“Komisioni Hetimor për aferën e inceneratorëve zbuloi se pse Edi Rama nuk mund t’i shmanget përgjegjësive për vjedhjen prej 430 milionë euro. Ja çfarë u dëshmua në seancën e gjashtë dhe të fundit. Rama tha se ai nuk mban përgjegjësi për 430 milionë euro të vjedhura. Firma e tij ka legjitimuar çdo vendim abusiv”, shkruan PD./albeu.com

The post “Unë firmos pam, pam, pam”, PD publikon videon e Ramës: Ka legjitimuar vjedhjen e 430 milionë eurove appeared first on Albeu.com.

Por, deputeti Belind Këllici, i ka nxjerrë Ramës një video ku shihet në një ceremoni në inceneratorin e Elbasanit, pranë Gugalljës.

Rama vazhdon të mohojë njohjen me ta, duke thënë se ka qenë në shumë biznese dhe se nuk mban dot mend çdo njeri që takim.

Këlliçi: A mundet të ma shpjegoni se mbase jam unë naiv, kam 3 vite që flas, aferën më të madhe kriminale të 30 viteve? Si ka mundësi që 3 bashkëpuntorët sot janë shpallur në kërkim nga drejtësia në vend. Koka ndodhet në burg dhe nëse jeni krenar që e keni udhëhequr këtë revolucion? Pse nuk vijnë të dëshmojnë ata e të jenë krenarë si ti?

Rama: Ju keni folur për aferë shekulli. Ju thoni janë vjedhur 430 milionë euro. Sot me gojën e vet Tabaku pohoi se nuk na qenka tamam kështu

Tabaku: Jam këtu, s’kam nevojë të citohem.

Rama: Unë nuk i njoh, nuk i kam takuar ndonjëherë, të kem shkëmbyer ndonjë gjë. Këta po kërkohen sepse prokuroria dyshon për një aferë korruptive midis ministrit dhe këtyre se kanë ndarë para. Kjo është akuza. Flitet për një shumë që është midis tyre dhe ata si njerëz adult janë përgjegjës para ligjit. Ju siguroj se unë nuk gëzohem dot për askënd që përfundon para hekurave por për mua ky proces që ndodh sot është proces historik, edhe për këtë ballafaqim por edhe se kemi një drejtësi që ka filluar të bëjë gjëra që më parë nuk imagjinoheshin,

Këlliçi: Kam një video këtu në inagurimin e inceneratorit të Elbasanit që jeni nën shoqërinë e tyre.  Ja ku jeni se jeni 2 metra, marshallah, Sapo thatë që nuk i ke takuar.

Rama: Unë kam shkuar në shumë biznese dhe ka njerëz që kam folur kanë ndenjur mbrapa. Është si të them unë është një foto e djalit të liderit historik me kriminelë.

The post Rama tha se nuk i njeh, Këlliçi i nxjerr videon: Ja ku jeni me Stela Gugalljën appeared first on Albeu.com.

Gjatë marrjes në pyetje të sekretarit të Përgjithshëm të Këshillit të Ministrave Ëngjëll Agaçi, Jorida Tabaku iu drejtua atij me një pyetje në lidhje me arrestimin e disa personave në Itali që sipas saj kanë njohje me Agaçin.

Kjo solli reagimin e deputetit socialist Etjen Xhafaj i cili tha se me këtë ritëm duket se komisioni do të vazhdojë edhe për 5-6 orë të tjera pasi duhet show pas përfundimit të Big Brother Vip.

“Unë e kam për procedurë doja t’ju falenderoja për dëshminë tuaj korrekte. Ajo që po ndodh këtu dhe ky është konstatim. Konstatimin po e bëj me një objektiv. Duke qenë se besoj se do jemi nja 5-6 orë.

Tani që ka mbaruar Big Brother duhet një shoë alternative dhe duhet vëmendje alternative. Do vazhdojë të pyesim bazuar në famën dhe imazhin që keni. Do doja të fokusoheshim tek ato që kemi disa ditë që i përsërisim”, u shpreh ai./albeu.com/

The post “Do zëvendësojmë Big Brother”, deputeti socialist te “Inceneratorët”: Do vazhdojmë dhe 5-6 orë këtu appeared first on Albeu.com.

