korruptim Archives - Albeu.com

Tentoi të korruptonte policinë kufitare në Kakavijë, procedohet 30-vjeçari i deportuar nga Greqia

E B — Thu, 25 May 2023 07:38:08 +0000

Policia ka nisur hetim ndaj një 30-vjeçari, i cili ka tentuar të korruptonte punonjësin e Policisë Kufitare, për të dalë në mënyrë të parregullt nga Shqipëria, pasi ishte kthyer deportiv nga pala greke.

Ai i ka ofruar punonjëses 50 euro që ta lejonte të kalonte kufirin.

Njoftimi i policisë:

Tentoi të korruptonte punonjësin e Policisë Kufitare, për të dalë në mënyrë të parregullt nga Shqipëria, pasi ishte kthyer deportiv nga pala greke, procedohet penalisht 30-vjeçari.

Punonjësit e Policisë Kufitare të PKK Kakavije, në vijim të kontrolleve të bazuara në analizën e riskut, me qëllim parandalimin dhe goditjen e krimeve kufitare, kanë goditur një rast të tentativës për të korruptuar punonjësin e Policisë, me qëllim kalimin e kufirit në mënyrë të parregullt.

Shërbimet e Policisë Kufitare, në dalje të RSh-së, i kanë kërkuar shtetasit S. D., pasaportën, me qëllim kryerjen e procedurës së regjistrimit. Shtetasi S. D. e ka dorëzuar pasaportën me një kartmonedhë 50 euro në brendësi të saj, me qëllim korruptimin e punonjësit të Policisë Kufitare, që ta lejonte të kalonte kufirin në mënyrë të parregullt, duke qenë se shtetasi S. D. ishte kthyer deportiv nga Policia Kufitare e Greqisë.

Në vijim të veprimeve procedurale për këtë rast, specialistët për Hetimin e Krimeve Ekonomiko-Financiare të

Drejtorisë Vendore të Policisë Gjirokastër referuan materialet në Prokurori dhe nisi procedimi në gjendje të lirë për shtetasin S. D., 30 vjeç, banues në Kuçovë, për veprën penale “Korrupsioni aktiv i personave që ushtrojnë funksione publike”.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

The post Tentoi të korruptonte policinë kufitare në Kakavijë, procedohet 30-vjeçari i deportuar nga Greqia appeared first on Albeu.com.

Tentuan të korruptonin policët për të shmangur gjobat, e pësojnë dy shoferët në Tiranë

Xh — Sat, 29 Apr 2023 09:33:09 +0000

Policia e Tiranës vijon kontrollet për evidentimin dhe ndëshkimin e shkelësve të rregullave të qarkullimit, që janë rrezik potencial për përfshirje në ngjarje rrugore.

Si rezultat i kontrolleve, gjatë 24 orëve të fundit, janë goditur 2 raste të mitëdhënies, me qëllim shmangien e masës administrative.

Ka shkuar në 22 numri i rasteve të tentativës për të korruptuar punonjësit e Policisë Rrugore, të goditura gjatë këtij viti.

Gjatë kontrolleve parandaluese, shërbimet e Policisë Rrugore kanë konstatuar në shkelje automjetet me drejtues shtetasit R.M, 36 vjeç, dhe G. K, 26 vjeç. Me qëllim shmangien e masave administrative për shkeljet e kryera, këta shtetas i kanë ofruar punonjësve të Policisë, shuma të ndryshme parash.

Në vijim të veprimeve, u referuan materialet në Prokurori dhe nisi procedimi në gjendje të lirë për këta 2 shtetas, për veprën penale “Korrupsioni aktiv i personave që ushtrojnë funksione publike”.

Policia Rrugore e Tiranës apelon për të gjithë përdoruesit e rrugës që të zbatojnë në mënyrë rigoroze rregullat e qarkullimit rrugor dhe fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor./Albeu.com/

The post Tentuan të korruptonin policët për të shmangur gjobat, e pësojnë dy shoferët në Tiranë appeared first on Albeu.com.

