Gjatë një vizite në Australi, ajo tha: “Duhet të jem totalisht e sinqertë me ju, Europa nuk është mjaft e fortë tani. Do të ishim në telashe pa Shtetet e Bashkuara”.

Finlanda, e cila ndan një kufi të gjatë me Rusinë, do të bashkohet me NATO-n së bashku me fqinjin e saj nordik, Suedinë.

Është e vërtetë që SHBA-ja ka ofruar ndihmën më të madhe ushtarake për Ukrainën në një rrugë të gjatë, duke dhënë 18.6 miliardë dollarë në mbështetje në total.

Bashkimi Evropian është donatori i dytë më i madh, i ndjekur nga Britania e Madhe.

Kryeministrja finlandeze vazhdoi: “Shtetet e Bashkuara kanë dhënë shumë armë, shumë ndihma financiare, shumë ndihma humanitare për Ukrainën dhe Evropa nuk është ende mjaft e fortë.”

Ajo shtoi se Evropa duhet të sigurohet se “po i ndërton ato aftësi kur bëhet fjalë për mbrojtjen evropiane, industrinë evropiane të mbrojtjes dhe duke u siguruar që ne mund të përballemi në lloje të ndryshme situatash”.

The post Kryeministrja finlandeze: Europa do të ishte në telashe nëse nuk do të kishte mbështetjen e SHBA appeared first on Albeu.com.

Fotoja doli pasi një video që tregonte kryeministren Sanna Marin duke kërcyer dhe kënduar me miqtë, nxiti një debat nëse drejtuesja 36-vjeçare e qeverisë ka të drejtë të festojë e shfrenuar.

Zonja Marin konfirmoi se fotografia ishte bërë në një banjë në një rezidencë zyrtare të kryeministrave finlandezë pas një festivali muzikor në fillim të korrikut. Zonja Marin nuk duket në imazh; dy femrat e paraqitura kanë gjoksin e tyre të mbuluar me një shenjë që thotë, “Finlandë”.

Një nga gratë, e cilësuar si një ndikuese e mediave sociale, thuhet se postoi foton, e cila u hoq menjëherë pasi mediat filluan të raportonin për të.

“Për mendimin tim, ajo foto nuk është e përshtatshme, kërkoj falje për këtë. Ajo foto nuk duhej të ishte bërë”, tha zonja Marin të martën.

Ajo tha se mbrëmja pas festivalit ishte një festë private dhe emrat e të gjithë të ftuarve iu dhanë ekipit të sigurisë që monitoron vilën Kesäranta, që ndodhet në pjesën veriore të Helsinkit.

Vila dykatëshe prej druri e vitit 1873 ka një sauna buzë detit, një pavijon, dhe një fushë tenisi.

“Ne ishim duke përdorur ambjentet e saunës dhe zonën e kopshtit, por nuk kaluam kohë brenda vilës Kesäranta, megjithëse tualetet e mysafirëve në katin e poshtëm ishin në përdorim,” tha zonja Marin, sipas kanalit YLE.

Të mërkurën, kryeministrja iu drejtua një turme në qytetin jugor Lathi të Finlandës, dhe përmendi pamjet e jetës së saj private që u bënë publike.

“Unë jam gjithashtu njeri,” cituan mediat finlandeze të ketë thënë zonja Marin me zë të thyer dhe sy të skuqur. Ajo shtoi se kurrë nuk kishte dështuar të merrte pjesë në një detyrë të vetme, sepse kishte marrë pushim.

“Unë bëj punën time. Kam mësuar nga kjo”, tha zonja Marin. “Kjo javë nuk ka qenë e lehtë. Ka qenë e vështirë. Por dua të besoj se njerëzit shikojnë punën që bëjmë, jo atë që bëjmë në kohën tonë të lirë”.

Në videon e publikuar javën e kaluar, zonja Marin shfaqej me miqtë në një festë tjetër private. Ajo ka pranuar se ajo dhe miqtë e saj festuan në një “mënyrë të zhurmshme” ku përfshihej përdorimi i alkoolit – por, sipas njohurive të saj, nuk kishte drogë.

Zonja Marin tha se ajo mori pjesë në festë javët e fundit, por nuk pranoi të thoshte saktësisht se ku dhe kur. Ajo tha të premten se bëri një test droge për t’u dhënë fund spekulimeve rreth përdorimit të substancave të paligjshme. Rezultatet ishin negative, raportoi zonja Marin të hënën, duke shtuar se ajo e pagoi vetë testin.

Një nga gazetat kryesore finlandeze, Helsingin Sanomat, raportoi se me zgjedhjet e përgjithshme të planifikuara vitin e ardhshëm, po rritet zhgënjimi mes anëtarëve të Partisë Social Demokratike të kryeministres.

