Së fundmi kanë qarkulluar thashetheme se mes tyre mund të ketë pasur pakënaqësi ose përplasje. Megjithatë, shoqja e ngushtë e Jonidës prej 9 vitesh, Klodiana Ismailaj, e ftuar në emisionin LIVING DAY me moderatoren Brunilda Lahe, ka hedhur dritë mbi të vërtetën.

Ajo tha se nuk ka dëgjuar kurrë nga Jonida që të ketë pasur ndonjë konflikt me Soni Malajn.

Brunilda Lahe: A është e vërtetë se ka një konflikt mes saj edhe Sonit, është komentuar shumë gjatë këtyre ditëve?

Klodiana Ismailaj: Unë duhet ta kisha ditur. Unë jam 9 vite shoqaj e Jonidës, dhe këtë gjë nuk ma ka thënë që ka patur një konflikt.

Ndërsa gazetari Meridian Ramçaj shtoi se mes artistëve ka gjithmonë debate, por në këtë rast mediat i kanë ekzagjeruar situatat:

Meridian Ramçaj: Bruna, po më thuaj një artist që ka nuk ka patur një debat a një konflikt me një koleg, të cilën mediat më pas e kanë hiperbolizuar. Pjesa më e madhe aty kanë patur pakënaqësira aty kur kanë qenë jashtë.

Klodiana Ismailaj: Do ta shohim, mbetet për tu parë.

Meridian Ramçaj: Për atë punë janë.

Klodiana Ismailaj: Por unë si e sinqertë që jam, nuk e di të ketë patur.

The post Shoqja e Jonidës zbulon të vërtetën mbi marrëdhënien me Sonin, a ka konflikt mes tyre? appeared first on Albeu.com.

Në fjalën e tij, Trump mbrojti vendimin për të shpallur luftë kundër Iranit, duke e cilësuar regjimin e Teheranit si “vrasës” dhe duke e akuzuar për mijëra viktima mes protestuesve ndër vite.

Ai theksoi se ndërhyrja amerikane, ka dobësuar ndjeshëm kapacitetet ushtarake të Iranit dhe ka kufizuar kërcënimin bërthamor.

Gjithashtu, Trump theksoi se nuk mund të lejohet që Teherani të zhvillojë armë bërthamore.

“Gjatë katër javëve të fundit, forcat tona të armatosura kanë arritur fitore të shpejta, vendimtare dhe dërrmuese, fitore që bota nuk i ka parë më parë”, deklaroi ai, duke i cilësuar bombardimet si suksese të jashtëzakonshme ushtarake.

Presidenti amerikan u shpreh optimist për arritjen e objektivave strategjikë, duke thënë se SHBA ndodhet pranë realizimit të tyre.

Ai kërkoi durim nga qytetarët amerikanë, duke e konsideruar luftën si një “investim” për të ardhmen e vendit.

Në një ton paralajmërues, Trump deklaroi se sulmet do të intensifikohen në javët në vijim.

“Do t’i godasim shumë fort gjatë dy deri në tre javëve të ardhshme. Do t’i kthejmë në epokën e gurit”, u shpreh ai, duke shtuar se nëse nuk arrihet një marrëveshje, SHBA mund të godasë njëkohësisht infrastrukturën energjetike të Iranit.

The post Trump për sulmet në Iran: Armiqtë tanë po humbasin dhe Amerika po fiton! Do t’i kthejmë në epokën e gurit appeared first on Albeu.com.

Sipas tij, synimi themelor i strategjisë amerikane ka qenë parandalimi i Tehranit për të zhvilluar armë bërthamore.

“Ky ishte objektivi dhe është arritur”, u shpreh Trump, duke shtuar se zhvillimet në terren kanë dobësuar ndjeshëm kapacitetet ushtarake të Iranit.

Ai bëri të ditur se operacionet ndodhen në fazën përfundimtare. “Tani po e mbyllim këtë çështje. Mendoj se brenda dy javësh, ose pak më shumë, gjithçka do të ketë përfunduar. Synojmë të neutralizojmë çdo kapacitet që u ka mbetur”, deklaroi presidenti amerikan.

Trump la të hapur gjithashtu mundësinë e një marrëveshjeje mes Washingtonit dhe Teheranit, edhe para përfundimit të plotë të operacioneve ushtarake.