Ajo është pyetur se pse nuk ka filluar prodhimi i energjisë dhe dalja e saj në treg nga inceneratorët? “Sepse është ERE që ajo që vendos çmimin, jo ministrisë” ka qenë përgjigja e Ballukut.

Pjesë nga diskutimi:

Bushati: Kam këtu tekstin e ministrit të Energjitikës për Elbasanit. A do të bëni një nismë ligjore për Fierin?

Balluku: Ju doni një përgjigje tjetër por nuk ua bëj këtë favor. Nuk ju ndihmoj dot. E konsideroj si një nga arritjet më të mëdha se do të prodhohet energji, nga malet  e plehrave do të kemi burim energjie te pastër që do të shëndoshë financat e bashkive.

Bushati: Impianti i Elbasanit nuk ka çmim të energjisë që prodhon. A ndiheni përgjegjëse për këtë fakt?

Balluku: Nuk ndihem përgjegjëse dhe pushtetet janë të ndara. Ministria as nuk merr përsipër t’i bëjë përsipër ERE-s kur do nxjerrë çmimin. Ka pasur një proces me ERE, me shkresën e saj kemi një vendim të gjykatës e cila ka pranuar detyrimin e ERE të përcaktojë çmimin. I kemi ri kërkuar ERE për përcaktimin e çmimin, kjo është detyra e ministrisë së Infrastrukturës. ERE është rregullator, ministria e Infrastrukturës. Shpresoj që ERE ta përcaktojë sa më shpejt çmimin.

Bushati: Pse nuk ka dalë në treg kur energjia sot është shumë e lartë?

Balluku: Dalja në treg të lirë duhet bërë në parametrat e legjitimitetit. Dy ditë para dorëzimit të impiantit te bashkia, është vendosur në sekuestro. Do të përdoret sa më shpejt.

The post “Impianti i Elbasanit nuk ka çmim të energjisë që prodhon”, Balluku: Përgjegjësi e ERE, jo e ministrisë appeared first on Albeu.com.

Cani ka shtuar se duhej të shikohej eficensa e inceneratorit dhe pagesa e parë do të bëhej vetëm pasi inceneratori të vendosej në punë.

Pjesë nga fjala e Canit:

Helindon Bushati: Për rastin e Elbasanit dhe Fierit, duhej prokurim publik apo koncesion?

Shkelqim Cani: Nuk është ministria e Financave mbi ministritë që do të gjykojë nëse duhet kjo apo jo, duhet me këtë mënyrë apo në atë mënyrë. Ligji imponon autoritetin kontraktues të vlerësoje nëse do të bëhej me këtë mënyrë apo atë mënyrë. Në dijeninë time tani dhe në kujtesën time është, nëse do t’i referohemi edhe asaj që lexoi znj.Felaj dhe ne e kemi theksuar, është argumentuar që kjo mënyrë është më e mirë nga prokurimi publik.

Helidon Bushati: Tek faqja 2, ju thoni se “Minstria e Financave nuk mund të shprehet për këtë pro-aktivë për sa kohë nuk janë plotësuar kriteret”. Keni dhënë mendim negativ. Keni edhe një shkresë tjetër, ku ju miratoni një procedurë, ku nga ana kohore, 6-7 ditë. Edhe ju në eficencë keni dhenë Ok. Tek pjesa e financimit shpreheni se fillimi i financimit duhet të jetë pasi të mbarojë investimi tek vepra. Pasi të mbarojë vepra, të ketë mbaruar investimit, atëherë duhet të fillonte investimi nga buxheti i shtetit. Kjo është letra juaj. As tek Elbasani, as tek Fieri kjo gjë nuk ka ndodhur. Tek kontratat e Elbasanit nuk u mor parasysh ky vendim?

Shkelqim Cani: Unë jam një ish zyrtar që duhet të përgjigjem me drejtësi. Po ky ishte mendimi i ministrisë së Financave. Po, duhej të vihej në punë. Shihej eficenca. Madje, po ta doni ju, akoma më shumë kam thënë sesa thoni ju. Organet kompetente ta vlerësojnë eficenën dhe jo ju. Por këto janë çështje të negociatave.

