“Fola me Trumpin rreth situatës aktuale në Iran dhe faktit që ekipi iranian është kualifikuar për Kupën e Botës”, deklaroi presidenti i FIFA-s.

“Gjatë bisedimeve, Presidenti Trump përsëriti se ekipi iranian është, sigurisht, i mirëpritur të garojë në turneun në Shtetet e Bashkuara.

Ne të gjithë kemi nevojë për një ngjarje si Kupa e Botës FIFA për të bashkuar njerëzit tani më shumë se kurrë”, theksoi Infantino.

Presidenti Trump përsëriti se ekipi iranian është, sigurisht, i mirëpritur të garojë në turneun në Shtetet e Bashkuara.

Megjithatë, Ahmad Doyanmali, Ministri i Sportit i Iranit, këmbënguli në një intervistë me ‘DPA’ mbi vendimin për të mos marrë pjesë në Kupën e Botës:

“Meqenëse kjo qeveri e korruptuar ka vrarë udhëheqësin tonë, nuk ka kushte sipas të cilave ne mund të marrim pjesë në Kupën e Botës”.

“Ne kemi qenë subjekt i dy luftërave në tetë ose nëntë muaj dhe disa mijëra qytetarë tanë janë vrarë. Prandaj, nuk kemi mundësi të marrim pjesë në këtë mënyrë”, këmbënguli Doyanmali.

“Nëse vendi pritës do të ishte ndryshe, bashkësia ndërkombëtare me siguri do të kishte reaguar dhe do të kishte tërhequr të drejtat e organizimit”, thuhet se sugjeroi gjithashtu Ministri iranian i Sportit .

The post Irani konfirmon bojkotimin e Kupës së Botës 2026: Qeveria e korruptuar e SHBA-ve na ka vrarë udhëheqësin tonë appeared first on Albeu.com.

Valët e fundit të dhunës në Meksikë dhe tensionet në rritje gjeopolitike në Shtetet e Bashkuara po e vënë në provë rëndë stabilitetin organizativ të ngjarjes më të shumëpritur të futbollit.

Meksikë: Vrasja e “El Mencho” dhe izolimi i vendit

Zemra e emergjencës ndodhet në Meksikë, konkretisht në shtetin e Jaliscos. Vrasja gjatë një operacioni ushtarak e 59-vjeçarit Nemesio Oseguera, i njohur si “El Mencho” – udhëheqës i kartelit Jalisco Nueva Generación (CJNG), i konsideruar si udhëheqësi i fundit i madh dhe më i kërkuar global i trafikut të drogës pas arrestimeve të themeluesve të Kartelit Sinaloa – ka shkaktuar një luftë të plotë guerile urbane.

Reagimi i karteleve ka rezultuar në dhjetëra viktima civile dhe të zbatimit të ligjit, me rrugë të bllokuara dhe makina të djegura në deri në njëzet shtete meksikane.

Situata ka paralizuar jetën publike, duke çuar në mbylljen e shkollave dhe pezullimin e ndeshjeve të kampionatit në disa zonat. Problemi prek drejtpërdrejt tre vende të rëndësishme të klasit botëror, ku do të ishte e pamundur të garantohej siguria e tifozëve sot:

Guadalajara: Teatër i katër ndeshjeve të fazës së grupeve (përfshirë debutimin e Koresë së Jugut, si dhe Uruguaji-Spanja dhe një ndeshje Kolumbia).

Mexico City: Pritës i pesë ndeshjeve, përfshirë ndeshjen hapëse shumë të pritur më 11 qershor midis Meksikës dhe Afrikës së Jugut.

Monterrey: Një tjetër qytet pritës (katër ndeshje) që monitoron përshkallëzimin e dhunës.