“Mund të ketë një marrëveshje”, tha ai, duke shtuar se rezultati nuk varet domosdoshmërisht nga pjesëmarrja e Iranit në negociata.

Në deklaratat e tij, Trump pretendoi se ndërhyrja amerikane ka vonuar programin iranian për dekada.

“Nuk ka rëndësi nëse ulen në tryezë apo jo. I kemi kthyer pas 15 deri në 20 vite. Nuk kanë flotë detare, nuk kanë ushtri, nuk kanë forcë ajrore”, u shpreh ai.

Ai shtoi gjithashtu se udhëheqja iraniane është dobësuar ndjeshëm, duke theksuar se vendi “nuk ka më liderë funksionalë”.

The post Presidenti Trump: SHBA-të do të largohen nga Irani brenda dy ose tre javësh, pavarësisht nëse kemi apo jo një marrëveshje appeared first on Albeu.com.

Sipas burimeve, raportojnë mediat ndërkombëtare, Teherani kërkon një sërë lëshimesh të konsiderueshme, duke përfshirë:

-Mbylljen e të gjitha bazave ushtarake amerikane në rajonin e Gjirit

-Pagesën e dëmshpërblimeve për sulmet ndaj Iranit

-Vendosjen e një regjimi të ri në Ngushticën e Hormuzit, që do t’i lejonte Iranit të vendoste tarifa kalimi

-Garanci se konflikti nuk do të rifillojë në të ardhmen

-Ndërprerjen e sulmeve izraelite ndaj Hezbollahut

-Heqjen e plotë të sanksioneve ndërkombëtare

-Të drejtën për të ruajtur programin e tij raketor pa kufizime

Një zyrtar amerikan i ka cilësuar këto kërkesa si jorealiste, ndërsa burime nga vendet arabe dhe Shtetet e Bashkuara kanë vlerësuar se ato e bëjnë edhe më të vështirë arritjen e një marrëveshjeje të mundshme.

The post Irani vendos kushte, ja çfarë kërkon për t’u rikthyer në bisedimet e armëpushimit me SHBA-në appeared first on Albeu.com.

Ambasada amerikane në Tiranë iu drejtohet amerikanëve që jetojnë në Shqipëri, teksa ka ndarë thirrjen e DASH, në të cilën theksohet se amerikanët duhet të ndjekin udhëzimet e sigurisë të lëshuara.

“Departamenti i Shtetit këshillon amerikanët në mbarë botën të tregojnë kujdes të shtuar. Pas nisjes së operacioneve luftarake të Shteteve të Bashkuara në Iran, amerikanët në mbarë botën dhe veçanërisht në Lindjen e Mesme duhet të ndjekin udhëzimet në njoftimet e fundit të sigurisë të lëshuara nga ambasada ose konsullata më e afërt e Shteteve të Bashkuara. Ata mund të përjetojnë ndërprerje të udhëtimeve për shkak të mbylljeve periodike të hapësirës ajrore”, thuhet në mesazh.

Njoftimi i plotë:

Departamenti i Shtetit u këshillon amerikanëve në mbarë botën të tregojnë kujdes të shtuar. Pas nisjes së operacioneve luftarake të SHBA-së në Iran, amerikanët në mbarë botën dhe veçanërisht në Lindjen e Mesme duhet të ndjekin udhëzimet në alarmet më të fundit të sigurisë të lëshuara nga ambasada ose konsullata më e afërt e SHBA-së. Ata mund të përjetojnë ndërprerje të udhëtimit për shkak të mbylljeve periodike të hapësirës ajrore.

Veprimet që duhen ndërmarrë:

Kur planifikoni udhëtime jashtë Shqipërisë, lexoni me kujdes Këshillat tona për Udhëtime, informacionin mbi vendin dhe çdo njoftim të fundit në https://travel.state.gov/en/international-travel.html  .

Regjistrohuni në  step.state.gov  për të marrë përditësimet më të fundit të sigurisë nga ambasada ose konsullata më e afërt e SHBA-së me anë të email-it.

Amerikanët në Lindjen e Mesme duhet të ndjekin udhëzimet më të fundit nga ambasada ose konsullata më e afërt e SHBA-së dhe të kontaktojnë Task Forcën tonë 24/7 për të marrë informacion dhe ndihmë me opsionet e udhëtimit për t’u kthyer në shtëpi të sigurt.