Unë që jam marrë me praktikën e punërave të ndryshme. Ne sugjerojmë, ministria e Financave ka pozicion negociator. Sepse ai zoti i shtëpisë që duhet të fusë dorën në xhep të nxjerrë paret. Ai fëmija i kërkon akullore. Ai është ën të drejtën e vet. Por kur nuk ka pare për bukën si do të ia japë akulloren?! Ministria e financave është konservatore. Ne ia dhamë miratimin. Por ishte një kërkesë që duhej parë gjatë negociatave. Por pagesa e parë duhej bërë, mundësisht pasi të vihet në punë. Pse? sepse ishte hera e parë që bëhej një investim i tillë. Pjesa negociomit mund ta bëjë ose jo këtë gjë. Sepse edhe atje ke një kundërpalë, “Më parapaguaj, që ta ndërtoj”. Ne i themi “Jo, ndërtoje ti, vëre ne funksionim, verë ne eficencë, pastaj të paguaj.” Negocio, që mundësisht të paguash në fund. Për ata që negociojnë kontratat.

The post Dëshmia e ish-ministrit të Financave: Kam kërkuar që inceneratori të vihej në punë, më pas pagat appeared first on Albeu.com.

Për të dëshmuar, sot ka qenë kryetarja e emëruar e Bashkisë së Durrësit, Emiriana Sako, e cila gjatë debatit me kryetaren e Komisionit të Inceneratorëve shpërtheu në ofendime.

Pjse nga debati:

Ina Zhupa: Si i depozituat mbetjet pa kontratë?

Emiriana Sako: Kësaj pyetje i dhashë përgjigje.

Jorida Tabaku: Mos flisni me arrogancë, ju lutem respektoni komisionin.

Emiriana Sako: Arrogancën dhe injorancën e gjej këtu, pasi shoh që nuk e keni lexuar ligjin dhe nuk keni parë procedurat me një objekt që është tërësisht jashtë objektit tuaj. Kontratën me Sharrën nuk e kam lidhur unë si individ, praktika është online dhe transparente.

Ina Zhupa: Nuk kam arritur te tenderi, që keni shkelur. Cili nen ua garanton ta bënit negocimin 10 mln euro pa shpallje?/albeu.com

The post “Arrogantë dhe injorantë”, Sako shpërthen në ofendime në Komisionin Hetimor për Inceneratorët appeared first on Albeu.com.

Sako është larguar pas disa minutash dëshmi, duke mos u përgjigjur pyetjeve.

Ndërkohë kryetarja e Komisionit Hetimor, Jorida Tabaku, kërkoi që Sakos ti përgatitet një padi, për refuzim të dhënies së dëshmisë.

“Ju lutem të përgatit një padi ndaj Emirjana Sakos. Për refuzimin për të dëshmuar. Se jam përpjekur maskimialisht të ruaj qetësinë. Një kallëzim i kërkoi këshilltarëve të Komisionit”, ka deklaruar Tabaku./albeu.com/

The post Kryebashkiakja e Durrësit braktis Komisionin Hetimor të Inceneratorëve, Tabaku: Bëjini gati padinë appeared first on Albeu.com.

“Raste si Stela Gugallja nuk e nderojnë këtë komision. Mazhoranca do që ky komision do të dështojë. Nuk dua të jem pjesë e këtij komisioni dhe nga sot e në vazhdim nuk do jem pjesë e komisioneve derisa ata që kërkojnë komisionet hetimore të kenë shumicën. Në Shqipëri nuk mbahen referendume dhe do të ndërmarr një iniciativë ligjore që të ndryshojë ligjin për komisionet hetimore. Mazhoranca në daç ta votojë në daç jo. Unë e ndjej si detyrim këtë gjë, faleminderit”, tha Spaho.

Kryetarja e komisionit, Jorida Tabaku theksoi se vullneti është që ky proces të shkojë përpara dhe në fund të dalin me rezultate konkrete.

“Unë ju falenderoj, ndaj disa nga shqetësimet tuaja. Si për gazetarin Rama dhe rastet e tjera, ka qenë dëshira ime që ju të ishit anëtar në komision. Dua t’ju kundërshtoj. Ky komision po hedh dritë për këtë aferë, nuk e lë unë që të dështojë. Ne nuk kemi pasur kompromis për diçka apo për këdo. I falenderoj anëtarët e komisionit, e po hedhim dritë për këtë aferë. Unë kam kërkuar këshilltarit ligjor për përjashtimin e zonjës Felaj. Do shumë guxim dhe integritet t’i vendosësh emër komisionit. Unë falenderoj deputetët e opozitës për këtë. I di vështirësitë për këtë. Unë shpresoj që juve të jenë pjesë e këtij komisioni, nëse gjykoni të mos jeni kemi zëvendësues, por është një përpjekje në ekip për t’i dhënë spunton e duhur këtij komisioni. Ju e shikoni se çfarë pyetjesh i bëjmë dëshmitarëve, pa asnjë kompromis. Ju do të doja të jeni pjesë, ju keni drejtuar disa komisione, unë e kam për herë të parë. Duhet t’ia dalim të gjithë si ekip”, tha Tabaku.