Shtetet e Bashkuara: Politika e brendshme dhe kërcënimet ndaj selisë qendrore

Ndërsa Meksika po digjet, në Shtetet e Bashkuara, siguria dhe politika janë thellësisht të ndërthurura. Presidenti Donald Trump kohët e fundit ngriti mundësinë e zhvendosjes së ndeshjeve të planifikuara për qytetet e udhëhequra nga demokratët, duke i quajtur ato të pasigurta dhe të drejtuara nga “ekstremistë të krahut të majtë”.

Kësaj situate të brendshme i shtohen edhe çështje të ndjeshme të politikës së jashtme, siç janë ambiciet e SHBA-së për Groenlandën dhe çështja e ICE-së (Zbatimi i Emigracionit dhe Doganave), të cilat kanë irrituar disa vende evropiane dhe kanë rritur kërcënimin e bojkotit. Vetëm pak muaj deri në fillimin e turneut, menaxhimi i rendit publik mbetet testi i vërtetë i turneut.

The post Rreziqet e sigurisë në Kupën e Botës 2026: kaos në Meksikë dhe tensione në SHBA! Çfarë po ndodh katër muaj para fillimit të turneut? appeared first on Albeu.com.

Këto masa janë pjesë e një përpjekje më të madhe për të optimizuar ritmin e lojës dhe për të ofruar një përvojë më të mirë për tifozët.

Një tjetër ndryshim i mundshëm është prova për sistemin “daylight” të offside-it të propozuar nga Arsene Wenger, ish-trajneri i Arsenalit, që do të sillte një ndryshim të rëndësishëm në mënyrën si gjykohet pozita e offside-it.

Megjithëse Wenger e pranon se ky mund të jetë një ndryshim “radikal”, ai beson se është e nevojshme të provohen këto ndryshime për të parë nëse ato do të përmirësojnë lojën.

Çfarë do të ndryshojë për Kupën e Botës?

Disa nga masat që do të testohen përfshijnë:

VAR për kartonët e dytë të verdhë: Nëse një karton i dytë i verdhë është dhënë gabimisht, mund të rishikohet nga VAR-i.

VAR për këndet: Kjo mund të përfshijë përdorimin e çipit në top për të kontrolluar vendimet për këndet, veçanërisht kur ato janë të pasakta.

Numërimi i kohës për të rifilluar lojën: Do të vendoset një numërim kohor për rifillimin e lojës pas çdo situate të humbjes së kohës, siç janë këndet dhe goditjet nga porta. Gjithashtu, portierët do të kenë vetëm 8 sekonda për të hedhur topin në lojë.

Rregulla të reja për zëvendësimet: Lojtarët që do të zëvendësohen do të duhet të dalin nga fusha brenda 10 sekondash. Nëse ata vonohen, ata nuk do të mund të zëvendësohen deri në pushimin tjetër të lojës.

Rregullat për lojtarët e dëmtuar: Lojtarët që janë “dëmtuar” dhe kanë nevojë për trajtim do të duhet të qëndrojnë jashtë për 2 minuta, përveç rasteve kur ata janë ndëshkuar me karton të verdhë ose të kuq për një faull.

Reagimet dhe Pritshmëritë

Drejtoresha e IFAB-it, Noel Mooney, ka deklaruar se tema kryesore është përmirësimi i ritmit të lojës dhe reduktimi i humbjes së kohës. Masat e propozuara do të testohen gjatë Kupës së Botës dhe, nëse provohen me sukses, mund të vendosen për të gjitha ndeshjet ndërkombëtare.

Ky ndryshim është një hap tjetër në drejtim të modernizimit të futbollit dhe është një mundësi për të parë si mund të evoluojnë rregullat dhe teknologjia për të përmirësuar përvojën e lojës dhe të tifozëve.

The post Kupa e Botës 2026 me ndryshime drastike, cilat do të jenë rregullat e reja që do testohen në Botëror appeared first on Albeu.com.

