kreu i pd Archives - Albeu.com

“Arsimi është rrënuar”, Berisha-Ramës: Është përgjysmuar numri i studentëve, ndaloi doktoraturat në universitete

E S — Tue, 18 Oct 2022 17:19:35 +0000

Kreu i PD Sali Berisha gjatë një takimi që zhvilloi me departamentin e Arsimit të lartë në PD, Berisha deklaroi se Rama me një urdhër prej injoranti ndaloi doktoraturat në universitete.

Sipas Berishës, në 8 vite, në Shqipëri është përgjysmuar numri i studentëve ndërsa është larguar 26% e popullsisë.

Berisha: Sot arsimi në Shqipëri, përjeton në një mënyrë pothuaj me shpejtësi të pabesueshme një rrënim krejtësisht të diktuar nga politika fund e krye e dëmshme dhe shkatërruese.

Këtu në 8 vite është larguar mbi 26% e popullsisë, janë mbyllur me qindra shkolla, këtu është përgjysmuar numri i studentëve. Mijëra intelektualë të diplomuar. Në 8 vite, njëlloj si në diktaturë, ndalojnë kohën ose ngadalësojnë kohën. Gjatë viteve të diktaturës, pothuajse çdo gazetar që vinte në Shqipëri fillonte shkrimin e tij me vendin e kohës së ndaluar.

Po të marrësh treguesit tek ne, ne jemi më shumë se të ndaluar. Ne i kemi rrënuar këto tregues me politika qeveritare. Ju jeni dëshmitarë se si kjo qeveri konfiskoi lirinë akademike përmes komisarëve dhe bordeve qeveritare. Se si ky njeri i cili me mburrje thotë se nuk kam asnjë master dhe doktoraturë, ndaloi me një urdhër prej injoranti, prej hakmarrësi doktoraturat ne universitetet publike. Njeriu që një vendim të tillë e merr vetëm ai që nuk ka “abc-në” e kërkimit shkencor. Një njeri i cili e shteroi tërësisht fondin për shkencën. Centralizoi më shumë se sa në diktaturë. Ka qenë kërkimi shkencor më i decentralizuar se sot./albeu.com

The post “Arsimi është rrënuar”, Berisha-Ramës: Është përgjysmuar numri i studentëve, ndaloi doktoraturat në universitete appeared first on Albeu.com.

“Të ruaj shijen”, i moshuari takon Berishën në Pukë: Tani nuk ia jap dorën njeriu për 3 ditë

admin — Mon, 19 Sep 2022 16:13:04 +0000

Një qytetar nga Puka ka shkaktuar të qeshura dhe emocione mes demokratëve, të cilët janë takuar sot me kreun e PD Sali Berisha.

Teksa mori fjalën, ai tha se është një mbështetës i Berishës bashkë me familjen, ndërsa shtoi se një dëshirë e madhe e tij ishte që ta takonte atë dhe t’i jepte dorën.

“E kam lut Zotin që mos vdes pa taku Berishën, jam betu që pasi t’i jap dorën, tre ditë nuk ia jap njeriu tjetër, të ruaj shijen e një vllau dhe një burrë shteti që lufton për liri, për komb e për demokraci”, u shpreh ai.

Pasi përfundoi fjalën e tij, Berisha është takuar me të moshuarin, duke i plotësuar kështu edhe dëshirën e tij./albeu.com/

The post “Të ruaj shijen”, i moshuari takon Berishën në Pukë: Tani nuk ia jap dorën njeriu për 3 ditë appeared first on Albeu.com.

“Rekord i zi”, Berisha: Shqipëria renditet në 10 vendet me shpopullim të shpejtë në botë

E S — Sat, 23 Jul 2022 21:03:09 +0000

Kreu i PD-së, Sali Berisha shprehet se vendi shënon një rekord të zi sa i takon shpopullimit.

Berisha thekson se Shqipëria renditet në 10 vendet me shpopullimin më të shpejtë në botë, ndërsa nuk i kursen kritikat për qeverinë.

Reagimi i plotë:

Rekord i zi! Shqiperia renditet në 10 vendet me shpopullim të shpejtë në botë.

Nga viti 2007 deri në vitin 2014 popullata në Shqiperi u rrit çdo vit. Nga viti 2015 deri më sot, mbi 540 mijë banorë janë larguar nga Shqipëria.