Nga ana tjetër, administratori i inceneratorit të Fierit, Lorant Dusha nuk është paraqitur sot në Komisionin Hetimor ku ishte thirrur për të dëshmuar, me arsyetimin se ishte prekur nga Covid-19.

Pasi dha njoftimin, Tabaku kërkoi nga administrata e Kuvendit, që të riskedulojmë takimin në platforma online.

“Në orën 10:00 ne kishim thërritur për të dëshmuar zotin Lorant Dusha, administrator i inceneratorit të Fierit. Ai kishte dëgjuar që ishte dëshmitar, ne i kishim nisur një shkresë që e kishte sjellë mbrapsht.

Na kishte sjellë përgjigje që është shumë i dëshiruar që të vijë në këtë komision, do patjetër që të dëshmojë, kishim rënë dakord që do të vinte ndërsa sot në mëngjes sjell një letër që është me Covid. Kështu sëmuren këta me Covid sa herë ndodh diçka.

Ky Komision do të presi 24 orë, do t’i kërkoj Kuvendit që ta riskedulojmë takimin që të komunikojmë me të me një nga platformat e teknologjisë.” u shpreh Tabaku./albeu.com

The post Spaho paralajmëron largimin nga komisioni i inceneratorëve, administratori i atij të Fierit nuk paraqitet për të dëshmuar appeared first on Albeu.com.

Kujtojmë se pjesë e Komisionit janë edhe deputetët e përjashtuar Edmond Spaho dhe Belind Këlliçi.

Pjesë nga diskutimi në studio:

Jorida Tabaku: Sigurisht që na jep kapital politik. Në fund të ditës jemi duke bërë një betejë politike për të luftuar diçka që e konsiderojmë korruptive. Me aq sa e kam ndjekur këtë çështje në asnjë moment nuk jemi kompleksuar për të folur për këdo. Shikoni dëshmitë a është larguar dikush.

Endri Xhafo: Përse nuk ka asnjë anëtar nga LSI në komision?

Jorida Tabaku: Sepse u kërkua nga PD ngritja e këtij komisioni.

Endri Xhafo: Edmond Spaho është i përjashtuar nga PD…

Jorida Tabaku: Zoti Spaho ka pasur një vendim për ta përjashtuar atë para 3 javësh duhet një vendim Kuvendi për ta përjashtuar, të gjithë deputetët e opozitës janë në unison për këtë aferë.

Endri Xhafo: Keni gjetur gjuhën e përbashkët, unë ju kam ndjekur kur ishit live në inceneratorin e  Tiranës, më bëri përshtypje është që faqja zyrtare e PD e ndërpreu kur doli Këlliçi

Jorida Tabaku: Duhet ti pyesësh të gjithë anëtarët e komisionit se kush i ndihmon. Ata janë në mbështetjen time për ta denoncuar këtë dhe të gjithë kemi një interes të përbashkët. Jam unë që u kërkova të vinte te inceneratori i Tiranës. Më duket pa sens për ta diskutuar./albeu.com/

The post Tabaku: Jemi në unison me deputetët pro-Berishës në Komisionin Hetimor të Inceneratorëve appeared first on Albeu.com.

Ata pritet të bëjnë një inspektim mbi aktivitetin e këtij inceneratori që ishte në qendër të skandalit disa milion euro, duke bërë që të arrestohej ish-ministri Lefter Koka si edhe të shpallen në kërkim Stela Gugallja dhe Klodian Zoto.

Debatet

Vijoi debate mes deputetëve mbledhja e Komisionit Hetimor për Inceneratorët. Kryetarja e komisionit Jorida Tabaku e ka cilësuar skenë krimi inceneratorin e Elbasanit duke shkaktuar edhe reagimin e deputetes socialiste Ermonela Felaj, e cila tha se në fakt, ky investim ka përmirësuar cilësinë e ajrit në qytet.