+1-202-501-4444 (nga jashtë shtetit)

+1-888-407-4747 (nga SHBA-ja dhe Kanadaja)

The post Konflikti në Lindjen e Mesme/ Ambasada e SHBA ndan thirrjen e DASH për qytetarët amerikanë: Bëni kujdes appeared first on Albeu.com.

Presidenti amerikan, u shpreh se sulmet e përbashkëta me Izraelin kanë degraduar ndjeshëm aftësitë bërthamore, arsenalin raketor dhe forcën ushtarake të Iranit.

“Po i afrohemi shumë përmbushjes së objektivave tona, ndërsa shqyrtojmë shkurtimin e përpjekjeve tona të mëdha ushtarake në Lindjen e Mesme në lidhje me Regjimin Terrorist të Iranit: (1) Degradimin e plotë të aftësisë së raketave iraniane, lëshuesve dhe gjithçkaje tjetër që lidhet me to. (2) Shkatërrimin e bazës industriale mbrojtëse të Iranit. (3) Eliminimin e Marinës dhe Forcave të tyre Ajrore, duke përfshirë edhe armët kundërajrore. (4) Moslejimin kurrë të Iranit që t’i afrohet aftësisë bërthamore dhe gjithmonë të qenit në një pozicion ku SHBA-të mund të reagojnë shpejt dhe fuqishëm ndaj një situate të tillë, nëse ndodh. (5) Mbrojtjen, në nivelin më të lartë, të aleatëve tanë të Lindjes së Mesme, duke përfshirë Izraelin, Arabinë Saudite, Katarin, Emiratet e Bashkuara Arabe, Bahreinin, Kuvajtin dhe të tjerë”, shkroi Trump.

Duke u ndalur te Ngushtica e Hormuzit, ai tha se do të duhet që të ruhet dhe mbrohet nga vendet e tjera që e përdorin. Nëse na kërkohet, shtoi ai, do t’i ndihmojnë këto vende për ta mbajtur hapur dhe pa rrezik nga Irani.

“Ngushtica e Hormuzit do të duhet të ruhet dhe të mbikëqyret nga kombe të tjera që e përdorin atë – Shtetet e Bashkuara nuk e bëjnë! Nëse na kërkohet, ne do t’i ndihmojmë këto vende në përpjekjet e tyre për Hormuzin, por kjo nuk duhet të jetë e nevojshme pasi kërcënimi i Iranit të zhduket. Është e rëndësishme të theksohet se do të jetë një Operacion Ushtarak i lehtë për ta”, shtoi ai.

The post Presidenti Trump: Po shqyrtojmë kufizimin e operacionit ushtarak në Iran, ngushtica e Hormuzit duhet të ruhet nga vendet e tjera appeared first on Albeu.com.

Sipas të dhënave të paraqitura, humbjet më të mëdha janë regjistruar në Iran , ku 1.444 persona janë vrarë dhe 18.551 janë plagosur.

Në Liban, sipas të dhënave më të fundit, numri i viktimave ka arritur në 912 dhe i të plagosurve në 2,221, ndërsa në Izrael numri i të vdekurve arrin në 17 dhe të plagosurve 3,727.

Në Irak, janë vrarë 58 persona, ndërsa në Kuvajt janë raportuar gjashtë vdekje dhe në Bahrein dy. Në Emiratet e Bashkuara Arabe, numri i të vdekurve është tetë dhe i plagosur 158, ndërsa në Oman janë regjistruar tre të vdekur dhe 15 të plagosur.

Të lënduar janë raportuar gjithashtu në Jordani (28) dhe Katar (16), ndërsa në Arabinë Saudite janë vrarë dy civilë dhe janë plagosur 12 të tjerë.

Në të njëjtën kohë, sipas të njëjtave të dhëna, 13 anëtarë të ushtrisë amerikane janë vrarë dhe afërsisht 200 janë plagosur që nga fillimi i operacioneve.

Harta bazohet në të dhëna nga ministritë e shëndetësisë dhe autoritetet e sigurisë të vendeve të përfshira dhe pasqyron situatën deri më 18 mars, duke vënë në dukje se shifrat do të ndryshojnë ndërsa konflikti vazhdon i pakontrolluar.

The post Lufta në Lindjen e Mesme, njihuni me hartën e konfliktit të përgjakshëm appeared first on Albeu.com.

Në kundërpërgjigje, Irani ka goditur zonën industriale Ras Laffan në Katar, e cila përfshin një nga impiantet më të mëdha në botë për përpunimin e gazit natyror të lëngshëm (LNG).