Miq, e kam thënë dhe e përsëris, shpopullimi i Shqipërisë është plaga më e madhe për kombin tonë, dhe po ndodh me ritme marramendëse. Sot është fakt, dhe është strategji prioritare e Ramës dhe qeverisë së tij të cilët po bëjnë gjithçka për ta shkretuar Shqipërinë një orë e më parë.

Sipas Kombeve të Bashkuara, Shqipëria renditet në 10-shen e parë për nga ritmi i shpejtë i shpopullimit. Ndër arsyet me kryesore që rendisin Shqipërinë në vendin e 10-të, janë ulja e lindjeve si dhe emigrimi. Të dy këta faktorë lidhen ngushtë me gjendjen ekonomike të shqiptarëve të cilët sa vijnë e varfërohen, vidhen, mashtrohen, e për rrjedhojë e kanë të pamundur të planifikojnë krijimin e një familje dhe të papërballueshme sjelljen në jetë të fëmijëve. Po ashtu, për shkak të mjerimit dhe pamundësive, shqiptarët zgjedhin të emigrojnë në vende të Bashkimit Europian, në Amerikë e më gjerë.

Të dhënat e OKB-së, të përpunuara nga “Visual Capitalist”, janë mbledhur për të projektuar ndryshimet nga viti 2020-2050. Në Shqipëri, rënia nga viti 2020-2050, llogaritet me 15.8%.

Kjo është një fatkeqësi e madhe për vendin tonë dhe pasojat do të jenë gjithnjë e më të thella, më të dëmshme për shoqërinë tonë dhe për më tepër pa kthim pas. Sb

The post “Rekord i zi”, Berisha: Shqipëria renditet në 10 vendet me shpopullim të shpejtë në botë appeared first on Albeu.com.

Masakra e Srebrenicës, “U vranë 8 mijë fëmijë, gra dhe burra”, Berisha: Vuçiç frymëzoi gjenocidin

E S — Mon, 11 Jul 2022 13:47:04 +0000

Ish kryeministri, Sali Berisha ka përkujtuar masakrën e Srebrenicës, ku u bë genocid ndaj 8 mijë fëmijëve grave dhe burave boshnjakë.

Berisha dënoi aktin makabër të kryer nga serbët ndërsa shtoi se frymëzuesi kryesor për masakrën e Srebrenicës është presidenti Aleksandër Vuçiç.

Postimi i Sali BerishësIsh kryeministri, Sali Berisha ka përkujtuar masakrën e Srebrenicës, ku u bë genocid ndaj 8 mijë fëmijëve grave dhe burave boshnjakë.

Berisha dënoi aktin makabër të kryer nga serbët ndërsa shtoi se frymëzuesi kryesor për masakrën e Srebrenicës është presidenti Aleksandër Vuçiç.s

Sot dita e nderimit të viktimave të Srebrenicës!

Të dashur miq, sot është dita e nderimit të viktimave të barbarive, genocidit serb në Srebrenicë. 27 vite më parë, forcat ushtarake dhe milicia e serbëve të Bosnjës së bashku me njësi paramilitare dhe policore të ardhura nga Serbia, nën komandën e gjeneralit famzi Ratko Mlladiç, vranë, masakruan, në genocidin më të tmerrshëm të Pasluftes së Dytë Botërore në Europë, 8 mijë femijë, gra, burra, muslimanë bosnjakë vetëm e vetëm se i perkisnin etniseë dhe besimit fetar tjetër.

Duke shprehur nderimin më të thellë për viktimat e genocidit serb në Srebrenicë, denoj me forcë aktin makabër të forcave që kryen këtë barbari të tmerrshme.

Dënoj gjithashtu edhe qëndrimin aktual të Presidentit të Serbisë Vuçiç, i cili me thirrjen e tij “për çdo serb të vrarë të vriten 100 muslimanë” është dhe një frymëzues kryesor i genocidit të Srebrenicës, vendi i të cilit është në bankën e akuzës në Gjykatën Ndërkombëtare të Hagës. sb

The post Masakra e Srebrenicës, “U vranë 8 mijë fëmijë, gra dhe burra”, Berisha: Vuçiç frymëzoi gjenocidin appeared first on Albeu.com.

