krepa Archives - Albeu.com

Nuk doni të shtoni peshë, ky brumë për krepa është vërtetuar se nuk ju bën obezë

E S — Tue, 23 Aug 2022 15:13:49 +0000

Përbërësit:

– ½ gote miell kokosi,
– 1 lugë miell pa gluten,
– 2 vezë,
– ½ gote fjolla tërshëre,
– ½ gote mel,
– 1 lugë agavë apo mjaltë,
– pak kripë,
– 1 lugë e vogël sodë buke,
– 2 dl ujë,
– 1 lugë e vogël vaj.

Përgatitja:

Miellin e kokosit, fjollat e tërshërës dhe melin bluani mirë. Pastaj në tretjen e përftuar shtoni të gjithë artikujt dhe përzieni mirë.

Kur tretja të bëhet homogjene dhe pa droçka, futeni në frigorifer dhe lëreni të qëndrojë 10 – 15 minuta.

Pastaj nxehni vajin në tigan dhe piqni krepa.

Kur t’i bëni gati, mbushni me shtesa të preferuara.

Ju bëfshin mirë!/albeu.com

The post Nuk doni të shtoni peshë, ky brumë për krepa është vërtetuar se nuk ju bën obezë appeared first on Albeu.com.

Produktet që nuk duhet t’i konsumoni kurrë në mëngjes

E B — Wed, 06 Jul 2022 05:17:10 +0000

Një mëngjes i shijshëm, duhet të jetë edhe i shëndetshëm. Mëngjesi është vakti që nuk duhet neglizhuar kurrë, por gjithashtu duhet të ketë produkte të zgjedhura. Më poshtë do t’ju tregojmë ushqimet që nuk rekomandohen për mëngjes.

Krepat

Janë të lehta për t’u gatuar, por shumica e njerëzve nuk e dinë që këto produkte nuk rekomandohen për mëngjes. Krepat përmbajnë shumë sheqer, që ndikon në nivelin e insulinës. Prandaj duhet t‘i shmangni krepat në mëngjes.

Toste

Mëngjesi i preferuar i çdo personi janë tostet. Janë të shpejtë të shijshëm, por të dëmshëm për shëndetin. Mund të hani tost, por jo me bukë të thekur, sepse buka përmban gluten dhe karbohidrate dhe në momentin që e bëni të thekur është dhe më e dëmshme.

Orizi

Orizi, përmban shumë karbohidrate të cilat nuk janë të nevojshme për trupin tonë. Në vend të orizit të bardhë, mund të gatuani oriz ngjyrë kafe, shija është e njëjtë, por ajo përmban më shumë fibra dhe jo karbohidrate shtesë.

The post Produktet që nuk duhet t’i konsumoni kurrë në mëngjes appeared first on Albeu.com.

Pa u vonuar, si të përgatisni brumin perfekt të krepave me 4 hapa

A M — Sun, 30 Jan 2022 08:55:41 +0000

Persona: 2

Koha e përgatitjes: 5 minuta – Koha e gatimit: 5 minuta

Ta bësh vetë brumin e krepave është një kënaqësi më vete. Shtoji kësaj që mbushjen mund ta bësh me çfarë të duash sipas dëshirës dhe mundësisë. Shijojeni!

INGREDIENTËT

2 vezë
300 ml qumësht
150 gram miell
Pak kripë
Mbushja sipas dëshirës (me çokollatë, banane, biskotë ose me proshutë pule, xaxiq dhe djathë gouda të grirë imët)

UDHËZIMET

1.Në një enë bashkoni vezët, miellin, qumështin dhe pak kripë. I rrihni mirë me një tel elektrik. E lini për 30 minuta mënjanë.

2.Merrni një tigan që nuk ngjit, e lyeni me shumë pak vaj luledielli dhe pasi të jetë nxehur i shtoni një garuzhde nga brumi i krepave.

3.E rrotulloni tiganin në mënyrë që brumi të ketë formë të rregullt rrumbullake.

4.Pas kësaj e hiqni dhe e servirni në një pjatë. Mbushjen mund ta bëni të kripur ose të ëmbël sipas dëshirës./neps.al

The post Pa u vonuar, si të përgatisni brumin perfekt të krepave me 4 hapa appeared first on Albeu.com.

Krepa pa qumësht? Kjo është receta e thjeshtë që nuk do ta harroni

A M — Sat, 15 Jan 2022 12:51:35 +0000

Krepat janë një nga ushqimet e preferuar të të gjithëve, por sidomos të fëmijëve. Fundjavat, në çdo stinë, janë më të përshtatshmet dhe ditët gjatë të cilave kemi më tepër kohë për t’i përgatitur.

Ndoshta nuk e keni dëgjuar ndonjëhrë, krepat mund të dalin po aq të mira edhe nëse nuk i përgatisni me qumësht. Në variantin që po ju sjellim më poshtë, mund të shoqërohen me përbërës të tjerë të ëmbël apo të kripur. Fruta, reçelra të ndryshëm, djathëra, perime etj…

Që t’i bëni në variantin më të shëndetshëm, mund të përdorni një lloj djathi të njomë që pëlqeni të shoqëruar me proshutë pule e perime të freskëta. Nëse i pëlqeni të ëmbla, mund t’i shoqëroni me mjaltë dhe fruta…

Përbërësit:

2 gota miell
2 vezë
Fare pak kripë
Vaj ulliri, 2 lugë gjelle
Pak gjalp të shkrirë
Ujë aq sa duhet për ta bërë brumin kremos, jo shumë të trashë

Përziejini të gjithë përbërësit bashkë, punojini fort deri sat ë arrini strukturën e duhur të brumit të krepave. Piqini në një tigan që nuk ngjit, pa shtuar vaj apo gjalpë tjetër

The post Krepa pa qumësht? Kjo është receta e thjeshtë që nuk do ta harroni appeared first on Albeu.com.