mendoj se jo. Është e drejta juaj të mendoni dhe të thoni se kryeministri neotoaman. Ka firmosuar xhaminë me 4 minare, ne i kemi me 4.

Edi Rama mos thuaj se nuk je neo-otoman. Ka kirurg që kërkojnë 300 euro për operacion. I them se do t’ju vij ndonjë ditë atje.

Do jem në Kuvend se jam kryetar i Partisë Konsveratore. Do jem tek ky dhe në çdo Kuvend që do të vijë,”-tha Gjuzi. /albeu.com/

The post Mori 3 vota, Gjuzi nuk heq dot dorë nga karrigia e deputetit: Do jem në Kuvend, pikë! appeared first on Albeu.com.

Në fjalën e tij në Kuvend, Gjuzi është ankuar për numrin e votave të pavlefshme, duke shtuar se iu drejtuar kryeprokurorit Olsian Çela që të nisë hetimet.

Por është bërë “lëmsh” me fjalët e tij, duke i ngatërruar dhe emrin numrit një të Prokurorisë Shqiptare.

BISEDA NË KUVEND:

Gjuzi: Sot jemi me 7 maj dhe pikërisht 2 vite më parë ngritëm opozitën e re. Në fakt jemi opozitë e hershme me ju. Ka një nxitim me seancën plenare.

Ngarkesa është super e madhe dhe programi i njoftimit është as 24 orë. Ishim këtu 2 vite së bashku, ishim korrekt me ju. Ju nuk jeni korrekt me ne. Ne keni ndërprerë minutazhet.

E kemi të reduktuar dhe nuk kemi pasur mundësinë të përçojmë të vërtetën 100%. Zoti kryetar ju me 25 prill 2021, lejuat kryeministrin që të na mbante në kontroll.

Në këto kushte unë protestoj. I drejtohem kryeprokurorit Olsion Çela që të fillojë hetimet lidhur me zgjedhjet. 83 mijë qytetarë nuk ka shanse të mos dinin.

Ruçi: Mbaroi koha! 3 komente lidhur me rendin e ditës. Je njoftuar më shumë se 24 orë. Koha e debatit është vendim për shkak të pandemisë.

Lidhur me kontekstimet për votat janë komentet e tua. Duhet të kuptosh se për votat nuk diskutohet këtu. Nëse keni akesa drejtohuni institucioneve përkatëse. /albeu.com/

The post PS mbledh Kuvendin për të shkarkuar Metën, Gjuzi nuk dorëzohet i ankohet Ruçit për zgjedhjet appeared first on Albeu.com.