Ndërsa askush nuk po flet për presionin ndaj kryeministres Marin për të dhënë dorëheqjen, disa anëtarë të intervistuar nga gazeta ishin kritikë ndaj gjykimit të saj në një kohë kur zhvillohet luftë në Ukrainë dhe Finlanda është në pritje për t’u bashkuar me NATO-n.

Një anëtar i partisë Helsingin Sanomat, i cituar në mënyrë anonime, vuri në dukje se Finlanda është ende një vend relativisht konservator, veçanërisht jashtë rajonit të kryeqytetit.

Zonj Marin kryeson një koalicion qeverisës prej pesë partish dhe ka marrë vlerësime për drejtimin e palëkundur të vendit përmes pandemisë COVID-19 dhe procesit të aplikimit për anëtarësim në NATO.

The post Publikimi i videove, kryeministrja e Finlandës kërkon falje publike: Përlotet gjatë konferencës appeared first on Albeu.com.

Kjo vjen pas publikimit të një videoje në fillim të kësaj jave, e cila që tregonte ndejën private të Marin me miqtë e saj, ku pas publikimit, ajo u zotua se nuk kishte përdorur kurrë droga ilegale.

“Sot kam bërë një test droge dhe rezultatet do të vijnë brenda një jave”, tha ajo në një konferencë për media. “Asnjëherë në jetën time nuk kam përdorur drogë”.

A new video of Prime Minister Sanna Marin’s “party scandal” appeared in Finland today.

Seiska writes that Marin, who is married and has been in that relationship for 18 years, was seen in many questionable situations.

Iltalehti has a sound expert confirming “flour-gang”. pic.twitter.com/Nj5A71R8Rd

— Visegrád 24 (@visegrad24) August 19, 2022

Marin shtoi se natën kur po festonte me miqtë e saj, ajo ishte në gjendje të kryente detyrën dhe se do të largohej nga festa nëse do t’i kërkohej të punonte.

Videot e saj, në të cilat Marin festonte me persona me ndikim dhe artistë të njohur finlandezë filluan të qarkullojnë në rrjetet sociale këtë javë, dhe ato u publikuan shpejt nga disa media në Finlandë dhe jashtë saj.

Marin ishte përballur me thirrjet për të bërë testin e drogës nga politikanët në koalicionin e saj qeveritar si dhe nga opozita, pas publikimit të videove./REL

The post Puthje dhe kërcime sensuale, kryeministrja finlendeze bën testin e drogës pas publikimit të videove: Përgjigja? appeared first on Albeu.com.

Këshilli Medias në vend (JSN) ka marrë një ankesë në lidhje me publikimin e kësaj fotoje nga revista finlandeze Seiska.

Fotoja u publikua javën e kaluar dhe shumë finlandez e cilësuan foton si seksiste.

Nga ana tjetër presidenti i JSN, Iro Hivonine tha se një deklaratë se është depozituar një ankesë në lidhje me këtë foto dhe do të merret parasysh deri në fund të qershorit.

JSN është një organ mbikëqyrës i krijuar nga media e shkruar dhe gazetarët.

Ankesa në JSN mund të bëhet nga çdo qytetar që mendon se ka pasur shkelje të praktikës së drejtë gazetareske në media.

Në të njëjtën kohë, drejtori i revistës Seiska mbrojti zgjedhjen për të publikuar foton.

Në fakt, duke folur pak ditë më parë për agjencinë YLE, ai theksoi se ishte një foto lajmi.

Vihet re se ankesa është dorëzuar në këshillin finlandez të medias nga një person, identiteti i të cilit nuk dihet, duke u thirrur në respektimin e dinjitetit njerëzor dhe mbrojtjen e privatësisë.

Ndërsa vetë kryeminsitrja finlandese nuk ka reaguar ende në lidhje me foton.

Sanna Marin së fundmi ka postuar në llogarinë e saj në Instagram foto ku shihet teksa luan basketboll.

Ajo e shoqëron fotot me shprehjen: “E mposhta koronavirusin”.

Megjithatë kjo nuk është hera e parë që një foto e kryeministres finlandeze ngall reagime.

Edhe në vitin 2020 Sana Marin ka qënë në qendër të vëmëndjes kur ajo pozoi për revistën Trendi më një xhaketë të hapur poshtë së cilës nuk mbante të veshur asgjë.

Disa e konsideruan daljen e saj të pahijshme të tjerët e mbështeten duke krijua një foto të ngjashme.

The post “Linjat” e kryeministres duke shtyrë karrocën e fëmijës “trazojnë” Finlandën (FOTO LAJM) appeared first on Albeu.com.

Ajo vizitoi gjithashtu qytetet e shkatërruara ukrainase, Irpin dhe Bucha, sipas autoriteteve lokale.

Marin u pa e veshur me një jelek antiplumb, duke ecur me zyrtarë dhe ushtarë.