Bëri aksident dhe tentoi të korruptonte policin duke i ofruar 5 mijë lekë, arrestohet 31-vjeçari në Elbasan

E S — Sun, 06 Feb 2022 15:16:01 +0000

Një 31 vjeçar i cili ishte shpallur në kërkim pasi ishte larguar nga një aksident që kishte shkaktuar në Elbasan, është arrestuar ditën e sotme.

Sipas raportimeve, shtetasi me inicialet M.M kishte tentuar të korruptonte punonjësin e policisë duke i ofruar shumën prej 5 mijë lekësh nëse do e linte të largohej nga vendi ku u kap.

Njoftimi i Plotë:

Elbasan

I shpallur në kërkim për largim nga vendi i aksidentit, 31 vjeçari u ofron lekë shërbimeve operacionale të DVP Elbasan për ta liruar, por vihet në pranga.

Specialistët e Hetimit të Krimit Ekonomiko-Financiar arrestuan në flagrancë shtetasin M. M., 31 vjeç, banues në fshatin Karbunar Lushnje, për veprën penale “Korrupsioni aktiv i personave që ushtrojnë funksione publike”, pasi në momentin e ndalimit për kontroll nga sherbimet Operacionale pranë DVP Elbasan, i ka dhenë punonjësit të policis një kartmonedhë 5.000 lekë, e cila sekuestrua në cilësinë e provës materiale.

Nga verifikimet e kryera rezultoi se ky shtetas ishte i shpallur në kërkim nga Komisariati Policisë Lushnje, për veprat penale “Shkelje të rregullave të qarkullimit rrugor” dhe “Largim nga vendi i aksidentit”.

Specialistët për Trafikun Interurban dhe Urban arrestuan në flagrancë shtetasin E. C., 30 vjeç , banues në Elbasan, për veprën penale “Drejtimi i automjeteve në mënyrë të parregullt”, pasi në rrugën “Kamber Sejdini” Elbasan, u kap duke drejtuar në gjendje të dehur mjetin tip “Volkswagen”.

Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

Vijon..

The post Bëri aksident dhe tentoi të korruptonte policin duke i ofruar 5 mijë lekë, arrestohet 31-vjeçari në Elbasan appeared first on Albeu.com.

Korrupsioni në Kadastër, dalin përgjimet: Si ndaheshin paratë për regjistrimin e një prone

E B — Thu, 29 Jul 2021 10:46:26 +0000

Në dosjen hetimore të SPAK janë publikuar përgjimet në lidhje me korrupsionin në zyrat e Kadastrës rajonale në Tiranë.

N ënjë nga përgjimet, tregohet sesi funksiononte skeme e tjetërsimit të pronave apo regjistrimit të një prone në këmbim të parave.

Në dosje është zbardhur biseda mes dy sekserëve të arrestuar tashmë, Gazmend Canaj dhe Admir Burri.

Për të regjistruar pronën ata i kanë kërkuar shtetasit Ilir Ahmetajt para.

Canaj dhe Admiri, në bisedën e përgjuar nga SPAK, thonë se se 1 milion e gjysmë nga paratë që do iu japë Ahmetaj, i duan drejtori e nëndrejtori, duke mos përmendur emrat.

Përgjimi:

Admir Burri: Okej, se atij ja nisa aplikimin unë që e pa a si a qysh e tek, se vetëm aplikimi boka 220 mijë lekë o Gaz, se paska edhe posta dmth dhe aplikimi pagesa në shtet që ka për të bërë ky për t’i dalë kartela, e ke parasysh që bo 30 mijë lekë dhe ajo paska qenë me gjobë për vonesat… ja nisa aty ta shofi që 220 mijë lekë aplikimi… kështu që rregulloja vetë muhabetin tashi ti. Një pikë pesë i do drejtor-nëndrejtor, 200 specialisti, 100 Adi, 200 euro bën aplikimi

Gazmend Canaj: Mos e ki merak, ja tashi do iki unë./albeu.com

The post Korrupsioni në Kadastër, dalin përgjimet: Si ndaheshin paratë për regjistrimin e një prone appeared first on Albeu.com.