A të kanë uruar ndërkombëtarët për zgjedhjen në krye të PD? Ja si përgjigjet Berisha

E B — Mon, 23 May 2022 10:26:34 +0000

Ndonëse asnjë nga ndërkombëtarët nuk e ka uruar publikisht për zgjedhjen e tij në krye të PD, përmes procesit të zhvilluar ditën e djeshme nga Komisioni i Rithemelimit, Sali Berisha la të kuptohet se një gjë e tillë mund të ketë ndodhur privatisht.

“Si ndiheni që s’ju kanë uruar ndërkombëtarët për zgjedhjen në krye të PD?”, ishte kjo pyetja të cilës Berisha iu përgjigj gjatë një prononcimi për gazetarët jashtë Kuvendit, duke thënë: “Ku e di ti”.

Në seancën plenare të ditës së sotme Berisha dhe ministrja Elisa Spiropali kanë shkëmbyer replika mes tyre. dhe në dalje të parlamentit Berisha ka hedhur akuza ndaj Spiropalit duke i thënë se do të denoncojë çdo aferë që sipas ish-Kryeministrit ka kryer ministrja.

“Situata në parlament është e sëmurë. Të cilët i shtyn Edi Rama të bëjnë punën tuaj. Të gjitha kanë qëllim si të maskohen vjedhjet e tyre. Kjo Spiropali një e dy e ngrihet. Spiropali është e vetmja. Shko lexo tenderat e burrit të Spiropalit. Ja jep Enklit, të vëllait. A ka vjedhje më të hapur sesa tenderi publik i jepet kunatit. Kemi të bëjmë me një grup njerëzish që kanë humbur çdo moral për të pasur mandatin e deputetit. Kjo është e tëra pse mediet janë në këtë gjendje. Duhet të bëjmë një aleancë ku secila palë respekton pavarësinë, një aleancë për të bërë transparencë të plotë të të gjitha mbledhjeve të ministrave. Zonja thoshte po flet nga një portal. Vëllai i Elizës është mrekulluar nga burri i Elizës. Tani fajin e ka portalin? Këta i ka kapur frika dhe tmerri nga vjedhjet e tyre”, tha Berisha mes të tjerash.

The post A të kanë uruar ndërkombëtarët për zgjedhjen në krye të PD? Ja si përgjigjet Berisha appeared first on Albeu.com.

Mbyllet votimi për zgjedhjen e kreut të ri të PD-së, në garë Berisha dhe Elezi

E S — Sun, 22 May 2022 18:08:59 +0000

Sapo ka përfunduar procesi i votimit për zgjedhjen e kreut të ri të Partisë Demokratike. Ky proces nisi në orën 08:00 ditën e sotme dhe u zhvillua në 108 qendra votimi në të gjitha qarqet e vendit. Në këtë përballje për kreun e partisë demokratike ishin ish kryeministri Sali Berisha dhe ish kreu i degës [...]

Rritet pjesëmarrja, ja sa demokratë kanë votuar deri në orën 17:00 (TABELA)

E S — Sun, 22 May 2022 17:29:27 +0000

Komisioni i Organizimit dhe Kontrollit të Operacioneve Elektorale pranë Partisë Demokratike njofton se pjesëmarrja në votime për Kryetar të PDSH deri në orën 17.00, sipas qarqeve, pasqyrohet në tabelën bashkengjitur.

Komisioni i Organizimit dhe Kontrollit të Operacioneve Elektorale fton të gjithë anëtarët e PD që ende nuk kanë votuar, të bëhen pjesë e procesit më të rëndësishëm në historinë e PD, në procesin e votimit për zgjedhjen e Kryetarit të PDSH me parimin “një anëtar një votë”/albeu.com

The post Rritet pjesëmarrja, ja sa demokratë kanë votuar deri në orën 17:00 (TABELA) appeared first on Albeu.com.

Fluks qytetarësh, shtyhet votimi për kreun e PD

E S — Sun, 22 May 2022 14:15:38 +0000

Komisioni i Organizimit dhe Kontrollit të Operacioneve Elektorale pranë Partisë Demokratike njofton se pas kërkesave të shumta të ardhura prej degëve, ka vendosur të shtyjë orarin e votimit deri në orën 20.00.

Komisioni i Organizimit dhe Kontrollit të Operacioneve Elektorale fton të gjithë anëtarët e PD të bëhen pjesë e procesit të votimit për zgjedhjen e Kryetarit të PDSH me parimin “një anëtar një votë”.