Por, për sa hap e mbyll sytë, Kosova i arrti tri fitore dhe dy barazime në një ndryshim drastik dhe mahnitës brenda muajsh për ta arritur plajofin, dhe tani është një hap larg arritjes në Kupën e Botës, pikërisht në dhjetëvjetorin e pranimit në shtëpinë e futbollit botëror, FIFA.

Kosova nuk ka marrë pjesë asnjëherë në një turne të madh, dhe Kupa e Botës verën e ardhshme në Kanada, Meksikë dhe Shtetet e Bashkuara mund të jetë e para.

Dhe, për ta arritur ketë, fillimisht ajo duhet t’i fitojë edhe dy ndeshje të tjera në plajof në mars, një gjysmëfinale kundër Sllovakisë dhe një finale të mundshme kundër fituesit të përballjes Turqi-Rumani.

Për analistin dhe profesorin e sporteve në Universitetin e Prishtinës, Malsor Gjonbalaj, kualifikimi i Kosovës në Kupën e Botës “do të ishte diçka mbresëlënëse, do të ishte përfaqësimi më i mirë që do t’i bëhej vendit në arenën ndërkombëtare”.

“Sepse, e dini çfarë popullariteti të madh e gëzon futbolli, çfarë vëmendje të madhe ka gjithandej botës, prandaj paraqitja e Kosovës në një ngjarje si Kupa e Botës, do të ishte njohja më e mirë për shtetin e Kosovës”, thotë për Radion Evropa e Lirë Gjonbalaj, po ashtu ish-futbollist.

Pas humbjes në ndeshjen hapëse kundër Zvicrës në Bazel në shtator, trajneri i verdhekaltërve, Franco Foda, e pranoi se ekipi i tij u paraqit dobët në mbrojtje në një formacion sulmues 4-3-3 dhe vendosi të ndryshojë qasje dhe taktikë.

“Sot, megjithëse kishim shumë duele, i humbëm ato vendimtaret dhe kjo ndikoi në rezultatin final. Kundër Suedisë këtë gjë duhet ta bëjmë shumë-shumë më mirë”, tha ai pas humbjes.

Foda pastaj ndryshoi skemën dhe kaloi në një formacion klasik 4-4-2 në përballjen e radhës me Suedinë tri ditë më vonë në Prishtinë, duke luajtur futboll mbrojtës, falë të cilit Kosova shënoi dy herë me kundërsulme. Taktikat e tij kryen punë dhe Kosova mori fitoren e parë në Grupin B kualifikues, 2:0.

Pas një paraqitjeje jo shumë të pëlqyer në barazimin pa gola kundër Sllovenisë në ndeshjen pasuese në shtëpi, Kosova i fitoi dy ndeshjet e radhës kundër Suedisë (1:0) dhe Sllovenisë (2:0) për ta siguruar plajofin, pasi iu qëndroi besnike taktikave të Fodës.

Ajo barazoi 1:1 me Zvicrën në ndeshjen e fundit në grup në nëntor, duke grumbulluar në fund 11 pikë në vendin e dytë, mjaftushëm për ta kapur plajofin, pasi Zvica shkoi direkt.

Gjonbalaj vlerëson se kjo vlen falë një pune të gjatë të trajnerit dhe disiplinës që ai ka sjellë në kombëtare.

“Në këtë rast kemi të bëjmë me punë për një kohë bukur të gjatë, një planifikim dhe, sidomos, kemi në krye të ekipit një trajner, i cili e ka realizuar taktikën e lojës me mjaft disiplinë, i ka përzgjedhur lojtarët mjaft mirë dhe mendoj se homogjeniteti i ekipit është çelësi kryesor i këtyre rezultateve deri tani”, thekson ai.

Foda, i cili e mori drejtimin e kombëtares më 2024, bëri shumë ndryshime në ekipin e parë, i ndihmuar shumë edhe nga prurjet e reja, të cilat kanë lënë gjurmët e tyre të dukshme në ekip deri tani.