20 euro brenda pasaportës për të shmangur kontrollin në Kapshticë, emigranti përfundon në komisariat

E B — Wed, 28 Jul 2021 09:05:22 +0000

Policia ka shoqëruar në komisariat një emigrat, i cili gjatë kryerjes së procedurave të regjistrimit në hyrje të Republikës së Shqipërisë, në momentin kur punonjësi i Policisë i ka kërkuar pasaportën, ai ia ka dhënë atë, me një kartëmonedhë të prerjes 20 euro në brendësi të saj, me qëllim përshpejtimin dhe shmangien e procedurave të kontrollit të dokumentacionit për kalimin drejt tokës shqiptare, pasi kishte kaluar kufirin në mënyrë të paligjshme.

Njoftimi i policisë:

Kapshticë

Goditet një tjetër rast i korrupsionit aktiv të personave që ushtrojnë funksione publike.

Punonjësit e Policisë Kufitare në Pikën e Kalimit Kufitar Kapshticë, gjatë kryerjes së procedurave të regjistrimit të shtetasve që kalojnë kufirin, kanë goditur një rast të korrupsionit. Shtetasi K. D., 26 vjeç, banues në fshatin Labinot, Elbasan, gjatë kryerjes së procedurave të regjistrimit në hyrje të Republikës së Shqipërisë, në momentin kur punonjësi i Policisë i ka kërkuar pasaportën, ai ia ka dhënë atë, me një kartëmonedhë të prerjes 20 euro në brendësi të saj, me qëllim përshpejtimin dhe shmangien e procedurave të kontrollit të dokumentacionit për kalimin drejt tokës shqiptare, pasi kishte kaluar kufirin në mënyrë të paligjshme.

Specialistët për Hetimin e Krimit Financiar-Ekonomik pranë Drejtorisë Vendore të Policisë Korçë, kanë shoqëruar 26-vjeçarin K. D., për veprime të mëtejshme./albeu.com

The post 20 euro brenda pasaportës për të shmangur kontrollin në Kapshticë, emigranti përfundon në komisariat appeared first on Albeu.com.

Tentoi të korruptonte policin me 2 mijë lekë, arrestohet 21-vjeçari në Tiranë (VIDEO)

E B — Fri, 09 Jul 2021 08:11:31 +0000

Policia ka vënë në pranga një 21-vjeçar pasi ka tentuar të korruptojë punonjësin e policisë me 2 mijë lekë të rinj, me qëllim shmangien e ndëshkimit për shkeljen e kryer.

Njoftimi i policisë:

Tiranë

Policia Rrugore e Tiranës godet një tjetër rast të mitëdhënies.

Vihet në pranga një 21-vjeçar, pasi tentojë të korruptojë punonjësit e Policisë Rrugore, për të shmangur masën administrative.

Gjatë këtij viti, Policia Rrugore e Tiranës ka goditur 10 raste të mitëdhënies.

Në vijim të goditjeve të njëpasnjëshme të tentativës për mitëdhënie dhe si rezultat i kontrolleve permanente parandaluese për evidentimin dhe ndëshkimin e atyre drejtuesve të automjeteve që shkelin rregullat e qarkullimit rrugor, në rrugën “Imer Ndregjoni”, efektivët e Komisariatit Rajonal të Policisë Rrugore Tiranë kanë konstatuar një drejtues mjeti që po përdorte aparatin celular gjatë drejtimit të mjetit.

Gjatë kryerjes së veprimeve policore për shkeljen e konstatuar, drejtuesi i mjetit, shtetasi me iniciale A. S., 21 vjeç, i ka ofruar punonjësit të Policisë një kartëmonedhë me prerje 2000 lekë të rinj, me qëllim shmangien e ndëshkimit për shkeljen e kryer.

Në përfundim të veprimeve u bë arrestimi në flagrancë i drejtuesit të mjetit, për veprën penale “Korrupsion aktiv ndaj personave që ushtrojnë funksione publike” dhe materialet i kaluan Prokurorisë së Rrethit Gjyqësor Tiranë, për veprime të mëtejshme./albeu.com

The post Tentoi të korruptonte policin me 2 mijë lekë, arrestohet 21-vjeçari në Tiranë (VIDEO) appeared first on Albeu.com.