Lista e gjatë e vendimeve që ka kaluar në një mbledhje të prillit, një të majit dhe tret ë qershorit tregon për një përqendrim të theksuar të ndërtimeve mikes rezidencial dhe shërbime në qytetet bregdetare dhe kryesisht rezidenciale por edhe shërbime dhe akomodim në Tiranë.

Sigurisht në listën e vendimeve të lejeve nuk mungojnë as ato për subjekte agroturizmi që është një segment që ka marrë vëmendje të shtuar si efekt i rritjes së kërkesës dhe po kështu edhe leje për projekte impiantesh fotovolatikë. Po kështu në sy bien edhe lejet për disa projekte të rëndësishëm infrastrukturore që janë duke u zbatuar në vend.

Monitor përzgjodhi nga mbledhjet e fundit sipas datave kur janë mbajtur disa nga projektet kryesore që bien në sy në bregdet por edhe në Tiranë.

Për kryeqytetin bëhet fjalë për ndërtime që parashikojnë 20 apo më shumë kate.

Lejet tregojnë për një shpërndarje të ndërtimit jo vetëm në disa nga zonat kryesore të kryeqytetit por edhe në pjesën më rurale të saj.

Sa i takon zhvillimit që po bëhet si efekt i turizmit projektet e përzgjedhura tregojnë një rritje të shumëkatëshve në qytetet si Durrës dhe Vlorë, resorte apo projekte strukturash akomodimi në Zvërnec, Rradhimë, Himarë apo projekti tashmë i deklaruar edhe nga qeveria për zhvillimin e zonës së Darzezës.

Më poshtë një listë me disa prej projekteve të miratuara:

Mbledhje e datës 18 prill

Plani i Detajuar Qendror për “Zhvillimin Turistik të Bregdetit Adriatik, Zona Darëzezë, Bashkia Fier.

Leje Zhvillimi për objektin: “Resort turistik”, me vendndodhje në Zvërnec, Bashkia Vlorë, me subjekt zhvillues shoqërinë “Zvërnec South Adriatic Development” sh.p.k.

Leje Ndërtimi për objektin: “Hoteleri, shërbim dhe banim 8, 18 dhe 30 kate mbi tokë dhe 4 kate nëntokë”, me vendndodhje në Bashkinë Tiranë, me subjekt zhvillues shoqërinë “S.A.G” sh.p.k.

Leje Zhvillimi për objektin: “Strukturë hotelerie dhe rezidenciale 3-4-5-7-8-10-11-14-19 kate mbi tokë me 3 kate nëntokë”, me vendndodhje në Kryemëdhenj, Bashkia Kavajë, me subjekt zhvillues shoqërinë “Grand Blue Fafa Resort” sh.p.k.

Leje Ndërtimi për objektin: “Struktura hotelerie 1, 2, 3, 9, 11, 13 kate dhe rezidenciale 1, 2, 13, 15 kate mbi tokë me 1 kat parkim nëntokë”, me vendndodhje në Orikum, Bashkia Vlorë, me subjekt zhvillues shoqërinë “Marina Orikum” sh.p.k.

Leje Ndërtimi për objektin: “Struktura hotelerie 1, 2, 3, 9, 11, 13 kate dhe rezidenciale 1, 2, 13, 15 kate mbi tokë me 1 kat parkim nëntokë”, me vendndodhje në Orikum, Bashkia Vlorë, me subjekt zhvillues shoqërinë “Marina Orikum” sh.p.k.

Leje Ndërtimi për objektin: “Godinë banimi, shërbimi dhe hotelerie 22 dhe 24 kate mbi tokë dhe 5 kate nëntokë”, me vendndodhje në Rrugën “Myslym Shyri”, Bashkia Tiranë, me subjekte zhvilluese shoqëritë “Artech Group” sh.p.k dhe “Edonil Konstruksion” sh.p.k.

Leje Ndërtimi për objektin: “Strukturë shërbimi dhe banimi 21-23 kate mbi tokë dhe 3 kate parkim nëntokë”, me vendndodhje në Rrugën “Qemal Stafa”, Bashkia Tiranë, me subjekt zhvillues shoqërinë “Primo Invest” sh.p.k.

Leje Ndërtimi për objektin: “Godinë polifunksionale 26, 31 dhe 35 kate mbitokë, me 5 kate nëntokë”, me vendndodhje në Bashkinë Tiranë, me subjekt zhvillues shoqërinë “Sian Buildings Albania” sh.p.k.

Leje Ndërtimi për objektin: “Resort me hoteleri dhe apartamente me shërbime turistike, me taraca të shfrytëzueshme dhe me mur rrethues”, me vendndodhje në Gjirin e Lalzit, Bashkia Durrës, me subjekt zhvillues shoqërinë “Bpi Blessed Property Invest” sh.p.k.

Leje Ndërtimi për objektin: “Struktura shërbimi, banimi dhe hotelerie 1-2 dhe 10 kate mbitokë, me 1 kat parkimi nëntokë”, me vendndodhje në Radhimë, Bashkia Vlorë, me subjekt zhvillues shoqërinë “Klint 2021” sh.p.k.

Leje Ndërtimi për objektin: “Struktura shërbimi, banimi dhe hotelerie 1-2-3-9-10 kate mbitokë, me 1-2 kate parkimi dhe shërbimi nëntokë”, me vendndodhje në Radhimë, Bashkia Vlorë, me subjekt zhvillues shoqërinë “Klint 2021” sh.p.k.

Leje Zhvillimi për objektin: “Dhërmi Apartments”, me vendndodhje në Dhërmi, Bashkia Himarë, me subjekt zhvillues shoqërinë “Duni Group Construction” sh.p.k.