Pas plajofit të dështuar për Kampionatin Evropian 2020, kur u mposht nga Maqedonia e Veriut, Kosova po vuante ta rindërtonte mesfushën, veçanërisht pas largimit të Hekuran Kryeziut dhe Herolind Shalës.

Pas shumë vitesh përpjekje, Federata e Futbollit arriti të sjellë disa mesfushorë të talentuar, si Elvis Rexhbeçaj më 2024 dhe Leon Avdullahu dhe Veldin Hoxha në prag të kualifikimeve këtë verë.

Rexhbeçaj, i cili luan për Augsburgun në Gjermani, dhe Avdullahu, i cili është pjesë e Hoffenheimit, po ashtu në Gjermani, kanë qenë vendimtarë përkrah Florent Muslijas, i cili ka pasur më shumë detyra sulmuese.

Foda, madje, e vendosi mbrojtësin e djathtë të Comos në Itali, Mërgim Vojvoda, në krahun e djathtë të mesfushës, falë aftësive të tij teknike.

“Tani kemi në mesfushë lojtarë që vrapojnë, bartin barrën, kanë disiplinë të jashtëzakonshme në lojë, siç janë Avdullahu, Rexhbeçaj, Hoxha. Ata bëjnë edhe një lojë të mirë sulmuese me Muslijan, i cili i bashkohet sulmuesve, si një lojtar shumë kreativ dhe teknik, i cili po ndihmon të vijmë më shpejt te goli”, nënvizon Gjonbalaj.

Taktikat e Fodës nënkuptuan, gjithashtu, se ai që shihet si ylli më i madh dhe më i vlefshëm i kombëtares, Edon Zhegova, të mbetej jashtë ekipit të tij startues.

Zhegrova, i cili iu bashkua në verë gjigantit italian Juventus, është sulmues anësor që përshtatet kryesisht në një formacion sulmues 4-3-3.

Lënia e Zhegrovës jashtë formacionit startues habiti shumë njerëz në Kosovë, por Fodës iu shpagua kjo qasje.

“Ne kemi një numër të madh të futbollistëve, secili e meriton të luajë, por secili duhet të jetë i bindur që për ta përfaqësuar shtetin mjaftojnë edhe 30 sekonda apo një minutë lojë. Prandaj, asnjëri nuk duhet të ndihet i fyer kur nuk luan”, thekson Gjonbalaj.

Nuk është vetëm mesfusha që është përmirësuar gjatë kësaj kohe pas ardhjeve të reja, por edhe sulmi me Fisnik Asllanin e Hoffenheimit dhe, posaçërisht mbrojtja, ku Albian Hajdari dhe Dion Gallapeni kanë lënë mbresa.

Gallapeni, 19 vjeç, është mbase përforcimi më i dëshiruar te Kosova, që ka pasur shumë vështirësi ta gjejë një mbrojtës të majtë solid.

Por, a u ndihmua Kosova edhe nga faktorë të tjerë? Gjonbalaj mendon se po.

Nga katër kombëtaret në Grupin B, vetëm Kosova dhe Zvicra arritën fitore. Suedia e Sllovenia nuk ia dolën të merrnin më shumë se barazime.

Që të dyja kanë treguar formë të dobët në këto ndeshje kualifikuese, duke pasur parasysh të kaluarën e tyre.

Suedia u paraqit ndaj Kosovës me dy prej sulmuesve më të shtrenjtë në historinë e Premierligës angleze, Alexander Isakun e Liverpool dhe Viktor Gyokeresin e Arsenalit.

“Nuk ka ekip të lehtë për t’u mposhtur, por është e vërtetë që ato nuk kanë qenë në formën e tyre më të mirë në këto ndeshje”, thotë Gjonbalaj.

Suedia, megjithatë, është në plajof sikurse Kosova, jo përmes rrugës së kualifikimeve, por përmes Ligës së Kombeve, dhe në fund mund të jetë pjesë e Kupës së Botës në verë.