Në deklaratën e tij, Trump thekson se Shtetet e Bashkuara “nuk kishin asnjë dijeni” për sulmin izraelit dhe se Katari nuk kishte asnjë përfshirje apo informacion paraprak mbi të.

Ai shton se Izraeli reagoi “në mënyrë të ashpër”, si pasojë e tensioneve në Lindjen e Mesme.

Sipas tij, Irani nuk ishte në dijeni të kësaj dhe për këtë arsye sulmi ndaj Ras Laffan ishte “i pajustifikuar dhe i padrejtë”.

Trump paralajmëroi gjithashtu se Izraeli nuk do të ndërmarrë një tjetër sulm ndaj fushës ‘South Pars’, përveç rasteve kur Irani vendos të godasë një tjetër vend që ai e cilëson si të pafajshëm, në këtë rast Katarin.

Trump kërcënoi se nëse Irani sulmon sërish Katarin, SHBA do të reagojë duke goditur në mënyrë masive të gjithë fushën e gazit South Pars, “me një forcë dhe fuqi që Irani nuk e ka parë kurrë më parë”.

Megjithatë, Trump theksoi se nuk dëshiron të autorizojë një nivel të tillë dhune për shkak të pasojave afatgjata për Iranin, por paralajmëroi se nuk do të hezitojë të veprojë nëse infrastruktura e LNG-së në Katar sulmohet sërish.

The post Kërcënimi i presidentit Trump: SHBA do të ‘hedhë në erë masivisht’ fushën e madhe të gazit iranian nëse… appeared first on Albeu.com.

Ai theksoi se; “vala e pasojave globale sapo ka nisur dhe do të godasë të gjithë, pavarësisht pasurisë, fesë apo racës”.

Kreu i diplomacisë iraniane, shoqëroi deklaratën e tij me një kopje të letrës së dorëheqjes së një zyrtari amerikan të angazhuar në luftën kundër terrorizmit, i cili ka protestuar ndaj zhvillimeve të fundit në konflikt.

Araghchi shprehu gjithashtu kënaqësi për reagimet ndërkombëtare kundër përshkallëzimit të luftës, duke theksuar se gjithnjë e më shumë zëra, përfshirë zyrtarë evropianë dhe amerikanë, po e konsiderojnë të padrejtë një përballje ushtarake ndaj Iranit.

“Gjithnjë e më shumë zëra, përfshirë nga Evropa dhe Shtetet e Bashkuara po shprehen hapur se lufta kundër Iranit është e padrejtë. Më shumë anëtarë të komunitetit ndërkombëtar duhet të mbajnë të njëjtin qëndrim”, u shpreh ai.

The post Ministri i Jashtëm iranian paralajmëron: Lufta do të ketë pasoja globale, pavarësisht pasurisë, fesë apo racës, do goditen të gjithë appeared first on Albeu.com.

Raketa “Sejil”, e njohur gjithashtu si “Brimstone”, është një raketë balistike tokë-tokë, e zhvilluar tërësisht nga Organizata e Industrive Hapësinore e Iranit.

E pajisur me lëndë djegëse të ngurtë, Sejil është më e shpejtë për t’u lëshuar krahasuar me raketat me karburant të lëngshëm dhe ka aftësi manovrimi të larta, gjë që e bën të vështirë për t’u kapur nga sistemet konvencionale të mbrojtjes ajrore.

Raketa është 25 metra e gjatë, 1.25 metra në diametër dhe peshon rreth 2.3 ton metrikë. Ajo mund të mbajë koka luftarake deri në 700 kilogramë dhe në teori është e aftë të mbajë ngarkesa bërthamore.

Sipas Iranit, raketa mund të godasë Tel Avivin brenda shtatë minutash nëse lëshohet nga qendra e Iranit.

Një version i përmirësuar, i njohur si Sejil-2, u prezantua më 2009 me ndryshime në dizajn dhe shtesa për udhëzimin e saktë.

Flitet edhe për një version tjetër, Sejil-3, i cili mund të ketë një rreze maksimale prej 4,000 kilometrash – mjaftueshëm për të arritur në Evropë nga Irani.

The post Përshkallëzohet lufta në Lindjen e Mesme? Irani përdor për herë të parë raketa balistike “Sejil” appeared first on Albeu.com.