Leje Ndërtimi për objektin: “Komuna Building”, Godinë banimi dhe shërbimi 22-23-24 kate me 5 kate parkimi nëntokë”, me vendndodhje në Rrugën e Kosovarëve, Bashkia Tiranë, me subjekt zhvillues shoqërinë “TDT & partners” sh.p.k.

Leje Ndërtimi për objektin: “Kompleks rezidencial, shërbimesh dhe hoteleri (Riverëay City), me 2, 11, 12, 13, 14, 15, 16, 17, 19, 20, 22, 24, 29 kate, me 2 kate nëntokë”, me vendndodhje në Rrugën “Pjetër Bogdani”, Bashkia Tirnë, me subjekt zhvillues shoqërinë “Grupi Industrial Albanez” sh.p.k

Leje Ndërtimi për objektin: “2 godina polifunksionale 27 dhe 26 kate me 4 kate parkim nëntokë”, me vendndodhje në Bashkinë Tiranë, me subjekt zhvillues shoqërinë “Nord Konstruksion” sh.p.k.

Leje Ndërtimi për objektin: “Sails”, Objekt banimi dhe shërbimi me 15 kate mbi tokë dhe 2 kate nëntokë, me vendndodhje në Bashkinë Vlorë, me subjekt zhvillues shoqërinë “Joti & S.T” sh.p.k.

Leje Ndërtimi për objektin: “Godinë shërbimi hoteleri me 21 kate mbitokë dhe 4 kate nëntokë”, me vendndodhje në Golem, Bashkia Kavajë, me subjekt zhvillues shoqërinë “Bonita Konstruksion” sh.p.k.

Leje Ndërtimi për objektin: “Strukturë banimi me 1, 4, 21, 33, 37 dhe 49 kate mbi tokë dhe 5 kate nëntokë, me vendndodhje në Rrugën “Reshit Petrela”, Bashkia Tiranë, me subjekt zhvillues shoqërinë “E.S.E.C” sh.p.k.

Leje Ndërtimi për objektin: “Bllok banimi me godina një familjare me 2 kate mbi tokë dhe 1 kat nëntokë”, me vendndodhje në Dhërmi, Bashkia Himarë, me subjekt zhvillues shoqërinë “Bonum Ventus Developments” sh.p.k

Leje Ndërtimi për objektin: “Kompleks multifunksional me 3, 20 dhe 36 kate mbi tokë dhe 3 kate nëntokë”, me vendndodhje në “Petrela”, Bashkia Tiranë, me subjekt zhvillues shoqërinë “Orion” sh.p.k

Leje Zhvillimi për objektin: “Vlorë Beach, Struktura residenciale me 1, 3, 4, 5, 6, 7, 8, 9, 20, 26, 30 kate mbitokë, 2 kate nëntokë dhe hapësira të përbashkëta”, me vendndodhje në Zonën e Plazhit të Vjetër, Bashkia Vlorë, me subjekt zhvillues shoqërinë “Feniks Konstruksion” sh.p.k

Mbledhje e datës 28 maj

Leje Ndërtimi për objektin “Godinë banimi dhe shërbimi me 1,7,8 dhe 16 kate mbitokë me 2 kate parkim nëntokë”, Zona 06, Zona e Menaxhimit A05, me vendodhje në “Marina dhe Jahtet e Durrësit”, Bashkia Durrës, me subjekt zhvillues shoqërinë “Durrës Marina” sh.a

Leje Ndërtimi për objektin: “Kompleks turistik me program hoteleri dhe shërbime 11 kate mbi tokë dhe 1 kat nëntokë”, me vendndodhje në Zvërnec, Bashkia Vlorë, me subjekt zhvillues shoqërinë “Turi M.Z.P” sh.p.k.

Leje Ndërtimi për objektin: “Atlas Building” – Godinë multifunksionale, shërbim, banim, 1 dhe 30 kate mbitokë dhe 4 kate nëntokë, me vendndodhje në Bashkinë Tiranë, me subjekt zhvillues shoqërinë “Erniku” sh.p.k

Leje Ndërtimi për objektin: “Strukturë shërbimi, banimi dhe hoteleri me 26 kate mbi tokë dhe 5 kate nëntokë”, me vendndodhje në Bashkinë Tiranë, me subjekt zhvillues shoqërinë “Lunor” sh.p.k dhe “Ultratech” sh.p.k.

Leje Ndërtimi për objektin: “Lalzi Bay”, Kompleks me funksion banim, shërbim dhe hoteleri me 1, 4, 5 dhe 6 kate mbitokë dhe 1 – 2 kate nëntokë”, me vendndodhje në Bashkinë Durrës, me subjekt zhvillues shoqërinë “Xhajs Tirana” sh.p.k.

Leje Ndërtimi për objektin: “Godinë banimi dhe shërbimesh 25 kate, me 3 kate parkim nëntokë”, me vendndodhje në Rrugën “Andrea Kushi”, Bashkia Tiranë, me subjekt zhvillues shoqërinë “He-In Invest” sh.p.k

Leje Ndërtimi për objektin: “Godinë shërbimi dhe banimi me 23 kate mbi tokë dhe 3 kate nëntokë”, me vendndodhje në Rrugën e Dafinave, Bashkia Tiranë”, me subjekte zhvilluese shoqëritë “Agroroma 2019” sh.p.k dhe “EB Construction” sh.p.k.

leje ndërtimi për objektin: “Godina banimi dhe shërbimesh 1, 4, 5, 11, 12, 16, 26 dhe 30 kate mbi tokë, me 3 kate parkim nëntokë, me vendndodhje në Rrugën “Pavarsia”, me subjekte zhvilluese shoqëritë “Vega” sh.p.k dhe “Vr Construction” sh.p.k.