Kosova do të donte që ndeshjet e plajofit të zhvilloheshin tani, duke e parë formën e skuadrës, por asaj do t’i duhet të presë deri në fund të marsit, që nënkupton se është mbase herët të flitet për gjasat.

Dardanët do të udhëtojnë në Bratislavë më 26 mars për t’u përballur me Sllovakinë në ndeshjen gjysmëfinale të plajofit, të cilën duhet ta fitojnë patjetër për t’i mbajtur gjallë shpresat për një finale që do ta çonte në Botëror.

“Mos të harrojmë, jemi në ekzaltim, sepse jemi në plajof, por nuk e kemi kryer punën ende, duhet qetësi e madhe dhe punë e madhe profesionale, për ta arritur kualifikimin, sepse bëhet fjalë për dy ekipe shumë të forta”, vlerëson Gjonbalaj.

Finalen e mundshme, Kosova do ta zhvillonte në Prishtinë kundër fituesit të përballjes tjetër mes Turqisë dhe Rumanisë, më 31 mars.

Derisa beson se gjasat me Sllovakinë janë shumë reale, Gjonbalaj beson se përballja e mundshme me Turqinë do të ishte shumë më e vështirë.

“Mendoj se me Sllovakinë kemi shumë gjasa, ndërsa në ndeshjen finale pres ta kemi kundërshtar Turqinë, e cila, mendoj, është ekip shumë i papërshtatshëm për neve, por do të kemi mundësi sepse luajmë në shtëpi”, thekson ai./REL

The post Kosova ia ndien erën kualifikimit në Kupën e Botës 2026 një dekadë pas pranimit në FIFA appeared first on Albeu.com.

“Ju gjithmonë duhet të evoluoni, si person dhe si lojtar. Unë gjithmonë përpiqem të përmirësohem, shpresoj që Kylian i vitit 2025 të jetë më i keq se ai i vitit 2026”.

Pasi ka folur për natën e terrorit të dhjetëve më parë në Paris, Mbape ka folur për një futbollist, i cili sipas tij është i jashtëzakonshëm, Çerki.

“Ai është një talent i veçantë. Për mua ai ka një dhunti, nga e cila po përfiton. Ai është një talent i lindur, spektakolar. Ai është integruar shumë mirë në grup dhe tek Siti, gjë që nuk është e lehtë. Shpresoj të vazhdojë kështu. Me ne ai ka filluar mirë. Tani ai ka mundësinë të kthehet, shpresoj se ai do të jetë po aq i mirë sa ishte në Mançester”.

Më pas diçka për veten e tij. “Kur fillova me shiritin e kapitenit isha fillestar. Tani kam më shumë përvojë. Jam rritur si person dhe si kapiten. Unë përpiqem të mbështetem te lojtarët, stafi, trajneri dhe ata njerëz që përbëjnë ekipin kombëtar. Unë përpiqem të njoh nevojat e tyre. Gjithashtu për të pasur atë vizion për të përmirësuar ekipin dhe për t’i udhëhequr ata drejt Kupës së Botës”.

The post Mbape i bindur se Franca do të jetë pretendente: Do të udhëheq ekipin tim në Kupën e Botës 2026 appeared first on Albeu.com.

Megjithatë, ky sukses po errësohet nga tensionet e thella midis Iranit dhe Shteteve të Bashkuara, një prej mikpritësve të turneut.

Përkeqësimi i situatës gjeopolitike dhe një urdhër ekzekutiv i Presidentit Donald Trump, i cili kufizon vizat për shtetasit iranianë, mund të pengojë pjesëmarrjen e tifozëve dhe stafit të ekipit.

FIFA përballet me një sfidë të ndërlikuar. Edhe pse nuk ka një vendim zyrtar për pezullim, ekzistojnë precedentë si ai i Rusisë dhe Jugosllavisë në të kaluarën.