Tabaku theksoi se Inceneratori i Elbasanit quhet skenë krimi pasi në emër të tij është arrestuar një ish-ministër dhe tre persona të tjerë janë shpallur në kërkim ndërkombëtar.

“Është një skenë krimi. Çdo mbrojtje është mbrojtje politike për këtë grup kriminal me 3 persona të shpallur në kërkim ndërkombëtar dhe 1 ministër të arrestuar “, tha Tabaku, ndërsa deputeti demokrat Luçiano Boçi tha se në krye të të gjithë kësaj skeme qendron kryeministri Rama.

Përballë këtyre akuzave, Felaj tha se situata tani në Elbasan është më mirë sa i përket pastërtisë së ajrit krahasuar me periudhën para funksionimit të inceneratorit.

“Ka përmirësuar cilësinë e ajrit në atë qytet. Situata mjedisore në Elbasan nuk ka qenë kaq rozë, por ka qenë e rënduar dhe kërkonte ndërhyrje. Prandaj u shpall emergjenca mjedisore”, tha Felaj.

Deputetët vendosën që të bëjnë një inspektim edhe në inceneratorin e Elbasanit ashtu siç bën edhe në Fier pak ditë më parë.

Inceneratorët kanë qenë kryefjalë në dy vitet e fundit në Shqipëri, ndërsa ditën e sotme çështja u rikthye sërish pasi Prokuroria e Posaçme Anti-Korrupsion arrestoi ish-ministrin e Mjedisit Lefter Koka dhe shpalli në kërkim dy emra të tjerë të njohur që kanë në pronësi kompanitë, Stela Gugallia dhe Klodian Zoto.

Aktualisht në Shqipëri janë tre inceneratorë, Tiranë, Elbasan dhe Fier. Opozita ka bërë akuza të forta për lidhje të politikanëve dhe zyrtarëve të lartë në rang ministrash por edhe kryebashkiakësh me skemën e inceneratorëve që e cilëson vjedhje të hapur të milionave eurove. PD dhe LSI depozituan dy padi duke vendosur SPAK-un në lëvizje që ditën e sotme solli arrestimin e bujshëm.

Çfarë janë inceneratorët?

Trajtimi i mbetjeve me djegie ose njohur ndryshe me incenerim është një metodë e njohur. Në Shqipëri impiantet u ndërtuan me fondet e buxhetit të shtetit. Djegia e materialeve të mbetjeve konverton mbeturinat në hi, gaz dhe nxehtësi. Energjia e gjeneruar nga djegia e plehrave edhe sipas kushteve të parashikuara në kontratat e inceneratorëve të miratuar në Shqipëri duhet të përdorej më pas për të gjeneruar energji elektrike.

Kur nisi historia?

Historia e djegies së mbetjeve me qëllim prodhimin e energjisë nisi në dhjetor të vitit 2014, kur qeveria shqiptare shënoi një kthesë 180 gradëshe nga strategjia kombëtare e miratuar në përputhje me direktivën e Komisionit Europian. Kjo strategji i jep prioritet parandalimit dhe riciklimit të mbetjeve, ndërkohë që e konsideron asgjësimin si opsion të fundit.

Në 2015 filluan që të konkretizohen lëvizjet dhe të përkthen në veprime ligjore për kontratat koncesionare të inceneratorëve. Impiantet e trajtimit të mbetjeve nëpërmjet metodës së incinerimit përmes koncesioneve Partneritet Publik – Privat në qytetet Elbasan, Fier dhe Tiranë janë politikat më të debatuara të qeverisë.

Qeveria ka firmosur tre kontrata koncesionare për ndërtim inceneratorësh në Elbasan, Fier dhe në Tiranë me një vlerë investimi prej 178 milionë eurosh në total. Politika e menaxhimit të mbetjeve është kritikuar në progres-raportin e Bashkimit Europian të vitit 2018.