Mbledhja e datës 4 qershor 2025

1. Leje Ndërtimi për objektin: “Resort multifunksional “Jali Village”, Objekte banimi, hotel dhe shërbime me 1, 2, 3, 4 dhe 5 kate mbitokë dhe 1-2 kate nëntokë, me vendndodhje në Bashkinë Himarë, me subjekt zhvillues shoqërinë “Metro Design” sh.p.k.

Leje Zhvillimi për objektin: “Lalzi Bay Resort”, Kompleks Turistik dhe Rezidencial, me vendndodhje në Gjirin e Lalzit, Bashkia Durrës, me subjekt zhvillues shoqërinë “Omnix Albania” sh.p.k.

Leje Ndërtimi për objektin: “Strukturë shërbimi dhe banimi 21-23 kate mbi tokë dhe 3 kate parkim nëntokë”, me vendndodhje në Rrugën “Qemal Stafa”, Bashkia Tiranë, me subjekt zhvillues shoqërinë “Primo Invest” sh.p.k.

Mbledhja e datës 11 qershor

Leje Ndërtimi për objektin: “Godinë banimi dhe shërbimi me 1, 4, 7, dhe 13 kate mbi tokë, me parkim 1 kat parkim nëntokë, Zona 20, Zona e Menaxhimit 2B03”, me vendndodhje në “Marina & Jahtet e Durrësit”, Bashkia Durrës, me subjekt zhvillues shoqërinë “Durrës Marina” sh.p.k.

Leje Ndërtimi për objektin: “Godinë banimi dhe shërbimi me 1, 4, 7, 8 dhe 10 kate mbi tokë, me parkim 1 kat parkim nëntokë, Zona 21, Zona e Menaxhimit 2B04”, me vendndodhje në “Marina & Jahtet e Durrësit”, Bashkia Durrës, me subjekt zhvillues shoqërinë “Durrës Marina” sh.p.k.

Leje Ndërtimi për objektin: “Godinë banimi dhe shërbimi me 1, 4, 6, 7, 8 dhe 10 kate mbi tokë, me parkim 1 kat parkim nëntokë, Zona e Menaxhimit 2B01”, me vendndodhje në “Marina & Jahtet e Durrësit”, Bashkia Durrës, me subjekt zhvillues shoqërinë “Durrës Marina” sh.p.k.

Leje Ndërtimi për objektin: “Parkim 2 kate nëntokë, Zona e Menaxhimit 2P”, me vendndodhje në “Marina & Jahtet e Durrësit”, Bashkia Durrës, me subjekt zhvillues shoqërinë “Durrës Marina” sh.p.k.

Leje Ndërtimi për objektin: “Ondee Hotel” – Strukturë me funksion hoteleri me 1, 2, 3, 4, dhe 5 kate mbi tokë dhe 2 kat nëntokë, me vendndodhje në Radhimë, Bashkia Vlorë, me subjekt zhvillues shoqërinë “Ulk Invest” sh.p.k.

Leje Ndërtimi për objektin: “Objekte banimi dhe apart-hotel me 1, 2, 3, 4, 5 kat mbitokë dhe 2 kat nëntokë”, me vendndodhje në Bashkinë Himarë, me subjekt zhvillues shoqërinë “Aliraj & K” sh.p.k.

Leje Ndërtimi për objektin: “Strukturë shërbimi dhe hotelerie 1-4 kate mbi tokë, me 1-2 kate nëntokë me pishina dhe mur rrethues”, me vendndodhje në Borsh, Bashkia Himarë, me subjekt zhvillues shoqërinë “Helvetic Horizon” sh.p.k.

Leje Ndërtimi për objektin: “Godinë shërbimi, banimi dhe hotelerie 3 dhe 26 kate me 6 kate parkimi nëntokë”, me vendndodhje në Bashkinë Tiranë, me subjekt zhvillues shoqërinë “Metro Design” sh.p.k.

Leje Zhvillimi për objektin: “Godinë shërbimi, banimi dhe hotelerie nga 6 deri në 22 kate me 6 kate parkim nëntokë”, me vendndodhje në Bashkinë Tiranë, me subjekt zhvillues shoqërinë “Metro Design” sh.p.k.

Leje Ndërtimi për objektin: “Objekt mixed-use, Shërbime, Banim, Hotel me 37 kate mbitokë dhe 5 kate parkim nëntokë”, me vendndodhje në Bulevardin e Ri, Bashkia Tiranë, me subjekt zhvillues shoqërinë “Stela Konstrukion” sh.p.k.

Leje Ndërtimi për objektin: “Godinë multifunksionale, Hoteleri, Banim dhe Shërbime 2, 3, 4, 5, 6, 8, 11, 18, 26, 29, 39, 42, 45 kate me 4 kate nëntokë dhe pikë shitje karburanti”, me vendndodhje në Yzberisht, Bashkia Tiranë, me subjekt zhvillues shoqërinë “Fafa Konstruksion” sh.p.k.