Për më tepër, struktura e turneut e vështirëson shmangien e ndeshjeve në SHBA, ku Irani mund të mos ketë qasje për shkak të kufizimeve të vizave.

Kujtimet nga ndeshja simbolike SHBA-Iran në Kupën e Botës 1998 ngjallin shpresë për një dialog përmes sportit, por aktualisht klima mbetet e tensionuar dhe e pasigurt për pjesëmarrjen e plotë të Iranit në turne.

The post ​A do të luajë Irani në Kupën e Botës 2026 që mbahet në SHBA? appeared first on Albeu.com.

Pas vërshëllimës së fundit të ndeshjes në Tashkent kundër Katarit, ku Uzbekistani fitoi me rezultatin 3-0, me urdhër të presidentit të vendit, Shavkat Mirziyoyev, në fushë zbarkuan 40 makina elektrike BYD, dhe çelësat iu dorëzuan të gjithë futbollistëve dhe anëtarëve të stafit profesional të kësaj përfaqësuese aziatike.

Më parë, Presidenti Mirziyoyev i dhuroi 33 makina ekipit kombëtar U20 të Uzbekistanit, i cili fitoi Kupën e Azisë në vitin 2023.

Mirziyoyev është një njeri që e kupton dhe e mbështet sportin dhe vlerëson punën e palodhur të bashkëqytetarëve të tij, dhe tani ka vendosur t’i shpërblejë ata bujarisht.

УЗБЕКИСТАНЫ ЕРӨНХИЙЛӨГЧ ХӨЛБӨМБӨГИЙН ШИГШЭЭ БАГАА УРАМШУУЛЛАА.

Узбекистаны хөлбөмбөгийн шигшээ баг түүхэндээ анх удаагаа хөлбөмбөгийн ДАШТ-д оролцох эрхээ хэдхэн хоногийн өмнө авсан билээ.
Тэгвэл түүх бүтээсэн шигшээ багийн хөлбөмбөгчид болон дасгалжуулагчдын багийнхандаа… pic.twitter.com/45QAQVtv3y

— Batbayar (@Baabarfc) June 11, 2025

Uzbekistani e përfundoi garën në vendin e dytë në grup dhe, së bashku me Iranin, siguroi një vend në turneun final, ndërsa nga ky grup, Emiratet e Bashkuara Arabe dhe Katari do të hyjnë në fazën eliminatore.

Kupa e Botës 2026 do të mbahet në SHBA, Kanada dhe Meksikë nga 11 qershori deri më 19 korrik, dhe kjo do të jetë hera e parë që do të garojnë 48 ekipe kombëtare nga gjashtë konfederata.

الرئيس الأوزبكي " شوكت ميرضيايف "
يقوم بتكريم طاقم منتخب أوزبكستان وكذلك الحكم الأوزبكي الشهير " رافشان إيرماتوف " بعد نهاية المباراة والإحتفال بالتأهل التاريخي للمونديال
🇺🇿 أوزبكستان دولة نالت إستقلالها 1991 🇺🇿
👏🏻👏🏻 #WCQ pic.twitter.com/qx2TOer7hL

— KingR (@IR88K) June 10, 2025

Pas ciklit të ndeshjeve të qershorit, dihet që deri tani 13 kombëtare janë kualifikuar për Kupën e Botës, përkatësisht Uzbekistani, Jordania, Japonia, Irani, Koreja e Jugut dhe Australia nga Azia, pastaj Argjentina, Brazili dhe Ekuadori nga Amerika e Jugut, ndërsa Zelanda e Re është përfaqësuesja e Oqeanisë.

Përveç tyre, tre përfaqësueset pritëse, SHBA-ja, Kanadaja dhe Meksika, siguruan vendin e tyre në Kupën e Botës. /Telegrafi/

The post Pas kualifikimit historik në Kupën e Botës, presidenti i Uzbekistanit shpërbleu lojtarët me nga një veturë luksoze appeared first on Albeu.com.

