Në pjesën e parë të përzgjedhurit e seleksionuesit Bllagoja Milevski ishin më të mirë se kundërshtari, duke krijuar më shumë raste shënimi dhe duke pasur lojë më të mirë, por u ndëshkuan në minutën e fundit të fraksionit të parë me një gol të Joveticit.

Pjesa e dytë ishte e barabartë në lojë nga të dyja përfaqësueset dhe rezultati nuk ndryshoi deri në fund, me ndeshjen që u mbyll me fitore të Malit të Zi.

Kjo ishte ndeshja e dytë dhe e fundit për Maqedoninë për këtë muaj në program, ndërsa takimet i radhës do ti ketë në muajin qershor me dy ndeshjet tjera miqësore.

Kujtojmë se në takimin e parë me Moldavinë, përfaqësuesja e Maqedonisë e mbylli me barazim 1:1. /Telegrafi/

The post Maqedonia humb miqësoren e dytë në Antalia, mundet nga Mali i Zi appeared first on Albeu.com.

Para kësaj sfide në një konferencë shtypi ka folur kapiteni i Maqedonisë, Enis Bardhi, i cili ka thënë se këto dy ndeshje miqësore do t’iu shërbejnë si përgatitje për Ligën e Kombeve.

“Jemi grumbulluar pas disa muajve pauzë në përfaqësuese. Besoj se jemi të gatshëm dhe mendoj që këtë herë shumica e lojtarëve kanë më shumë minutazhë në ekipet e tyre. Forma e djemve besoj që është ne një nivel fizikisht pak më të lartë dhe jemi përgatitur që ta shohim veten në këto dy miqësore, të cilat do të na shërbejnë për ndeshjet e ardhshme në Ligën e Kombeve dhe të përgatitemi për ato sfida, që janë të rëndësishme për neve dhe të japim maksimumin”, ka thënë Enis Bardhi.

Dueli ndërmjet Maqedonisë së Veriut dhe Moldavisë do të zhvillohet nesër në stadium “Mardan” të Antalias, duke nisur nga ora 15:30.

Maqedonia nuk do të ketë në dispozicion vetëm Stefan Ashkovskin, i cili edhe pse është i grumbulluar në Antalia, për shkak lëndimit nuk do të mund të luaj, përderisa të gjithë futbollistët tjerë janë në dispozicion të seleksionuesit, Bllagoja Milevski për ndeshjen e nesërme. /Telegrafi/

The post Enis Bardhi: Këto miqësore do të na shërbejnë për Ligën e Kombeve appeared first on Albeu.com.

Enis Bardhi së bashku me futbollistët tjerë si Ezgjan Alioski, Agon Elezi, Visar Musliu janë bashkuar në kampin e Maqedonisë në Antalia, ndërsa për shkak lëndimeve në këtë grumbullim do të mungojnë Isnik Alimi dhe Erdon Daci.

Përfaqësuesja e Maqedonisë të dyja ndeshjet do ti luaj në tokën turke, ku me 22 mars do të përballet fillimisht me Moldavinë, teksa tre ditë më vonë do të luaj sfidën me Malin e Zi.

The post Enis Bardhi me shokë grumbullohen në Antalia për ndeshjet e Maqedonisë appeared first on Albeu.com.

Futbollisti shkupjan ka pësuar një lëndim me skuadrën e tij Beveren dhe nuk do ti bashkohet grupit të reprezentuesve në grumbullim të hënën në Antalia.

Skuadra e tij Beveren humbi 0:1 nga Patro Eisden, teksa Erdon Daci luajti për 83 minuta. Reprezentuesi i Maqedonisë këtë sezon regjistron shtatë paraqitje me klubin belg, ku ka shënuar një gol dhe një asist.

Kujtojmë se Maqedonia e Veriut ndeshjen e parë kontrolluese do ta luaj me 22 mars, ndërsa tre ditë më vonë do të përballet me Malin e Zi.

Të dyja ndeshjet do të luhen në Antalia të Turqisë, ndërkohë nga Federata e futbollit të Maqedonisë nuk kanë bërë të ditur se a do të bëhet ndonjë ftesë tjetër në vend të Erdon Dacit. /Telegrafi/

The post Erdon Daci lëndohet, do të mungojë te Maqedonia për dy ndeshjet e muajit mars appeared first on Albeu.com.

Në listën e Milevskit janë përfshirë 28 futbollist për këto dy sfida, ndërsa risi është një emër i ri shqiptar. Bëhet fjalë për Lirim Qamilin, i cili për herë të parë merr ftesë për në përfaqësuesen e vendit. Shqiptari është pjesë e kampionatit të Danimarkës dhe luan me ekipin e Hvidovres.

Me Lirim Qamilin janë gjashtë shqiptar të ftuar për këto sfida, duke përfshirë futbollistët standart si Enis Bardhi, Ezgjan Alioski, Visar Musliu, Agon Elezi dhe Erdon Daci.

“Mezi presim takimin e ri pas një pauze të gjatë që nga ndeshja e fundit e eliminatoreve për Kampionatin Europian. 28 futbollistë do të udhëtojnë drejt Turqisë. Besoj se nuk ka asnjë arsye për ndonjë ndryshim të madh. Mbetemi me besim te lojtarët që luajtën kualifikueset e fundit, duke thirrur për herë të parë Lirim Qamilin nga Hvidovre e Danimarkës. Bëhet fjalë për një futbollist ofensiv që ka një vazhdimësi ndeshje të mira në klubin e tij dhe duam ta shohim në ambientin përfaqësues”, ka thënë seleksionuesi Milevski.

Grumbullimi i reprezentuesve të Maqedonisë do të bëhet të hënën (18.03.2024) në Antalia të Turqisë, aty ku do ti zhvillojnë të dyja ndeshjet kontrolluese.

Të përzgjedhurit e seleksionuesit Milevski, fillimisht do ti matin forcat me Moldavinë me 22 mars, ndërsa tre ditë më vonë përballen me Malin e Zi. /Telegrafi/

The post Maqedonia publikon listën për miqësoret e marsit appeared first on Albeu.com.

Këtë e ka konfirmuar seleksionuesi Bllagoja Milevski në një intervistë të publikuar nga Federata e Futbollit të Maqedonisë.

“Veçanërisht më vjen keq për mungesën e Arijan Ademit, i cili për arsye personale vendosi t’i japë fund karrierës së tij në përfaqësuese. Kam pasur një bisedë me Arijanin. Do të na mungojë edhe si njeri edhe si futbollist. Ai është kategorik në vendimin e tij. Ai ndjen se ky është momenti për përfundimin e paraqitjeve të tij në përfaqësuese dhe ne nuk do të llogarisim tek ai. Të gjithë duhet të shprehim mirënjohje për kontributin e tij për Maqedoninë dhe për futbollin tonë në përgjithësi”, ka thënë mes tjerash Milevski.

Përfaqësuesja e Maqedonisë së Veriut në futboll do të luaj dy ndeshje kontrolluese në Antalia këtë muaj ndaj Moldavisë dhe Malit të Zi. /Telegrafi/

The post Arijan Ademi pensionohet nga përfaqësuesja e Maqedonisë appeared first on Albeu.com.