Leje Ndërtimi për objektin: “Kompleks residencial dhe hoteleri “Vazo Residence”, me vendndodhje në lagjia “Uji i Ftohtë”, Bashkia Vlorë, me subjekt zhvillues shoqërinë “Dolphin Group” sh.p.k. 26. Leje Ndërtimi për objektin: “Godinë polifunksionale 1-39 kate, me 4 kate nëntokë, me vendndodhje në lagjen “Uji i Ftohtë”, Bashkia Vlorë, me subjekt zhvillues shoqërinë “G&E Investment” sh.p.k

Leje Ndërtimi për objektin: “Godinë me funksion miks, banimi dhe shërbim 20 kate me 4 kate parkimi nëntokë”, me vendndodhje në rrugën “Currila”, Bashkia Durrës, me subjekt zhvillues shoqërinë “Autokton Konstruksion” sh.p.k.

Mbledhje e datës 28 qershor

Leje Ndërtimi për objektin: “Strukturë akomoduese me 58 kate mbi tokë dhe 6 kate nëntokë”, me vendndodhje në Rrugën “Llazar Pulluqi”, Bashkia Tiranë, me subjekt zhvillues shoqërinë “Aba Toëer” sh.p.k.

Leje Ndërtimi për objektin: “Resort multifunksional banim, hotel dhe shërbime me 2, 4, 5 kate mbi tokë dhe 1 – 2 kate nëntokë, Faza 3”, me vendndodhje në Bashkinë Sarandë, me subjekt zhvillues shoqërinë “TDT & Partners” sh.p.k

Leje Ndërtimi për objektin: “Objekt shërbimi, banimi dhe hoteleri 6 dhe 25 kate mbi tokë, me 3 kate parkim nëntokë dhe mur rrethues”, me vendndodhje në Selitë, Bashkia Tiranë, me subjekt zhvillues shoqërinë “ASR Invest” sh.p.k.

Leje Ndërtimi për objektin: “Stukturë akomodimi dhe shërbimi 11, 13, 14 dhe 18 kate, me 4 kate nëntokë, me tarracë të shfrytëzueshme”, me vendndodhje në Bashkinë Kavajë, me subjekt zhvillues shoqërinë “Royal G Max” sh.p.k.

Leje Ndërtimi për objektin: “Arte Marea 1”, kompleks turistik dhe shtëpi pushimesh, shërbime dhe hotel, me vendndodhje në Zvërnec, Bashkia Vlorë, me subjekt zhvillues shoqërinë “Green Investment” sh.p.k.

Leje Ndërtimi për objektin: “Godinë banimi dhe shërbimi 1, 7, 10, 14 dhe 15 kate mbi tokë me 2 kate parkimi nëntokë”, me vendndodhje në Bashkinë Vlorë, me subjekt zhvillues shoqërinë “Golemi Konstruksion” sh.p.k./ Monitor

The post Shumëkatësha edhe në bregdet, shtohen kullat në Tiranë – Zbulohen vendimet e 5 mbledhjeve të KKTU-së appeared first on Albeu.com.

Berisha tha se Rama i dha kartelit Troplini, 40 mijë metër katrorë tokë publike për ndërtimin e kullave te stadiumi i Durrësit.

Sipas kryedemokratit Berisha, një vendim i tillë është komplet i paligjshëm, pasi ligji parashikon që tjetërsimi i pronësisë nga publiku te privati, kërkon 3/5 të votave në Këshillin Bashkiak.

“Tani jemi tek ky kartel, i cili është edhe karteli më i fuqishëm në europë, karteli që ka si pronë private portin e Durrësit dhe që shpërndan tonelatat e kokainës nga ai port në mbarë Europën.

Vetëm pak ditë pas këtyre veprimeve ka ndodhur një akt tjetër shpërblimi për kartelin Troplini.

Edi Rama, i cili udhëtoi edhe në Angli dhe u tha se Durrësi do kopjojë klubin e Mançesterit dhe se ka urdhëruar Fondin Shqiptar të Zhvillimit të investojë 65 milionë euro në stadiumin për ta bërë si stadiumin e Mançesterit, çfarë ndodh?

E gjitha kjo aferë, e marrë përsipër nga FSHZH, transferohet tek privati.

Prona publike prej 40 mijë metër katrorë i kalohet privatit, i jepet leje ndërtimi për 5 kulla, njëra prej të cilave 55 katesh, tjetra 31 kate dhe të tjerat edhe ato dhjetëra kate.

Ky tjetërsim i pronës publike, kjo grabitje e pronës publike, është një shpërblim që Edi Rama i bën përsëri klanit Troplini.

Sipas të gjithë treguesve, pas kësaj afere apo tani Niko Dovana dhe kompleksi që ndërtohet përreth është transferuar nga Hasanbelliu, që e ka pasur prej shumë e shumë vitesh klubin dhe kompleksin, është transferuar tek Fatmir Troplini, djali i Xhevdet Troplinit thuhet se është ky.

38 mijë metër katrorë tokë shpërblehet për votat që mbliodhi në Durrës dhe zonat e tjera për Arkend Ballën, Drazhin dhe përfaqësues të tjerë të botës së krimit në parlament.

Vendim komplet i paligjshëm sepse ligji i vendit parashikon që tjetërsimi i pronësisë nga publiku tek privati kërkon 3/5 të votave në Këshillin Bashkiak.

Pra kërkonte 31 vota në Këshillin Bashkiak të Durrësit, ndërkohë që për këtë vendim kanë votuar gjithsej 27 këshilltarë.

Dhe prefekti, natyrisht që ka tagrin dhe detyrimin ligjor të prishjes së vendimit, bën sikur nuk ka ndodhur gjë.

Pra, shpërblimi më i madh siç e shihni ju, përfituesit më të mëdhenj u bënë karteli më i fuqishëm në Europë, karteli Troplini”, u shpreh Berisha.

The post Sali Berisha: Rama shpërbleu kartelin Troplini duke u dhënë 40 mijë m2 tokë publike për kulla në Durrës appeared first on Albeu.com.

