Ndërkohë sa u përket ndryshimeve kushtetuese ri-përsëriti qëndrimin e partisë së tij, se nuk do ti mbështes këto ndryshime kushtetuese dhe nuk do të merr pjesë në takim liderësh ku do të debatohet në këtë temë.

“Ftesë nuk kemi marrë, nuk e dimë formatin e takimit të liderëve, nuk i dimë temat dhe përmbajtjet për të cilat do të debatohej, por këshilla ime deri tek Qeveria dhe Kovaçevski është që të bisedojmë, derisa do të realizohet ai takim liderësh për atë që paraqet problem të madh për qytetarët a ajo është jeta e rëndë, gjendja ekonomike e qytetarëve, pagat e ulëta, pensionet e ulëta, inflacioni i lartë, faturat e larta të cilat i paguajnë qytetarët, kriza energjetike të cilën me uljen e temperaturave do ta ndiejmë të gjithë. Këto janë ato problemet kyçe të cilat janë aktuale dhe si politikan të përgjegjshëm duhet që të debatojmë dhe të gjejmë zgjidhje për këto probleme. Në rast se dikush mendon që do të imponoj tema të cilat polarizojnë, siç janë ndryshimet kushtetuese dhe se VMRO-DPMNE-ja do të ulet në atë takim liderësh, dhe tani ne do të flasim për diçka që tanimë është e njohur në opinion atëherë gënjehen, sepse qëndrimin e VMRO-DPMNE-së opinioni e di, se në këto rrethana ndryshime kushtetuese nuk do të ketë, kjo është temë e cila përçan dhe nuk bashkon, dhe nuk do ti zgjidh problemet e qytetarëve”, deklaroi Hristijan Mickoski, kryetar i VMRO-DPMNE-së.

Kryeministri maqedonas Dimitar Kovaçevski sot do t’u dërgojë ftesë partive politike parlamentare për të mbajtur një takim në të cilin do të diskutohet për të ardhmen evropiane të vendit. Takimi është planifikuar të mbahet më 7 nëntor në ambjentet e Kuvendit si dhe do të diskutohet për vendimet që duhet të merren në periudhën e ardhshme me një konsensus të gjerë politik dhe shoqëror.

The post “VMRO-DPMNE nuk merr pjesë në takime ku diskutohen ndryshime kushtetuese”, Mickoski i përgjigjet Kovaçevskit appeared first on Albeu.com.

Përmes ndryshimeve dhe plotësimeve të ligjeve, në programin e Kryeministrit Dimitar Kovaçevski thuhet se kërkohet zgjidhje që përveç mjekëve nga shëndetësia publike, preparate të kanabisit për mjekim të japin edhe mjekët privatë, ndërsa pacientët edhe vetë të mund të kultivojnë bimë.

Për momentin vetëm disa nga 50 kompanitë që kultivojnë marihuanë në Maqedoninë e Veriut kanë kapacitete për eksport të vajit dhe të preparateve në botë, por të ardhura më të larta nga kjo industri shteti pret në vitet që vinë.

Rregullorja e cila tashmë disa vite jep licensa për kompanitë të cilat në Maqedoninë e Veriut kultivojnë marijuanë për qëllime mjekësore, pritet të plotësohet me dekriminalizimin e kultivimit të kanabisit për përdorim individual, mjekësor ose rekreativ. Në programin e Kryeministrit të ri Dimitar Kovaçevski për këtë thuhet.

PROGRAMI I QEVERISË SË KRYEMINISTRIT DIMITAR KOVAÇEVSKI

“Jurisprudenca, krahas rregullimit të të drejtave të personave juridik të licencuar – prodhues, ka nevojë për plotësime serioze në raport me përdorimin personal të kanabisit nga qytetarët dhe zgjidhjen e kësaj çështje aktuale transmeton KlanM. Për momentin një numër i madh i qytetarëve ndiqen për shkak të përdorimit të bimës natyrore kanabis, me çka u rrezikohen të drejtat e tyre personale njerëzore të garantuara me Kushtetutë, ndërsa u pengohet edhe prosperiteti personal dhe ekonomik, si dhe zhvillimi social.”

Nga Maji i vitit 2016 kur u miratua Ligji për lëndë narkotike, në Maqedoninë e Veriut u hapën mbi 50 kompani për kultivimin e kanabisit dhe të bimëve në ambiente të mbyllura, për qëllime medicinale, por vetëm disa prej tyre arritën të sigurojnë potencial kadrovik dhe teknologjik për përpunimin e lules dhe eksport jashtë vendit, për momentin në sasi të vogla, por me çmim solid.

ÇMIMET E KANABISIT, LËNDA E PARË

10 ml ekstrakt me 10% THC kushton 40 euro në shitje me shumicë, eksport

120 ml produkt i gatshëm, 4% CBD kushton 300 euro në tregun vendas

1 gram lule e thatë për tymosje, 5 euro, eksport

Ish/Kryeministri Zoran Zaev, i cili kishte shpresa të mëdha në këtë industri, priste që prodhimi i kanabisit për qëllime medicinale të sjellë të ardhura rreth 250 milionë euro në vit. Opozita në Kuvend nuk i mbështeti ndryshimet ligjore me të cilat kompanive të licencuara duhet t’u hapet rruga për eksport të lules së thatë, në vend të ekstraktit dhe produkteve tjera të përpunuara. Propozimet për ndryshime të Ligjit për marihuanë në shtator të vitit të kaluar u tërhoqën nga Kuvendi, ndërsa të tjera, me mundësi për kultivim individual, pritet të propozojë Qeveria e Kovaçevskit.

The post Kanabisi, programi qeveritar i Kovaçevskit appeared first on Albeu.com.