Kryeministrja njoftoi së fundmi vendimin historik të Finlandës për të aplikuar për anëtarësim në NATO.

Vendi ka marrë mbështetje nga SHBA-ja, por Turqia po kërcënon të bllokojë Finlandën dhe Suedinë – duke akuzuar vendet nordike se po strehojnë militantët kurdë./albeu.com

The post Kryeministrja e Finlandës viziton dhe qytetet e shkatërruara të Ukrainës appeared first on Albeu.com.

Ajo ka 1 mijë e 340 kilometra kufi me Rusinë dhe kryeministrja e saj, Sanna Marin, socialdemokrate, është udhëheqësja me moshën më të re në botë.

Vetëm 36 vjeç, në detyrë që nga dhjetori i vitit 2019.

Marin, nëse gjithçka shkon sipas planit, do të mbahet mend jo vetëm si kryeministrja më e re ndonjëherë, por edhe si kryeministrja, qeveria e së cilës ka vendosur një ndryshim epokal në ekuilibrin e aleancave midis Lindjes dhe Perëndimit në Evropë.

Sepse nëse njoftimi është bërë nga presidenti i Republikës Finlandeze, Sauli Niinisto, përgjegjësia kryesore është e qeverisë së kryesuar nga Marin që po realizon projektin.

Në ditët në vijim Marin do të paraqesë në Parlament librin e bardhë për këtë temë dhe më pas do të bëhet votimi.

Skenarët politikë ndërkombëtarë që kanë ndryshuar pas agresionit rus ndaj Ukrainës sugjerojnë një shumicë të madhe votash pro.

Do të ecet me shpejtësi, raporti i qeverisë do të arrijë në Kuvend deri në Pashkë, thonë nga Helsinki.

Jo vetëm kaq, ministri i Jashtëm Pekka Haavisto shtoi se Suedia, e përfshirë në të njëjtin proces, mund të anëtarësohet në NATO në të njëjtën kohë me Finlandën.

Qeveria suedeze drejtohet gjithashtu nga një grua, Magdalena Andersson, edhe ajo socialdemokrate, e zgjedhur për herë të dytë në fund të vitit 2021.

Jeta

Sanna Marin është rritur në një familje me dy nëna.

I ka hyrë politikës në moshë shumë të re dhe formimi i saj universitar dhe pasuniversitar është politiko-administrative.

Familja e saj jetonte në kushte modeste ekonomike dhe për të paguar studimet, Marin punonte si shitëse.

“Isha e para në familjen time që u diplomova”, tregon ajo më vonë.

Si fillim në karrierën politike drejtoi këshillin e qytetit të Tamperes.

Më pas u bë nënkryetare e Partisë Socialdemokrate në vitin 2010 dhe në moshën 25-vjeçare u zgjodh deputete.

Ishte 30 vjeç kur në vitin 2019 u zgjodh ministre e Transporti. Në dhjetor të po këtij viti ajo u bë kryeministre.

“Nuk kam menduar kurrë për moshën apo gjininë time, mendoj pse u futa në politikë dhe për gjërat që na bënë të fitonim mes votuesve. Kemi shumë punë për të bërë për të rindërtuar besimin”, iu përgjigj ajo atyre që e pyesnin se si ta menaxhonte një detyrë kaq të rëndësishme në moshën e saj të re.

Në mars të vitit 2022 Finlanda fitoi renditjen e vendit më të lumtur në botë për të pestin vit radhazi.

Sulmet seksiste

Pas zgjedhjes së saj si kryeministre, në dhjetor të vitit 2019 dhe gjithashtu në muajt në vijim, shtypi ndërkombëtar e trajtoi shpesh Marin, jo gjithmonë në një mënyrë “politikisht korrekte”.

Të qenit një kryeministre e re dhe e bukur rishfaqën shumë stereotipa, edhe në një vend “të evoluar” si Finlanda.

Në tetor të vitit 2020 u ndezën polemikat sociale. Kjo, nga një portret i saj në kopertinën e një reviste finlandeze.

Marin kishte veshur një xhaketë sportive të zezë që konsiderohej shumë e hapur.

Polemika seksiste gjitheësesi pati efekt pozitiv pasi nisi një kundërfushate sociale.

Kjo, në mbrojtje të kryeministres me hashtag #UnëjammeSannan, ku qindra finlandezë postuan një foto të tyre të veshur me një xhaketë si ajo e kryeministres.

Asgjë nga këto mund të errësojnë staturën e kësaj kryeministre të re në prag të sfidës të saj më të madhe.

Ndryshimi i pozicionit të Finlandës në Evropë, duke marrë një qëndrim të qartë ndaj fqinjit të saj me peshën më të madhe të të gjitha kohërave.

The post Kryeministrja 36-vjeçare që po sfidon Putin (FOTO LAJM) appeared first on Albeu.com.