Duke folur për këtë gjetje të SHISH, eksperti i kriminalistikës, Ervin Karamuço shpjegoi për Abcnews.al, se Shqipëria e lejon këtë biznes vetëm në mënyrë të licensuar dhe të deklaruar në konform me ligjin. Por sipas tij duke dashur që të shmangen pagimit të energjisë, por edhe ligjit për të mos u kuptuar se kush i ka në përdorim, shumë persona edhe nga bota e krimit zgjedhin që këtë aktivitet ta kryejnë në mënyrë ilegale.

“E para këta shmangin taksat, dhe e bëjnë për pastrim parash. Është e pagjurmueshme se kush e ka bërë.” tha Karamuço.

Eksperti duke iu referuar ngjarjes së ndodhur në Maj të vitit të kaluar në Tiranë, ku mbeti i vrarë 27-vjeçari Mehmet Qena, nga miku i tij Marius Dema, tha se në këtë moment policia ka gjetur edhe disa pajisje për prodhimin e Bitcoin. Sipas tij ky ishte edhe momenti që bëri policinë të alarmohej për përhapjen në masë të këtyre makinerive që prodhojnë monedha virtuale.

Ajo që është më e rëndë, eksperti vlerëson se këto makineri po përdoren nga grupe kriminale për pastrim parash por edhe pagesa për vrasës.

“Kujtoj një vrasje tek “Rruga 5 Maj” dhe në këtë ngjarje u gjet edhe mining për prodhimin e Bitcoin. Këtu u dha alarmi në polici se ky aktivitet është i përhapur. Këtë SHISH e ka gjurmua, dhe e para bëhet në kuadër të pastrimit të parave nga grupet kriminale. Forma më e lartë e përdorimit të Bitcoin është për të paguar vrasësit me pagesë.” tha Karamuço.

Karamuço sqaron se në “dark Web” mund të bëhen pagesat, ku porositësi vendos emrin e personit që do të eliminojë dhe më pas dërgon vlerën në para virtuale për vrasësin me pagesë.

“Është një rrezik pavarësisht se monedhat virtuale kanë rënë. Janë dy gjëra, se mund të hyjsh në Dark Web dhe aty paguan me Bitcoin, dhe vendos emrin e personit që do vrasësh dhe mbaron punë. Këtë e shikojnë rrezik shumë të madh. Se është cënim i sigurisë publike.” tha Karamuço.

The post Raporti i SHISH për Bitcoin, eksperti: Vrasësit në Shqipëri po paguhen me para virtuale appeared first on Albeu.com.

Trazirat e dhunshme që kanë përfshirë vendin u nxitën nga rritja e çmimit të karburantit, që u reflektuan edhe tek produkte të tjera. Por pas ndezjes së situatës ka një shkak edhe më të largët, shkruan “Corriere della Sera”.

Sipas medias italiane ai është zbarkimi në shtetin ish-sovjetik, i dhjetëra mijëra kompanive që trajtojnë kriptovalutat.

Aktivitetet në Bitcoin, kanë ndikim të lartë energjetik dhe kjo mund të ketë ndikuar në rritjen e çmimit të hidrokarbureve.

Corriere della Sera shkruan se probleme analoge po përjetojnë edhe Kosova e Irani, të cilat kanë pezulluar të gjitha transaksionet në Bitcoin pas problemeve me energjinë elektrike.

Policia në Kosovë ka konfiskuar mbi 300 pajisje për prodhimin e kriptovalutave, kryesisht në veri të vendit, ku nuk paguhet elektriciteti./albeu.com/

The post Gazeta italiane: Bitcoin shkaktoi trazirat në Kazakistan! Tani kërcënohet Kosova dhe Irani appeared first on Albeu.com.

Policia ka mbështetur ekipet e KEDS-it në rrugën “Dëshmorët e Prapashticës” në Prishtinë, ku gjatë kontrollit 35 prej 39 aparateve ishin në funksion.

“Marrë parasysh procedurat ligjore lidhur me këtë rast janë njoftuar zyrtarët përgjegjës të Doganës së Kosovës dhe në koordinim me ta do të ndërmerren veprimet e mëtejme”, thuhet në njoftimin e policisë.

Kujtojmë se një aksion i njëjtë ka ndodhur mëngjesin e sotëm edhe në veri të vendit, ku policia ka sekuestruar 272 pajisje Antmine për prodhimin e kriptovalutave./albeu.com/

The post Policia e Kosovës sekuestron 39 aparate për prodhimin e kriptovalutave në Prishtinë (FOTO LAJM) appeared first on Albeu.com.