Procesi filloi në orën 08:00 të mëngjesit të sotëm dhe ishte parashikuartë zgjaste deri në orën 180:00.

Zgjedhjet po zhvillohen në 108 qendra qendra votimi, ndërsa i pari në fletën e votimit është vendosur ish-kryeministri Sali Berisha kurse i dyti rivali i tij Ibsen Elezi.

Edhe më herët u bë me dije se nëse deri në orën 18:00 nuk kanë votuar të gjithë anëtarët, Qendrat e Votimit nuk do të mbyllen derisa të ketë votuar edhe personi i fundit.

Këto zgjedhje që zhvillohen nga Komisioni i Rithemelimit vijnë në një kohë që çështja e drejtimit të PD është ende në pa një vendim të fundit nga ana e Gjykatës, e cila pak javë më parë ka pranuar ankimin e Enkelejd Alibeaj, kundër vendimit të gjyqtarit Agron Zhukri, që regjistroi ndryshimet statutore të PD të bëra në Kuvendin e 11 dhjetorit të zhvilluar nga Komisioni i Rithemelimit./albeu.com

The post Fluks qytetarësh, shtyhet votimi për kreun e PD appeared first on Albeu.com.

Zgjedhjet për kreu e PD-së, ja nga cili qytet e nisin fushtatën Berisha dhe Elezi

E S — Fri, 13 May 2022 13:19:00 +0000

Në axhendën e publikuar sot nga Komisioni Zgjedhor në PD, bëhet e ditur se Berisha do të takohet nesër militantët në Fier, ndërsa Ibsen Elezi do të jetë në Has dhe Kukës.

Njoftimi

Komisioni i Organizimit dhe Kontrollit të Operacioneve Elektorale, njofton se në mbledhjen e tij dt. 13 maj 2022, në prani të përfaqësuesve të dy kandidatëve, u diskutua si pikë e parë e rendit të ditës kalendari i takimeve të kandidatëve.

Bëjmë me dije se turi i takimeve fillon sot:

E premte, dt 13 maj 2022

Ora 17.00 – Z. Sali Berisha takim me anëtarë dhe simpatizantë të PD në Elbasan.

E shtunë, dt 14 maj 2022

Ora 10.00 – Z. Ibsen Elezi takim me anëtarë dhe simpatizantë të PD në Kukës

Ora 11.30 – z. Ibsen Elezi takim me anëtarë dhe simpatizantë të PD në Has.

Ora 18.00 – z. Sali Berisha takim me anëtarë dhe simpatizantë të PD në Fier

Komisioni ka njoftuar menjëherë degët përkatëse në lidhje me kalendarin e takimeve.

Komisioni i Organizimit dhe Kontrollit të Operacioneve Elektorale do të vijojë punën e tij me përkushtim për të garantuar për secilin kandidat konkurim të lirë, garë të hapur e shance të barabarta.

Komisioni fton të gjithë anëtarët e Partisë Demokratike të bëhen pjesë e fushatës për zgjedhjen e Kryetarit të PD që do të finalizohet në votimin e datës 22 maj 2022./albeu.com

The post Zgjedhjet për kreu e PD-së, ja nga cili qytet e nisin fushtatën Berisha dhe Elezi appeared first on Albeu.com.

Basha “nuk ndalet”, zhvillon tjetër takim me demokratët e Beratit

admin — Thu, 14 Apr 2022 16:40:36 +0000

Kryedemokrati Lulzim Basha po vijon takimet me demokratët në terren, megjithëse është dorëhequr nga posti i kryetarit të PD-së.

Ditën e sotme Basha ishte me demokratët e Beratit, për të diskutuar lidhur me situatën e brendshme në të cilën ndodhet PD prej disa muajsh.

Kujtojmë se një ditë më parë Basha ishte në Mirditë, ndërsa ka pasur një sërë takimesh në bazë.

Basha u shpreh ditën e djeshme në një konferencë për mediat, se dorëheqja e tij nuk ka ndihmuar në bashkimin e PD-së, por përkudrazi, pasi sipas tij po i fryhet frymës së përçarjes./albeu.com/

The post Basha “nuk ndalet”, zhvillon tjetër takim me demokratët e Beratit appeared first on Albeu.com.