Në fazën finale të Garës Ndërkombëtare për Projekt-Ide Arkitekturore për Rilindjen e Stadiumit “Selman Stërmasi”, ishin 5 skuadrat finaliste, ku OMA u zgjodh fituese.

Skuadrat finaliste peezantuan konceptet arkitektonike për një Stadium krejtësisht të ri sipas standardeve të UEFA-s.

The post Projekti me kulla/ Shpallet fituesi i konkursit për rijetëzimin e stadiumit “Selman Stërmasi” appeared first on Albeu.com.

Ai kritikon ashpër bashkëpunimin mes kryeministrit Edi Rama dhe kryebashkiakut Erion Veliaj, të cilët, sipas tij, po përpiqen të shesin një plan për “rijetëzimin” e stadiumit “Selman Stërmasi”, ndërkohë që qëllimi i vërtetë është ndërtimi i katër kullave të reja në vendin e stadiumit.

Sipas Telitit, kjo iniciativë do të miratohet në Këshillin Bashkiak të Tiranës, me forcën e kartonave të këshilltarëve që janë të bindur verbërisht ndaj Veliajt, pa u konsultuar fare me qytetarët.

Gjithashtu, Teliti shpreh shqetësimin e tij se ky projekt është një tjetër hap drejt betonizimit të Tiranës dhe tjetërsimit të pronës publike, duke akuzuar se pas këtij plani mund të qëndrojnë interesa të errëta të lidhura me korrupsionin, krimin dhe pastrimin e parave.

DYSHJA RAMA-VELIAJ “SHTRON RRUGËN” PËR NDËRTIMIN E KATËR KULLAVE TE STADIUMI SELMAN STËRMASI!

Kryebashkiaku i Tiranës do të miratojë në Këshill Bashkiak ditën e hënë (9 shtator), me forcën e kartonave të këshilltarëve të bindur verbërisht ndaj tij, hapjen e rrugës për “gjoja rijetëzimin” e stadiumit Selman Stermasi, por që në realitet ka për qëllim ndërtimin e plot katër kullave të reja në gjurmët e pronësisë së këtij stadiumi.

Kujt i erdhi kjo ide?

Cilit ndërtues apo grup ndërtuesish do ti jepet kjo “dhuratë”?

Kush fshihet realisht pas këtyre katër kullave?

Kush do pastrojë aty paratë e krimit, drogës, korrupsionit dhe klientelizmit?

Pse Veliaj pengon Këshillin Bashkiak të Tiranës të zhvillojë procesin e konsultimit publik për të pyetur banorët e Tiranës se cfarë mendojnë e cfarë sugjerojnë, ashti sic e lips edhe baza ligjore?

Pse trembet dyshja Rama-Veliaj nga e vërteta dhe transparenca?

Hapsi sytë qytetarë, ky do të jetë projekti i rradhës i betonizimit absurd, abuzimit dhe tjetërsimit të pronës publike, me “gjoja justifikimin e rijetëzimit”, ndaj opozita duhet dhe do ta kundërshtojë me forcë këtë iniciativë të rradhës për betonizimin kriminal që i bëhet Tiranës.

The post Dorjan Teliti: Rama dhe Veliaj do të ndërtojnë kulla te stadiumi “Selman Stërmasi” appeared first on Albeu.com.

Kulla Aeternitas është rezultat i një partneriteti midis zhvilluesit të pasurive të paluajtshme me qendër në Dubai, London Gate dhe prodhuesit zviceran të orëve luksoze Franck Muller.

“Ne besojmë se ora do të shihet nga gjashtë kilometra larg për shkak të lartësisë së madhe të ndërtesës”, tha Tom Hill, koordinator i marrëdhënieve me median, duke shtuar se faqja e orës do të jetë një lartësi e madhe 40 metra dhe 30 metra e gjerë.

“Ne donim të bënim diçka ndryshe që nuk është bërë më parë në Dubai”, shtoi Hill.

Emri i kullës do të thotë “përjetësi” në latinisht dhe është frymëzuar nga koleksioni i orëve Franck Muller Aeternitas. Projekti do t’u dorëzohet banorëve në vitin 2027, sipas London Gate.

The post Dubai është gati për çmendurinë e radhës! Do të ndërtojë kullën me sahat në lartësinë e 450 metrave appeared first on Albeu.com.

Bardhi theksoi se në kullat e Tiranës në fakt pastrohen para. Ai shtoi se afera e inceneratorëve dhe të tjera skandale e kanë nxirë këtë qeveri, që sipas tij, është kundër çdo qytetari.

Bardhi: Ne sot kemi me vete vullnetin tuaj për të fituar. Ju këtu jeni pasuria më e madhe që ka Shqipëria, që nuk dorëzoheni dhe frymëzoni mijëra shqiptarë brenda dhe jashtë vendit. Liria në këtë shesh ka emrin e secilit prej jush. Ne duam të bëjmë më të mirën për Shqipërinë. Ne jemi bërë bashkë si e vetmja mundësi për t’u përballur me të keqen. Edi Rama mbjell vetëm korrupsion dhe varfëri. Rama ka përdorur çdo mekanizëm që të mbjellë frikë. Ne nuk kemi frikë, ne do të përballemi, ne nuk dorëzohemi. Vendi është në varfëri. Shqipëria është kthyer në një parcelë të madhe, duke varfëruar pjesën dërrmuese të shqiptarëve. Kullat janë pastrim parash, afera e inceneratorëve na tregoi sa e korruptuar është kjo qeveri. Por ka rrugëdalje nga gjendja ku ndodhet sot Shqipëria. Ne jemi ndryshe dhe Shqipëria do të bëhet vend i mundësive./albeu.com 

The post “Rama mbjell frikë”, Bardhi: Në kulla pastrohen para, afera e inceneratorëve na tregoi sa e korruptuar është kjo qeveri appeared first on Albeu.com.