Përveç tre skuadrave mikpritëse, gjashtë ekipe kombëtare nga Azia, tre nga Amerika e Jugut dhe një nga Oqeania kanë siguruan një vend në grupe.

Deri më tani, është e sigurt se do të shohim dy debutues në Kupën e Botës, përkatësisht Jordaninë dhe Uzbekistanin, të cilët e siguruan vendin e tyre në Kupën e Botës pas kualifikimeve të gjata aziatike.

Përveç tyre, nga Azia, një vend në ekipet më të mira të botës siguruan edhe Japonia, Irani, Koreja e Jugut dhe Australia, ndërsa nga Amerika e Jugut, Argjentina, Brazili dhe Ekuadori janë të sigurt në Kupën e Botës.

Përfaqësuesi “i vetëm” i Oqeanisë, përveç Australisë, që garon në kualifikueset aziatike është Zelanda e Re.

Ecuador 🇪🇨 is the tenth non-host nation to qualify for the 2026 #FIFAWorldCup! They return for the second consecutive time, something they have done only once before (2002 & 2006). pic.twitter.com/UWdikmI6Oq

— The International Window (@windowintlpod) June 11, 2025

35 vendet e mbetura do t’i mësojmë pas cikleve të ardhshme kualifikuese, dhe vlen të përmendet se 16 ekipe kombëtare nga Evropa do të kualifikohen për Kupën e Botës.

Momentalisht nga Evropa, me disa grupe që kanë zhvilluara nga tri apo katër ndeshje, Norvegjia me 12 pikë dhe Bosnje dhe Hercegovina, Anglia dhe Çekia me nga 9 pikë janë afër të sigurojnë kualifikimin.

The post Deri tani 13 kombëtare kanë siguruar kualifikimin në Kupën e Botës 2026, nga to dy debutues appeared first on Albeu.com.

Kupa e Botës 2026 do të jetë turneu i parë i organizuar nga tre kombe dhe gjithashtu i pari që do të zgjerohet në 48 ekipe në këtë garë.

Qytetet e përzgjedhura zyrtarisht për të pritur ndeshjet e Kupës së Botës në SHBA janë: New York/New Jersey (Stadiumi MetLife); Los Angeles (SoFi Stadium), Dallas (Stadiumi AT&T), Zona e Gjirit të San Franciskos (Stadiumi Levi’s), Miami (Stadiumi Hard Rock), Atlanta (Stadiumi Mercedes-Benz), Seattle (Fusha e Lumenit), Houston (Stadiumi NRG), Philadelphia (Lincoln Financial Field), Kansas City, Misuri (Stadiumi Arrowhead) dhe Boston (Stadiumi Gillette).

Pritësi i finales së Kupës së Botës 1994, Rose Bowl, nuk u zgjodh, me një vend tjetër të zonës së Los Anxhelosit, SoFi Stadium, që u zgjodh në vend të tij.

“Ishte procesi më konkurrues ndonjëherë për Kupën e Botës FIFA,” tha presidenti i FIFA-s, Gianni Infantino për “Fox Sports” për procesin e përzgjedhjes. “Ne do të punojmë në grupe, duke u siguruar që skuadrat dhe tifozët të mos kenë nevojë të udhëtojnë shumë në zona të ndryshme: Perëndim, Qendror dhe Lindje.”

Qytetet e përzgjedhura zyrtarisht për të pritur ndeshjet e Kupës së Botës në Meksikë dhe Kanada janë: Guadalajara (Estadio Akron), Monterrey (Estadio BBVA Bancomer), Mexico City (Estadio Azteca), Toronto (BMO Field) dhe Vancouver (BC Place).