Pronarët e PPP-ve

Fituesit e koncesioneve janë një rrjet kompanish të vogla në ortakëri me njëra-tjetrën si dhe kompani të regjistruara në parajsa fiskale me pronarë të panjohur.  Inceneratori i Elbasanit u fitua nga kompania “Albtek Energy” më 12 dhjetor 2014 për 2.1 mln euro. Kompania është themeluar më 10 korrik të 2014 nga Stela Gugallja. Inceneratorin e Tiranës e fitoi kompania “Integrated Energy B.V S.P.V” pas ofertës prej 128 mln eurosh më 31 gusht 2017. Kompania rezulton e regjistruar në Holandë me drejtues Klodian Zoton. Inceneratori i Fierit u fitua nga kompania “Integrated Technology Waste Treatment Fier” e themeluar në tetor të 2016. Kompania zotërohej fillimisht nga “Integrated Energy Services” me 80 për qind dhe dhe kompania italiane “Energy 2” me 20 për qind të aksioneve.

Kostot

Në vendin tonë janë aktualisht tre kontrata për inceneratorë, Elbasan, Fier dhe Tiranë. Koncesioni i trajtimit të mbetjeve Elbasan (Albtek Energy), me kosto totale prej 5.3 miliardë lekësh ka kapacitet përpunues do të jetë rreth 120-140 ton/ditë, sipas deklarime zyrtare në kontratë.

Inceneratori i trajtimit të mbetjeve Fier (“Integrated Technology Waste treatment Fier”) ka një kosto totale prej 3.97 miliardë lekë. Kapaciteti përpunues 180-200 ton/ditë. I treti është trajtimi i mbetjeve Tiranë (“Integrated Energy B.V shpk”), me kosto totale 31.17 miliardë lekë dhe kapacitet përpunues 550-800 ton/ditë.

Koka dhe funksionimi i skemës që zbuloi SPAK?

Ish- ministri i Mjedisit Lefter Koka është arrestuar, ndërsa janë shpallur në kërkim biznesmenët Klodian Zoto dhe Stela Gugallja për aferën e ndërtimit të inceneratorëve. Në njoftimin zyrtar të prokurorisë së posaçme bëhet me dije se, ndaj Kokës janë ngritur katër akuza, “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.

Biznesmeni Klodian Zoto që është pronari I kompanisë “Albtek Energy” që ka në zotërim inceneratorin e Elbasanit dhe Stela Gugallja që zotëron kompaninë “Integrated Technology Services” që ka ndërtuar inceneratorin, përmes një skeme fiktive kanë kaluar për llogari të ish-ministrit dy shuma monetare në këmbim të dhënies së licencës. Sipas prokurorisë, Zoto me kompaninë e tij ka kaluar për llogari të disa kompanive të ish-ministrit dhe familjarëve të tij shumën prej 2 milionë e 950 mijë euro, me pretendimin se janë paguar punime që në të vërtetë nuk janë kryer nga këto kompani.

Në të njëjtën formë edhe kompania në zotërim të Gugallës ka kaluar një shumë prej 735 mijë euro. Në total këta biznesmenë kanë paguar 3 milionë e 685 mijë euro shoqërive që dyshohet se janë në pronësi të ish ministrit Koka dhe familjarëve të tij. Prokuroria pretendon se tenderi për ndërtimin e inceneratorit të Elbasanit është përfituar në shkelje të ligjit.

Në procedurën e ndjekur për dhënien e koncensionit dhe lidhjen e kontratës me shoqërinë “Albtek Energy” është ndjekur procedura “me negocim, pa shpallje paraprake të njoftimit”, por ligji parashikon që për dhënien e koncensionit munden të përdoren vetëm një nga tre procedurat: A) procedura e hapur; B) procedura e kufizuar; ose procedura me negocim, me shpallje paraprake të njoftimit të kontratës. Për këtë, prokuroria bën përgjegjës ish-ministrin Koka si personi që ka organizuar tenderin dhe fitues është shpallur kompania në pronësi të Zotos.

Ndërkohë SPAK ka vendosur nën sekuestro inceneratorin e Elbasanit, kompaninë që e ka ndërtuar si dhe 88 përqind të aksioneve të kantinës së njohur të pijeve alkoolike Gjergj Kastrioti Skënderbeu në pronësi të Lefter Kokës. Hetimi i SPAK ka nisur pas kallëzimit të PD dhe LSI. /abcnews.al

The post Debati në mbledhjen e sotme çoi deputetët e Komisionit Hetimor tek inceneratori që futi në burg ish-ministrin Koka appeared first on Albeu.com.