Bumi i ndërtimit, veçanërisht në kryeqytet, ka ngritur shqetësimet për një fluskë të mundshme në sektorin e pasurive të paluajtshme. Ndonëse fluskat e ndërtimit janë të vështira për t’u parashikuar, ekonomistët përdorin disa indikatorë udhëheqës që sinjalizojnë nëse tregu i banesave po shkon në mbiofertë. Njëri prej tyre është ai i rritjes së sipërfaqes së ndërtuar në raport me rritjen e popullsisë. Çfarë po ndodh në Tiranë?

Nga 1 janari i vitit 2016 deri në fund të vitit të kaluar në Tiranë janë dhënë gjithsej leje ndërtimi për 6 milionë e 485 mijë metër katrorë banesa. Mesatarisht 925 mijë metër katrorë në vit. Këto janë vetëm lejet e ndërtimit për qëllime banimi, pa përfshirë ato për ndërtesat tregtare të biznesit apo hotelet.

Grafiku në foto ilustron dy tregues. Kurba me ngjyrën blu tregon sipërfaqen e miratuar për ndërtim në raport me shtesën e popullsisë së Tiranës sipas viteve. Me pak fjalë, sipërfaqen në metra katrorë të lejeve të miratuara për çdo banor të ri që i shtohet Tiranës.

Në vitin 2016, popullsia e Tiranës u rrit sipas INSTAT me 14 mijë e 100 banorë. Për të njëjtin vit KKT dhe Bashkia e Tiranës dhanë leje ndërtimi për 141 mijë metër katrorë banesa. Që do të thotë 10 metër katrorë për çdo banorë të shtuar.

Në vitin 2022, popullsia e Tiranës u shtua me 6500 banorë. Për të njëjtin vit KKT dhe Bashkia dhanë leje për 1 milionë e 808 mijë metër katrorë ndërtim, ose 278.1 metër katrorë për çdo banor të shtuar.

Kurba e dytë me ngjyrë portokalli tregon mesataren e metrave katrorë të bainimit që ka sot një qytetar i Bashkimit Europian. Pra sot në Europë, çdo banorë ka mesatarisht 30 metër katrorë sipërfaqe banimi ku jeton.

Ashtu siç tregohet qartë nga grafiku, pas vitit 2018 Tirana po ndërton shumë me tepër se sa ka fluks popullsie. Dhe hendeku po zgjerohet vit pas viti duke arritur rekordin vitin e kaluar, ku për çdo banorë që iu shtua kryeqytetit u dha 278.1 metër katrorë leje ndërtimi për banim. Nëse do t’i referoheshim sipërfaqes mesatare në BE, kjo rezulton 9 herë më shumë se nevoja. Ky tregues është një paralajmërues fluske.

Megjithatë ai ka dy kufizime të forta. E para për mungesë statistikash nuk merr parasysh stokun ekzistues të sipërfaqes së banimit për person. Sa metër katrorë të ndërtuar ka aktualisht Tirana për banor? Kjo e dhënë nuk është disponibël.

Nëse stoku ekzistues i sipërfaqes së banimit është i vogël, për shembull 15 metra katorë për banor, atëherë rritja e ofertës së ndërtimit thjesht do të akomodonte nevojat e banorëve ekzistues pa çuar domosdoshmërisht në fluskë.

Kufizimi i dytë është përdorimi i banesave si investim. Nëse Tirana përballet me fluks të lartë turistësh që përdorin AirBnb, një pjesë e banesave do të përdoreshin si investim nga pronarët duke gjeneruar të ardhura pa çuar në mbiofertë të tregut.

Indikatori i dytë që përdoret për të sinjalizuar një fluskë të mundshme në ndërtim është ai i rritjes së sektorit të ndërtimit në raport me PBB. Ky është një indikator që përdoret gjerësisht nga FMN për të parlajmëruar fluskat.

Nga studimet empirike të FMN ka rezultuar se nëse diferenca mes rritjes së ndërtimit dhe asaj të ekonomisë në tërësi qëndron mbi 5 pikë përqindje për më shumë se 5 vjet, atëherë rreziku për fluksë rritet në mënyrë eksponenciale. Pra nëse ekonomia rritet me 2 për qind, ndërsa ndërtimi me 7 apo 8 për qind për 5 vjet rresht rreziku për fluskë është i lartë. Çfarë po ndodh në Shqipëri?

Në vitin 2020, sektori i ndërtimit u rrit me 1.21 për qind. Për të njëjtin vit ekonomia ra me 3.3 për qind. Diferenca në rritje rezulton 4.5 oër qind. Por në vitin 2021 diferenca mes rritjes së ndërtimit dhe asaj të ekonomisë kërceu në 9.1 për qind, ndërsa vitin e kaluar arriti në rekordin 10.9 për qind.

Pra në tre vitet e fundit ndërtimi po rritet shumë më shpejt se ekonomia në tërësi. Grafikisht kjo do të paraqitej në formën e një sfere që zmadhohet brenda rrethit të ngushtë të ekonomisë. Nëse kjo situatë do të vazhdojë edhe për disa vite të tjera, rreziku që fluska të pëlcasë rritet eksponencialisht.