Your #FIFAWorldCup 2026 Host Cities:

??Atlanta
??Boston
??Dallas
??Guadalajara
??Houston
??Kansas City
??Los Angeles
??Mexico City
??Miami
??Monterrey
??New York / New Jersey
??Philadelphia
??San Francisco Bay Area
??Seattle
??Toronto
??Vancouver

— FIFA World Cup (@FIFAWorldCup) June 16, 2022

“Është një ditë historike për futbollin amerikan dhe të gjithë komunitetin e futbollit amerikan, nga çdo cep i bazës sonë deri tek profesionistët dhe ekipet tona kombëtare”, tha presidentja e futbollit amerikan Cindy Parlow Cone në një deklaratë. “Së bashku me miqtë tanë të mirë në Kanada dhe Meksikë, ne nuk mund të jemi më të emocionuar për të punuar me FIFA-n për të pritur atë që mendojmë se do të jetë Kupa e Botës më e madhe në histori.

“Dua të përgëzoj të gjitha qytetet që do të presin ndeshjet. E di që të gjithë do të bëni një punë fantastike për të ndarë stadiumet tuaja të klasit botëror, komunitetet dhe kulturën unike dhe tifozët e mahnitshëm kur bota të vijë në Amerikën e Veriut pas katër vjetësh. ”

Kandidatët e mëposhtëm humbën përzgjedhjen: Baltimore/Washington (Stadiumi M&T Bank); Orlando, Florida (Stadiumi Camping World); Cincinnati (Stadiumi Paul Brown), Nashville, Tenesi (Stadiumi Nissan); Denver (Empower Field at Mile High); dhe Edmonton (Stadiumi i Commonwealth).

“Ka qenë një proces tepër konkurrues. Të gjitha qytetet kanë qenë të mahnitshme, kjo ishte një zgjedhje shumë, shumë e vështirë,” tha Shefi i Garave dhe Ngjarjeve të FIFA-s, Colin Smith.

“Ju nuk mund të imagjinoni një Kupë Bote që vjen në SHBA dhe në kryeqytet, të mos marrë një rol të madh gjithashtu. Ne do të angazhohemi me të gjitha qytetet që nuk janë zgjedhur për të pritur ndeshjet. Ka ende shumë fusha të tjera bashkëpunimi, bashkëpunimi dhe festimi. Ne e dimë se si do të ishte një festë fansash në National Mall.”

Nga oferta origjinale “United 2026” nga tre kombet, 60 ndeshje janë caktuar të luhen në Shtetet e Bashkuara, ndërsa Meksika dhe Kanadaja do të marrin secila nga 10 ndeshje. Pasi turneu të arrijë në fazën çerekfinale, të gjitha ndeshjet e mbetura të raundit me eliminim direkt do të zhvillohen në SHBA.

Fillimisht duke filluar me kandidatë nga 44 qytete dhe 49 stadiume në të gjithë Amerikën e Veriut, procesi për zgjedhjen e vendeve filloi në 2017. Aplikantëve të mundshëm iu kërkua të “sigurojnë informacion në lidhje me infrastrukturën e transportit të çdo qyteti, përvojën e kaluar në organizimin e ngjarjeve të mëdha sportive dhe kulturore, akomodimet në dispozicion, mjedisin iniciativat mbrojtëse, vendet e mundshme dhe më shumë”, të cilat përfshinin gjithashtu vende të mundshme trajnimi, kampe bazë dhe konsiderata të tjera.

Në mars 2018, vetëm pak muaj përpara se ofertës së United 2026 t’i jepeshin zyrtarisht të drejtat nga FIFA për të pritur Kupën e Botës 2026, lista e kandidatëve të Amerikës së Veriut u ngushtua në 23. Nuk hynë në listë zona të tilla si Chicago, Minneapolis. dhe Arizona, për shkak të asaj që zyrtarët e qytetit i përshkruan si çështje me kërkesat financiare të FIFA-s./ h.ll/albeu.com

The post FIFA vendos zyrtarisht se ku do të mbahet Kupa e Botës 2026 appeared first on Albeu.com.