Indikatori i tretë është edhe më i thjeshtë. Ai është ideuar nga Joseph Stieglitz, një nga ekonomistët më të njohur të botës. Stieglitz thotë se nëse çmimi i një aseti është më i lartë se sa sugjerojnë fondamentet e ekonomisë dhe njerëzit vazhdojnë ta blejnë atë thjesht dhe vetëm të shtyrë nga idea se çmimi i tij do të rritet edhe më shumë, atëherë fluska është afër.

Diskutimet se çmimet e banesave në Shqipëri janë shumë më të shtrenjta se sa sugjeron forca e ekonomisë shqiptare janë të shumta. Kjo mbështetet edhe nga të dhënat e forta. Praktikisht Tirana është një nga qytetet me çmimin më të lartë të banesave në Europë në raport me fuqinë blerëse. Dhe çmimi vazhdon të rritet sepse shumë qytetarë vazhdojnë të blejnë me idenë se çmimi do të rritet edhe më shumë.

Pra, te gjithe indikatoret spiune sugjerojne se rreziqet per fluske ne ndertim po rriten eksponencialisht. A do te ndodhe? Kete nuk mund ta thote askush. Shkenca mbaron pune ketu. Me tej jane punet e Zotit.

The post Sinjalet e fluskës së ndërtimit janë aty. A do të ndodhë? appeared first on Albeu.com.

Sipas tij, Basha, Erion Veliaj dhe Taulant Balla kanë shpifur për të në lidhje me kullën që do të ngrihet në Tiranë, pas Teatrit të Operas dhe Baletit.

Berisha shtoi se ai nuk ka dhënë leje për kulla, teksa shtoi se edhe djali i tij nuk ka lidhje në këtë histori.

“Me Lulzim Bravën ka aleancë aq sa mund të ketë me Taulant Ballën. Kjo është përgjigjia ime.

Demokratët duhet të bashkohen, por Brava dhe Alibasha janë pengje mjerane të keqpëdorura të Edi Ramës.

A e patë se si u ndez një sherr i tmerrshëm brenda PS-së për shkak të keqpërdorimit që i bëri për një moment, Veliaj, Bashës.

E konstatuat ju. E morët vesh ju se si ndërtuan një mal shpifjesh të pashembullt në histori për lidhjet e mia me kullat, njeriu që nuk dha gjithë jetën e tij, refuzoi të japë një leje për një kullë.

Projektet e kullave nuk janë të tanishme, e kanë origjinën në vitin 2001, 2003 e me radhë, por ato nuk kalonin se unë kisha koncept tjetër për qytetin.

Në planin urbanistik të Tiranës, të miratuar në vitin 2013, nuk ekzistonte asnjë ndërtesë mbi 6 deri 8 kate. Ky ishte koncepti im. Nuk jam kundër arkitekturës qiellore, por ato duhet të kenë vende të caktuara dhe rregulla të caktuara.

Një kullë shkatërron jetën e një zone të tërë me dendësinë e popullatës që krijon ato.

Ushtria e gjobëvënësve nxori se unë paskam lidhje me investitorët dhe ndërtuesit, unë u them këtu shqiptarëve se as Agim Zeqo, as Ilir Shtufi nuk ka dhënë një qindarkë të vetme për Foltoren.

Kur kam qenë kryeministër, nuk kanë pasur kurrë një favor nga unë dhe nuk e kanë kërkuar kurrë.

Sot, njërit i kanë hequr akcizën për bullin energjetik, tjetri ka me dhjetëra tendera nga Erion Veliaj e me radhë.

U ndala në këtë se këta që ngritën malin e shpifjeve, dhe e vërteta është që mali i shpifjeve sado që unë, ju e kuptoni pasionin tim për të akuzuar Edi Ramën, por në këtë rast ishte Veliaj-Balla-Brava që e stisën këtë.

Im bir nuk ka asnjë lidhje, kategorikisht me asnjë kullë. E thashë se nuk kam dhënë dhe nuk do jepja kurrë leje për kullë në Tiranë.

Kjo që bëhet është një batërdi, kjo është një shëmti dhe jam unë që i kam çuar në mënyrë të përsëritur, le që thonë këta se këtyre memorien ua përcakton gjoba, jam unë që i kam quajtur kullat, monumente të shëmtuara të krimit dhe drogës”, tha Berisha.

The post Akuzat për kullën në mes të Tiranës, Berisha: Shpifje të Ballës, Veliajt dhe “Bravës”, unë dhe djali im nuk kemi lidhje appeared first on Albeu.com.

Reagimi i tij vjen një ditë pas postimit të gjatë që bëri kryeministri Edi Rama në Facebook.

Veliaj shprehet se sherri për kullën është një përplasje e brendshme mes “dy copave të PD-së”.

Reagimi i  Veliajt:

Sot është shumë më e vështirë të marrësh vendim për të shpronësuar 20 mijë m2, qe kushton 20 mln euro; i bie t’i heqësh qytetit investimet për një 1 ose 2 vite. Kjo nuk qëndron. Për sqarim,  zona që ishte dhënë për ndërtim në gropën e Hajdin Sejdisë, mirëmbahej nga Bashkia e Tiranës për efekt estetik, derisa të kishte një vendimmarrje tjetër. Unë kam qenë anëtar në konkursin për studion fituese të kullës dhe të gjitha personazhet që sot shfaqen të shokuar, e kanë pasur ne transmetim live në transparencë totale. Grupi danez ishte aq impresionues dhe kishin bërë me aq pasion, dhe kishin aq detaje, fabulës së asaj ndërtese, saqë juria u impresionua dhe vendosi unanimisht. Kjo vendimmarrje ndodhi live në televizion. Në mars u dha leja nga Këshilli Kombëtar, por edhe kjo ishte publike. Menjëherë pasi mbaron mbledhja, botohen në fletoren zyrtare, botohen online. Pra të thuash që këta zbuluan diçka në gusht, është krejtësisht patetike.

Ajo që në fakt ndodhi është se në korrik rikonfirmohet një segment i Partisë Demokratike në detyrë, që është PD-ja e vulës dhe fillon sherrin e brendshëm me PD-në e Saliut, në qoftë se mund ta quaj kështu. Kështu që, është një sherr mes dy copave të PD-së sepse ata mendojnë se si në kohë të tyre, ku çdo gjë bëhej me gjobëvënie, ku çdo gjë bëhej për të copëtuar dhe për të trajtuar qytetin si plaçkë, ata mendojnë se kështu bëjnë të gjithë. Duke qenë se Saliu vriste vete, ai mendon që të gjithë njerëzit vrasin, siç ndodhi në 21 janar. Duhet qenë se Gërdeci ishte planifikuar nga i biri i tij paraprakisht, edhe gjithçka që ndodhi aty, përfshirë dhe rastin fatkeq te hedhjes në erë të 26 vetave, ai mendon se kështu i bëjnë të gjithë njerëzit planet. Pra në Partinë Demokratike problemi dhe sherri brenda llojit sepse ata besojnë dhe mendojnë që të gjithë shqiptarët funksionojnë kështu. Por nuk është kështu! Ndodhi në mënyrë transparence.

Merrni kamerën shkoni në stadium sot, do të keni këtu gjithë analistët. Vetë janë të gjithë me vila, që kryesisht i kapin nga gjobëvënia. Keni sot gazetarë dhe analistë që jetojnë shumë më mirë se ata njerëz që kanë 30-40 vite që punojnë. Kështu që, në këtë sens këtu është bërë një lëmsh mes dy copave të Partisë Demokratike, dhe mendojnë që do i lajnë hesapet e tyre në kurriz të Tiranës. Përsa i përket Bashkisë së Tiranës, konkursi ishte transparent, transparente leja, transparent taksa. Kurse për sa i përket sherreve që ka brenda Partisë Demokrate thoshin gjyshet tona: Kokat hëngshin. Por në qoftë se mendoni se ne jemi duke i qarë hallin kë të ndihmojmë vulën, apo Saliun, unë them përsëri kokat hëngshin, sepse Shqipëria ka parë keq si nga ajo familje e bashkuar, si nga ajo familje e copëtuar, ka prodhuar vetëm ligësi./albeu.com

The post Veliaj reagon më në fund për kullën: Po përplasen dy copat e PD-së appeared first on Albeu.com.

Baze thekson se ai bie dakord me të gjithë akuzat e Ramës drejtuar kritikëve, ndërsa me ironi shton se me të vetmën pikë që nuk bie dakord me kryeministrin ëhstë kur thotë se nuk duhet të merremi me thashetheme se kush qendron pas investitorëve që kanë nofka në vend të mbiemrit.

Reagimi i Bazes:

Bie plotësisht dakord me gjithë reagimin e Kryeministrit Edi Rama. Jam dakord dhe jam i kënaqur që projekti i kullës është bërë me konkurs ndërkombëtar dhe ka fituar projekti më i mirë. Shumë i bukur është .

Dhe shumë mirë që qenka gëzuar dhe ai djali nga Elbasani që këtu në Shqipëri nuk ka korrupsion. 

Bie plotësisht dakord që Shqipëria ka marrë një ritëm të jashtëzakonshëm zhvillimi në fushën e ndërtimeve dhe sidomos infrastrukturës për turizëm, çka në një farë mënyre po i del para fluksit në rritje të papërballueshme të turizmit në Shqipëri.

Dhe shumë mirë që kryeministri e ka shqetësim personal këtë dhe thërret studio të famshme arkitekture që u di dhe sa punonjës kanë. Dhe shumë mirë që këta shqiptarët miliarderë që do ta ndërtojnë Kullën, nuk ja tregojnë sa punëtorë kanë .

Bile plotësisht dakord dhe me sulmin e tij ndaj gjithë kritikëve të kullës, ndaj Lulzim Bashës që e çon në SPAK, (edhe pse një nga ndërtuesit e Kullës është në hetim nga SPAK) ndaj Arlind Qorrit që është kundër kapitalizmit, ndaj të tjerëve që dyshojnë për pazare politike etj.

Dhe shumë mirë ma ka bërë dhe mua që kam dashur të bëj pis Shkëlzenin, duke i prishur rehatin Mëhallës së Kullës në Rolling Hill, vetëm për faktin se këta që kanë vënë emra si ndërtues janë zara të tij.

Bie dakord dhe me Shkëlzenin që falënderon Edi Ramën që ua tregoi vendin të gjithëve që kanë probleme me Kullën.

Por e vetmja gjë që nuk kuptoj është përfundimi i Edi Ramës që të mos merremi me thashetheme se kush qëndron pas investitorëve që kanë nofka në vend të mbiemrit.

Këtu e ka tepruar pak, se më çon dëm gjithë autokritikën, duke pranuar se ka frikë që i del emri Shkëlzenit. 

Se unë vetëm kaq kam problem, që Shkëlzeni është investitori i fshehtë i Kullës. Dhe jo vetëm unë. E kanë problem miliona shqiptarë që e kanë nxjerrë “non grata” me vota Sali Berishën, njësoj si aleatët tanë strategjik, që e kanë nxjerrë me ligj. 

The post Mero Baze: Problemi im me Edi Ramën appeared first on Albeu.com.